Gálatas 3:8 - Tz'utujil (Ja Cꞌacꞌa Chominem)

⁸ Tzꞌibtal can ojer chipan ja rtzobal Dios chi ja winak ja ma e aj Israel ta ejeꞌeꞌ nerilaꞌ na jun kꞌij ja tok nyukeꞌ na quecꞌuꞌx ruqꞌuin ja Dios in rmal ja yukulbal quecꞌuꞌx chewiꞌ tok nerutoꞌ ja Dios, nerwasajel libre in nuban chique caniꞌ mta quil quemac quibanon. Rmalcꞌariꞌ tok cꞌoli ja utzlaj tzij xin totajem ja bix tre ja rAbraham ojer rmal ja Dios, quewaꞌ bix tre riꞌ: —Abraham, amwal atat tok cꞌoli ja rutzil ja nyataj na chique ja winak ja recꞌo nojel tinamit waweꞌ chwachꞌulew, neꞌxi ja Abraham. Queriꞌ tzꞌibtal can.

Tz'utujil NT

⁸ Tz'ibtanak cana ojer chpam rtzojbal Dios che je' wnak jme aj Israel ta, arj-e' nerla' na jun k'ij tak neyke' na quec'u'x ruq'uin Dios y rmal yukbal quec'u'x tak nbixa chca che cc'an rbeyal rxin Dios. Rmal c'ara' tak c'ola utzlaj tzij rxin totanem xbixa tzra Abraham ojer rmal Dios jcawrara: —Abraham, awmal atet tak c'ola utzil nyataja chca wnak jec'ola chpam njelal nación wawe' chwech ruch'lew, cara' xbixa tzra.

Gálatas 3:8 Iomraidhean Croise

San Juan 19:37

In jun chic ja tzꞌibtal can tre quewaꞌ nbij riꞌ: —Ejeꞌeꞌ nquetzꞌat na rwach ja cꞌo jun chꞌichꞌ min pa rupox cumal, neꞌe.

San Juan 7:38

Caniꞌ nbij ja rtzobal Dios, ja winak ja nyukeꞌ quecꞌuꞌx wqꞌuin cꞌoli rkan tak yaꞌ ja congana xtipulinto pa tak canma pro juleꞌ yaꞌ ja rcꞌamonto ja utzlaj cꞌaslemal ja mta qꞌuisic trij. Queriꞌ nbij, neꞌe ja Jesús chique.

San Juan 7:42

¿La ma tzꞌibtal can ta cꞌa chipan ja rtzobal Dios chi pa Belén npi wiꞌ ja Cristo como ja Belén jariꞌ rtinamit ja rojer rey David in ja Cristo arjaꞌ riy rumam can ja David? xecheꞌe.

Hechos 2:35

waweꞌ natqꞌuejeꞌ wiꞌ in nenucoj na pan awakan ja netzelan awxin, atat natchꞌeco quixin, neꞌe. Queriꞌ rbin can ja David.

Romanos 9:17

Caniꞌ tzꞌibtal can chipan ja rtzobal Dios tre ja rey Faraón quewaꞌ bix tre rmal ja Dios riꞌ: —Faraón, anin atncojon como rey utzcꞌa chi nkꞌalasaj janiꞌ ja nimlaj poder ja cꞌo pa nukꞌaꞌ como jariꞌ poder xtincoj chawij in natnkajsaj. Queriꞌ xtinban chawe utzcꞌa chi nel rbixic ja nubiꞌ nojel rwachꞌulew, neꞌe ja Dios tre.

Romanos 9:30

Nojel awaꞌ ja nmajon rbixic chewe quewaꞌ rbanic riꞌ. Ja winak ja ma e aj Israel ta ja quibanonto nabey ma ja ta neꞌoclaꞌ wiꞌ il tre ja wi utz quicꞌaslemal owi mani pro ja camic utz chic ja quicꞌaslemal nutzꞌat ja Dios pro xa rmal ja yukulbal quecꞌuꞌx ruqꞌuin ja Jesucristo tok nuban queriꞌ chique.

Gálatas 3:16

Ja Dios arjaꞌ cꞌo jun chominem xuban ruqꞌuin ja rAbraham ojer, cꞌoli ja rutzil xin Dios xtzujuj tre ja rAbraham in tre rjaꞌtzul chakajaꞌ. Xa jun rjaꞌtzul ja rAbraham ja xtzujuj wiꞌ, ma xtzujuj ta chique canojel: —Tre ja rawijaꞌtzul ntzujuj wiꞌ, neꞌxi ja rAbraham rmal ja Dios. Ja cꞌa rjaꞌtzul ja rAbraham jariꞌ ja Cristo.

Gálatas 3:22

Pro quewaꞌ rubey riꞌ, ja ley chaka nbij chake kanojelal ja rok winak chi ok preso pa rukꞌaꞌ ja il mac. Queriꞌ nbij chake ja ley utzcꞌa chi kanojel ja nyukeꞌ kacꞌuꞌx ruqꞌuin ja Jesucristo nokquirtaj chipan ja kil kamac in nkacochij ja rutzil ja tzujun can rmal ja Dios in xa rmal ja yukulbal kacꞌuꞌx tok nba̱n queriꞌ chake.

Gálatas 4:30

Pro bien tecꞌwaxaj ja nbij ja rtzobal Dios quewariꞌ: —Tasalujel ja rixok esclava e caꞌiꞌ in ral. Como ja ral ja rixok libre cꞌo jun herencia nyataj na tre pro ja ral ja rixok esclava arjaꞌ mta herencia xtiyataj ta tre. Queriꞌ nbij.

Hebreos 4:2

Caniꞌ ban chique riꞌ winak ojer yaꞌ rbixic jun utzlaj tzij xin Dios chique in queriꞌ cꞌa chake ajoj camic chakajaꞌ cꞌo jun utzlaj tzij xin Dios kacꞌaxan. Pro ejeꞌeꞌ chaka quicꞌaxaj, ni majun nak ta quiwasaj ta tre, ma xyukeꞌ ta quecꞌuꞌx ruqꞌuin ja utzlaj tzij quicꞌaxaj chewiꞌ tok queriꞌ queban.

Apocalipsis 11:15

Jun chic ángel xulaj ja rtrompeta. Ja cꞌa tok xultaj rmal cꞌo juleꞌ nimak tak kulaj cꞌaxaxi chilaꞌ chicaj, quewaꞌ nbij riꞌ: —Ja gobierno jeꞌe ja cꞌo chwachꞌulew, camic ocnak pa rukꞌaꞌ ja kajaw Dios in pa rukꞌaꞌ ja Cristo ja rchaꞌon. Camic arjaꞌ nbano mandar como Rey in ni nuban wiꞌ mandar camic, chwak in chijutij, neꞌe.