Filemón 1:20 - Tz'utujil (Ja Cꞌacꞌa Chominem)

²⁰ Queriꞌ rbanic wachꞌalal, tabanaꞌ paki jutzꞌit ja rutzil ja nintajini ncꞌutuj chawe, tacꞌuluꞌ paki jutzꞌit ja rOnésimo. Ja wi nacꞌul jariꞌ nxucꞌuxuꞌi ja wanma amwal pro rumac ja xa jun kabanon ruqꞌuin ja kajaw Jesucristo tok nbij queriꞌ chawe.

Tz'utujil NT

²⁰ Cara' rbanic wch'alal, tebna' jawra utzil jquentajina quenc'utuj chawa, tec'lu' Onésimo. Wnac'ul, jara' nexq'ue'a wanm awmal per rmal je xjun kabnon ruq'uin Kajaw Jesucristo tak cara' quenbij chawa.

Filemón 1:20 Iomraidhean Croise

1 Corintios 16:18

Como anin congana nxucꞌuxuꞌi ja wanma cumal in wotak chi nxucꞌuxuꞌi ja rewanma ixix cumal chakajaꞌ. Lokꞌ queꞌenaꞌaꞌ ja kachꞌalal ja re quitakariꞌ.

2 Corintios 2:2

Queriꞌ xinchꞌob wachꞌalal, como anin wi xa pa bis nixnuyaꞌ wiꞌ jariꞌ xa ninbison anin chakajaꞌ in ¿nak cꞌa nyoꞌ chic ariꞌ ja quicotemal chwe? nij ixix wiꞌ wachꞌalal.

2 Corintios 7:13

Rmalcꞌariꞌ tok congana yukyuꞌi ja kacꞌuꞌx como yukyuꞌi ja recꞌuꞌx ixix chakajaꞌ. In ma ruyon tariꞌ pro más chi na xokquicoti rmal ja Tito como arjaꞌ congana nquicot chic ja ranma rmal ja xebanto tre ewanojel.

Filipenses 1:8

Dios rotak chi congana nixwajoꞌ wachꞌalal. Como nojnak ja rajoben riꞌil xin Jesucristo pa wanma xa chewiꞌ ja tok congana nixwajoꞌ.

Filipenses 4:1

Rmalcꞌariꞌ nbij chewe wachꞌalal, cow quixpeꞌi pa rubiꞌ ja kajaw Jesucristo. Chakꞌlaj wachꞌalal janila nixwajoꞌ, congana ngana nutzꞌat riꞌ kawach ewqꞌuin. Janila jun quicotemal ecꞌamonto chwe, ixocnak ix caniꞌ jun premio ja nyataj na chwe.

Filemón 1:12

Camic ntakel chic jutij awqꞌuin in tacꞌuluꞌ, tabanaꞌ tre caniꞌ anin ja ninacꞌul.

Filemón 1:7

Anin nmaltioxij tre ja Dios ja rabanon wachꞌalal como ajoj congana nokquicoti rumac ja rajoben riꞌil xin Dios ja cꞌo chawe, congana nxucꞌuxuꞌi ja kanma amwal. Queriꞌ nbij chawe como xurkaj rbixic kuqꞌuin chi ja kachꞌalal janila nxucꞌuxuꞌi ja canma rumac nojel ja rutzil abanon chique.

Hebreos 13:17

Queꞌenimaj ja kachꞌalal ja recꞌayon ewxin, teyaꞌaꞌ ewiꞌ pa quekꞌaꞌ. Ejeꞌeꞌ echajyon rxin ja rewanma in emwal nequijachaꞌ na cuenta chwach ja Dios. Queꞌenimaj utzcꞌa chi nequicoti chi ewucꞌaxic, maxta quebison emwal. Ni majun rcꞌamonto chewe ja wi xa pa bis neꞌeyaꞌ wiꞌ.

1 Juan 3:17

Pro ja wi cꞌo jun awachꞌalal wi cꞌoli ncꞌatzin tre ja ntzukbej riꞌ in wi cꞌol awqꞌuin ja ncꞌatzin tre, ja cꞌa wi matapokonaj rwach, wi matatoꞌ jariꞌ ni kꞌalaj wiꞌ chi mta ja rajoben riꞌil xin Dios pan awanma.

3 Juan 1:4

Ja tak walcꞌwal chwach Dios ejeꞌeꞌ tok nurkaj rbixic wqꞌuin chi quimajon rcojic ja tijonem xin Jesucristo pa tak quicꞌaslemal jariꞌ janila ninquicot kaj cumal. Ja chwe anin mchita jun quicotemal ja queriꞌ chi ta.