Filemón 1:22 - Tz'utujil (Ja Cꞌacꞌa Chominem)

²² In chakajaꞌ tachomij pon paki jutzꞌit ja bar xquinwar wiꞌ ja tok xquinekaj awqꞌuin como ja wayben anin camic chi ncꞌaxaxi ja roración ja remajon rbanic pan ncuenta, jariꞌ wayben chi nya̱ꞌ lugar chwe chi ninbe ewqꞌuin.

Tz'utujil NT

²² Chka' tchumij pona jabar xtquenwar wa' tak xtquenekaja awq'uin, com jweyben anen camic che nc'axaxa oración ja emjon rbanic pnecwent, jara' weyben che nya'a c'as chwa chquenba ewq'uin.

Filemón 1:22 Iomraidhean Croise

Hechos 27:24

Quewaꞌ xbij ja ángel chwe riꞌ: —Pablo, ma taxbej ta awiꞌ, ni rjawaxic wiꞌ chi natekaj chwach ja nimlaj rey César ja cꞌo pa Roma. Bien tacꞌwaxaj ja xtinbij chawe riꞌ, ja Dios arjaꞌ amwal atat nerutoꞌ na ja rawachbil ja recꞌo pa lancha, maquecami, neꞌe ja ángel chwe.

Hechos 28:23

Cꞌacꞌariꞌ quicanoj jun kꞌij ja tok xtitzijoni ja Pablo cuqꞌuin. Ja cꞌa tok xerilaꞌ ja kꞌij congana e qꞌuiy ja xebe ruqꞌuin ja bar cꞌo wiꞌ. Ja tok xeꞌekaj ruqꞌuin arjaꞌ xumaj quitijoxic, akꞌabil xumaj quitijoxic in cꞌa takakꞌij xtanbaꞌ. Xuchꞌob chiquewach nak rbanic ja gobierno xin Dios. Xuchꞌob chiquewach nak rcꞌamonto ja tzꞌibtal can chipan ja rtzobal Dios ja caniꞌ tre ja ley xin Dios ja tzꞌibtal can rmal ja Moisés in caniꞌ tre ja quitzꞌiban can ja juleꞌ chic profeta jariꞌ ncꞌutbej chiquewach chi ja Jesús arjaꞌ ja Cristo ja chaꞌon rmal ja Dios. Congana xutij rukꞌij chiquij utzcꞌa chi nchꞌobtaj cumal.

Romanos 15:24

rmalcꞌariꞌ tok nchꞌobon chi ninbe ewqꞌuin. Como cꞌo jun nviaje nenbanaꞌ España nchꞌobon chi ninkꞌax na ewqꞌuin chipan ja viaje. Ja cꞌa tok xquinekaj ewqꞌuin janila ninquicoti ja ninqꞌuejeꞌ checojol masqui xa jurata. Ja cꞌa tok xquinel chic checojol ninetoꞌel ta jutzꞌit tre ja nviaje.

2 Corintios 1:11

In ixix chakajaꞌ wachꞌalal, koꞌetoꞌoꞌ pan oración. Ja tok e qꞌuiy chewe nqueban orar pa kacuenta in tok ncꞌaxaxi ja coración rmal ja Dios in noktotaj rmal tokocꞌariꞌ e qꞌuiy chakajaꞌ nemaltioxin tre ja Dios como arjaꞌ ntoꞌo kaxin.

Filipenses 1:19

Ninquicoti como bien wotak chi cꞌoli rcꞌamonto chwe ja nbanon waweꞌ camic, bien wotak chi cꞌoli ja totajem rcꞌamonto chwe como ixix emajon ntoꞌic pan oración in ja rEspíritu Santo ja takonto rmal ja Jesucristo arjaꞌ ninrutoꞌ na chakajaꞌ.

Filipenses 2:24

In ninbe anin ewqꞌuin chanim chakajaꞌ wi rvoluntad ja kajaw Jesucristo chi ninbe.

Hebreos 13:19

Congana nban recomendar chewe chi neban orar pa ncuenta utzcꞌa chi nintak chic jutij ewqꞌuin chanim.

Hebreos 13:23

In jun chic nbij chewe, ja kachꞌalal Timoteo arjaꞌ elnakpi chic libre camic. Ja cꞌa wi xturkaji chanim can ncꞌamel ja tok xquinbe ewqꞌuin.

Santiago 5:16

In queriꞌ chewe ixix chakajaꞌ, wi cꞌol ewil emac ebanon techoloꞌ chibil tak ewiꞌ in kabanaꞌ orar pa kacuenta chibil tak kiꞌ. Quirtariꞌ neban jutzꞌit utzcꞌa chi nixtzuri. Ja racꞌaslemal ja wi utz ntzꞌa̱t rmal ja Dios in tok naban oración congana jun nimlaj samaj nuban ja raworación.

2 Juan 1:12

Cꞌa cꞌo na más ja nwajoꞌ nbij chewe pro matintzꞌibaj chipan ja carta como ja nchꞌobon anin chi ninbe na ewqꞌuin. Ja cꞌa tok xquinekaji nutzꞌat riꞌ kawach ewqꞌuin, cꞌa tokoriꞌ noktzijoni utzcꞌa chi nqꞌuiyi in nwachini ja quicotemal xin Dios pa tak kanma.

3 Juan 1:14

Pro ja nchꞌobon chi ninbe na awqꞌuin chanim. Ja cꞌa tok xquinekaji nutzꞌat riꞌ kawach awqꞌuin, cꞌa tokoriꞌ noktzijon awqꞌuin.