Efesios 5:6 - Tz'utujil (Ja Cꞌacꞌa Chominem)

⁶ Maxta quixban engañar cumal juleꞌ winak ja nquibij chi mta nuban chawe wi queriꞌ naban ja caniꞌ nqueban ja winak ja re quitakariꞌ caniꞌ cꞌa xinbij kaj chewe. Queriꞌ nbij chewe como xa rmal ja juleꞌ itzelal ja cꞌa xinbij kaj chewe riꞌ chewiꞌ tok npi ryewal ja Dios chiquij ja winak ja ni maqueniman wiꞌ.

Tz'utujil NT

⁶ Me tquixba'n ta engañar cmal jle' wnak jnecbij chmajo'n achnak nuban chawa wnaban cara' ajni' nqueban je' wnak ja ectakra ajni' xenbij kaja chewa. Cara' quenbij chewa com xe rmal jle' rtzilal je c'ja' xenbij kaja chewa tak npeta ryiwal Dios chquij wnak jmajo'n nqueniman ta.

Efesios 5:6 Iomraidhean Croise

San Mateo 24:24

Queriꞌ nbij chewe como ecꞌoli winak ja nepi na, juleꞌ xtiquecoj quiꞌ chi e Cristo in juleꞌ xtiquecoj quiꞌ chi e profeta xin Dios pro ma katzij ta ja nquibij. Ejeꞌeꞌ cꞌo nimak tak milagro xtiqueban, jutzꞌit laj nequeban engañar ja winak ja rechaꞌon rmal ja Dios pro jariꞌ mta moda xquequechꞌec ta.

San Mateo 24:4

Ja cꞌa Jesús quewaꞌ xbij chique riꞌ: —Kas tebanaꞌ jutzꞌit cuenta ewiꞌ, maxta cꞌo jun quixbano engañar.

Marcos 13:22

Queriꞌ nbij chewe como ecꞌoli winak ja nepi na, juleꞌ xtiquecoj quiꞌ chi e Cristo in juleꞌ xtiquecoj quiꞌ chi e profeta xin Dios pro ma katzij ta ja nquibij. Ejeꞌeꞌ cꞌo nimak tak milagro xtiqueban, jutzꞌit laj nequeban engañar ja winak ja rechaꞌon rmal ja Dios pro jariꞌ mta moda xquequechꞌec ta.

Marcos 13:5

Ja cꞌa Jesús xumaj rbixic chique quewariꞌ: —Kas tebanaꞌ jutzꞌit cuenta ewiꞌ, maxta cꞌo jun quixbano engañar.

Romanos 1:18

Como ja Dios ja cꞌo chilaꞌ chicaj arjaꞌ rkꞌalasan chic camic chi congana ryewal penak rumac nojel ja nqueban ja winak ja quimestan chic ja Dios in matiqueyaꞌ chic caso tre ja nbij in xa itzelal ja nqueban. Ja cꞌa ritzelal nqueban jariꞌ nquitzꞌapbej quixquin, maticajoꞌ ncotakij nak ja kas mero rbanic ja Dios ja katzij chi Dios.

Colosenses 2:18

Ecꞌoli winak quewaꞌ nquibij chewe riꞌ: —Ja wi mateban ixix ja caniꞌ nkaban ajoj jariꞌ matiyataj chewe ja premio xin Cristo, necheꞌe, pro maxta teyaꞌ caso chique. Jawaꞌ winak riꞌ congana nquikꞌalasaj quiꞌ chi xa taknoꞌy quibanon in nexuqueꞌ chiquewach ángel. In jun chic ja nqueban, xa nqueyaꞌ kaj quekꞌij queyon rmal ja kꞌalasan jeꞌe chiquewach pro ma Dios ta ja kꞌalasyon chiquewach. Congana e nimak nquenaꞌ kaj pro ni majun quibase tok queriꞌ nqueban. Como xa yojtajnak ja quinaꞌoj rmal il mac chewiꞌ tok kas e nimak nquenaꞌ kaj.

Colosenses 2:4

Queriꞌ nbij chewe utzcꞌa chi maquixban engañar cumal juleꞌ winak ja ncajoꞌ nixqueban puersa chi nenimaj ja tijonem ja nqueyaꞌ ejeꞌeꞌ.

Colosenses 2:8

Maxta cꞌo jun achi xquixruchꞌec ta tre juleꞌ tijonem ja junwiꞌ chi na como cꞌoli ja tijonem ja utzlaj tijonem neꞌxi, pro ni majun rsamaj, xa engaño rcꞌamonto, juleꞌ tijonem ja xa winakarsan cumal achiꞌiꞌ, xa juleꞌ costumbre ja nocꞌo rukꞌij in ma ruqꞌuin ta Cristo penak wiꞌ.

Colosenses 3:6

Queriꞌ cꞌa rbanic ja ritzelal ja nqueban ja winak ja maqueniman rxin ja Dios in xa rmalariꞌ tok penak ryewal ja Dios chiquij.

2 Tesalonicenses 2:3

Ni majun nak ta xquixbanbex ta engañar. Como ja tok majaꞌn terilaꞌ ja tiempo cꞌoli rjawaxic nbantaj na nabey. E qꞌuiy ja winak nqueyaꞌ can na ja Dios tokocꞌariꞌ nwinakari ja rachi ja rucꞌan rmal ja ritzelal ja ni yatal wiꞌ tre chi nutij na pokon chipan ja juicio.

Hebreos 13:9

Maxta chaka nojel ta tenimaj, maxta quixcꞌamarel rmal juleꞌ chic tijonem ja junwiꞌ chi na. Nojel ja nkatij jeꞌe ni majun nak ta rcꞌamonpi tre ja kanma ajoj nixtacꞌa cꞌo ta rcꞌamonto chique chakajaꞌ ja winak ja nquinimaj jariꞌ costumbre chi cꞌoli rcꞌamonto. Ma rmal ta cꞌa ja natij tok nqꞌuiyi ja rutzil pan awanma pro rumac ja rutzil ja nkacochij tre ja Dios.

Hebreos 3:19

Ni kꞌalaj wiꞌ chi rmal ja ma xyukeꞌ chi ta quecꞌuꞌx ruqꞌuin ja Dios chewiꞌ tok ma xeꞌoc ta chipan ja xulaꞌnbal lugar.

1 Pedro 2:8

In chakajaꞌ tzꞌibtal can ja ncꞌambex tzij quewariꞌ: —Jariꞌ abaj ja winak nquechokꞌ cakan chwach, nepaji in nekaj chipan jun nimlaj rpokonal rmal, neꞌe. Queriꞌ nqueban ja winak ja maticajoꞌ nquinimaj ja rtzobal Dios, nekaj chipan jun nimlaj rpokonal jariꞌ rchominto ja Dios.

1 Juan 4:1

Chakꞌlaj wachꞌalal, teyaꞌaꞌ ewxquin tre ja xtinbij chewe riꞌ. E qꞌuiy ja winak quipaxin quiꞌ chwachꞌulew ejeꞌeꞌ nquibij chi tijonem xin Dios ja nqueyaꞌ. Pro xa quipayil ja nquibij, ma katzij ta. Rmalcꞌariꞌ tok nbij chewe, ma queꞌenimaj ta canojel ja winak ja nebini chi Espíritu xin Dios ecꞌayon. Pro ja neban, bien teyaꞌaꞌ cuenta chique janiꞌ netzijoni ja wi katzij chi Espíritu xin Dios ecꞌayon owi mani.