Filemón 1:1 - Tz'utujil (Ja Cꞌacꞌa Chominem)

¹ Anin in Pablo, inocnak preso pa cheꞌ pro rmal ja Jesucristo tok queriꞌ nbanon. Filemón, anin wachbil ja kachꞌalal Timoteo nkatzꞌibaj awaꞌ carta riꞌ in camic ntakel awqꞌuin. Atat at kachbil chipan ja samaj xin Jesucristo in congana natkajoꞌ.

Tz'utujil NT

¹ Anen en Pablo enocnak preso y enc'ola pcars, per rmal Jesucristo tak cara' nebnon. Filemón, anen wexbil kch'alal Timoteo nektz'ibaj jawra carta y camic nkatak ela awq'uin. Atet at kaxbil chpam samaj rxin Jesucristo y congan ncatkajo'.

Filemón 1:1 Iomraidhean Croise

Hechos 16:1

Quemaj chic jutij quebey, xebe chipan ja caꞌiꞌ tinamit Derbe in Listra. Ja cꞌa tok xeꞌekaji triꞌ quewil wiꞌ jun alaꞌ Timoteo rubiꞌ. Ja cꞌa Timoteo arjaꞌ ajsamajel rxin ja Jesucristo. Ja ruteꞌ arjaꞌ aj Israel in yukul chic rucꞌuꞌx ruqꞌuin ja Jesucristo pro ja rtataꞌ ma aj Israel ta, griego.

1 Corintios 3:9

Queriꞌ nbij chewe como ja Dios arjaꞌ yoyon chake nojel awaꞌ wariꞌ, arjaꞌ yoyon chake chi nkachbilaj kiꞌ chi rbanic ja rsamaj, arjaꞌ yoyon chewe chi ixocnak ix caniꞌ rtijcoꞌm in chakajaꞌ arjaꞌ yoyon chewe chi ixocnak ix caniꞌ rochoch.

2 Corintios 1:1

Anin ja rin Pablo, Dios ryaꞌon chwe chi inocnak apóstol rxin ja Jesucristo. Anin wachbil ja kachꞌalal Timoteo ntzꞌibaj jawaꞌ carta riꞌ in ntakel ewqꞌuin wachꞌalal ja nemol ewiꞌ pa rubiꞌ ja Dios chipan ja tinamit Corinto. In ntakel cuqꞌuin chakajaꞌ canojel ja kachꞌalal ja re xin Dios ja recꞌo chipan ja juleꞌ chic tinamit ja cꞌo chipan ja departamento Acaya.

Gálatas 3:26

Como xa jun ebanon chic ruqꞌuin ja Cristo Jesús tibij cꞌa tzij ariꞌ chi ix ralcꞌwal Dios ewanojel pro xa rmal ja yukulbal ecꞌuꞌx ruqꞌuin tok banon queriꞌ chewe.

Efesios 3:1

Rmalcꞌariꞌ tok anin nmajon rbanic orar pan ecuenta. Anin ja rin Pablo incojon preso camic rumac ja samaj xin Cristo Jesús ja xinban pan ecuenta ja ma ix aj Israel ta.

Efesios 4:1

Rmal cꞌa nojel awaꞌ ja nmajon rbixic chewe riꞌ congana nban recomendar chewe chi newcꞌaj jun utzlaj cꞌaslemal. Anin ja rincojon preso camic rmal ja samaj rxin ja kajaw Jesucristo congana nban recomendar chewe chi newcꞌaj jun cꞌaslemal ja bien nucꞌam riꞌ ruqꞌuin ja utzlaj cꞌaslemal ja nrajoꞌ ja Dios chewe chi newcꞌaj ja tok xixrsiqꞌuij.

Efesios 6:20

Rmal ja utzlaj tzij xin Jesucristo chewiꞌ tok inocnak jun ajsamajel rxin ja Jesucristo pro jun ajsamajel ja bacꞌon pa cadena como incojon pa cheꞌ camic. Tebanaꞌ orar pa ncuenta utzcꞌa chi ni matinxbej wiꞌ wiꞌ chi nyaꞌ más rbixic ja utzlaj tzij como nijawariꞌ ja yatal chwe chi nban.

Filipenses 1:1

Anin in Pablo wachbil ja Timoteo ajoj okbanyon awaꞌ carta riꞌ. Ajoj ok ajsamajelaꞌ rxin ja Jesucristo. Camic wachꞌalal nkatakel ja carta ewqꞌuin ewanojel ja rixcꞌo chipan ja tinamit Filipos. Ja carta, ewxin ixix ja nixchajin quixin ja kachꞌalal, ewxin ixix ja rix diácono, ewxin ewanojelal ja rix xin Dios ja xa jun ebanon ruqꞌuin ja Cristo Jesús.

Filipenses 2:25

Pro ja xinchꞌob anin camic chi rjawaxic ntakel ja kachꞌalal Epafrodito ewqꞌuin nabey. Ja rEpafrodito arjaꞌ wachbil chipan ja samaj xin Dios, ok soldado xin Jesucristo ruqꞌuin. Ixix xixtakoto ja rEpafrodito chi arjaꞌ ninurtoꞌoꞌ chipan xa nak ta ncꞌatzin chwe.

Filipenses 4:3

In atat chakajaꞌ ja rat utzlaj wach ajsamajel tabanaꞌ jun utzil, queꞌapaxbaj jutzꞌit ja kachꞌalal ixokiꞌ Evodia in Síntique utzcꞌa chi nquichomij quiꞌ. Como ejeꞌeꞌ congana xesamaji, kachbilaj kiꞌ cuqꞌuin chi rbixic ja utzlaj tzij xin Jesucristo in queriꞌ xuban chakajaꞌ ja Clemente e rachbil canojel ja juleꞌ chic wach tak ajsamajelaꞌ. Ejeꞌeꞌ tzꞌibtal quebiꞌ chipan ja libro xin Dios ja bar tzꞌibtal wiꞌ quebiꞌ ja winak ja nyataj chique ja utzlaj cꞌaslemal ja mta qꞌuisic trij.

Colosenses 1:1

Anin ja rin Pablo, Dios inrcojon chi inocnak apóstol rxin ja Jesucristo. Anin wachbil ja kachꞌalal Timoteo nkatzꞌibaj jawaꞌ carta riꞌ

Colosenses 4:11

Ja Jesús ja cꞌo chic jun rubiꞌ Justo neꞌxi, arjaꞌ nutakel rutzil ewach chakajaꞌ. Jawaꞌ roxiꞌ kachꞌalal ja cꞌa xenbij kaj chewe riꞌ ejeꞌeꞌ ninquetoꞌ chipan ja samaj waweꞌ utzcꞌa chi nkayaꞌ rbixic ja gobierno xin Dios pro ma ecꞌo chi ta ja wach tak aj Israel ja rinquitoꞌon ta waweꞌ, xa queyon ejeꞌeꞌ, congana quiyukban nucꞌuꞌx.

2 Tesalonicenses 1:1

Anin in Pablo e wachbil Silvano in Timoteo nkatzꞌibaj jawaꞌ carta riꞌ in nkatakel ewqꞌuin wachꞌalal ja rix iglesia ja rixcꞌo chipan ja tinamit Tesalónica. Ixix wachꞌalal xa jun ebanon ruqꞌuin ja katataꞌ Dios, xa jun ebanon ruqꞌuin ja kajaw Jesucristo.

2 Timoteo 1:8

Rmalariꞌ nbij chawe, maxta qꞌuixbal tanaꞌ ja nayaꞌ rbixic ja Jesucristo. Ja camic in preso rmal ja rtzobal Dios, maxta qꞌuixbal tanaꞌ mwal anin chakajaꞌ. Ma tapokonaj ta cꞌa ja npi jeꞌe chawij rmal ja ramajon rbixic ja utzlaj tzij xin Jesucristo pro ja rawachokꞌakꞌ ja yatajnak chawe rmal ja Dios xa ruqꞌuin ariꞌ nacochꞌ nojelal.

Filemón 1:23

Ja kachꞌalal Epafras nutakel rutzil ewach, arjaꞌ wachbil waweꞌ pa cheꞌ pro rumac ja xa jun rbanon ruqꞌuin ja Cristo Jesús tok cꞌo pa cheꞌ.

Filemón 1:24

In nquetakel rutzil ewach chakajaꞌ ja kachꞌalal Marcos, Aristarco, Demas in Lucas, ejeꞌeꞌ e wach tak ajsamajelaꞌ.