Efesios 4:6 - Tz'utujil (Ja Cꞌacꞌa Chominem)

⁶ in xa jun ja Dios chakajaꞌ, pro jun Dios arjaꞌ Tatixel kaxin kanojelal, arjaꞌ cꞌo pa kawiꞌ kanojelal, arjaꞌ mta bar ta triꞌ ja maquita nsamaj wiꞌ, arjaꞌ cꞌo pa tak kanma kanojelal.

Tz'utujil NT

⁶ Xjun Dios chka', per jun Dios Ttixel kxin konjelal, arja' c'ola pkawá' konjelal, arja' majo'n abar tzra' che mquita nesmaj wa', arja' c'ola ptak kanm konjelal.

Efesios 4:6 Iomraidhean Croise

San Mateo 6:13

Atat ta xcatchajin kaxin, maxta kokaji tok nokrtakchiꞌij ja diablo, koꞌatoꞌoꞌ pa rukꞌaꞌ. Jariꞌ nkacꞌutuj chawe como pan akꞌaꞌ atat cꞌo wiꞌ nojel gobierno in pan akꞌaꞌ cꞌo wiꞌ nojel poder, noc na yaꞌbal akꞌij nojelal, in nij at quirwariꞌ camic, chwak in chijutij. Amén. Queriꞌ ta rbanic ja roración neban.

San Mateo 6:9

Rmalcꞌariꞌ nbij chewe, ja tok neban oración quewaꞌ nebij riꞌ: —Katataꞌ Dios ja ratcꞌo chilaꞌ chicaj, lokꞌ ta xtinaꞌi ja rabiꞌ cumal ja winak.

San Juan 14:23

—Ja winak wi ni katzij wiꞌ chi nincajoꞌ nquinimaj cꞌariꞌ ja ntzobal. Ja wi queriꞌ nqueban neꞌajoꞌx cꞌariꞌ rmal ja Nataꞌ, ok caꞌiꞌ ruqꞌuin ja Nataꞌ nokekaj cuqꞌuin in noqui ja canma como kochoch in nokqꞌuejeꞌ chipan.

San Juan 17:26

Anin nkꞌalasan chic chiquewach janiꞌ ja ranaꞌoj in can nkꞌalasaj na más chiquewach chakajaꞌ. Queriꞌ xtinban chique utzcꞌa chi nqꞌuejeꞌ pa tak canma ja mismo ajoben riꞌil ja caniꞌ inawajoben anin utzcꞌa chi ninqꞌuejeꞌ anin pa tak canma chakajaꞌ. Queriꞌ xbij ja Jesús tre ja Tatixel.

San Juan 20:17

Ja cꞌa Jesús xbij tre: —Ma quinachap ta, quinasokpij como majaꞌn quinjoteꞌe ruqꞌuin ja Nataꞌ. Pro ja naban, jat cuqꞌuin ja wachꞌalal, jabij chique chi ninjoteꞌ na ruqꞌuin ja Nataꞌ. Arjaꞌ Etataꞌ ixix chakajaꞌ. Arjaꞌ Dios wxin anin in chakajaꞌ Dios ewxin ixix, neꞌ tre.

Romanos 11:36

Queriꞌ nbij como ja Dios arjaꞌ winakarsyon nojelal, arjaꞌ paꞌl trij nojelal in chakajaꞌ noc na nojelal yaꞌbal rukꞌij. Kas ta xtiyaꞌ rukꞌij camic, chwak in chijutij. Amén.

1 Corintios 12:6

In qꞌuiy rwach chakajaꞌ ja poder nkacoj chi rbanic ja samaj xin Dios pro xa jun mismo Dios ja nyoꞌ chake ja poder kanojelal xa nak ta chi poderal.

1 Corintios 8:6

Pro ja cꞌa rajoj bien kotak chi xa jun ja Dios, arjaꞌ Tatixel, ruqꞌuin arjaꞌ winakarnakto wiꞌ nojelal ja winakarsanto jeꞌe, arjaꞌ winakarsyon kaxin utzcꞌa chi nokoc ok yaꞌbal rukꞌij. In bien kotak chakajaꞌ chi xa jun ja kajaw jariꞌ Jesucristo, arjaꞌ cojon rmal ja Dios chi rwinakarsaxic nojelal ja winakarsanto jeꞌe in rmal arjaꞌ tok cꞌo jun cꞌacꞌa cꞌaslemal yatajnak chic chake.

2 Corintios 6:16

In jun chic, ja cachbal tak winak owi rachbal tak nakun ja nexuqueꞌ winak chiquewach ni ma rubey ta wiꞌ ja xqueco̱j ta chipan ja rochoch Dios. Queriꞌ nbij chewe como ix rochoch ja cꞌaslic Dios ja caniꞌ bitajnak can rmal ja Dios quewariꞌ: —Noc na wochoch ja canma in ninqꞌuejeꞌ na chiquicojol. Ja tok xterilaꞌ riꞌ tiempo anin in Dios chic quixin, ja cꞌa rejeꞌeꞌ e ntinamit chic triꞌ, neꞌe.

Efesios 1:21

Queriꞌ xuban ja Dios tre ja Cristo, xuyaꞌ tre chi noc pa rukꞌaꞌ ja kꞌetbaltzij pro ni majun kꞌetbaltzij ja maquita xoc pa rukꞌaꞌ, in xuyaꞌ tre chi más na nim rukꞌij arjaꞌ chiquewach canojelal ja kꞌetol tak tzij in ma queyon ta ja kꞌetol tak tzij ja re rxin awaꞌ tiempo riꞌ in queriꞌ chique ja re rxin chic jun tiempo ja majaꞌn tekawilaꞌ chakajaꞌ.

Efesios 2:22

In ixix chakajaꞌ como xa jun ebanon ruqꞌuin ja Jesucristo jariꞌ majtajnak ecojic chi rbanic ja templo pro jun templo espiritual chi noc rochoch ja Dios.

Efesios 3:17

Ni ta xtiyukeꞌ wiꞌ ecꞌuꞌx ruqꞌuin ja Cristo in rmaltariꞌ ni ta xtiqꞌuejeꞌ wiꞌ ja Cristo pa tak ewanma. Ja wi queriꞌ neban jariꞌ nixtiqueꞌe chi utz chipan ja rajoben riꞌil xin Dios caniꞌ rbanic jun cheꞌ ja nat benak ja rcꞌamal pa tokꞌulew in caniꞌ rbanic jun jay ja bien tzꞌubul parwiꞌ ja rsimientoꞌil.

Efesios 6:23

Tiqꞌuejeꞌ más ja quicotemal chiquicojol ja kachꞌalal, tiqꞌuejeꞌ más ja yukulbal quecꞌuꞌx ruqꞌuin ja Jesucristo pro jun yukulbal cꞌuxlal rachbil ta ja rajoben riꞌil xin Dios. Ja tariꞌ xtiquicochij más tre ja katataꞌ Dios in tre ja kajaw Jesucristo.

1 Juan 3:24

Ja wi nanimaj ja rmandamiento ja Dios jariꞌ natqꞌuejeꞌ pa ranma ja Dios in nqꞌuejeꞌe ja Dios pan awanma atat chakajaꞌ. Rmal ja rEspíritu Santo ja ryaꞌon ja Dios chake chewiꞌ tok kotak chi arjaꞌ cꞌo pa tak kanma.