Gálatas 1:6 - Tz'utujil (Ja Cꞌacꞌa Chominem)

⁶ Kas takaꞌan junwiꞌ nnaꞌ emwal wachꞌalal como ixix nixtajini neyaꞌ can ja katataꞌ Dios pro ma cꞌa jaruꞌ ta waꞌan tiempo tenimaj pro makanaꞌ maquita arjaꞌ xixsiqꞌuini in xixrucoj chipan ja rutzil ja recochin tre ja Cristo. Pro camic emajon chic rnimaxic jun tijonem ja junwiꞌ chi na, utzlaj tzij xin Cristo neꞌxi.

Tz'utujil NT

⁶ Tak kas junwa' quenna' ewmal kch'alal com ixix nquixtajina neya' cana Kadta' Dios per majru' tc'a tiemp tenimaj, per utz tc'ara' che mquita arja' xixsiq'uina y xixrucsaj chpam utzil jecochin tzra Cristo. Per camic emjon chic rnimaxic jun tijonem je jun chwa' y utzlaj tzij rxin Cristo nbixa tzra.

Gálatas 1:6 Iomraidhean Croise

Marcos 6:6

Arjaꞌ kas junwiꞌ xunaꞌ rumac ja mta yukulbal quecꞌuꞌx ja winak ruqꞌuin. Cꞌacꞌariꞌ xelel, be pa tak aldea ja cꞌo chinakaj in xumaj quitijoxic ja winak.

San Juan 9:30

—Pro nak moda takaꞌan matichꞌobtaj emwal nak takyonto rxin pro xujak cꞌa nwach, neꞌe ja rachi chique.

Hechos 15:11

Pro ja rajoj bien kotak chi xa rmal ja rutzil ja nsipax chake rmal ja kajaw Jesucristo xa chewiꞌ tok nkawil ja totajem xin Dios in queriꞌ chique ja kachꞌalal ja ma e kach aj Israel ta chakajaꞌ. Queriꞌ xbij ja Pedro chique.

Romanos 10:3

Como ejeꞌeꞌ ma xcajoꞌ ta cotakij nak rbanic ja utzlaj cꞌaslemal ja nuyaꞌ Dios chake pro ja queban, cajoꞌ ta quiwinakarsaj nojoj queyon jun utzlaj cꞌaslemal ja junwiꞌ chi na in mta quigana ruqꞌuin ja utzlaj cꞌaslemal ja xin Dios.

Romanos 5:2

In jun chic, como ruqꞌuin ja Jesucristo yukul wiꞌ kacꞌuꞌx rmalariꞌ tok sipan chake jawaꞌ rutzil xin Dios ja cꞌa xinbij kaj chewe riꞌ in cow okpaꞌl chipan. In kotak chakajaꞌ chi nekachbilaj na ja Dios chipan ja utzlaj cꞌaslemal ja cꞌo wiꞌ arjaꞌ in congana nokquicoti chi raybexic.

Romanos 8:28

Ja cꞌa rajoj bien kotak chi ja Dios nsamaj chipan xa nak ta nkawil jeꞌe chipan ja kacꞌaslemal, arjaꞌ nchomarsaj nojelal ja nkawil utzcꞌa chi cꞌol utzil rcꞌamonto chake. Queriꞌ nuban chake ja wi nkajoꞌ ja Dios in wi oksiqꞌuin rmal chi kawilon ja totajem ja rchomarsanto ojer.

Romanos 8:30

Queriꞌ rchominto ja Dios ojer ja nuban chique canojel ja nyukeꞌ quecꞌuꞌx ruqꞌuin, arjaꞌ nersiqꞌuij chi neꞌoc ralcꞌwal, nuban chique caniꞌ mta quil quemac quibanon in nuyaꞌ chique chi nchꞌaꞌan chiquij ja nimlaj gloria xin Dios.

1 Corintios 4:15

Ix walcꞌwal como anin xinyoꞌ rbixic chewe ja utzlaj tzij xin Cristo Jesús in rmalariꞌ tok xa jun ebanon ruqꞌuin camic. Masqui e lajuj mil maestro xquewinakari ja nechꞌobo chewach nak rbanic ja Cristo pro ni xa nuyon wiꞌ anin inocnak etataꞌ chwach ja Dios.

2 Corintios 11:4

Queriꞌ nbij chewe como ixix chaka quiꞌ chewe ja tok ecꞌoli winak neꞌekaj ewqꞌuin, nqueyaꞌ rbixic jun Jesús chewe ja junwiꞌ chi na chwach ja kayaꞌ rbixic ajoj chewe. In jun chic, chaka quiꞌ chewe wi noc jun chic espíritu chewe ja junwiꞌ chi na chwach ja rEspíritu Santo ja xoc chewe nabey. In jun chic, chaka quiꞌ chewe chakajaꞌ wi nenimaj jun chic tijonem ja utzlaj tzij xin Jesucristo neꞌxi, pro xa junwiꞌ chi na chwach ja xenimaj nabey.

2 Corintios 2:17

Pro ajoj nkaban jawaꞌ samaj riꞌ como ma ok junan ta cuqꞌuin ja juleꞌ chic winak ja xa por interés nquexol ja rtzobal Dios ruqꞌuin juleꞌ itzel tak tijonem. Pro ajoj tok nkayaꞌ rbixic ja rtzobal Dios nojel kacꞌuꞌx nojel kanma nkayaꞌ, Dios nyoꞌ chake ja nkabij, arjaꞌ nokrutzꞌat, xa jun kabanon ruqꞌuin ja Cristo chi rbixic.

Gálatas 1:11

Bien tecꞌwaxaj wachꞌalal, ja utzlaj tzij xin Cristo ja xinyaꞌ rbixic chewe jariꞌ ma jun winak ta winakarsyon

Gálatas 1:15

Pro ja cꞌa Dios tok xerilaꞌ ja tiempo ja rchꞌobon chwij arjaꞌ xkꞌalasaj chinwach janiꞌ rnaꞌoj ja Jesucristo ja Ralcꞌwal utzcꞌa chi anin xtinyaꞌ rbixic ja Ralcꞌwal chique ja winak ja ma e aj Israel ta. Arjaꞌ nij inrchaꞌonto wiꞌ ja tok majaꞌn quinalaxi in xa rmal ja rutzil ja xincochij tre chewiꞌ tok xinrsiqꞌuij chi nban jawaꞌ samaj riꞌ. Ja cꞌa tok kꞌalasax chinwach nak rbanic ja Ralcꞌwal Dios ni majun winak xinbe ta ruqꞌuin xincꞌwaxaj ta razón tre nak rbanic como jariꞌ kꞌalasan chic chinwach rmal ja Dios.

Gálatas 1:7

Pro jariꞌ ma katzij ta chi utzlaj tzij, xar ecꞌo juleꞌ winak ja netajini nixqueyoj como ejeꞌeꞌ ncajoꞌ nqueqꞌuex ja utzlaj tzij ja ncꞌutu chikawach nak rbanic ja Cristo.

Gálatas 2:14

Ja cꞌa ranin ja tok chꞌobtaj mwal chi matucꞌam riꞌ ruqꞌuin ja utzlaj tzij xin Jesucristo ja queban cꞌacꞌariꞌ xinchꞌaꞌ tre ja Pedro pro ni chiquewach canojelal: —Ja xaban chique ja kachꞌalal riꞌ ja ma e aj Israel ta, ja nel chiquewach chi puersa noqui ja kacostumbre ajoj ja rok aj Israel. ¿Nak cꞌa tre tok xaban quelaꞌ? Pro makanaꞌ maquita xeꞌawachbilaj nabey, xatwaꞌ waꞌan cuqꞌuin masqui at aj Israel, makanaꞌ maquita xatel conforme nabey chi matiyukeꞌ chic acꞌuꞌx ruqꞌuin ja ley.

Gálatas 2:2

Ja Dios arjaꞌ kꞌalasan chinwach chi nban jawaꞌ viaje riꞌ. Ja cꞌa tok xokekaji pa Jerusalén xinchꞌob chiquewach ja kachꞌalal nak rbanic ja utzlaj tzij xin Jesucristo ja nmajon rbixic anin chique ja winak ja ma e aj Israel ta xarwariꞌ ja más nimak quekꞌij chiquicojol ja kachꞌalal kayonaj kiꞌ cuqꞌuin ja tok xinchꞌob chiquewach. Queriꞌ xinban utzcꞌa chi nkacꞌam kiꞌ cuqꞌuin utzcꞌa maquita nyojtaji ja samaj xin Dios ja nbanon chic in chakajaꞌ ja samaj ja majaꞌn tinban.

Gálatas 2:5

Pro ja cꞌa rajoj nixtacꞌa kanimaj ta jutzꞌit ja ncajoꞌ chake, ma xekanimaj ta pro emwal ixix utzcꞌa chi ja utzlaj tzij xin Jesucristo matiqꞌuextaji rbixic ja tok ncꞌu̱t chewach.

Gálatas 2:7

Pro ja queban chake congana xequicot chakij. Como ejeꞌeꞌ bien chꞌobtaj cumal chi ja Dios arjaꞌ ryaꞌon chi nukul anin chi nenyaꞌaꞌ rbixic ja utzlaj tzij xin Jesucristo chique ja ma e aj Israel ta como caniꞌ ryaꞌon chi rukul Pedro chi arjaꞌ nuyaꞌ rbixic chique ja wach tak aj Israel.

Gálatas 5:14

—Caniꞌ chawe atat nawajoꞌ kaj awiꞌ ayon queriꞌ cꞌa tabanaꞌ chique ja juleꞌ chic winak queꞌawajoꞌ chakajaꞌ, queriꞌ nbij ja rtzobal Dios. Ja wi xenimaj awaꞌ jun mandamiento ja cꞌa xinbij kaj chewe riꞌ xa ruqꞌuin ariꞌ xeban cumplir nojel ja nbij ja ley chewe chi neban.

Gálatas 5:4

Ja wi nyukeꞌ chic ecꞌuꞌx ruqꞌuin ja ley in wi rmalariꞌ tok nechꞌob chi nixrutoꞌ ja Dios in nixrwasajel libre chipan ja rewil emac jariꞌ xeyaꞌ can ariꞌ ja Cristo, xeyaꞌ can ariꞌ ja rutzil ja xecochij tre ja Dios.

2 Tesalonicenses 2:14

Queriꞌ rchomin ja Dios ojer in rmalcꞌariꞌ tok xixrsiqꞌuij chi xewil ja totajem ja tok kabij chewe ja utzlaj tzij xin Jesucristo. Queriꞌ xuban ja Dios utzcꞌa caniꞌ nba̱n tre ja kajaw Jesucristo nya̱ꞌ rukꞌij queriꞌ cꞌa xtiban chewe ixix chakajaꞌ.

1 Timoteo 1:14

In ja kajaw Jesucristo congana xinrajoꞌ masqui in ajꞌil in ajmac in xuyaꞌ chwe chi yukeꞌ nucꞌuꞌx ruqꞌuin in xwinakarsaj ja rajoben riꞌil xin Dios pa ncꞌaslemal como jariꞌ nyataj chawe ja tok nojel acꞌuꞌx nanimaj ja Cristo Jesús.

1 Timoteo 1:3

Atat awotak ja xinbij can chawe ja tok xinpeti waweꞌ pa Macedonia. Ja xinbij can chawe chi ecꞌo jujun ja tijonem nqueyaꞌ ma junan ta ruqꞌuin ja caniꞌ nkayaꞌ ajoj in xinbij can chic chawe chakajaꞌ chi natqꞌuejeꞌ can pa Efeso chi nachꞌaꞌ chique utzcꞌa chi ma tiqueyaꞌ ta más.

2 Timoteo 1:9

Ja Dios arjaꞌ xokrutoꞌ, xokruchaꞌ chi nkaban ja nrajoꞌ chake chi nkaban pro ma rmal ta chi cꞌo ta kachꞌecbej tok xuban queriꞌ chake, xa rmal ja rchomarsanto ojer in rmal ja rutzil arjaꞌ tok xuyaꞌ chake. Jariꞌ nij ojer wiꞌ rchomarsanto ja tok majaꞌn titzꞌucarsaj ja rwachꞌulew tok xchomarsaj chi nutakto ja Cristo Jesús chi katoꞌic.

2 Timoteo 2:1

In atat ncꞌajol, tacochꞌoꞌ awach chipan ja rutzil xin Dios ja rcꞌamonto ja Jesucristo.

1 Pedro 1:15

Ja nrajoꞌ, jun chꞌajchꞌojlaj anma newcꞌaj nojel tiempo. Como ja Dios arjaꞌ xixrsiqꞌuij chi xixoc ralcꞌwal como arjaꞌ ni rcꞌan wiꞌ jun chꞌajchꞌojlaj anma chewiꞌ tok rjawaxic chi newcꞌaj ixix chakajaꞌ jun chꞌajchꞌojlaj anma.

2 Pedro 1:3

Ja Dios cꞌo pa rukꞌaꞌ nojelal, arjaꞌ nojel ryaꞌon chake ja ncꞌatzin chake chi nokcowini nkucꞌaj jun utzlaj cꞌaslemal ja utz ntzꞌa̱t rmal. Queriꞌ nuban ja Dios chawe ja tok nawotakij janiꞌ rnaꞌoj. Arjaꞌ xokrsiqꞌuij utzcꞌa chi nokoc rachbil chipan ja sakil utzcꞌa chakajaꞌ chi nkucꞌaj jun utzlaj anma ja caniꞌ ranma arjaꞌ.

Apocalipsis 22:21

Wachꞌalal, kas ta xtiqꞌuejeꞌe ja rutzil rxin ja kajaw Jesucristo ewqꞌuin ewanojelal. Amén.