Efesios 5:10 - Tz'utujil (Ja Cꞌacꞌa Chominem)

¹⁰ Tetijoj ewiꞌ chi rotakixic nak ja neban jeꞌe ja nquicoti ja Dios rmal in ni ta ja wariꞌ neban.

Tz'utujil NT

¹⁰ Ttijoj ewi' che rotakxic nak jneban je'a je nquicota Dios rmal y nte jara' neban.

Efesios 5:10 Iomraidhean Croise

Romanos 14:18

Queriꞌ nrajoꞌ ja Cristo chake chi nkaban in wi nkanimaj jariꞌ nel rucꞌux ja Dios chakij rmal in ja winak utz nokquetzꞌat rmal chakajaꞌ.

Filipenses 1:10

Queriꞌ nwajoꞌ chewe wachꞌalal utzcꞌa chi ni nel wiꞌ ecꞌuꞌx trij ja rutzil xin Dios utzcꞌa chakajaꞌ chi kas chꞌajchꞌoj neli ja rewanma in majun nak ta nixchapbexi ja tok xtipi chic jutij ja Cristo.

Filipenses 4:18

Nojel ja xetakto jariꞌ xurjach pa nukꞌaꞌ rmal ja kachꞌalal Epafrodito rmalariꞌ tok majun nak chi ta rjawaxic chwe camic, in caniꞌ biyom chic nnaꞌ kaj. Ja rayuda xeyaꞌ chwe jariꞌ caniꞌ jun ofrenda xetzujuj tre ja Dios pro jun ofrenda ja congana quiꞌ rxulaꞌ nunaꞌ ja Dios, utz nutzꞌat in kas nel rucꞌuꞌx trij.

Colosenses 1:10

Xtewcꞌaj ta jun utzlaj cꞌaslemal como ni yatal wiꞌ chakij chi queriꞌ nkaban ja tok kaniman chic ja kajaw Jesucristo. Xtewcꞌaj ta jun cꞌaslemal ja congana utz ntzꞌa̱t rmal ja Dios, jun cꞌaslemal ja nwinakarsaj nojel rwach ja rutzil. Kꞌij kꞌij ni ta xtewotakij wiꞌ más janiꞌ rnaꞌoj ja Dios.

1 Tesalonicenses 5:21

Tecꞌwaxaj chi utz nojel ja nbixi ja wi utz owi ma utz ta, ja cꞌa wi utz tenimaj.

1 Timoteo 2:3

Ja Dios ja Toꞌonel kaxin ja wi queriꞌ nkaban arjaꞌ utz nokrutzꞌat in nquicot chakij.

1 Timoteo 5:4

Pro wi cꞌo jun malcaꞌn ecꞌo ral owi ecꞌo riy rumam ejeꞌeꞌ riꞌ quetoꞌoꞌ rxin, tiquilij ticꞌuxlaꞌaj. Rjawaxic chi nurkaj chique chi eqꞌuittzinto in rmalariꞌ tiquiyaꞌaꞌ rjil rcꞌaxel chique ja quitataꞌ queteꞌ jariꞌ nquicꞌutbej chi cꞌoli ja Dios pa tak canma. Ja wi queriꞌ nqueban utz nerutzꞌat ja Dios in nquicot chiquij.

Hebreos 12:28

Ja Dios arjaꞌ okrcojon pa rcuenta jun gobierno pro jun gobierno ja ni mta wiꞌ siltajic trij. Rmalcꞌariꞌ nbij chewe, kayaꞌaꞌ rukꞌij ja Dios in kamaltioxij tre chakajaꞌ pro kas rubey kabanaꞌ, caniꞌ nrajoꞌ chake chi nkaban ni ta quirwariꞌ nkaban, kabanaꞌ respetar in kaxbej kiꞌ chwach

1 Pedro 2:20

Ja cꞌa wi pan ewil tok nba̱n pokon chewe wi necochꞌ in wi cꞌol epaciencia pro jariꞌ ma vale ta chwach ja Dios. Pro wi rumac ja rutzil neban tok nba̱n pokon chewe ja wi necochꞌ in wi cꞌol epaciencia jariꞌ utz nixrutzꞌat ja Dios.

1 Pedro 2:5

Ix sacerdote rxin ja Dios jariꞌ samaj yatajnak chewe utzcꞌa chi cꞌoli sacrificio ja netzujuj chwach ja Dios. Ja sacrificio netzujuj chwach jariꞌ ja rewutzil ja nwinakarsax pa tak ewanma rmal ja rEspíritu Santo. Jariꞌ netzujuj chwach pa rubiꞌ ja Jesucristo in rmalariꞌ tok utz nutzꞌat ja sacrificio ja netzujuj in nucꞌam chewe.