Efesios 5:4 - Tz'utujil (Ja Cꞌacꞌa Chominem)

⁴ Maxta tzꞌilalaj tak tzij tetzijoj nixtacꞌa chꞌujlaj tak tzij ta in nixtacꞌa juleꞌ tzij ta ja solo tzeb rcꞌamonto como jariꞌ ma yatal chi ta chewij chi neban pro mejor ja neban, temaltioxij tre ja Dios nojelal ja rbanon pan ecuenta.

Tz'utujil NT

⁴ Majo'n tz'illaj tak tzij tetzijoj ta nexte bnak tak tzij nexte jle' tzij je xruyon tzeb rec'mon ta, com jara' majo'n yatanak xta chewij chneban, per mejor jneban tmeltioxij tzra Dios njelal jrebnon pnecwent.

Efesios 5:4 Iomraidhean Croise

Marcos 7:22

caniꞌ tre banoj alakꞌ, caniꞌ tre tok chaka benak chi nayarij quinakun winak, caniꞌ tre banoj itzelal in banoj engaño, caniꞌ tre banoj nakun ja congana chuw chwach ja Dios, caniꞌ tre aquiakarem, neꞌatzijoj winak, nayaꞌ akꞌij in banoj nakun ja xa ma chꞌobol ta.

San Juan 6:23

Pro cꞌo juleꞌ ja lancha xelel pa Tiberias, be kꞌax chic chajuparaj chic mar. Ja lugar ja bar xekaj wiꞌ chinakaj ja mismo lugar ja bar qꞌuejeꞌ wiꞌ ja Jesús tokoriꞌ tok xmaltioxij tre ja Dios in xerutzuk ja winak.

Romanos 1:28

Ejeꞌeꞌ ni majun xbij quecꞌuꞌx tre chi qꞌuejeꞌ ta ja Dios pa tak quewiꞌ pa tak canma. Rmalcꞌariꞌ ja Dios arjaꞌ xersokpijel, xuyaꞌ lugar chique chi xa itzel tak naꞌoj chic nquechꞌob, xuyaꞌ lugar chique chi nqueban jeꞌe ja ma yatal ta chique chi nqueban.

2 Corintios 1:11

In ixix chakajaꞌ wachꞌalal, koꞌetoꞌoꞌ pan oración. Ja tok e qꞌuiy chewe nqueban orar pa kacuenta in tok ncꞌaxaxi ja coración rmal ja Dios in noktotaj rmal tokocꞌariꞌ e qꞌuiy chakajaꞌ nemaltioxin tre ja Dios como arjaꞌ ntoꞌo kaxin.

2 Corintios 9:15

Congana nmaltioxij tre ja Dios como arjaꞌ cꞌo jun sipanem kacochin tre ja ni maticanoy wiꞌ tzij kumal chi rbixic como janila nim rukꞌij.

Efesios 4:29

Ni ta majun itzel tak tzij nelto pan echiꞌ, ni ta buen tak tzij wiꞌ nebij, juleꞌ tzij ja cꞌo qꞌuiyem rcꞌamonto, juleꞌ tzij ja cꞌoli noc wiꞌ. Quirtariꞌ neban jutzꞌit utzcꞌa chi cꞌol utzil xin Dios rcꞌamonto chique ja necꞌaxan ewxin.

Filipenses 4:6

Maxta texbej ewiꞌ chwach xa nak ta ja xtipi chewij pro ja neban, teyaꞌaꞌ pan oración nojelal, tebij tre ja Dios nojel ja cꞌo pa tak ewanma, tecꞌutuj tre xa nak ta ja ncꞌatzin chewe in temaltioxij tre chakajaꞌ.

Colosenses 3:8

Pro ja camic teyaꞌaꞌ can ixix chakajaꞌ nojel awaꞌ wariꞌ. Ma teban ta ja rewayewal, ma quixkuluj ta, maxta kas kꞌalawachili teban itzel chique winak, ma queꞌetzijoj ta in ma tebij ta ja ritzel tak tzij.

1 Tesalonicenses 3:9

Ja Dios arjaꞌ bien rotak chi congana nokquicot emwal in rmalariꞌ tok ma janiꞌ chi ta nokcowini nkamaltioxij tre.

1 Tesalonicenses 5:18

temaltioxij tre ja Dios xa nak ta ja nbantaji como jariꞌ nrajoꞌ chewe chi neban ja yukul ecꞌuꞌx ruqꞌuin ja Cristo Jesús.

Filemón 1:8

Wachꞌalal Filemón, como atat congana neꞌawajoꞌ ja kachꞌalal chewiꞌ tok congana nban recomendar chawe, ja tok xtekaji ja rOnésimo awqꞌuin kas ta quiꞌil rcꞌulic xtaban. Jariꞌ ni yatal wiꞌ chawij chi nacꞌul. Tzucꞌa wixta cꞌo ngana nbij chawe chi puersa nacꞌul ja queriꞌ matinnaꞌ wiꞌ nbij chawe como yatajnak chwe rmal ja Cristo chi queriꞌ nbij chawe. Pro mta ngana ja xcatnuban ta mandar. Mejor ja nkaban, rumac ja rajoben riꞌil xin Dios ja yatajnak chake rmal ja Jesucristo chewiꞌ tok congana nban recomendar chawe chi nacꞌul ja rOnésimo. Kas turkaj chawe chi anin in Pablo, in riꞌj chic in chakajaꞌ inocnak preso pa cheꞌ rmal ja Jesucristo.

Hebreos 13:15

Como jakon chic kabey rmal ja Jesucristo koꞌekaji cꞌa chwach ja Dios: —Nataꞌ Dios congana nmaltioxij chawe nojelal, xkocheꞌ ta tre, ja tariꞌ xtikabij tre nojel tiempo chi ryabexic rukꞌij. Jariꞌ junan neli ruqꞌuin jun sacrificio nkatzujuj tre.

2 Pedro 2:18

Nquibij nimak tak tzij pro xa mta rcꞌamonto. Ja ritzel tak yarinem ja cꞌo pa tak canma jariꞌ nequisiqꞌuibej ja winak ja cꞌa ma jaruꞌ ta tiempo equiyaꞌon can ja cachbil ja xa itzelal cꞌayon quixin.

2 Pedro 2:7

Pro ja Dios cꞌo jun achi xutoꞌ chipan ja cꞌatic ja bantaji rbinaꞌan Lot, arjaꞌ jun utzlaj achi in congana tiꞌon tre ja ritzelal ja queban ja winak.

Judas 1:10

Pro ja cꞌa rachiꞌiꞌ ja xenbij chewe ejeꞌeꞌ tok cꞌoli ja nbix chique in wi matichꞌobtaj cumal xa nechaponi, xa itzel tak tzij nquichꞌabej ja nbix chique. Xa jaꞌ nquechꞌob ja ncꞌutuj ja quicuerpo, xa nak ta ncꞌutuj ja quicuerpo nqueyaꞌ rgana caniꞌ nqueban juleꞌ chicop ja mta quipensar, ja cꞌariꞌ xa neyojtaj rmal.

Judas 1:13

Ja nqueban ejeꞌeꞌ xa qꞌuixbal rbanic, xa e queriꞌ caniꞌ nuban nimak tak baloj pa mar congana tzꞌil nuyaꞌ can chuchiꞌ ja mar. Ejeꞌeꞌ xa e caniꞌ juleꞌ chꞌumil ja quiyaꞌon can ja mero quebey in cꞌo jun lugar chomin chic quixin congana kꞌekuꞌm in triꞌ neqꞌuejeꞌ wiꞌ chijutij.