Filemón 1:8 - Tz'utujil (Ja Cꞌacꞌa Chominem)

^8-9 Wachꞌalal Filemón, como atat congana neꞌawajoꞌ ja kachꞌalal chewiꞌ tok congana nban recomendar chawe, ja tok xtekaji ja rOnésimo awqꞌuin kas ta quiꞌil rcꞌulic xtaban. Jariꞌ ni yatal wiꞌ chawij chi nacꞌul. Tzucꞌa wixta cꞌo ngana nbij chawe chi puersa nacꞌul ja queriꞌ matinnaꞌ wiꞌ nbij chawe como yatajnak chwe rmal ja Cristo chi queriꞌ nbij chawe. Pro mta ngana ja xcatnuban ta mandar. Mejor ja nkaban, rumac ja rajoben riꞌil xin Dios ja yatajnak chake rmal ja Jesucristo chewiꞌ tok congana nban recomendar chawe chi nacꞌul ja rOnésimo. Kas turkaj chawe chi anin in Pablo, in riꞌj chic in chakajaꞌ inocnak preso pa cheꞌ rmal ja Jesucristo.

Tz'utujil NT

^8-9 Wch'alal Filemón, atet congan nque'awajo' kch'alal y rmal c'ara' tak quenwajo' quenc'utuj chawa, tak xtekaja Onésimo awq'uin kas ta qui'il rc'ulic xtaban. Jara' nyatanak wa' chawij chnac'ul. Tetz'ta' mpa', wexte c'ola ngan quenbij chawa chpors nac'ul jara' majo'n quenna' ta quenbij chawa com yatanak chwa rmal Cristo chcara' quenbij chawa. Per majo'n ngan catnuban mandar. Mejor je nkaban, rmal ojben ri'il rxin Dios jyatanak chka rmal Jesucristo, rmal jara' tak quenc'utuj chawa chnac'ul Onésimo. Kas terkaja pnawá' che anen en Pablo, en ri'j chic y chka' enc'ola pcars rmal Jesucristo.

Filemón 1:8 Iomraidhean Croise

2 Corintios 10:8

Ok apóstol rxin como arjaꞌ ryaꞌon chake chi cꞌo kakꞌaꞌ chewe in ma qꞌuixbal ta nnaꞌ ja congana nnataj chewe nojel ja rcojon pa kakꞌaꞌ como ni katzij wiꞌ. Pro jariꞌ ixrcojon pa kakꞌaꞌ chi nixkatoꞌ utzcꞌa chi nixqꞌuiyi, ma rmal ta chi nixkayoj.

2 Corintios 11:21

Ja cꞌa rajoj kas qꞌuixbal nnaꞌ nbij chewe chi xa ok débil como ma xokcowin ta kaban ta queriꞌ chewe. Pro ja camic nbij chewe, ejeꞌeꞌ riꞌ winak xa nak ta ja nquibij chewe ja nquiyabej quekꞌij chewach jariꞌ nincowini nbij anin chewe chakajaꞌ ja nyabej nukꞌij chewach xarwariꞌ ja nintajini nbij chewe camic xa caniꞌ ma in chꞌobol ta.

2 Corintios 3:12

Como ajoj yukul kacꞌuꞌx ruqꞌuin jun chominem ja matocꞌo rukꞌij chewiꞌ tok nkakꞌalasaj chi utz ja cꞌutun chikawach.

Efesios 5:4

Maxta tzꞌilalaj tak tzij tetzijoj nixtacꞌa chꞌujlaj tak tzij ta in nixtacꞌa juleꞌ tzij ta ja solo tzeb rcꞌamonto como jariꞌ ma yatal chi ta chewij chi neban pro mejor ja neban, temaltioxij tre ja Dios nojelal ja rbanon pan ecuenta.

1 Tesalonicenses 2:2

como kabij chewe ja utzlaj tzij xin Jesucristo ja rtakonto ja Dios. Queriꞌ kaban masqui nabey congana katij rpokonal chipan ja tinamit Filipos, congana lawuloꞌ ban chake, jariꞌ bien ewotak. Pro ja Dios arjaꞌ xuyaꞌ chake chi ma xkaxbej ta kiꞌ chi rbixic ja rtzobal masqui e qꞌuiy ja xechꞌaꞌo chake ja tijonem ja kayaꞌ chewe.

1 Tesalonicenses 2:6

Ajoj tok xokqꞌuejeꞌ checojol ma xkacanoj ta chi neyaꞌ kakꞌij nixtacꞌa cumal chi ta juleꞌ winak. Ma ja tariꞌ kajoꞌ ta chewe masqui yatal chake chi neyaꞌ kakꞌij como ajoj okocnak apóstol rxin ja Cristo, arjaꞌ takyon kaxin.