Efesios 4:7 - Tz'utujil (Ja Cꞌacꞌa Chominem)

⁷ Pro ma junan ta rwach ja samaj ja kacochij tre ja Cristo chi nkaban chikajujunal pro arjaꞌ xsipaj jun samaj chake chikajujunal janiꞌ kas cꞌo rgana chi nsipaj chake.

Tz'utujil NT

⁷ Per mjunam ta rwech samaj jxekcochij tzra Cristo che nkaban chokjujnel per arja' xsipaj jun samaj chka chokjujnel ajni' kas c'ola rgan ja' che nsipaj chka.

Efesios 4:7 Iomraidhean Croise

San Mateo 25:15

Jun, joꞌoꞌ mil quetzal xuyaꞌ can tre, jun chic, caꞌiꞌ mil xuyaꞌ can tre in jun chic, jun mil xuyaꞌ can tre. Janiꞌ necowini nquisamajij xa jariꞌ xuyaꞌ can chique chiquijujunal. Cꞌacꞌariꞌ be pa viaje.

San Juan 3:34

Dios takyonto rxin ja Ralcꞌwalaxel in como ruqꞌuin ja Dios penak wiꞌ chewiꞌ tok tzij xin Dios ja nbij. Queriꞌ nuban como ja Dios nutakto ja rEspíritu Santo ruqꞌuin in ni nojnak wiꞌ ja rEspíritu Santo pa ranma, majutij ja maquita ucꞌan rmal.

Romanos 12:3

Como ja Dios ryaꞌon chwe chi inocnak apóstol rxin ja Jesucristo chewiꞌ tok cꞌo jun paxbanem nyaꞌ chewe riꞌ chejujunal. Maxta congana ix nimak tenaꞌ kaj pro kas techꞌoboꞌ chi utz nak ja kas mero ebanic chejujunal. Bien techꞌoboꞌ chi Dios yoyon chewe ja yukulbal ecꞌuꞌx in xa chewiꞌ tok nixcowini neban ja samaj xin Dios.

2 Corintios 6:1

Ja cꞌa rajoj como xa jun kabanon ruqꞌuin ja Dios chi rbanic ja samaj xa chewiꞌ tok congana nkaban recomendar chewe, maxta tetzꞌilaꞌ ja rutzil ja nsipaj ja Dios chewe.

Efesios 3:2

Turkaj chewe chi ecꞌwaxan chic chi anin yaꞌon chi nukul chi nenyaꞌaꞌ rbixic chewe nak rbanic ja rutzil xin Dios ja nsipaj ja Dios chake.

Efesios 3:8

Chwe anin yatajnak wiꞌ jawaꞌ samaj riꞌ masqui xa ma nim ta nukꞌij nnaꞌ kaj chiquewach ja juleꞌ chic kachꞌalal ja re xin Dios, chwe anin yataj wiꞌ chi ninbe ewqꞌuin ja ma ix aj Israel ta chi nenyaꞌaꞌ rbixic chewe nojel ja nkawil ruqꞌuin ja Cristo, jariꞌ caniꞌ jun nimlaj mebaꞌil nkawil pro jun mebaꞌil ja mta qꞌuisic trij.

Hebreos 2:4

Ja katataꞌ Dios cꞌoli xuban chakajaꞌ ja xcꞌutbej chi ni katzij wiꞌ ja totajem ja queyaꞌ rbixic chake caniꞌ tre milagro qꞌuiy rwach ja xuban. In caniꞌ tre chakajaꞌ ja samaj ja xecowini queban ja kachꞌalal ja yataj chique rmal ja rEspíritu Santo. Jariꞌ Dios chomini nak chi samajil yataj chique chiquijujunal.

1 Pedro 4:10

Cꞌoli ja yatajnak chewe chejujunal chi nixcowini neban ja recochin tre ja Dios. Ja yatajnak chewe ja tariꞌ netobej ewiꞌ chibil tak ewiꞌ. Qꞌuiy rwach ja yatajnak chewe ja recochin tre ja Dios, ja cꞌa wi ma quixnimari chi rbanic jariꞌ ix utzlaj tak ajsamajelaꞌ rxin ja Dios.