Gálatas 3:1 - Tz'utujil (Ja Cꞌacꞌa Chominem)

¹ Wachꞌalal ja rix aj Galacia, ixix xa ma ix chꞌobol ta. ¿Nak xixbano engañar chewiꞌ tok xeyaꞌ can ja utzlaj tzij xin Jesucristo? Pro bien chꞌobtaj chewach nak rbanic ja Jesucristo, caniꞌ waꞌan rip chwa cruz chewach.

Tz'utujil NT

¹ Aj Galacia, ixix je ix necnak tak wnak ¿nak xixbnowa engañar tak xeya' cana utzlaj tzij rxin Jesucristo? Per bien c'a xch'obtaja chewech nak rbanic Jesucristo, ajni' wan chewech xri'pa chwech cruz.

Gálatas 3:1 Iomraidhean Croise

San Mateo 24:24

Queriꞌ nbij chewe como ecꞌoli winak ja nepi na, juleꞌ xtiquecoj quiꞌ chi e Cristo in juleꞌ xtiquecoj quiꞌ chi e profeta xin Dios pro ma katzij ta ja nquibij. Ejeꞌeꞌ cꞌo nimak tak milagro xtiqueban, jutzꞌit laj nequeban engañar ja winak ja rechaꞌon rmal ja Dios pro jariꞌ mta moda xquequechꞌec ta.

San Mateo 7:26

In xa nak ta necꞌaxani ja nmajon rbixic in wi matiquinimaj ja nbij, ejeꞌeꞌ quewaꞌ quibanic riꞌ, e junan ruqꞌuin jun achi xa ma chꞌobolic achi ta, xuban jun rochoch in xa parwiꞌ snayiꞌ xtzꞌubaꞌ wiꞌ.

San Lucas 24:25

Ja cꞌa Jesús quewaꞌ xbij chique riꞌ: —Ixix xa matichꞌobtaj emwal nojel ja quibin can ja rojer tak profeta xin Dios, ma nojel ta ecꞌuꞌx ma nojel ta ewanma eniman nojel ja tzꞌibtal can cumal chipan ja rtzobal Dios.

Hechos 16:6

Ja cꞌa Pablo in Silas ejeꞌeꞌ laj xebe chipan ja departamento Asia chi nqueyaꞌ rbixic ja rtzobal Dios pro ma xyataj ta lugar chique rmal ja rEspíritu Santo. Cꞌacꞌariꞌ xekꞌax pa tak lugar ja cꞌo pa rcuenta Frigia in pa tak lugar ja cꞌo pa rcuenta Galacia.

Hechos 6:7

Ja cꞌa rtzobal Dios xa janiꞌ be más pa nim in congana xeqꞌuiyir más ja kachꞌalal pa Jerusalén. Congana e qꞌuiy chique ja sacerdote quinimaj ja rtzobal Dios chakajaꞌ in yukeꞌ quecꞌuꞌx ruqꞌuin ja Jesucristo.

Romanos 10:16

Pro ecꞌoli ja ma xqueyaꞌ ta quixquin tre ja utzlaj tzij xin Dios, caniꞌ tzꞌibtal can ojer rmal ja profeta Isaías, quewaꞌ nbij riꞌ: —Kajaw Dios, xa ma e nim ta ja winak ja quiniman ja utzlaj tzij ja kabij chique, neꞌe.

Romanos 2:8

In juleꞌ chic xa janiꞌ xtipi más ja ryewal Dios chiquij. Ejeꞌeꞌ riꞌ xa jaꞌ nquechꞌob ja cꞌo rcꞌamonto chique ejeꞌeꞌ queyon. Ma ja ta nquinimaj ja xin Dios pro xa nqueyaꞌ quiꞌ tre ja banoj itzelal.

Romanos 6:17

Ja cꞌa nabey ocnak ewajaw ja il mac pro ja camic maltiox tre ja Dios chi nojel ecꞌuꞌx nojel ewanma eniman chic ja utzlaj tijonem ja chꞌobon chewach.

1 Corintios 11:26

Queriꞌ cꞌa ja kas mero rbanic, jawaꞌ caxlanway riꞌ rachbil ja riyaꞌl uva tok xtetij xa nak ta chi tiempoꞌal xtetij wiꞌ jeꞌe jariꞌ caniꞌ neyaꞌ rbixic ja rcamic ja kajaw Jesucristo in cꞌa tokoriꞌ netanbaꞌ rtijic ja tok xtipi chic jutij.

1 Corintios 2:2

Como anin tok majaꞌn quinbe ewqꞌuin bien xinchꞌob kaj pa wanma chi tok xquinekaj ewqꞌuin solo Jesucristo ja nenyaꞌaꞌ rbixic chewe pro jun Cristo ja camsax chwach cruz.

2 Corintios 10:5

Ajoj nkayoj ja tijonem ja nqueyaꞌ ja winak ja kas e nimak nquenaꞌ kaj, nkayoj ja nimak tak naꞌoj ja nquecoj chi rwawaxic ja kas mero rnaꞌoj ja Dios. Nokchꞌojin ruqꞌuin ja quinaꞌoj winak xa nak ta nquechꞌob in nkachꞌec utzcꞌa chi mta jun naꞌoj ja maquita nucꞌam riꞌ ruqꞌuin ja rvoluntad ja Cristo.

2 Corintios 11:3

Pro ja ranin nxbej wiꞌ, nurkaj chwe ja ban tre ja Eva ojer tok ban engañar rmal ja cumatz como ja cumatz congana listo, matzij xa queriꞌ xtiban chic chewe ixix in junwiꞌ chic xtechꞌob in ma ruyon chi ta ruqꞌuin ja Cristo xtiyukeꞌ wiꞌ ecꞌuꞌx.

Gálatas 1:2

Anin ntakel rutzil ewach ewanojelal ja rix iglesia ja rixcꞌo pa rcuenta Galacia in canojel ja kachꞌalal ja recꞌo wqꞌuin ejeꞌeꞌ nquetakel rutzil ewach chakajaꞌ.

Gálatas 1:6

Kas takaꞌan junwiꞌ nnaꞌ emwal wachꞌalal como ixix nixtajini neyaꞌ can ja katataꞌ Dios pro ma cꞌa jaruꞌ ta waꞌan tiempo tenimaj pro makanaꞌ maquita arjaꞌ xixsiqꞌuini in xixrucoj chipan ja rutzil ja recochin tre ja Cristo. Pro camic emajon chic rnimaxic jun tijonem ja junwiꞌ chi na, utzlaj tzij xin Cristo neꞌxi.

Gálatas 2:14

Ja cꞌa ranin ja tok chꞌobtaj mwal chi matucꞌam riꞌ ruqꞌuin ja utzlaj tzij xin Jesucristo ja queban cꞌacꞌariꞌ xinchꞌaꞌ tre ja Pedro pro ni chiquewach canojelal: —Ja xaban chique ja kachꞌalal riꞌ ja ma e aj Israel ta, ja nel chiquewach chi puersa noqui ja kacostumbre ajoj ja rok aj Israel. ¿Nak cꞌa tre tok xaban quelaꞌ? Pro makanaꞌ maquita xeꞌawachbilaj nabey, xatwaꞌ waꞌan cuqꞌuin masqui at aj Israel, makanaꞌ maquita xatel conforme nabey chi matiyukeꞌ chic acꞌuꞌx ruqꞌuin ja ley.

Gálatas 3:3

Ja tok kas xemajto ja bey xin Jesucristo nabey jaꞌ Espíritu Santo xucꞌanto ewxin. Ja cꞌa camic chic ¿la jaꞌ chic ja ley ntoꞌo ewxin chi rqꞌuisic ja bey xin Jesucristo nechꞌob ixix? Ja wi queriꞌ nechꞌob xcꞌa ma ix chꞌobol ta ariꞌ.

Gálatas 4:9

Ja cꞌa camic chic ewotak chic rwach ja Dios, o ja más rubey, arjaꞌ xurotakij kaj ewach nabey pro ¿nak cꞌa nechꞌob ja tok nixmeloj chic jutij chewij como nixtajini nenimaj chic juleꞌ costumbre ja rocꞌowinak chic rtiempo pro jariꞌ majun totajem majun utzil rcꞌamonpi ta chewe? Pro cꞌo takaꞌan egana nixoc chic jutij pa rukꞌaꞌ.

Gálatas 5:11

Wachꞌalal, ecꞌoli ja nebin chwe chi anin cꞌa nmajon na rbixic chique winak chi rjawaxic chi neba̱n circuncidar. Ja wi queriꞌ nbij chique winak ¿nak cꞌa tre tok cꞌa cꞌo na pokon nba̱n chwe cumal ja wach tak aj Israel? Ja wixta nbij chique winak chi neba̱n circuncidar maquita cꞌa npi quiyewal ariꞌ ja wach tak aj Israel ja tok nnataj chique ja rcamic ja Jesucristo chwach cruz.

Efesios 3:8

Chwe anin yatajnak wiꞌ jawaꞌ samaj riꞌ masqui xa ma nim ta nukꞌij nnaꞌ kaj chiquewach ja juleꞌ chic kachꞌalal ja re xin Dios, chwe anin yataj wiꞌ chi ninbe ewqꞌuin ja ma ix aj Israel ta chi nenyaꞌaꞌ rbixic chewe nojel ja nkawil ruqꞌuin ja Cristo, jariꞌ caniꞌ jun nimlaj mebaꞌil nkawil pro jun mebaꞌil ja mta qꞌuisic trij.

Efesios 4:14

Pro bien ntzꞌakat na ja kanaꞌoj utzcꞌa chi ma ok caniꞌ chi ta juleꞌ acꞌalaꞌ utzcꞌa chi ma chaka ta nojel tijonem ta nkanimaj caniꞌ tre juleꞌ tijonem ja xa quixin juleꞌ winak ja rebanol engaño, juleꞌ winak ja congana e listo in natqueyaꞌ pa jun bey ja ma xin Dios ta.

Efesios 5:15

Tebanaꞌ cꞌa cuenta, kas ta xtichꞌobtaj emwal janiꞌ ja recꞌaslemal, maxta queriꞌ teban ixix ja caniꞌ nqueban ja winak ja ma cotak ta janiꞌ rnaꞌoj ja Dios pro ja neban, tebanaꞌ ja rutzil como ixix ewotak chic janiꞌ rnaꞌoj ja Dios.

2 Tesalonicenses 1:8

Arjaꞌ nuryaꞌaꞌ rjil rcꞌaxel chique ja winak ja ma xcajoꞌ ta cotakij rwach ja Dios in ma xquinimaj ta ja utzlaj tzij rxin ja kajaw Jesucristo.

1 Timoteo 6:4

jariꞌ xa nuyaꞌ kaj rukꞌij ruyon pro ni majun rotak. Arjaꞌ xa yojtajnak ja rnaꞌoj in tok ntzijoni cuqꞌuin ja winak ma nojel ta rucꞌuꞌx ntzijoni, xa chꞌaꞌonem nrajoꞌ. In jariꞌ nuban rcꞌamonto chꞌaꞌoj, quiakarem, tzꞌujunem in tzelan tak riꞌil.

Hebreos 11:8

Ja rAbraham chakajaꞌ, rmal ja yukulbal rucꞌuꞌx ruqꞌuin ja Dios chewiꞌ tok xnimaj ja Dios. Tokoriꞌ xnimaj ja tok bix tre chi neli in nbe chipan jun chic nación ja xtiyaꞌ na tre como herencia. Arjaꞌ nimani in be masqui ma rotak ta nak chi lugaril ja nbe wiꞌ.

Hebreos 5:9

Xoc jun Toꞌonel, pro jun Toꞌonel ja ni majun ja maquita tzꞌakat tre, yataj tre chi ruqꞌuin arjaꞌ nwinakarto wiꞌ ja totajem xin Dios. Jariꞌ totajem ni mta wiꞌ qꞌuisic trij in nyataj chique canojel ja winak ja neniman rxin.

1 Pedro 1:22

Ja rEspíritu Santo arjaꞌ xuyaꞌ chewe chi xenimaj ja utzlaj tzij xin Jesucristo jariꞌ utzlaj tzij xechꞌachꞌojirsbej ja rewanma. Queriꞌ xeban in rmalariꞌ tok nixcowin chic neꞌewajoꞌ ja kachꞌalal in ma chi echiꞌ ta cꞌo wiꞌ tok neꞌewajoꞌ. Rmalcꞌariꞌ nbij chewe, tewajoꞌ ewiꞌ pro nojel ecꞌuꞌx nojel ewanma.

1 Pedro 4:17

Camic numajel ja tiempo rxin ja rpokonal. Kuqꞌuin ajoj numajel wiꞌ nabey ja rok ralcꞌwal Dios. Ja wi ajoj nkatij ja rpokonal pior cꞌa ja winak ja maticajoꞌ nquinimaj ja utzlaj tzij xin Jesucristo ja rtakonto ja Dios.

2 Pedro 2:18

Nquibij nimak tak tzij pro xa mta rcꞌamonto. Ja ritzel tak yarinem ja cꞌo pa tak canma jariꞌ nequisiqꞌuibej ja winak ja cꞌa ma jaruꞌ ta tiempo equiyaꞌon can ja cachbil ja xa itzelal cꞌayon quixin.

Apocalipsis 18:3

Queriꞌ rbanon como arjaꞌ caniꞌ jun itzel ixok xa xeruban engañar ja winak ja recꞌo nojel nación, junwiꞌ yukeꞌ wiꞌ quecꞌuꞌx rmal, ma ruqꞌuin ta ja Dios ja katzij chi Dios in ja Dios arjaꞌ pi ryewal chiquij rmal. In chakajaꞌ ja rey ja recꞌo chwach ja rwachꞌulew ejeꞌeꞌ quibanon ja ritzelal ruqꞌuin ja Babilonia. In chakajaꞌ ja raj negocio ja recꞌo chwach ja rwachꞌulew, ejeꞌeꞌ eꞌocnak biyomaꞌ rmal ja negocio queban ruqꞌuin como ja mebaꞌil ja cꞌo ruqꞌuin nabey congana nim, nojel rwach ja mebaꞌil bukul ruqꞌuin in arjaꞌ congana nuyaꞌ rukꞌij rmal.

Apocalipsis 2:20

Pro cꞌoli ja nchꞌaꞌ chewe camic riꞌ. Ixix chaka quiꞌ chewe matechꞌaꞌ tre ja rixok Jezabel ja nuban. Arjaꞌ nbij chi cꞌoli nkꞌalasax jeꞌe chwach rmal ja Dios. Pro xa ma utz ta ja nucꞌut chiquewach ja rajsamajelaꞌ wxin, xa neruban engañar, nucꞌut chiquewach chi utz neꞌoc achꞌiꞌiꞌ cuqꞌuin ixokiꞌ ja ma quixjayilal ta in utz chakajaꞌ nquetiꞌ nakun ja tzujun chiquewach cachbal tak winak owi chwach rachbal tak nakun.