Filemón 1:6 - Tz'utujil (Ja Cꞌacꞌa Chominem)

⁶ Anin ncꞌutuj tre ja Dios chi ja yukulbal acꞌuꞌx ruqꞌuin ja Jesucristo más chi na nsamaji, xtikꞌalajin ta chi utz nojel ja rutzil ja cꞌo pa tak ewanma in xtiyaꞌ ta rukꞌij ja Jesucristo rmal.

Tz'utujil NT

⁶ Anen quenc'utuj tzra Dios che jyukbal ac'u'x ruq'uin Jesucristo más chna nesmaja, kas twen xtk'aljina njel utzil jc'ola ptak ewanm y xtya' ta ruk'ij Jesucristo rmal.

Filemón 1:6 Iomraidhean Croise

San Mateo 25:16

Ja yaꞌon can joꞌoꞌ mil quetzal tre, arjaꞌ be, xumaj rsamajixic ja pwok, xumaj negocio tre in joꞌoꞌ mil quetzal xuchꞌec trij.

San Mateo 5:16

In quirtacꞌariꞌ nuban ja luz ja cꞌo pa tak ewanma ixix chakajaꞌ, tisakirsaj quebey ja winak chiquewach utzcꞌa ja winak tok nquetzꞌat ja rutzil neban, ejeꞌeꞌ xtiqueyaꞌ ta rukꞌij ja Tatixel ewxin ja cꞌo chilaꞌ chicaj.

1 Corintios 14:25

Ja rwawan jeꞌe pa ranma jariꞌ nkꞌalasaxi, nel pa sak. Queriꞌ cꞌa xtuban, cꞌacꞌariꞌ xtixuqueꞌe in xtumaj ryaꞌic rukꞌij ja Dios in quewaꞌ xtibij chewe riꞌ: —Ni katzij wiꞌ chi Dios cꞌo checojol, xticheꞌe.

1 Corintios 16:9

Pro maquineli camic como ja Dios cꞌo jun nimlaj samaj rjakon chinwach waweꞌ pro jun samaj ja congana qꞌuiy rcꞌamonto. In jun chic, como jawaꞌ samaj riꞌ e qꞌuiy ja rcꞌulel chewiꞌ tok maquinel waweꞌ camic.

Filipenses 4:8

Wachꞌalal, ja camic cꞌo jun qꞌuisbal paxbanem nyaꞌ chewe riꞌ. Ja rutzil ni ta ja wiꞌ nechꞌob jutzꞌit pa tak ewiꞌ pa tak ewanma. Xa nak ta ja utz ntzꞌa̱t rmal ja Dios ja tariꞌ nechꞌob. Ja tawaꞌ nechꞌob jutzꞌit ja xtinbij chewe riꞌ, nojel ja ni katzij wiꞌ ja mta engaño rcꞌan, nojel ja nim rukꞌij ntzꞌa̱t rmal ja Dios, nojel ja ni rubey wiꞌ, nojel ja rcꞌamonto jun chꞌajchꞌojlaj cꞌaslemal, nojel ja nwinakarsani ja rajoben riꞌil xin Dios, in nojel ja utz ncꞌaxaxi, ni ta ja wariꞌ nechꞌob wachꞌalal.

Colosenses 1:9

Ja cꞌa tok xurkaj rbixic kuqꞌuin chi queriꞌ ebanon ni kamajto wiꞌ rbanic oración pan ecuenta, quewaꞌ ja roración nkaban riꞌ. Dios ta xtiyoꞌ chewe chi bien newotakij ja rvoluntad, ja ta rEspíritu Santo xtiyoꞌ chewe ja renaꞌoj in xtuchꞌob ta chewach nak ja rubey in nak ja ma rubey ta.

Colosenses 3:10

in camic ewcꞌan chic jun cꞌaslemal cꞌacꞌa. Kꞌij kꞌij nba̱n más cꞌacꞌa tre ja cꞌaslemal ja rewcꞌan camic in tok nqꞌuiswani queriꞌ neli ja caniꞌ rcꞌaslemal ja Dios. Queriꞌ rbanic utzcꞌa chi newotakij janiꞌ ja kas mero rbanic ja Dios.

Tito 3:14

In chique ja kachꞌalal chakajaꞌ rjawaxic chi ncotakij chi nquecꞌut ja cutzil chiquewach ja winak in nequetoꞌ ja tok cꞌo rjawaxic chique. Ja wi queriꞌ nqueban jariꞌ cꞌoli neꞌoc wiꞌ.

Hebreos 6:10

Ja cꞌa Dios mta moda xtuban ta ja ma utz ta xtimestaj ta ja rutzil ja rebanonto, arjaꞌ matimestaj chi congana xetij ekꞌij chi quitoꞌic ja kachꞌalal in cꞌa emajon na quitoꞌic camic. Como congana newajoꞌ ja Dios chewiꞌ tok neꞌetoꞌ.

Santiago 2:14

Wachꞌalal, ja wi cꞌo jun nbij chi cꞌo yukulbal rucꞌuꞌx ruqꞌuin ja Jesucristo pro wi ni mta wiꞌ ja rutzil nuban ja ncꞌutbej chi cꞌoli ja yukulbal rucꞌuꞌx ¿la cꞌo cꞌa noc wariꞌ ja yukulbal rucꞌuꞌx nechꞌob ixix? Ja wi queriꞌ nuban ¿la ntotaj cꞌariꞌ rmal ja yukulbal rucꞌuꞌx nechꞌob ixix?

Santiago 2:17

Queriꞌ cꞌa rbanic ja yukulbal acꞌuꞌx chakajaꞌ ja wi mta ja rutzil naban ja nacꞌutbej chi cꞌoli, in ja wi queriꞌ jariꞌ xa camnak chic ja yukulbal acꞌuꞌx, ni majun rsamaj.

1 Pedro 2:12

Ja neban, tecꞌutuꞌ ja rewutzil chiquewach ja winak ja ma cotak ta rwach ja Dios. Ejeꞌeꞌ xa nquemol tzij chewij camic in nquibij chewe chi ix itzel tak winak pro nquetzꞌat na ja rutzil neban in rmalariꞌ ja tok nqueyaꞌ na rukꞌij ja Dios tok xturbanaꞌ jun nimlaj samaj chiquicojol.

1 Pedro 3:1

In ixix chakajaꞌ ja rix ixokiꞌ queꞌenimaj ja rewachajilal. Como ecꞌoli chewe ja rewachajilal ma quiniman ta ja rtzobal Dios pro ja tok nixquetzꞌat chi ewcꞌan jun utzlaj anma in cꞌol erespeto xa rmalariꞌ tok xtiqueqꞌuex ja quinaꞌoj in xtiquinimaj ja rtzobal Dios in ma kas ta rjawaxic chakajaꞌ chi xqueꞌepaxbaj ta.

1 Pedro 3:16

Maxta cꞌoli teban ja ma utz ta ja xa ntiꞌon ewanma rmal. Como ecꞌoli winak ja nquibij chewe chi: —Xa itzel quicꞌaslemal ja winak ja neniman rxin ja Cristo, necheꞌe, pro ja wi mta ja ma utz ta ebanon ejeꞌeꞌ nqueyaꞌ na queqꞌuix ja tok xtikꞌalajini chi ma katzij ta ja quibij chewe.

2 Pedro 1:8

Nojel ja cꞌa xintzꞌibaj chewe riꞌ ja wi nqꞌuiyi wi nwachini pa tak ewanma triꞌ cꞌa nixtzꞌat wiꞌ chi bien ewotak janiꞌ rnaꞌoj ja kajaw Jesucristo in triꞌ nkꞌalajin wiꞌ chakajaꞌ chi congana xetij ekꞌij chi rotakixic.