Gálatas 1:11 - Tz'utujil (Ja Cꞌacꞌa Chominem)

¹¹ Bien tecꞌwaxaj wachꞌalal, ja utzlaj tzij xin Cristo ja xinyaꞌ rbixic chewe jariꞌ ma jun winak ta winakarsyon

Tz'utujil NT

¹¹ Bien tewc'axaj wch'alal, jutzlaj tzij rxin Cristo jxenya' rbixic chewa jara' mjun ta wnak wankersyona.

Gálatas 1:11 Iomraidhean Croise

Romanos 2:16

Ja tok xterilaꞌ ja nimlaj kꞌij xin juicio tokoriꞌ xtibantaj cumplir nojel awaꞌ ja cꞌa xinbij kaj chewe riꞌ. Ja cꞌa tok xterilaꞌ riꞌ kꞌij ja Dios arjaꞌ xtucoj ja Jesucristo chi rkꞌetic tzij chiquij ja winak, xtucoj chi rkꞌalasaxic nojel ja quichꞌobon in nojel ja quibanon ja xa quiwawan pa tak canma. Queriꞌ nucꞌut chikawach ja utzlaj tzij xin Jesucristo ja ni nmajonto wiꞌ rbixic anin.

1 Corintios 11:23

Queriꞌ nbij chewe wachꞌalal como ma queriꞌ ta neban tre ja caniꞌ xincꞌut chewach. Como ja kꞌalasax chinwach anin rmal ja kajaw Jesús jariꞌ ja xincꞌut chic chewach ixix in quewaꞌ rbanic riꞌ. Ja kajaw Jesús jariꞌ akꞌaꞌ tok xajalal majaꞌn tijach pa quekꞌaꞌ ja winak ja xetzelan rxin, arjaꞌ xucꞌam ja caxlanway in xmaltioxij tre ja Dios.

1 Corintios 3:4

Como jun nbij: —Anin in xin Pablo, neꞌe, in jun chic nbij: —Mni, anin in xin Apolos, neꞌe. Ja tok xa queriꞌ neban ¿la ma ja ta cꞌariꞌ ncꞌutuwi chi xa ix junan cuqꞌuin winak ja mta Espíritu Santo pa tak canma?

1 Corintios 9:8

¿La xcꞌa nnaꞌoj anin nuyon ja cꞌa xinbij kaj chewe riꞌ nechꞌob ixix? ¿La ma queriꞌ ta cꞌa nbij ja ley xin Dios chakajaꞌ?

Gálatas 1:1

Anin in Pablo, inocnak apóstol rxin ja Jesucristo. Pro ma cuqꞌuin winak ta penak wiꞌ chi inocnak apóstol in chakajaꞌ ma winak ta etakyonel wxin chi rbanic jawaꞌ samaj riꞌ. Ja Jesucristo rachbil ja katataꞌ Dios ejeꞌeꞌ etakyonel wxin chi rbanic. Jariꞌ mismo Dios ja yico rxin ja Jesucristo chipan ja camíc.

Gálatas 1:6

Kas takaꞌan junwiꞌ nnaꞌ emwal wachꞌalal como ixix nixtajini neyaꞌ can ja katataꞌ Dios pro ma cꞌa jaruꞌ ta waꞌan tiempo tenimaj pro makanaꞌ maquita arjaꞌ xixsiqꞌuini in xixrucoj chipan ja rutzil ja recochin tre ja Cristo. Pro camic emajon chic rnimaxic jun tijonem ja junwiꞌ chi na, utzlaj tzij xin Cristo neꞌxi.