Efesios 5:12 - Tz'utujil (Ja Cꞌacꞌa Chominem)

¹² Como congana itzel ja nqueban jeꞌe pan awatali, nixtacꞌa cꞌo ta ngana nintzijon tre, xa qꞌuixbal nnaꞌ rmal.

Tz'utujil NT

¹² Com congan itzel tak achnak nqueban pnalak', nexte c'ola ngan quentzijona tzrij com xq'uixbal.

Efesios 5:12 Iomraidhean Croise

Romanos 2:16

Ja tok xterilaꞌ ja nimlaj kꞌij xin juicio tokoriꞌ xtibantaj cumplir nojel awaꞌ ja cꞌa xinbij kaj chewe riꞌ. Ja cꞌa tok xterilaꞌ riꞌ kꞌij ja Dios arjaꞌ xtucoj ja Jesucristo chi rkꞌetic tzij chiquij ja winak, xtucoj chi rkꞌalasaxic nojel ja quichꞌobon in nojel ja quibanon ja xa quiwawan pa tak canma. Queriꞌ nucꞌut chikawach ja utzlaj tzij xin Jesucristo ja ni nmajonto wiꞌ rbixic anin.

Efesios 5:11

Maxta teban ixix ja caniꞌ nqueban ja winak ja xa kꞌekumal ecꞌayon in ni majun utzil rcꞌamonto ja nqueban pro ja neban, tesakirsaj chiquewach chi ma utz ta ja nqueban.

Efesios 5:13

Pro ja cꞌa tok nesakirsaj chiquewach ja ritzelal ja nqueban jariꞌ ni kꞌalaj chi wiꞌ chiquewach chi ma utz ta ja nqueban in nsakar canma rmal.

Efesios 5:3

Ja cꞌa tok nekꞌijlaꞌ ewiꞌ maxta tetzijoj juleꞌ il mac ja nqueban achiꞌiꞌ cuqꞌuin ixokiꞌ in nixtacꞌa juleꞌ chic chakajaꞌ ja xa ntzꞌilorsaj ja ranaꞌoj in nixtacꞌa ja ta chakajaꞌ ja ritzelal ja nquiyarij winak pa tak canma. Nojel awaꞌ ja cꞌa xinbij chewe riꞌ nixtacꞌa xtetzijoj ta jutzꞌit. Ja tok at xin Dios ma yatal chi ta chawij chi natzijoj ja wariꞌ.

1 Pedro 4:3

Ja winak ja ma cotak ta rwach ja Dios ejeꞌeꞌ qꞌuiy rwach ja ritzelal nel quecꞌuꞌx trij in queriꞌ xebanto ixix chakajaꞌ. Congana qꞌuixbal xebanto in tok xeban nimak tak waꞌim xixchꞌujar rmal ja tijoj yaꞌ, xerak echiꞌ, xeban sícꞌ chꞌaꞌoj in chakajaꞌ más na lawuloꞌ xeban xixxuqueꞌ chiquewach cachbal tak winak in chwach rachbal tak nakun. Pro jariꞌ matel chic ecꞌuꞌx trij camic, itzel chic netzꞌat.

Apocalipsis 20:12

Cꞌacꞌariꞌ xenutzꞌat ja camnakiꞌ chi nimak quekꞌij chi ma nimak ta quekꞌij, ejeꞌeꞌ epaꞌloc chwach ja Dios in cꞌo cꞌa juleꞌ libro jaktaji. In cꞌo chi na jun ja libro jaktaji chakajaꞌ, jariꞌ libro ja bar tzꞌibtal wiꞌ quebiꞌ ja yatajnak chique ja utzlaj cꞌaslemal ja mta qꞌuisic trij. Ja cꞌa camnakiꞌ ejeꞌeꞌ kꞌet tzij chiquij in ja kꞌetbex tzij chiquij jariꞌ ja tzꞌibtal chipan ja juleꞌ chic libro nak ja quibanon chipan ja quicꞌaslemal.