Efesios 5:1 - Tz'utujil (Ja Cꞌacꞌa Chominem)

¹ Como ja Dios xixrucuy chewiꞌ tok nbij chewe, tecꞌamaꞌ ja rejemplo rxin ja Dios como ixix ix chakꞌlaj ralcꞌwal ja Dios.

Tz'utujil NT

¹ Com Dios xixrucuy rmal c'ara' tak quenbij chewa, tec'ma' ejemplo rxin Dios com ixix ix quilaj rlec'wal.

Efesios 5:1 Iomraidhean Croise

San Mateo 5:45

Quirtariꞌ neban utzcꞌa chi ixix nij ix kꞌalaj wiꞌ chi ix ralcꞌwal Dios ja Tatixel ewxin ja cꞌo chilaꞌ chicaj, caniꞌ nuban arjaꞌ nlasajto kꞌij pa quewiꞌ xa nak ta chi winakil chi e itzel tak winak chi e utzlaj tak winak in chakajaꞌ nkajsaj jab pa quewiꞌ canojelal chi nimanel rxin chi ma nimanel ta.

San Mateo 5:48

Rmalcꞌariꞌ nbij chewe, caniꞌ rbanon ja Tatixel ewxin ja cꞌo chilaꞌ chicaj ni majun falta tre ja rajoben riꞌil cꞌo tre queriꞌ cꞌa chewe ixix chakajaꞌ rjawaxic chi ni majun falta tre ja rajoben riꞌil cꞌo chewe.

San Juan 1:12

Pro kanojelal ja xokniman rxin, kanojelal ja yukeꞌ kacꞌuꞌx ruqꞌuin, arjaꞌ xuyaꞌ chake chi xokoc ok ralcꞌwal Dios,

Efesios 4:32

Ja neban, kas lokꞌ tenaꞌaꞌ ewiꞌ, tipokonaj riꞌ ewach, tecuyuꞌ ewiꞌ caniꞌ xuban ja Dios chewe xixrucuy pro xa rmal ja xa jun ebanon ruqꞌuin ja Cristo chewiꞌ tok xixrucuy.

Filipenses 2:15

Queriꞌ nbij chewe utzcꞌa chi ni katzij wiꞌ chi ix ralcꞌwal Dios nixtzꞌati utzcꞌa chi majun nak ta nixchapbexi in ni chꞌajchꞌoj wiꞌ ja rewanma. Quirtariꞌ neban jutzꞌit utzcꞌa chi mta ja ritzelal pa tak ecꞌaslemal ixix masqui ixcꞌo chiquicojol juleꞌ winak ja xa yojtajnak quinaꞌoj, juleꞌ winak ja congana itzel quicꞌaslemal. Pro ja rixix ix caniꞌ jun luz ja nsakirsan quebey chiquewach chipan ja kꞌekumal

Colosenses 3:12

Rmalcꞌariꞌ nbij chewe, como ixchaꞌon rmal ja Dios, como ix rxin chic ja Dios in congana nixrajoꞌ tepokonaj quewach ja winak, tebanaꞌ ja rutzil chique, maxta teyaꞌ ekꞌij chiquewach, xa nak ta ja newil chipan ja recꞌaslemal teyaꞌaꞌ pa rukꞌaꞌ ja Dios, tiqꞌuejeꞌe ja repaciencia

1 Juan 4:11

Chakꞌlaj wachꞌalal, queriꞌ xuban ja Dios, arjaꞌ congana xokrajoꞌ rmalcꞌariꞌ nbij chewe chi yatal chakij chi nkajoꞌ kiꞌ ajoj chakajaꞌ.