Gálatas 1:4 - Tz'utujil (Ja Cꞌacꞌa Chominem)

⁴ Ja Jesucristo arjaꞌ xuyaꞌ riꞌ pa camíc, camsax rmal ja kil kamac. Queriꞌ xuban jariꞌ xokrtobej pa rukꞌaꞌ ja ritzelal ja cꞌo chipan awaꞌ tiempo ja rokcꞌo wiꞌ riꞌ in tok xuban queriꞌ jariꞌ ni rvoluntad wiꞌ ja katataꞌ Dios ja xuban.

Tz'utujil NT

⁴ Jesucristo arja' xuya' ri' pe cmic, xcomsasa rmal kil kamac. Cara' xuban che xokrtobej pruk'a' rtzilal jc'ola chpam jawra tiemp rxin rwech ruch'lew jokc'ol wa', y tak xuban cara' njara' wa' xrajo' ranm Kadta' Dios.

Gálatas 1:4 Iomraidhean Croise

San Mateo 13:22

Ja cꞌa rijaꞌtz ja kaj pa tak qꞌuix jariꞌ tibij tzij ja winak ja nquicꞌaxaj ja utzlaj tzij pro tok nqꞌuiswani xa jaꞌ nquibisoj chic ja xin rwachꞌulew in xa neba̱n engañar rmal ja mebaꞌil. Rmalcꞌariꞌ tok xa ncami ja utzlaj tzij ja cꞌo pa tak canma, mta rwach nuyaꞌ.

San Mateo 20:28

Caniꞌ xuban ja Ralcꞌwalaxel ja xoc alaxic cuqꞌuin ja winak, arjaꞌ pi waweꞌ chwachꞌulew pro ma rmal ta chi nilix cumal winak pro jariꞌ peti chi arjaꞌ noc jun ilinel quixin ja winak. In peti chakajaꞌ utzcꞌa chi arjaꞌ nuyaꞌ riꞌ pa camíc in ja rcamic e janila ja winak nerlokꞌbej chipan ja quil quemac. Queriꞌ xbij ja Jesús chique.

San Mateo 26:28

como jawaꞌ wariꞌ jawaꞌ nquiqꞌuel ocnak rseguro ja cꞌacꞌa chominem ja rchomin ja Dios. Ja nquiqꞌuel e qꞌuiy ja winak nti̱x na pa quicuenta utzcꞌa chi ncuytaji ja quil quemac.

San Mateo 26:42

Cꞌacꞌariꞌ meloj chic jutij chi rbanic ja roración: —Nataꞌ, ja wi ni mta wiꞌ moda ja maquita xquinkꞌax chipan ja rpokonal riꞌ xtibantaj ta cꞌa ja ravoluntad, neꞌ chic tre ja Tatixel.

San Mateo 6:9

Rmalcꞌariꞌ nbij chewe, ja tok neban oración quewaꞌ nebij riꞌ: —Katataꞌ Dios ja ratcꞌo chilaꞌ chicaj, lokꞌ ta xtinaꞌi ja rabiꞌ cumal ja winak.

Marcos 10:45

Caniꞌ xuban ja Ralcꞌwalaxel ja xoc alaxic cuqꞌuin ja winak, arjaꞌ pi waweꞌ chwachꞌulew pro ma rmal ta chi nilix cumal winak pro jariꞌ peti chi arjaꞌ noc jun ilinel quixin ja winak. In peti chakajaꞌ utzcꞌa chi arjaꞌ nuyaꞌ riꞌ pa camíc in ja rcamic e janila ja winak nerlokꞌbej chipan ja quil quemac. Queriꞌ xbij ja Jesús chique.

San Lucas 22:19

Cꞌacꞌariꞌ xucꞌam ja caxlanway, xmaltioxij tre ja Dios, xuwechꞌ in xujach chique, quewaꞌ xbij chic chique riꞌ: —Jawaꞌ wariꞌ ncuerpo ja nja̱ch na pa camíc pan ecuenta, tetijaꞌ. Ja cꞌa tok netij jariꞌ nenatbej wxin, neꞌ chique.

San Lucas 22:42

—Nataꞌ, anin nwajoꞌ nabij ta chwe chi maquita ninkꞌax chipan awaꞌ rpokonal ja penak chinwach riꞌ xarwariꞌ ni ta cꞌa xquinkꞌax wiꞌ chipan ja wi queriꞌ nawajoꞌ chwe chi nban, neꞌ tre ja Tatixel.

San Juan 10:11

Anin in ajyukꞌ ja ni katzij wiꞌ chi in utzlaj ajyukꞌ. Ja utzlaj ajyukꞌ arjaꞌ matipokonaj ncam pa quicuenta ja tak carnelo.

San Juan 12:31

Camic xurwilaꞌ ja tiempo chi nkꞌalajini nak rbanic ja ritzelal ja cꞌo pa tak canma ja winak waweꞌ chwachꞌulew, xurwilaꞌ ja tiempo chi nkajsax rchokꞌakꞌ ja Satanás ja nbano mandar waweꞌ chwachꞌulew in nbatataxel.

San Juan 5:30

Anin mta moda ja xta nnaꞌoj anin xtincoj kaj ta nuyon, ja tzij ja nbix chwe rmal ja Tatixel jariꞌ nkꞌetbej tzij chiquij ja winak. Anin ni rubey wiꞌ ja kꞌetoj tzij nban como ma nvoluntad ta anin nban kaj nuyon pro rvoluntad ja Tatixel ja takyonpi wxin.

San Juan 6:38

Anin xinkajto chilaꞌ chicaj, inpenak chi rbanic ja rvoluntad ja rintakyonto, ma nvoluntad ta anin nunbanaꞌ kaj ta nuyon.

Romanos 1:7

Jawaꞌ carta riꞌ ewxin ewanojelal wachꞌalal. Ixix janila nixrajoꞌ ja Dios arjaꞌ xixsiqꞌuini chi ixocnak ix tinamit rxin. Ja rutzil ja nsipaj ja Dios chake rachbil ja quicotemal xin Dios, ja tariꞌ xtecochij más tre ja katataꞌ Dios in tre ja kajaw Jesucristo.

Romanos 12:2

Maxta tewcꞌaj ixix jun cꞌaslemal ja caniꞌ quicꞌaslemal winak ja xa ruqꞌuin rwachꞌulew yukul wiꞌ quecꞌuꞌx. Pro ja neban, kꞌij kꞌij teyaꞌaꞌ lugar tre ja Dios chi arjaꞌ nuqꞌuex ja renaꞌoj, teyaꞌaꞌ lugar tre chi nucoj cꞌacꞌa tak naꞌoj chewe. Queriꞌ ta xteban jutzꞌit utzcꞌa chi newotakij janiꞌ rvoluntad ja Dios utzcꞌa chi newotakij nak ja utz ntzꞌa̱t rmal ja Dios utzcꞌa chi newotakij chakajaꞌ chi ja rvoluntad ja Dios jariꞌ ni utz wiꞌ in majun nak ta falta tre.

Romanos 4:25

Ja cꞌa kajaw Jesús arjaꞌ camsaxi rmal kil kamac in cꞌastaji chiquicojol camnakiꞌ utzcꞌa chi nba̱n chake rmal ja Dios caniꞌ mta kil kamac kabanon.

Romanos 8:27

Ja cꞌa Dios arjaꞌ bien rotak nojelal ja nkachꞌob kaj pa tak kanma ja rok winak in bien rotak chakajaꞌ janiꞌ rnaꞌoj ja rEspíritu Santo. Rotak como ja rEspíritu Santo tok nokrutoꞌ ja rok tinamit xin Dios chi rbanic ja roración ni rvoluntad wiꞌ ja Dios ja ncꞌutuj.

Romanos 8:3

Ja cꞌa ley xin Dios jariꞌ ma xcowin ta xokrutoꞌ ta chipan ja kil kamac. Como xa ok winak chewiꞌ tok ma xcowin ta ja ley xuqꞌuex ta ja ritzel tak naꞌoj kucꞌan. Pro ja Dios arjaꞌ cowini xokrutoꞌ, xutakto ja Ralcꞌwal ja ni xarwariꞌ jun. Peti ja Ralcꞌwal, xoc kach winak ja rok ajꞌil ok ajmaquiꞌ pro xarwariꞌ mta ril rumac arjaꞌ. Rmal kil kamac chewiꞌ tok takto. Queriꞌ cꞌa xuban ja Dios jariꞌ xkajsbej ja poder rxin ja il mac ja cꞌo pa tak kanma ja rok winak.

Romanos 8:32

Ja Dios ma xpokonaj ta xutakto ja Ralcꞌwal, xarariꞌ jun, xutakto chi xurcam kaj pa kacuenta kanojelal. Ja wi ma xpokonaj ta xutakto ja Ralcꞌwal ¿nak moda xtipokonaj xtuyaꞌ chake ja xa nak ta ncꞌatzin chake?

1 Corintios 15:3

Ja xinchꞌob chewach nabey jariꞌ ja kꞌalasan chic jeꞌe chinwach anin in quewaꞌ rbanic riꞌ. Cami ja Cristo pro rmal kil kamac ja tok cami in ni tzꞌibtal can wiꞌ ojer chipan ja rtzobal Dios chi arjaꞌ ncam na pa kacuenta.

2 Corintios 4:4

Matichꞌobtaj cumal como ja diablo ja rcojon riꞌ como dios waweꞌ chwachꞌulew arjaꞌ rmoyirsan ja quewiꞌ canma. Queriꞌ nuban ja diablo chique ja winak ja matiyukeꞌ quecꞌuꞌx ruqꞌuin ja Jesucristo utzcꞌa ja luz xin Dios matekaji pa tak canma. Jariꞌ luz jariꞌ ja utzlaj tzij xin Dios ja ncꞌutuwi chi janila nim rukꞌij ja Cristo. Ja cꞌa Cristo arjaꞌ ni junan quinaꞌoj ruqꞌuin ja Dios.

Gálatas 2:20

Ja chwe anin, anin jun xincamsax ruqꞌuin ja Cristo chwach ja cruz. Ja cꞌaslemal ja cꞌo chic chwe camic jariꞌ ma anin chi ta ja rincꞌasli, Cristo chic ja cꞌas pa wanma. Ja yukulbal nucꞌuꞌx ruqꞌuin ja Cristo ja Ralcꞌwal Dios jariꞌ cꞌayon chic wxin chipan awaꞌ cꞌaslemal ja cꞌo chic chwe waweꞌ chwachꞌulew. Janila ninrajoꞌ ja Cristo como arjaꞌ ma xpokonaj ta xuyaꞌ riꞌ pa camíc mwal.

Gálatas 6:14

Pro anin nat cꞌo wariꞌ chwe ja xtinban ta queriꞌ. Pro ja rcamic ja kajaw Jesucristo chwach cruz solo jariꞌ ja nyaꞌ rukꞌij anin. Ja chwe anin caniꞌ ripon chic chwach cruz ja ritzelal xin rwachꞌulew in queriꞌ chwe anin chakajaꞌ in caniꞌ inripon chic chwach cruz, caniꞌ incamnak chic chwach ja ritzelal, mchita ngana ruqꞌuin.

Efesios 1:11

In chakajaꞌ como xa jun kabanon ruqꞌuin ja Jesucristo chewiꞌ tok cꞌo jun herencia xin Dios ja yatajnak chake. Ja Dios ni rchominto wiꞌ ojer chi nuyaꞌ chake ja herencia, nijawariꞌ rchꞌobonto chakij. Xa nak ta ja nbantaj jeꞌe mta ariꞌ ja maquita nsamaji ja Dios chipan chi rbanic cumplir ja rvoluntad arjaꞌ.

Efesios 2:2

Ja il mac ni chipan wiꞌ ixcꞌo wiꞌ nabey, xeban ja ritzelal ja caniꞌ nqueban ja winak ja xa ruqꞌuin rwachꞌulew yukul wiꞌ quecꞌuꞌx. Xa rvoluntad ja diablo xeban, jariꞌ diablo ja jefe quixin ja ritzel tak espíritu ja neqꞌuejeꞌ chicaj chipan ja aire. Jariꞌ itzel tak espíritu ja nesamaj pa tak canma ja winak ja maquenimani camic.

Efesios 5:16

Maxta chaka queriꞌ tikꞌax jun kꞌij chewach pro kꞌij kꞌij ni tebanaꞌ wiꞌ ja rutzil. Queriꞌ nbij chewe como congana itzelal nbantaj chipan awaꞌ tiempo ja rokcꞌo wiꞌ riꞌ.

Efesios 5:2

In tewajoꞌ ewiꞌ caniꞌ xuban ja Cristo chake como arjaꞌ xokrajoꞌ, xuyaꞌ riꞌ pa camíc kumal. Ja tok cam pa kacuenta ja Cristo jariꞌ jun ofrenda, jun sacrificio chwach ja Dios in xel rucꞌuꞌx ja Dios trij.

Efesios 6:12

Queriꞌ nbij chewe como ja kas mero kacꞌulel ja kamajon chꞌaꞌoj cuqꞌuin ma ejeꞌeꞌ tariꞌ ja kach tak winak. Pro ja kas mero kacꞌulel ejeꞌeꞌ riꞌ canojelal ja ritzel tak ángel, juleꞌ itzel ángel ja nebano mandar waweꞌ chwachꞌulew pa tak quewiꞌ pa tak canma ja winak ja xa kꞌekumal ecꞌayon, juleꞌ itzel tak espíritu ja neqꞌuejeꞌ chicaj chipan ja aire.

Filipenses 4:20

Kas ta xtiyaꞌ rukꞌij ja katataꞌ Dios camic, chwak in chijutij. Amén.

1 Tesalonicenses 1:3

Ja tok nkaban orar ruqꞌuin ja katataꞌ Dios ni nurkaj wiꞌ chake nojel ja samaj ja rebanon rmal ja yukulbal ecꞌuꞌx ruqꞌuin ja Jesucristo. Bien nurkaj chake nojel ja rutzil ja rebanon rmal ja rajoben riꞌil xin Dios ja cꞌo pa tak ewanma in bien nurkaj chake chakajaꞌ nojel ja recochꞌon rmal ja congana nixquicoti chi raybexic ja kajaw Jesucristo.

1 Tesalonicenses 3:11

Ja nkajoꞌ ajoj, ja katataꞌ Dios in ja kajaw Jesucristo ejeꞌeꞌ ta netoꞌo kaxin utzcꞌa chi nokcowini nokbe ewqꞌuin.

1 Tesalonicenses 3:13

Queriꞌ nkajoꞌ chewe utzcꞌa ja kajaw Jesús nuyaꞌ ta chewe chi ni matiqꞌuis wiꞌ ja yukulbal ecꞌuꞌx ruqꞌuin utzcꞌa chakajaꞌ tok xtipi chic jutij ja kajaw Jesucristo e rachbil canojel ja re rxin tokocꞌariꞌ nixoc chwach ja katataꞌ Dios in ni majun nak ta ja rewil nbixi pro ni chꞌajchꞌoj ja rewanma triꞌ.

2 Tesalonicenses 2:16

Ja katataꞌ Dios congana nokrajoꞌ in rmal ja rutzil chijutij xyukbaꞌ kacꞌuꞌx in xuyaꞌ chake chi nokquicoti nkaybej más ja rutzil. Ja ngana anin ja kajaw Jesucristo in ja katataꞌ Dios nquiyukbaꞌ ta ecꞌuꞌx in nqueyaꞌ ta ewachokꞌakꞌ chipan ja utzlaj tzij ja remajon rbixic in tre nojel ja rutzil ja remajon rbanic.

1 Timoteo 2:6

Arjaꞌ xujach riꞌ pa quekꞌaꞌ ja winak chi camsaxi jariꞌ xokrlokꞌbej kanojelal ja rok winak. Ja xuban ja Jesús, Dios ni rchominto wiꞌ ja kꞌij rxin in yaꞌon chic rbixic.

Tito 2:14

Kumal ajoj tok xujach riꞌ pa quekꞌaꞌ ja winak chi camsaxi, xokrutoꞌ chipan ja kil kamac utzcꞌa chi arjaꞌ nchꞌachꞌojirsaj ja kacꞌaslemal. Queriꞌ xuban utzcꞌa chi nokoc tinamit rxin utzcꞌa chi nel kacꞌuꞌx trij ja banoj utzil.

Hebreos 2:5

Como ja Dios arjaꞌ ma pa quekꞌaꞌ ta ángel rcojon wiꞌ ja cꞌacꞌa rwachꞌulew ja penak ja kamajon rnataxic ewqꞌuin camic.

Hebreos 6:5

Bien quenaꞌ janiꞌ rquiꞌil ja rtzobal Dios chi congana utzil rcꞌamonto in quenaꞌ chakajaꞌ janiꞌ ja nimlaj poder rcꞌan ja tiempo ja penak chikawach ja rcꞌamonto ja Cristo.

Hebreos 9:14

Pior cꞌa ja rquiqꞌuel ja Cristo jariꞌ más chi na nim rsamaj. Ja Cristo arjaꞌ xtzujuj riꞌ chwach ja Dios, camsaxi, xoc jun sacrificio pro jun sacrificio ja ni majun ja maquita tzꞌakat tre in ja toꞌo rxin chi rbanic ja wariꞌ jariꞌ ja rEspíritu Santo ja ni mta wiꞌ qꞌuisic trij. Ja rquiqꞌuel ja Cristo janila nsamaji, nchꞌachꞌojirsaj chi utz ja kanma chi matitiꞌon chic ja kaconciencia in rmalariꞌ nokcowini nkayaꞌ can ja kabanon jeꞌe ja xa camíc rcꞌamonto in noksamaj chic pa rcuenta ja cꞌaslic Dios.

Santiago 4:4

Xa más na yukul ecꞌuꞌx ruqꞌuin ja ntzujuj ja rwachꞌulew chwach ja nyukeꞌ ecꞌuꞌx ruqꞌuin ja Dios. ¿La ma ewotak ta cꞌa nak rcꞌamonto ja tok yukul ecꞌuꞌx ruqꞌuin ja ntzujuj ja rwachꞌulew? Ja tok queriꞌ neban jariꞌ xa necꞌullaꞌaj ja Dios. Ja winak ja ncajoꞌ nyukeꞌ quecꞌuꞌx ruqꞌuin ja rwachꞌulew xa nak ta chi winakil ejeꞌeꞌ neꞌoc rcꞌulel ja Dios.

1 Pedro 2:24

Ja Cristo arjaꞌ xrijkaj ja kil kamac chwach cruz. Queriꞌ xuban utzcꞌa chi nokel libre pa rukꞌaꞌ ja il mac in matikaban chic, utzil chic nrajoꞌ chake chi nkaban. Arjaꞌ soctaj pan ecuenta rmalcꞌariꞌ tok xixtzuri.

1 Pedro 3:18

Ja Cristo arjaꞌ ban pokon tre chakajaꞌ, camsax rmal ja kil kamac, xa jutij cami, mchita ja camíc trij. Arjaꞌ ni majun ril rumac pro cam pa kacuenta ja rok ajꞌil ok ajmaquiꞌ. Ja tok queriꞌ xuban jariꞌ xjakbej kabey chikawach chi nokekaj na ruqꞌuin ja Dios. Arjaꞌ camsaxi como winak pro cꞌastaji como espíritu.

1 Juan 2:2

Arjaꞌ chomarsbal rxin ja kil kamac in ma ruyon ta chake ajoj nuban wiꞌ queriꞌ, canojel winak ja nuban queriꞌ chique.

1 Juan 3:16

Ja Jesucristo arjaꞌ xuyaꞌ riꞌ chi camsax pa kacuenta, triꞌ nkotakij wiꞌ janiꞌ ja rajoben riꞌil. Queriꞌ chake ajoj chakajaꞌ yatal chakij chi matikapokonaj nkayaꞌ kiꞌ pa camíc pa quicuenta ja kachꞌalal.

Apocalipsis 1:5

in xtecochij ta tre chakajaꞌ ja Jesucristo, arjaꞌ ocnak testigo xin Dios in ni katzij wiꞌ ja testigoꞌil nuyaꞌ, arjaꞌ ja Ralcꞌwalaxel nabey winak ja cꞌastaji chiquicojol ja camnakiꞌ, arjaꞌ cꞌo rukꞌaꞌ chique ja rey xin rwachꞌulew chi neruban mandar. Arjaꞌ janila xokrajoꞌ, xuchꞌaj ja kil kamac tre ja rquiqꞌuel

Apocalipsis 5:9

In cꞌo jun cꞌacꞌa bix nquibixaj tre ja Carnelo quewariꞌ: —Atat ni yatal wiꞌ chawe chi nacꞌam ja wuj in nawasaj ja sello rcꞌan. Queriꞌ nkabij chawe como atat xatcamsaxi in ja raquiqꞌuel jariꞌ xokalokꞌbej chi xokoc pa rcuenta ja Dios. Queriꞌ abanon chake xa nak ta tribu ja rokcꞌo wiꞌ, xa nak ta katzobal, xa nak ta katinamit, xa nak ta kanación.

Apocalipsis 7:9

Ja cꞌa tok tzꞌattaj mwal awaꞌ wariꞌ ecꞌo juleꞌ winak xenutzꞌat pro congana e qꞌuiy, ni majun winak cowin ta xeralaj ta, nojel nación epenak wiꞌ, nojel tribu epenak wiꞌ, nojel tinamit epenak wiꞌ in nojel tzobal netzijon wiꞌ. Ejeꞌeꞌ epaꞌloc chwach ja trono in chwach ja Carnelo, quicojon juleꞌ tziak sak in cucꞌan rxak tak palma pa quekꞌaꞌ.