Filemón 1:24 - Tz'utujil (Ja Cꞌacꞌa Chominem)

²⁴ In nquetakel rutzil ewach chakajaꞌ ja kachꞌalal Marcos, Aristarco, Demas in Lucas, ejeꞌeꞌ e wach tak ajsamajelaꞌ.

Tz'utujil NT

²⁴ Y nquetak ela rutzil ewech chka' je' kch'alal Marcos, Aristarco, Demas ruq'uin Lucas, arj-e' ok ajsmajma' cuq'uin.

Filemón 1:24 Iomraidhean Croise

Hechos 12:12

Ja tok chꞌobtaj rmal nojelal cꞌacꞌariꞌ be chi rochoch ja María. Jariꞌ María arjaꞌ ruteꞌ ja Juan ja cꞌo chic jun rubiꞌ Marcos neꞌxi. E qꞌuiy ja kachꞌalal quimolon quiꞌ pa rochoch ja María, quimajon rbanic oración.

Hechos 12:25

Ja cꞌa Bernabé rachbil Saulo ja tok jachtaj can ja rayuda cumal xeꞌelel pa Jerusalén, xebe chic pan Antioquía in quecꞌamel ja Juan ja cꞌo chic jun rubiꞌ nbixi Marcos.

Hechos 13:13

Cꞌacꞌariꞌ ja Pablo xeꞌoquel pa lancha, xeꞌelel chipan ja tinamit Pafos, xebe chic chipan ja tinamit Perge ja cꞌo pa rcuenta Panfilia. Pro ja Juan Marcos arjaꞌ xeruyaꞌ can, melojto ja pa Jerusalén.

Hechos 19:29

Rmalcꞌariꞌ ja tok congana xeyictaji ja tinamit canojelal. Ecꞌo cꞌa caꞌiꞌ rachbil ja Pablo, jun Gayo rubiꞌ, in jun chic Aristarco, e aj Macedonia. Ejeꞌeꞌ xecha̱p cumal ja winak, xechararaxel, xecꞌamel chipan ja restadio ja bar nquemol wiꞌ quiꞌ ja tinamit.

Hechos 27:2

Anin wachbil ja rAristarco ja raj Tesalónica ja cꞌo pa rcuenta Macedonia kachbilajel ja Pablo. Cꞌo jun lancha ja penak chipan ja tinamit Adramitio in nbe pa tak tinamit ja cꞌo pa rcuenta Asia, xokoquel chipan.

2 Corintios 8:23

Ja cꞌa Tito kacꞌamon kiꞌ ruqꞌuin chi noksamaj pan ecuenta, arjaꞌ wach ajsamajel xin Dios. Ja cꞌa re caꞌiꞌ chic kachꞌalal ejeꞌeꞌ echaꞌonel cumal ja juleꞌ chic kachꞌalal ja recꞌo pa tak iglesia jeꞌe in ja quicꞌaslemal jariꞌ ocnak yaꞌbal rukꞌij ja Cristo.

Filipenses 2:25

Pro ja xinchꞌob anin camic chi rjawaxic ntakel ja kachꞌalal Epafrodito ewqꞌuin nabey. Ja rEpafrodito arjaꞌ wachbil chipan ja samaj xin Dios, ok soldado xin Jesucristo ruqꞌuin. Ixix xixtakoto ja rEpafrodito chi arjaꞌ ninurtoꞌoꞌ chipan xa nak ta ncꞌatzin chwe.

Filipenses 4:3

In atat chakajaꞌ ja rat utzlaj wach ajsamajel tabanaꞌ jun utzil, queꞌapaxbaj jutzꞌit ja kachꞌalal ixokiꞌ Evodia in Síntique utzcꞌa chi nquichomij quiꞌ. Como ejeꞌeꞌ congana xesamaji, kachbilaj kiꞌ cuqꞌuin chi rbixic ja utzlaj tzij xin Jesucristo in queriꞌ xuban chakajaꞌ ja Clemente e rachbil canojel ja juleꞌ chic wach tak ajsamajelaꞌ. Ejeꞌeꞌ tzꞌibtal quebiꞌ chipan ja libro xin Dios ja bar tzꞌibtal wiꞌ quebiꞌ ja winak ja nyataj chique ja utzlaj cꞌaslemal ja mta qꞌuisic trij.

Colosenses 4:10

Ja kachꞌalal Aristarco arjaꞌ wachbil waweꞌ pa cheꞌ, arjaꞌ nutakel rutzil ewach. Ja kachꞌalal Marcos ja rchꞌalal Bernabé arjaꞌ nutakel rutzil ewach chakajaꞌ. Caniꞌ nbin chic chewe, ja wi xtekaji ja Marcos ewqꞌuin kas quiꞌil rcꞌulic tebanaꞌ.

Colosenses 4:14

Ja chakꞌlaj kachꞌalal Lucas ja doctor arjaꞌ nutakel rutzil ewach in queriꞌ nuban ja kachꞌalal Demas chakajaꞌ.

1 Pedro 5:13

Ja kachꞌalal ja recꞌo waweꞌ pa Babilonia ejeꞌeꞌ ewachbil ja rixchaꞌon rmal ja Dios in nquetakel rutzil ewach. Ja Marcos arjaꞌ ncꞌajol chwach Dios, arjaꞌ nutakel rutzil ewach chakajaꞌ.

3 Juan 1:8

Rmalcꞌariꞌ tok nbij chawe, ni yatal wiꞌ chakij chi nekatoꞌ ja re quitakariꞌ utzcꞌa ja neꞌeli caniꞌ ajoj jun nekachbilaj chi rbixic ja tijonem xin Jesucristo.