Gálatas 4:3 - Tz'utujil (Ja Cꞌacꞌa Chominem)

³ In queriꞌ cꞌa chake ajoj chakajaꞌ nabey ok caniꞌ tak acꞌalaꞌ, xokqꞌuejeꞌ na pa rukꞌaꞌ juleꞌ costumbre ja xa xocꞌo rukꞌij.

Tz'utujil NT

³ Y cara' chka ajoj chka' nabey ok ajni' ch'tak ac'ala', xokc'je' na pruk'a' jle' costumbre jxe nk'axa ruk'ij.

Gálatas 4:3 Iomraidhean Croise

San Mateo 11:28

Ewanojel ja congana nixel cꞌay chi rbanic cumplir ja rereligión ja wi caniꞌ cosnak chic ja rewíꞌ ewanma chuxeꞌ jun nimlaj ijkaꞌm nenaꞌ kaj, ja wi queriꞌ ebanon mejor ja neban, quixajoꞌ in tiyukeꞌ ecꞌuꞌx wqꞌuin. Ja wi nyukeꞌ ecꞌuꞌx wqꞌuin, anin nyaꞌ chewe chi nxulaꞌni ja rewíꞌ ewanma.

San Juan 8:31

Cꞌacꞌariꞌ xumaj tzij cuqꞌuin ja raj Israel ja yukeꞌ quecꞌuꞌx ruqꞌuin, quewaꞌ xbij chique riꞌ: —Ja wi xajutij nixqꞌuejeꞌ chipan ja ntzobal jariꞌ ni katzij wiꞌ chi ix ndiscípulo.

Hechos 15:10

Camic ¿nak cꞌa tre ja tok matenimaj ja rbanon ja Dios? Ja tok nebij chique ja kachꞌalal chi puersa nquinimaj ja ley xin Dios ja tzꞌibtal can rmal ja Moisés jariꞌ caniꞌ jun nimlaj ijkaꞌm neyaꞌ chiquij. Ja cꞌa katiꞌt kamamaꞌ ejeꞌeꞌ ma xecowin ta quinimaj ta ja ley in nixtacꞌa ajoj ta okcowinnak ta kaniman chakajaꞌ.

Romanos 7:14

Ja ley ma itzel ta como bien kotak chi ja ley ruqꞌuin ja rEspíritu Santo winakarnakto wiꞌ. No anin xa in winak, inchapon rmal ja il mac.

Romanos 8:15

Caniꞌ chewe ixix wachꞌalal, tok xecꞌul ja rEspíritu Santo pa tak ewanma jariꞌ ma xuban ta ja Dios chewe ix caniꞌ ta juleꞌ moso ja xa lawuloꞌ nqueban rumac xben riꞌil caniꞌ xebanto nabey pro ja xuban chewe ix caniꞌ chakꞌlaj tak ralcꞌwal. Xa chewiꞌ tok noktzijon ruqꞌuin ja Dios: —Aba, Nataꞌ, nokcheꞌ tre.

2 Corintios 11:20

Como ixix chaka quiꞌ chewe ja tok wi cꞌo jun winak ja chaka nixruban mandar in nuban chewe ix caniꞌ esclavo pa rukꞌaꞌ, owi nuqꞌuis chewach nojel ja cꞌol ewqꞌuin, owi nlakꞌaj ja renakun, owi nucoj riꞌ ruyon chi congana nim rukꞌij arjaꞌ chewach ixix, owi nuyaꞌ kꞌaꞌ xeꞌ tak ewey.

Gálatas 2:4

Laj ban puersa tre cumal juleꞌ winak ja kachꞌalal necheꞌxi, pro ma katzij ta chi e kachꞌalal. Ejeꞌeꞌ pan ekal xeꞌoc chikacojol, ncajoꞌ nokquicꞌambajaj in nokqueyoj como ajoj kaniman chi okwasanel chic libre pa rukꞌaꞌ ja ley xin Dios ja tzꞌibtal can rmal ja Moisés como xa jun kabanon chic ruqꞌuin ja Jesucristo. Pro ejeꞌeꞌ cajoꞌ ta xokquecoj chi ta jutij pa rukꞌaꞌ ja ley.

Gálatas 3:19

Ja wi queriꞌ rubey ¿nak cꞌa noc wiꞌ ja ley? Jariꞌ ni cꞌo wiꞌ rsamaj pro ja Dios cꞌa después na xwinakarsaj ja ley utzcꞌa chi nkotakij nak rbanic ja il mac ja nkaban ja rok winak. Pro ja ley xa pajtali ja tiempo rxin, tokoriꞌ xurqꞌuisaꞌ ja tok peti ja Cristo ja rjaꞌtzul can ja rAbraham como tre arjaꞌ tzujun can wiꞌ ja rutzil xin Dios. In jun chic chakajaꞌ, ja Dios tok xuyaꞌto ja ley ma ni ta arjaꞌ tzijon cuqꞌuin ja winak, ángel xecꞌamoto, xurquiyaꞌaꞌ tre ja Moisés in jaꞌ Moisés xuyaꞌ chic chique ja winak.

Gálatas 4:2

Pro ecꞌoli ja repaꞌl trij ja ralcꞌwalaxel chi rchajixic in nqueban cuenta ja herencia. Ja herencia cꞌa tokoriꞌ nja̱ch tre ja ralcꞌwalaxel ja tok nerilaꞌ ja tiempo ja chomarsan rmal ja tatixel ja nba̱n wiꞌ ja jachonem.

Gálatas 4:24

Jariꞌ nkacꞌambej tzij tre caꞌiꞌ chominem. Jun chominem cꞌo jun jayuꞌ rbinaꞌan Sinaí ja bar chomarsax wiꞌ pro jariꞌ chominem nerwinakarsaj juleꞌ winak ja xa neꞌoc esclavo. Ja jun chic chominem triꞌ chomarsax wiꞌ chipan jun tinamit rbinaꞌan Jerusalén pro jun tinamit ja cꞌo chilaꞌ chicaj. Ja jayuꞌ rbinaꞌan Sinaí pa rcuenta Arabia cꞌo wiꞌ in triꞌ chomarsax wiꞌ ja ley, jariꞌ nkacꞌambej tzij tre ja rixok esclava rbinaꞌan Agar. Jariꞌ nkacꞌambej tzij tre chakajaꞌ ja tinamit Jerusalén pro jun tinamit ja cꞌo chwachꞌulew camic como ja winak ja raj Jerusalén camic xa e caniꞌ esclavo. Pro ja jun chic Jerusalén ja cꞌo chilaꞌ chicaj jariꞌ ma esclava ta, libre. Jariꞌ kateꞌ chi nimlaj kanojelal ja yukul kacꞌuꞌx ruqꞌuin ja Jesucristo.

Gálatas 4:31

Queriꞌ rbanic wachꞌalal, ajoj ma ok ral ta ja rixok esclava, ok ral ja rixok libre.

Gálatas 4:8

Pro ja nabey tok majaꞌn tewotakij rwach ja Dios xixqꞌuejeꞌ na pa quekꞌaꞌ cachbal tak winak in rachbal tak nakun, xeꞌecoj como e dios pro ma katzij ta chi e dios.

Gálatas 4:9

Ja cꞌa camic chic ewotak chic rwach ja Dios, o ja más rubey, arjaꞌ xurotakij kaj ewach nabey pro ¿nak cꞌa nechꞌob ja tok nixmeloj chic jutij chewij como nixtajini nenimaj chic juleꞌ costumbre ja rocꞌowinak chic rtiempo pro jariꞌ majun totajem majun utzil rcꞌamonpi ta chewe? Pro cꞌo takaꞌan egana nixoc chic jutij pa rukꞌaꞌ.

Colosenses 2:20

Ja cꞌa wi katzij chi ixix jun xixcam ruqꞌuin ja Cristo, wi katzij chi ma ixcꞌo chi ta pa rukꞌaꞌ juleꞌ costumbre ja xa nocꞌo rukꞌij ¿nak cꞌa tre tok cꞌa cꞌo na jeꞌe neban caniꞌ cꞌa yukul na ecꞌuꞌx ruqꞌuin ja rwachꞌulew? ¿Nak tre tok nenimaj ja juleꞌ costumbre ja nbix chewe cumal winak? como quewaꞌ nquibij chewe riꞌ:

Colosenses 2:8

Maxta cꞌo jun achi xquixruchꞌec ta tre juleꞌ tijonem ja junwiꞌ chi na como cꞌoli ja tijonem ja utzlaj tijonem neꞌxi, pro ni majun rsamaj, xa engaño rcꞌamonto, juleꞌ tijonem ja xa winakarsan cumal achiꞌiꞌ, xa juleꞌ costumbre ja nocꞌo rukꞌij in ma ruqꞌuin ta Cristo penak wiꞌ.

Hebreos 5:12

Ja rixix ojer chic eniman ja Jesucristo, ja kas yatal chewij, ixix ta nariꞌ nixtijon chic quixin juleꞌ chic winak camic. Ja takaꞌan newajoꞌ ntzꞌat anin cꞌa takaꞌan newajoꞌ na jun ja nchꞌobo chewach ja rtzobal Dios ja caniꞌ tijonem nya̱ꞌ chique ja tak acꞌalaꞌ ja ma cꞌayew ta chique. Ja ntzꞌat anin ni ix junan cuqꞌuin ja tak yaquiꞌaꞌ ja cꞌa tzꞌum na nquetij ja majaꞌn tiyataj chique chi nquemaj waꞌim.

Hebreos 7:16

Ja tok xoc sacerdote ma rmal ta jun ley ja xa cꞌo qꞌuisic trij. Arjaꞌ mta camíc trij, ja rcꞌaslemal ni matiqꞌuis wiꞌ in ja cꞌariꞌ ocnak rbase ja sacerdoteꞌil rxin.