Gálatas 3:2 - Tz'utujil (Ja Cꞌacꞌa Chominem)

² Camic cꞌoli nwajoꞌ ncꞌwaxaj chewe riꞌ, ja tok kajto ja rEspíritu Santo ewqꞌuin ¿la rmal ja xeban cumplir ja ley chewiꞌ tok kajto ewqꞌuin? Mni, ma queriꞌ ta. Pro ja xeban, xecꞌwaxaj ja utzlaj tzij xin Jesucristo in yukeꞌ ecꞌuꞌx ruqꞌuin xa chewiꞌ tok kajto ja rEspíritu Santo ewqꞌuin.

Tz'utujil NT

² Camic quenwajo' quenc'axaj chewa, tak xkaj ta Espíritu Santo ewq'uin ¿le rmal xeban cumplir ley tak xkaj ta ewq'uin? Jara' mcara' ta. Per jxeban, xewc'axaj utzlaj tzij rxin Jesucristo y xeyke'a ec'u'x ruq'uin y rmal c'ara' tak xkaj ta Espíritu Santo ewq'uin.

Gálatas 3:2 Iomraidhean Croise

Hechos 15:8

Ja Dios arjaꞌ bien rotak rwach ja kanma ja rok winak, xutakto ja rEspíritu Santo cuqꞌuin ejeꞌeꞌ ja caniꞌ xuban ajoj chake nabey jariꞌ xcꞌutbej chiquewach chi nerucꞌul ejeꞌeꞌ chakajaꞌ.

Hechos 2:38

Ja cꞌa Pedro xbij chique: —Teqꞌuexaꞌ ja renaꞌoj in teyaꞌaꞌ can ja ritzelal in chakajaꞌ quixban bautizar chejujunal pa rubiꞌ ja Jesucristo utzcꞌa chi ncuytaji ja rewil emac. Ja wi queriꞌ neban ja Dios arjaꞌ nutakto na ja rEspíritu Santo ewqꞌuin.

Hechos 8:15

Ja cꞌa Pedro rachbil Juan tok xeꞌekaji queban jun oración pa quicuenta ja raj Samaria utzcꞌa chi nkajto ja rEspíritu Santo cuqꞌuin.

Romanos 1:17

Ja utzlaj tzij xin Jesucristo jariꞌ nimlaj poder xin Dios nincheꞌ tre como ruqꞌuin awaꞌ utzlaj tzij riꞌ nkꞌalajin wiꞌ nak rbanic ja utzlaj kꞌetoj tzij xuban ja Dios ja xokrtobej ja rok winak in xokrwasajel libre chipan ja kil kamac. Pro ja nacꞌambej jawaꞌ totajem xin Dios riꞌ yukulbal acꞌuꞌx ruqꞌuin ja Jesucristo in nyataji ja totajem chique canojel ja nyukeꞌ quecꞌuꞌx ruqꞌuin. Caniꞌ tzꞌibtal can chipan ja rtzobal Dios quewaꞌ nbij riꞌ: —Ja winak ja utz netzꞌa̱t rmal ja Dios ejeꞌeꞌ nquewil na ja utzlaj cꞌaslemal ja mta qꞌuisic trij pro rumac ja yukulbal quecꞌuꞌx ruqꞌuin ja Dios chewiꞌ tok nquewil.

1 Corintios 9:21

Ja cꞌa tok xinqꞌuejeꞌ chiquicojol ja winak ja ma cotak ta ja ley xin Dios ma xenuban ta despreciar pro ja nqueban ejeꞌeꞌ queriꞌ xinban anin cuqꞌuin chakajaꞌ. Pro matibij tzij ariꞌ chi ni mta wiꞌ ley xinnimaj xinmestaj ta ja Dios, ma queriꞌ ta, como incꞌo pa rukꞌaꞌ ja ley xin Cristo. Queriꞌ cꞌa xinban ja caniꞌ nqueban ejeꞌeꞌ utzcꞌa chi nenuchꞌec.

2 Corintios 11:4

Queriꞌ nbij chewe como ixix chaka quiꞌ chewe ja tok ecꞌoli winak neꞌekaj ewqꞌuin, nqueyaꞌ rbixic jun Jesús chewe ja junwiꞌ chi na chwach ja kayaꞌ rbixic ajoj chewe. In jun chic, chaka quiꞌ chewe wi noc jun chic espíritu chewe ja junwiꞌ chi na chwach ja rEspíritu Santo ja xoc chewe nabey. In jun chic, chaka quiꞌ chewe chakajaꞌ wi nenimaj jun chic tijonem ja utzlaj tzij xin Jesucristo neꞌxi, pro xa junwiꞌ chi na chwach ja xenimaj nabey.

Gálatas 3:14

Queriꞌ xuban ja Jesús utzcꞌa chi ixix ja ma ix aj Israel ta nyataj na chewe ja rutzil ja tzujun can tre ja rAbraham ojer rmal ja Dios. Queriꞌ xuban utzcꞌa chi xa rmal ja yukulbal kacꞌuꞌx ruqꞌuin ja Dios chewiꞌ tok nkacochij ja rEspíritu Santo ja tzujun can ojer.

Gálatas 3:3

Ja tok kas xemajto ja bey xin Jesucristo nabey jaꞌ Espíritu Santo xucꞌanto ewxin. Ja cꞌa camic chic ¿la jaꞌ chic ja ley ntoꞌo ewxin chi rqꞌuisic ja bey xin Jesucristo nechꞌob ixix? Ja wi queriꞌ nechꞌob xcꞌa ma ix chꞌobol ta ariꞌ.

Gálatas 3:5

Ja Dios arjaꞌ takyonto ja rEspíritu Santo ewqꞌuin, cꞌoli milagro ja rbanon jeꞌe checojol ¿nak tre tok queriꞌ rbanon ja Dios checojol nechꞌob ixix? ¿La rmal chi cꞌoli ja ley ebanon jeꞌe cumplir? Mni, ma rmal ta ja ley pro como xecꞌwaxaj ja utzlaj tzij xin Jesucristo in yukeꞌ ecꞌuꞌx ruqꞌuin chewiꞌ tok queriꞌ rbanon ja Dios checojol.

Hebreos 2:4

Ja katataꞌ Dios cꞌoli xuban chakajaꞌ ja xcꞌutbej chi ni katzij wiꞌ ja totajem ja queyaꞌ rbixic chake caniꞌ tre milagro qꞌuiy rwach ja xuban. In caniꞌ tre chakajaꞌ ja samaj ja xecowini queban ja kachꞌalal ja yataj chique rmal ja rEspíritu Santo. Jariꞌ Dios chomini nak chi samajil yataj chique chiquijujunal.

Hebreos 4:2

Caniꞌ ban chique riꞌ winak ojer yaꞌ rbixic jun utzlaj tzij xin Dios chique in queriꞌ cꞌa chake ajoj camic chakajaꞌ cꞌo jun utzlaj tzij xin Dios kacꞌaxan. Pro ejeꞌeꞌ chaka quicꞌaxaj, ni majun nak ta quiwasaj ta tre, ma xyukeꞌ ta quecꞌuꞌx ruqꞌuin ja utzlaj tzij quicꞌaxaj chewiꞌ tok queriꞌ queban.

Hebreos 6:4

Ja cꞌa winak ja nqueyaꞌ can ja Jesucristo mta moda xtiyataj chi ta chique chi xtiqueqꞌuex chi ta jutij ja quinaꞌoj. Ja nabey kꞌalasax chiquewach janiꞌ ja katataꞌ Dios chi ja rbanic caniꞌ jun nimlaj luz nsakirsaj ja quebey chiquewach. Quenaꞌ chakajaꞌ janiꞌ rquiꞌil ja rutzil ja quicochij tre ja Dios. Chakajaꞌ yataj chique chi qꞌuejeꞌe ja rEspíritu Santo pa tak canma.

1 Pedro 1:12

Ja Dios arjaꞌ xkꞌalasaj chiquewach chi cꞌa pa katiempo ajoj nuryataj wiꞌ chijutij ja totajem ja yaꞌto rbixic cumal, ma pa quitiempo ta ejeꞌeꞌ. Jariꞌ totajem ecꞌwaxan chic nak rbanic como bin chic chewe cumal ja kachꞌalal ja xeyoꞌ rbixic chewe ja utzlaj tzij xin Jesucristo. Ja rEspíritu Santo ja takonto chilaꞌ chicaj arjaꞌ cꞌayon quixin chi rbixic. Jariꞌ totajem ja ángel congana nquiyarij nquechꞌob nak rbanic.