Gálatas 3:5 - Tz'utujil (Ja Cꞌacꞌa Chominem)

⁵ Ja Dios arjaꞌ takyonto ja rEspíritu Santo ewqꞌuin, cꞌoli milagro ja rbanon jeꞌe checojol ¿nak tre tok queriꞌ rbanon ja Dios checojol nechꞌob ixix? ¿La rmal chi cꞌoli ja ley ebanon jeꞌe cumplir? Mni, ma rmal ta ja ley pro como xecꞌwaxaj ja utzlaj tzij xin Jesucristo in yukeꞌ ecꞌuꞌx ruqꞌuin chewiꞌ tok queriꞌ rbanon ja Dios checojol.

Tz'utujil NT

⁵ Dios arja' takyon ta Espíritu Santo ewq'uin, c'ola je' milagro rebnon checjol. ¿Nak tzra tak cara' rebnon Dios checjol nech'ob ixix? ¿Le rmal che ebnon cumplir ley? Mcara' ta, me rmal ta ley per com xewc'axaj jutzlaj tzij rxin Jesucristo y xeyke'a ec'u'x ruq'uin rmal c'ara' tak cara' rebnon Dios chewa.

Gálatas 3:5 Iomraidhean Croise

Hechos 14:3

Rmalcꞌariꞌ tok ja Pablo rachbil Bernabé ejeꞌeꞌ xeqꞌuejeꞌ na jun tiempo chipan ja tinamit, nqueyaꞌ rbixic ja rtzobal Dios pro ni matiquixbej wiꞌ quiꞌ. Quechꞌob chiquewach ja winak nak rbanic ja rutzil xin Dios chi nucuy ja kil kamac ja rok winak. Ja cꞌa Dios arjaꞌ xuyaꞌ chique ja Pablo in Bernabé chi cꞌo juleꞌ milagro queban utzcꞌa ja winak ncotakij chi ni katzij wiꞌ ja nquibij.

Romanos 10:17

Ni rjawaxic wiꞌ chi nekaj rbixic ja utzlaj tzij cuqꞌuin winak como ja tok nbix chique jariꞌ nwinakarsani ja yukulbal quecꞌuꞌx in ja utzlaj tzij jariꞌ ruqꞌuin rtzobal Dios npi wiꞌ.

Romanos 15:19

Ja Cristo xuyaꞌ chwe chi xinban nimak tak milagro in xuyaꞌ chwe chakajaꞌ chi congana samaji ja poder rxin ja rEspíritu Santo chipan ja samaj xinban. Queriꞌ cꞌa rbanic ja samaj nbanon, nojel nat nakaj xinbij wiꞌ ja utzlaj tzij xin Jesucristo, xinmajel rbixic pa Jerusalén in xinekaji cꞌa pan Ilírico.

1 Corintios 12:10

Ecꞌo na juleꞌ chic ja nyataj chique chi necowini nqueban milagro, in juleꞌ chic nyataj chique chi cꞌo jeꞌe nkꞌalasax chiquewach rmal ja Dios chi nqueyaꞌ rbixic, in juleꞌ chic ja nyataj chique chi necowini nquechꞌob nak chi espirituꞌal cꞌayon quixin ja winak tok netzijoni, la Espíritu Santo owi ma Espíritu Santo ta. Ecꞌo na juleꞌ chic ja nyataj chique chi necowini netzijon chipan juleꞌ tzobal masqui ma cotakin ta ja tzobal in juleꞌ chic ja nyataj chique chi necowini nquikꞌaxaj ja tzij ja nbix chipan ja juleꞌ chic tzobal.

2 Corintios 10:4

Queriꞌ nbij chewe como ajoj tok nokchꞌojin ruqꞌuin ja ritzelal ma ja ta nkacoj juleꞌ banbal chꞌaꞌoj ja xa quixin winak pro nkacoj juleꞌ banbal chꞌaꞌoj janila nimak rchokꞌakꞌ chwach ja Dios. Queriꞌ cꞌa nkaban utzcꞌa chi nokcowini nkayoj ja ritzelal masqui congana rchokꞌakꞌ.

2 Corintios 12:12

Cꞌoli nojel rwach ja nimak tak milagro ja xinban checojol jariꞌ ncꞌutuwi chi in jun apóstol in congana qꞌuejeꞌe ja npaciencia chi rbanic ja samaj.

2 Corintios 13:3

Como ixix newajoꞌ ninecꞌambajaj, como newajoꞌ newotakij ja wi ni katzij wiꞌ chi ja Cristo nbin chwe ja nbij chic chewe ixix pro jariꞌ bien netzꞌat na. Ja cꞌa Cristo arjaꞌ ma débil ta, sobre poder ja cꞌo ruqꞌuin chi quibanic castigar ja recꞌo checojol ja nebanowi ja ritzelal.

2 Corintios 3:8

Ja cꞌa wi congana ruchꞌaꞌ Dios rachbilajto ja jun chominem xin nabey pior cꞌa ja samaj ja ntajini nuban ja rEspíritu Santo chipan awaꞌ jun cꞌacꞌa tiempo ja rokcꞌo wiꞌ riꞌ jariꞌ más kꞌaxnak chi na ruchꞌaꞌ ja Dios nrachbilaj.

2 Corintios 9:10

Ja Dios arjaꞌ nyowi ja rijaꞌtz chique ja re ticol tak tijcoꞌm, arjaꞌ nyowi kaway. Ja mismo Dios arjaꞌ xtiyoꞌ chewe ja mebaꞌil ja neꞌetobej ja cꞌo rjawaxic chique in nqꞌuiyirsaj na más chewach. Arjaꞌ nsamaj na chipan ja rutzil ja neban ixix in tok xtiqꞌuiswani más chi na nwachini ja rutzil rmal.

Gálatas 3:2

Camic cꞌoli nwajoꞌ ncꞌwaxaj chewe riꞌ, ja tok kajto ja rEspíritu Santo ewqꞌuin ¿la rmal ja xeban cumplir ja ley chewiꞌ tok kajto ewqꞌuin? Mni, ma queriꞌ ta. Pro ja xeban, xecꞌwaxaj ja utzlaj tzij xin Jesucristo in yukeꞌ ecꞌuꞌx ruqꞌuin xa chewiꞌ tok kajto ja rEspíritu Santo ewqꞌuin.

Filipenses 1:19

Ninquicoti como bien wotak chi cꞌoli rcꞌamonto chwe ja nbanon waweꞌ camic, bien wotak chi cꞌoli ja totajem rcꞌamonto chwe como ixix emajon ntoꞌic pan oración in ja rEspíritu Santo ja takonto rmal ja Jesucristo arjaꞌ ninrutoꞌ na chakajaꞌ.