Gálatas 4:4 - Tz'utujil (Ja Cꞌacꞌa Chominem)

⁴ Pro ja Dios tok tzꞌakati ja tiempo ja chomarsanto rmal tokocꞌariꞌ xutakto ja Cristo ja Ralcꞌwal. Xalaxi ja Ralcꞌwal Dios chwirukꞌaꞌ jun ixok in qꞌuejeꞌ na pa rukꞌaꞌ ja ley ja yaꞌon can tre ja Moisés ojer rmal ja Dios.

Tz'utujil NT

⁴ Per Dios tak xetz'kata tiemp je rchumsan ta, xutak ta Cristo je Rlec'wal. Xalexa Rlec'wal Dios churuk'a' jun ixak y xec'je' na pruk'a' ley je y-on cana tzra Moisés ojer rmal Dios.

Gálatas 4:4 Iomraidhean Croise

San Mateo 1:23

—Bien tecꞌwaxaj ja wariꞌ, cꞌo jun kꞌapoj xtan nyawaj na in rmalariꞌ tok nqꞌuejeꞌe jun ti ral talaꞌ. Jariꞌ talaꞌ Emanuel xtibinaꞌax tre. Queriꞌ ja tzꞌibtal can. Emanuel tibij tzij Dios cꞌo kuqꞌuin.

San Mateo 3:15

In bix tre rmal ja Jesús: —Camic ni ninaban wiꞌ bautizar como rjawaxic chi nkaban cumplir nojel ja najoꞌx chake rmal ja Dios chi nkaban, neꞌxi ja Juan. Cꞌacꞌariꞌ ja Juan xuban ja bautismo.

San Mateo 5:17

Maxta techꞌob chwij chi anin inpenak chi nunyojoꞌ ja ley xin Dios ja tzꞌibtal can rmal ja Moisés nixtacꞌa ja ta chakajaꞌ ja bin can jeꞌe cumal ja profeta. Ma queriꞌ ta, ma inpenak ta chi nunyojoꞌ, anin inpenak chi nunbanaꞌ cumplir.

Marcos 1:15

Quewaꞌ nbij riꞌ: —Camic xurtzꞌakati ja tiempo, ja gobierno xin Dios xa nnakajinto rmalcꞌariꞌ tok nbij chewe, teqꞌuexaꞌ ja renaꞌoj in teyaꞌaꞌ can ja ritzelal, tenimaj ja utzlaj tzij ja rcꞌamonto ja totajem xin Dios, neꞌe.

San Lucas 1:31

Ja camic nqꞌuejeꞌ na cꞌaslemal chawij, cꞌo jun tawal talaꞌ nqꞌuejeꞌ na. Ja cꞌa tok xtalaxi ja talaꞌ Jesús rubiꞌ xtabinaꞌaj tre.

San Lucas 1:35

Quewaꞌ bix chic tre rmal ja ángel riꞌ: —Ja rEspíritu Santo arjaꞌ nkajto na awqꞌuin in ja poder rxin ja nimlaj Dios jariꞌ nsamaj na awqꞌuin rmalcꞌariꞌ tok ja santilaj acꞌal ja xtiqꞌuejeꞌ chwiakꞌaꞌ Ralcꞌwal Dios xtibinaꞌax tre.

San Lucas 2:7

Triꞌ cꞌa xalax wiꞌ ja ti ral talaꞌ, ti nabey winak. Xubar pa tziak. Ja cꞌa tok bartaj rmal cꞌo jun quiwabal chicop xcanoj in xcotzꞌbaꞌ chipan. Queriꞌ cꞌa xuban, pa quicꞌolibal chicop xeqꞌuejeꞌ na wiꞌ como enojnak chic ja winak chipan ja posada.

San Lucas 20:44

Ja cꞌa David: —Wajaw, neꞌ tre ja Cristo, tebij cꞌa chwe camic ¿nak tre tok nbix tre ja Cristo chi ralcꞌwal can ja David? Queriꞌ xbij ja Jesús chique.

San Juan 1:14

Ja Ralcꞌwalaxel ja nkꞌalasani janiꞌ rnaꞌoj ja Dios arjaꞌ kajto, xoc kach winak, qꞌuejeꞌ chikacojol. Katzꞌat ruqꞌuin kawach chi ja rcꞌaslemal arjaꞌ mero rcꞌaslemal ja Dios, junan ruqꞌuin ja rcꞌaslemal Dios Tatixel, mchita jun ralcꞌwal ja Tatixel ja queriꞌ chi ta. Arjaꞌ nojnak ja rutzil xin Dios pa ranma, nojel ja nuchꞌob, nojel ja nbij in nojel ja nuban ni katzij wiꞌ.

San Juan 10:36

Ja cꞌa chwe anin, Dios xinruchaꞌ in xinrutakto waweꞌ chwachꞌulew. Ja cꞌa rejeꞌeꞌ wi bix chique chi e dios ¿nak cꞌa tre tok nebij ixix chwe chi xa ofensa rcꞌamonto tre ja Dios ja tok xinbij chi anin ja rin Ralcꞌwal Dios?

San Juan 3:16

Ja Dios congana nerajoꞌ canojelal ja winak rmalcꞌariꞌ tok xutakto waweꞌ chwachꞌulew ja Ralcꞌwal, xarariꞌ jun. Queriꞌ xuban utzcꞌa chi canojelal ja winak ja xtiyukeꞌ quecꞌuꞌx ruqꞌuin ejeꞌeꞌ maquetakel chipan ja rpokonal, nyataj na chique jun utzlaj cꞌaslemal ja ni mta wiꞌ qꞌuisic trij.

San Juan 6:38

Anin xinkajto chilaꞌ chicaj, inpenak chi rbanic ja rvoluntad ja rintakyonto, ma nvoluntad ta anin nunbanaꞌ kaj ta nuyon.

San Juan 8:42

Ja cꞌa Jesús xbij chic chique: —Ja wixta katzij chi ja Dios arjaꞌ Tatixel ewxin ninewajoꞌ ta cꞌa anin ariꞌ chakajaꞌ. Queriꞌ nbij chewe como anin pa ranma ja Dios inelnakto wiꞌ, ruqꞌuin arjaꞌ inpenak wiꞌ. Ma chaka ta ngana inpenak, arjaꞌ takyonto wxin.

Hechos 1:7

—Ixix ma yatal ta chewe chi newotakij nak kꞌij xtibantaji. Ja Tatixel arjaꞌ otakyon ariꞌ in xa ruyon arjaꞌ cꞌo rukꞌaꞌ tre nak kꞌij xtichomij.

Romanos 1:3

Jawaꞌ utzlaj tzij ja xinbij chewe riꞌ jawaꞌ ncꞌutu chikawach nak rbanic ja Ralcꞌwal Dios. Ja cꞌa Ralcꞌwal Dios arjaꞌ riy rumam can ja rojer rey David, xoc kach winak.

Romanos 15:8

Quewaꞌ rbanic riꞌ ja nmajon rbixic chewe, peti ja Jesucristo waweꞌ chwachꞌulew, xurbanaꞌ ja samaj xin Dios chiquicojol ja raj Israel. Queriꞌ xuban utzcꞌa chi nkatzꞌat chi ja Dios arjaꞌ ni nuban wiꞌ cumplir ja ntzujuj. Xurbanaꞌ ja samaj utzcꞌa chi jariꞌ xbanbej cumplir ja rtzujun can ojer ja Dios chique ja rAbraham ja rIsaac in Jacob.

Romanos 5:6

Bien kꞌalaj chi congana nokrajoꞌ ja Dios como xutakto ja Cristo chi katoꞌic. Ajoj ni ma okcowinnak ta wiꞌ katoꞌon ta kiꞌ in ja tok xurwilaꞌ ja tiempo ja ni chomarsanto wiꞌ tokocꞌariꞌ peti ja Cristo, xurcam kaj pa kacuenta ja rok winak pro makanaꞌ maquita itzel ja kacꞌaslemal.

Romanos 8:3

Ja cꞌa ley xin Dios jariꞌ ma xcowin ta xokrutoꞌ ta chipan ja kil kamac. Como xa ok winak chewiꞌ tok ma xcowin ta ja ley xuqꞌuex ta ja ritzel tak naꞌoj kucꞌan. Pro ja Dios arjaꞌ cowini xokrutoꞌ, xutakto ja Ralcꞌwal ja ni xarwariꞌ jun. Peti ja Ralcꞌwal, xoc kach winak ja rok ajꞌil ok ajmaquiꞌ pro xarwariꞌ mta ril rumac arjaꞌ. Rmal kil kamac chewiꞌ tok takto. Queriꞌ cꞌa xuban ja Dios jariꞌ xkajsbej ja poder rxin ja il mac ja cꞌo pa tak kanma ja rok winak.

Romanos 9:5

Makanaꞌ maquita e quijaꞌtzul can ja rAbraham ja rIsaac in Jacob, makanaꞌ maquita cach aj Israel ja Cristo tok xoc kach winak waweꞌ chwachꞌulew. Ja Cristo arjaꞌ Dios in majun ja maquita cꞌo rukꞌaꞌ tre, kas ta xtiyaꞌ rukꞌij camic, chwak in chijutij. Amén.

Efesios 1:10

Ni rchominto wiꞌ ja tiempo jeꞌe in tok xtitzꞌakati ja tiempo arjaꞌ nchomarsaj na nojelal ja yojtajnak jeꞌe in xa ruyon chic ja Cristo npeꞌe chic trij nojelal tanto tre ja cꞌo jeꞌe chilaꞌ chicaj in tre chakajaꞌ ja cꞌo jeꞌe chwachꞌulew.

Colosenses 2:14

Quewaꞌ xuban ja Dios riꞌ, arjaꞌ xokrutoꞌ pa rukꞌaꞌ ja juleꞌ costumbre ja tzꞌibtal can chipan ja ley xin Dios ja tzꞌibtal can rmal ja Moisés como ja nuban ja ley xa nnataj chake chi ok ajꞌil ok ajmaquiꞌ, xa nokruban condenar pro ja Dios xchomarsaj nojelal utzcꞌa chi mchita rukꞌaꞌ ja costumbre chake pro xa rumac ja rcamic ja Cristo chwach cruz chewiꞌ tok xuban queriꞌ chake.

1 Timoteo 2:6

Arjaꞌ xujach riꞌ pa quekꞌaꞌ ja winak chi camsaxi jariꞌ xokrlokꞌbej kanojelal ja rok winak. Ja xuban ja Jesús, Dios ni rchominto wiꞌ ja kꞌij rxin in yaꞌon chic rbixic.

1 Timoteo 3:16

Ni katzij wiꞌ chi congana nim rukꞌij ja rkꞌalasan chikawach ja Dios tre nojel ja rcꞌamonto ja Jesucristo. Quewaꞌ ja rkꞌalasan chikawach riꞌ. Ja Dios qꞌuejeꞌ waweꞌ chwachꞌulew, xoc kach winak. Kꞌalasax rmal ja rEspíritu Santo chi ni katzij wiꞌ nojel ja xbij tok qꞌuejeꞌ waweꞌ. In tzꞌat cumal ja ángel. Yaꞌ rbixic chique ja winak pa tak nación jeꞌe. In ecꞌoli chique ja winak nojel rwachꞌulew quinimaj. In joteꞌ pa gloria chilaꞌ chicaj. Queriꞌ ja rkꞌalasan chikawach ja Dios.

Hebreos 2:14

Como ja rok alcꞌwalaxelaꞌ xa junan rwach ja kaquiqꞌuel, xa junan rwach ja kachꞌacul in queriꞌ cꞌa tre ja Jesús chakajaꞌ arjaꞌ xoc kach winak, kꞌax chipan ja camíc jariꞌ xkasbej ja diablo ja yoꞌl camíc.

Hebreos 9:10

Ja bix chique chi nqueban jariꞌ xa rxin ja quicuerpo, ma rxin ta ja canma, caniꞌ tre nak ja utz ntiji in nak ja xajan ntiji in tre chakajaꞌ nak tiempo jeꞌe ja rjawaxic chi nquechꞌaj quekꞌaꞌ in cakan. In bix chique chi cꞌa tokoriꞌ matiqueban chic ja tok cꞌoli jun chominem cꞌacꞌa ja xtichomarsaj na ja Dios pa rqꞌuexwach.

1 Juan 4:14

In ajoj chakajaꞌ katzꞌat rwach ja Jesucristo ja Ralcꞌwal Dios in nkayaꞌ rbixic chi arjaꞌ takto rmal ja Tatixel, xoc Toꞌonel kaxin kanojelal ja rok winak.

1 Juan 4:2

Waweꞌ newotakij wiꞌ ja wi Espíritu xin Dios ecꞌayon, ja nebini chi kajto ja Jesucristo in xoc kach winak ejeꞌeꞌ riꞌ ja katzij chi Espíritu xin Dios ecꞌayon.