Efesios 6:5 - Tz'utujil (Ja Cꞌacꞌa Chominem)

⁵ Ja cꞌa rixix ja rix moso queꞌenimaj ja repatrón ja recꞌo waweꞌ chwachꞌulew. Pro congana ta neꞌeban respetar, nojel ta ecꞌuꞌx nojel ta ewanma neꞌenimaj. Ja tok nqueyaꞌ samaj chewe ja ta neban tre caniꞌ ta samaj xin Cristo ja neban.

Tz'utujil NT

⁵ Y ixix ja ix moso, que'enimaj epatrón jec'ola wawe' chwech ruch'lew. Per congan que'ebna' respetar, njelal ta ec'u'x y njelal ewanm nque'enimaj. Tak nqueya' samaj chewa tebna' tzra com ajni' rsamaj Cristo neban.

Efesios 6:5 Iomraidhean Croise

San Mateo 6:22

Ja panewach caniꞌ rbanic jun luz ixryaꞌon pa sak, ja wi mta rbanon wi ma yojtajnak ta jariꞌ pa luz cꞌa cꞌo wariꞌ ja recuerpo pro ni chi jun.

San Mateo 6:24

Jun winak xa nak ta chi winakil ni majun moda xqueqꞌuejeꞌ ta caꞌiꞌ rpatrón, ja queriꞌ jun nrajoꞌ in jun xa itzel nutzꞌat owi jun nnimaj in jun matinimaj. In queriꞌ cꞌa tre chakajaꞌ mta moda xtiyukeꞌ ta ecꞌuꞌx ruqꞌuin Dios in xtiyukeꞌ chi ta ecꞌuꞌx ruqꞌuin ja mebaꞌil xin rwachꞌulew.

San Mateo 8:9

Queriꞌ nbij chawe como anin bien wotak nak rbanic ja tok natban mandar. Ecꞌoli ja nebano mandar wxin in chakajaꞌ ecꞌoli soldado pa nukꞌaꞌ anin chi nenuban mandar. Ja tok nbij tre jun chi: —Cateli, nincheꞌ tre, jariꞌ ni nel wariꞌ. Ja cꞌa wi nbij chi: —Catajoꞌ, nincheꞌ tre jun chic, jariꞌ ni npi wariꞌ. Ja cꞌa wi nbij tre ja nmoso chi: —Tabanaꞌ ja wariꞌ, nincheꞌ tre, jariꞌ ni nuban wiꞌ. Queriꞌ xbij ja capitán.

Hechos 2:46

Kꞌij kꞌij ni nequimoloꞌ wiꞌ quiꞌ chipan ja nimlaj templo xin Dios, ejeꞌeꞌ xa jun quibanon. Neꞌewaꞌ pa tak cochoch, congana nequicoti, nojel quecꞌuꞌx nojel canma nquimaltioxij tre ja Dios.

1 Corintios 2:3

Ja cꞌa tok xinqꞌuejeꞌ checojol bien xurkaj chwe chi anin xin way xin yaꞌ, congana nxben wiꞌ como ja samaj congana al xinnaꞌ.

1 Corintios 7:22

Ja wi at esclavo tok xatsiqꞌuix rmal ja Dios in tok xanimaj ja kajaw Jesucristo chꞌenchilaꞌ como atwasanel chic libre pa rukꞌaꞌ ja il mac, at rxin chic ja kajaw Jesucristo. Ja cꞌa wi ma at esclavo ta tok xatsiqꞌuix rmal ja Dios pro kas turkaj chawe chi at esclavo chic rxin ja Cristo chi arjaꞌ nbano mandar awxin.

2 Corintios 1:12

Como ajoj wachꞌalal congana nokquicoti ja mta nak ta kabanon ja xtitiꞌon ta kaconciencia rmal, chꞌajchꞌoj rij rwach ja kabanon, ni majun nak ta kawawan ta pa tak kanma. Ni quirwariꞌ ja kabanon chiquewach ja winak in pior cꞌa chewach ixix. Ma kanaꞌoj ta ajoj nkacoj pro ja rutzil ja nsipaj ja Dios chake jariꞌ nsamaji pa tak kanma chi rbanic nojel ja nkaban.

2 Corintios 7:15

Ja cꞌa Tito arjaꞌ más chi na nel rucꞌuꞌx chewij camic como bien nurkaj tre chi nixnimani ewanojelal, bien nurkaj tre janiꞌ rcꞌulic xeban chi cꞌo respeto ewqꞌuin in nexbej ewiꞌ chwach ja Dios.

Efesios 5:22

Ixix ja rix ixokiꞌ, queꞌebanaꞌ respetar ja rewachajilal como ja kajaw Jesucristo queriꞌ nrajoꞌ chewe chi neban.

Efesios 6:24

Ja rutzil xin Dios xtiqꞌuejeꞌ ta cuqꞌuin canojel ja neꞌajoꞌn rxin ja kajaw Jesucristo pro jun ajoben riꞌil ja ni mta wiꞌ qꞌuextajic trij. Amén.

Filipenses 2:12

Rmalcꞌariꞌ chakꞌlaj wachꞌalal camic nbij chewe, como ni xinenimaj wiꞌ ja tok xinqꞌuejeꞌ checojol pro ja camic más chi na nixnuban animar chi ninenimaj masqui ma incꞌo chi ta checojol. Chewiꞌ tok nbij chewe camic, tetijaꞌ ekꞌij chi rilic nojel ja totajem ja rchomin ja Dios chi nuyaꞌ chewe pro xarwariꞌ texbej ewiꞌ chwach ja Dios, ni turkaj wiꞌ chewe chi ma quixcowini newil ja xta eyon.

Filemón 1:16

Arjaꞌ nmeloj awqꞌuin pro ma caniꞌ chi ta jun moso pro más chi na vale chwach jun moso como arjaꞌ chakꞌlaj kachꞌalal chic. Arjaꞌ jun kachꞌalal ja congana nel nucꞌuꞌx trij in pior cꞌa chawe atat como ja tok xtekaj awqꞌuin jariꞌ jun ajsamajel ja nmeloj awqꞌuin in chakajaꞌ ruqꞌuin ja Jesucristo yukul wiꞌ ecꞌuꞌx chi ix caꞌiꞌ.