Gálatas 2:4 - Tz'utujil (Ja Cꞌacꞌa Chominem)

⁴ Laj ban puersa tre cumal juleꞌ winak ja kachꞌalal necheꞌxi, pro ma katzij ta chi e kachꞌalal. Ejeꞌeꞌ pan ekal xeꞌoc chikacojol, ncajoꞌ nokquicꞌambajaj in nokqueyoj como ajoj kaniman chi okwasanel chic libre pa rukꞌaꞌ ja ley xin Dios ja tzꞌibtal can rmal ja Moisés como xa jun kabanon chic ruqꞌuin ja Jesucristo. Pro ejeꞌeꞌ cajoꞌ ta xokquecoj chi ta jutij pa rukꞌaꞌ ja ley.

Tz'utujil NT

⁴ Xa tra xba'na pors tzra cmal jle' wnak je kch'alal nbixa chca, per me ktzij ta che e kch'alal. Arj-e' pnejkal xe'oca chkacjol, ncajo' nokqueban probar y nokqueyoj com ajoj kniman che okelsan chic libre pruk'a' rley Dios jtz'ibtanak rmal Moisés com xjun kabnon chic ruq'uin Jesucristo. Per arj-e' xcajo' ta xokquecsaj chic jmul pruk'a' ley.

Gálatas 2:4 Iomraidhean Croise

San Lucas 5:38

Pro ja rjawaxic chi nbani, ja cꞌacꞌa vino ncꞌoli chipan cꞌacꞌa tak cꞌolbal in nutoꞌ riꞌ chi caꞌiꞌ, nixtacꞌa vino in nixtacꞌa cꞌolbal ntzꞌilox ta.

Hechos 15:1

Ecꞌo cꞌa juleꞌ achiꞌiꞌ eꞌelnakel chipan ja departamento Judea, ebenak pan Antioquía. Ja cꞌa tok xeꞌekaji quemaj quitijoxic ja kachꞌalal, quewaꞌ quibij chique riꞌ: —Ja wi ma quixban circuncidar ja caniꞌ bin can chake rmal ja Moisés chi nkaban jariꞌ mta moda xtewil ta ja totajem xin Dios. Queriꞌ quibij chique.

Hechos 15:24

Kachꞌalal, xurkaj rbixic kuqꞌuin chi ecꞌo juleꞌ achiꞌiꞌ ja xeꞌelel chikacojol, xebe ewqꞌuin xequibij chewe chi rjawaxic chi nixban circuncidar in puersa nenimaj ja ley xin Dios ja tzꞌibtal can rmal ja Moisés. Queriꞌ quibij chewe, quicapujsaj ecꞌuꞌx in quesach enaꞌoj. Pro kachꞌalal, ma ajoj ta xoktakoꞌel quixin.

Hechos 20:30

In cꞌuluto ecꞌo juleꞌ achiꞌiꞌ ja recꞌo checojol camic ejeꞌeꞌ neyictaj na in nquemaj quitijoxic ja kachꞌalal tre juleꞌ itzel tak tijonem, nquicanoj nak nqueban chi nquecoj quiꞌ ja kachꞌalal cuqꞌuin.

Romanos 8:15

Caniꞌ chewe ixix wachꞌalal, tok xecꞌul ja rEspíritu Santo pa tak ewanma jariꞌ ma xuban ta ja Dios chewe ix caniꞌ ta juleꞌ moso ja xa lawuloꞌ nqueban rumac xben riꞌil caniꞌ xebanto nabey pro ja xuban chewe ix caniꞌ chakꞌlaj tak ralcꞌwal. Xa chewiꞌ tok noktzijon ruqꞌuin ja Dios: —Aba, Nataꞌ, nokcheꞌ tre.

2 Corintios 11:13

Como ejeꞌeꞌ riꞌ winak e apóstol necheꞌxi, pro ma e apóstol ta xin Cristo, ejeꞌeꞌ e juleꞌ ajsamajelaꞌ ja xa e banol tak engaño, xa nquecoj quiꞌ como apóstol rxin ja Cristo pro ma katzij ta.

2 Corintios 11:17

Pro ma queriꞌ ta tzijoni ja kajaw Jesucristo ja caniꞌ nintajini nintzijoni camic como ja nmajon rbanic camic xa nintajini nmajon ryaꞌic nukꞌij ja caniꞌ nuban jun achi ja xa ma chꞌobol ta nuban.

2 Corintios 11:20

Como ixix chaka quiꞌ chewe ja tok wi cꞌo jun winak ja chaka nixruban mandar in nuban chewe ix caniꞌ esclavo pa rukꞌaꞌ, owi nuqꞌuis chewach nojel ja cꞌol ewqꞌuin, owi nlakꞌaj ja renakun, owi nucoj riꞌ ruyon chi congana nim rukꞌij arjaꞌ chewach ixix, owi nuyaꞌ kꞌaꞌ xeꞌ tak ewey.

2 Corintios 11:26

Qꞌuiy ja viaje nbanon in ni cꞌo wiꞌ rcꞌayewal xinwil chipan. Cꞌo rkan tak yaꞌ xinruyaꞌ pa rcꞌayewal, ecꞌoli ja ralakꞌomaꞌ xinqueyaꞌ pa rcꞌayewal, ecꞌoli ja wach tak aj Israel xinqueyaꞌ pa rcꞌayewal, ecꞌoli ja ma e aj Israel ta xinqueyaꞌ pa rcꞌayewal. Cꞌo jeꞌe xinwil ja rcꞌayewal pa tak tinamit, cꞌo jeꞌe xinwil ja rcꞌayewal pa tak lugar ja bar ma ecꞌo ta wiꞌ winak, cꞌo jeꞌe xinwil ja rcꞌayewal parwiꞌ mar. Cꞌo jeꞌe chakajaꞌ xinqueyaꞌ pa rcꞌayewal ja winak ja nebini chi e kachꞌalal pro ma katzij ta ja nquibij.

2 Corintios 3:17

In camic nbij chewe, ja kajaw Jesucristo arjaꞌ xa jun quibanon ruqꞌuin ja rEspíritu, in wi cꞌol awqꞌuin ja rEspíritu rxin ja kajaw Jesucristo jariꞌ atwasanel chic libre.

Gálatas 1:7

Pro jariꞌ ma katzij ta chi utzlaj tzij, xar ecꞌo juleꞌ winak ja netajini nixqueyoj como ejeꞌeꞌ ncajoꞌ nqueqꞌuex ja utzlaj tzij ja ncꞌutu chikawach nak rbanic ja Cristo.

Gálatas 4:3

In queriꞌ cꞌa chake ajoj chakajaꞌ nabey ok caniꞌ tak acꞌalaꞌ, xokqꞌuejeꞌ na pa rukꞌaꞌ juleꞌ costumbre ja xa xocꞌo rukꞌij.

Gálatas 5:1

Rmalcꞌariꞌ nbij chewe, como ja Cristo arjaꞌ yoyon chake chi xokel libre pa rukꞌaꞌ ja ley cow cꞌa quixpeꞌe jutzꞌit, maxta quixmeloj chic jutij chewij, maxta cꞌoli nak ta xquixruchap chic jutij xquixrucoj chi ta jutij esclavo.

Gálatas 5:10

Anin cꞌo nseguro chi ja kajaw Dios arjaꞌ nuyaꞌ chi na chewe chi nenimaj ja nmajon rchꞌobic chewach. Pro ja winak ja nyojo ewxin xa nak ta chi winakil puersa nkꞌe̱t na tzij trij, xa kꞌetoj tzij chic cajal chwach.

2 Timoteo 3:6

Como ecꞌoli chiquicojol ja nquicanoj nak nqueban chi nebe jeꞌe cuqꞌuin ixokiꞌ chi cochoch nequibanaꞌ engañar. Ja rixokiꞌ xa matiquechꞌob ja nqueban, congana pokon nquenaꞌ pa tak canma rmal ja quil quemac in chaka nak ta chi tijonemal nel quecꞌuꞌx trij.

Santiago 1:25

Pro ja wi nojel acꞌuꞌx nojel awanma nayaꞌ awxquin chi rcꞌaxaxic ja utzlaj tzij xin Jesucristo in wi ni matatanbaꞌ wiꞌ rnimaxic jariꞌ quicotemal xin Dios rcꞌamonpi chawe. Queriꞌ rbanic como ma chaka ta nacꞌwaxaj como matamestaj pro naban cumplir ja nbij chawe. Ja utzlaj tzij xin Jesucristo majun ja maquita tzꞌakat tre, jariꞌ nokwasanel libre.

1 Pedro 2:16

Ixix ix libre pa quekꞌaꞌ ja winak pro ma ruqꞌuin ta ja rix libre chaka ta nojel ta ja ma utz ta xteban. Pro ja neban, tenimaj ja Dios como pa rukꞌaꞌ chic ixcꞌo wiꞌ camic.

2 Pedro 2:19

Quewaꞌ nquitzujuj chique riꞌ: —Ixix ix libre, majun nak ta cꞌo ta rukꞌaꞌ chewe, necheꞌ chique. Pro nixtacꞌa ejeꞌeꞌ ta e libre ta como xa echapon rmal ja ritzelal. Xa nak ta ja ritzelal ja ratchapyon ja wi macatcowin trij jariꞌ ma at libre ta, atcꞌo cꞌariꞌ pa rukꞌaꞌ ja chapyon awxin.

1 Juan 4:1

Chakꞌlaj wachꞌalal, teyaꞌaꞌ ewxquin tre ja xtinbij chewe riꞌ. E qꞌuiy ja winak quipaxin quiꞌ chwachꞌulew ejeꞌeꞌ nquibij chi tijonem xin Dios ja nqueyaꞌ. Pro xa quipayil ja nquibij, ma katzij ta. Rmalcꞌariꞌ tok nbij chewe, ma queꞌenimaj ta canojel ja winak ja nebini chi Espíritu xin Dios ecꞌayon. Pro ja neban, bien teyaꞌaꞌ cuenta chique janiꞌ netzijoni ja wi katzij chi Espíritu xin Dios ecꞌayon owi mani.

Judas 1:4

Queriꞌ nbij chewe como ecꞌoli ja rachiꞌiꞌ kas pan ekal eꞌocnak checojol in ejeꞌeꞌ riꞌ tzꞌibtal can ojer chique chipan ja rtzobal Dios chi cꞌol awaꞌ jun nimlaj juicio cajal chiquewach ja caniꞌ xtinchꞌob chewach riꞌ. Ejeꞌeꞌ xa e itzel tak winak, ja rutzil rxin ja katataꞌ Dios ejeꞌeꞌ xa nqueqꞌuex rbixic: —Tebanaꞌ nak cꞌol egana neban, ja Dios arjaꞌ nixrucuy, necheꞌe. Ja quicꞌaslemal jariꞌ ncꞌutuwi chi matiquinimaj ja Dios ja Jefe kaxin in ni xarwariꞌ jun ja kajefe, in matiquinimaj ja kajaw Jesucristo.