Efesios 6:4 - Tz'utujil (Ja Cꞌacꞌa Chominem)

⁴ Ja cꞌa rixix ja rix tatixelaꞌ maxta queꞌechꞌujarsaj ja rewalcꞌwal, maxta teyic quiyewal. Pro ja neban, utz quiqꞌuittzixic tebanaꞌ, queꞌebanaꞌ corregir in queꞌepaxbaj xarwariꞌ tecojoꞌ ja rnaꞌoj ja kajaw Jesucristo chi quiqꞌuittzixic.

Tz'utujil NT

⁴ Y ixix ttixela', mtque'ech'jursaj ta ewlec'wal, mteyic ta cyiwal. Per jneban, wen queq'uettzic tebna', que'ebna' corregir y que'epaxba', xerwara' tecsaj rna'oj Kajaw Jesucristo che queq'uettzic.

Efesios 6:4 Iomraidhean Croise

Colosenses 3:21

Ja cꞌa rixix ja rix tatixelaꞌ maxta queꞌechꞌujarsaj ja rewalcꞌwal matzij xa necapujsaj quecꞌuꞌx chijutij.

2 Timoteo 1:5

In chakajaꞌ nurkaj chwe chi ni katzij wiꞌ chi cꞌoli ja yukulbal acꞌuꞌx ruqꞌuin ja Dios caniꞌ tre ja rawatiꞌt Loida in tre ja rateꞌ Eunicia ejeꞌeꞌ yukeꞌ quecꞌuꞌx nabey ruqꞌuin ja Dios. In bien wotak chi yukul acꞌuꞌx atat ruqꞌuin chakajaꞌ.

2 Timoteo 3:15

in cꞌa at tinoꞌy na ja tok xawotakijto nojel ja tzꞌibtal can chipan ja santilaj rtzobal Dios. Ja rtzobal Dios nuyaꞌ chawe chi npi más anaꞌoj in nawil ja totajem rmal ja tok nyukeꞌ acꞌuꞌx ruqꞌuin ja Jesucristo.