Filemón 1:5 - Tz'utujil (Ja Cꞌacꞌa Chominem)

⁵ Congana nmaltioxij tre rumac ja rabanon como xurkaj rbixic wqꞌuin chi atat congana neꞌawajoꞌ ja tinamit xin Dios in ni yukul wiꞌ acꞌuꞌx ruqꞌuin ja kajaw Jesucristo.

Tz'utujil NT

⁵ Congan quenmeltioxij tzra rmal jabnon com xerkaja rbixic wq'uin che atet congan nque'awajo' retnamet Dios y ne ykul wa' ac'u'x ruq'uin Kajaw Jesucristo.

Filemón 1:5 Iomraidhean Croise

Hechos 20:21

Xixnpaxbaj ewanojel chi ix wach tak aj Israel chi ma ix aj Israel ta, xinbij chewe chi rjawaxic neqꞌuex ja renaꞌoj in nenimaj ja Dios in nyukeꞌ ecꞌuꞌx ruqꞌuin ja kajaw Jesucristo.

Romanos 12:13

Queꞌetoꞌoꞌ ja kachꞌalal ja cꞌo rjawaxic chique. Ja tok ecꞌoli ja ncꞌatzin posada chique teyaꞌaꞌ quiposada.

1 Corintios 16:1

Camic noktzijon jurata ewqꞌuin tre ja rayuda ja kamajon rmolic quixin ja kachꞌalal ja cꞌo rjawaxic chique. Ja caniꞌ xinbij chique ja kachꞌalal ja recꞌo pa tak iglesia ja recꞌo pa rcuenta Galacia queriꞌ ta cꞌa neban ixix chakajaꞌ, quewaꞌ rbanic riꞌ.

Gálatas 5:6

Ja tok xa jun naban ruqꞌuin ja Cristo Jesús jariꞌ macatrutoꞌ ja natban circuncidar in macatrutoꞌ chakajaꞌ ja macatban circuncidar. Pro ja ntoꞌo awxin jariꞌ tok nyukeꞌ acꞌuꞌx ruqꞌuin ja Jesucristo, tok nsamaji ja yukulbal acꞌuꞌx chi rwinakarsaxic ja rajoben riꞌil xin Dios pan acꞌaslemal.

Efesios 1:15

Rmal cꞌa ja cꞌa xinbij kaj chewe riꞌ xajutij nmajon rmaltioxixic tre ja Dios emwal como xurkaj rbixic wqꞌuin chi ixix bien yukul ecꞌuꞌx ruqꞌuin ja kajaw Jesús in congana neꞌewajoꞌ canojel ja kachꞌalal ja re xin Dios. Ni nixnnataj wiꞌ pan oración.

Colosenses 1:4

Nkamaltioxij tre como xurkaj rbixic kuqꞌuin chi ja rixix ni yukul wiꞌ ecꞌuꞌx ruqꞌuin ja Cristo Jesús in congana neꞌewajoꞌ canojel ja kachꞌalal ja re tinamit xin Dios.

1 Tesalonicenses 3:6

Pro ja camic melojto ja Timoteo ewqꞌuin in congana utzlaj tak tzij ja rcꞌamonto chake, xurbij chake chi ni yukul wiꞌ ecꞌuꞌx ruqꞌuin ja Jesucristo in xurbij chake chakajaꞌ chi cꞌoli ja rajoben riꞌil xin Dios pa tak ecꞌaslemal. Arjaꞌ xurbij chake chi ixix ni nokenataj wiꞌ in nokewajoꞌ in congana egana nutzꞌat riꞌ kawach ewqꞌuin. In queriꞌ chake ajoj chakajaꞌ congana kagana nkatzꞌat ewach.

Filemón 1:7

Anin nmaltioxij tre ja Dios ja rabanon wachꞌalal como ajoj congana nokquicoti rumac ja rajoben riꞌil xin Dios ja cꞌo chawe, congana nxucꞌuxuꞌi ja kanma amwal. Queriꞌ nbij chawe como xurkaj rbixic kuqꞌuin chi ja kachꞌalal janila nxucꞌuxuꞌi ja canma rumac nojel ja rutzil abanon chique.

1 Juan 3:23

Ja rmandamiento ja Dios quewaꞌ nbij chake riꞌ, tiyukeꞌ kacꞌuꞌx ruqꞌuin ja Jesucristo ja Ralcꞌwal in tikajoꞌ kiꞌ ja caniꞌ bin can chake rmal.