Efesios 4:2 - Tz'utujil (Ja Cꞌacꞌa Chominem)

² Maxta kas ix nimak tenaꞌ kaj, xa nak ta ja newil chipan ja recꞌaslemal teyaꞌaꞌ pa rukꞌaꞌ ja Dios, tiqꞌuejeꞌe ja repaciencia in tok chaka jalal neban ofender ewiꞌ tecochꞌoꞌ pro ruqꞌuin ta ja rajoben riꞌil.

Tz'utujil NT

² Mtena' kta ix nmak tak wnak, achnak newil chpam ec'aslemal tey-a' pruk'a' Dios, tec'je'a epaciencia y tak chek q'uenjlal neban ofender ewi' tecch'o' per ruq'uin ojben ri'il.

Efesios 4:2 Iomraidhean Croise

San Mateo 11:29

Cꞌoli nyaꞌ anin chi ekul, ja tariꞌ newijkaj in tetijoj ewiꞌ trij ja ncꞌut anin chewach como anin cꞌo npaciencia in cꞌo jun chꞌuchꞌujlaj anma wcꞌan. Ja cꞌa wi newijkaj ja nyaꞌ anin chi ekul jariꞌ nxulaꞌni ja rewíꞌ ewanma rmal.

Marcos 9:19

Ja cꞌa Jesús tok cꞌaxtaj rmal ja bix tre rmal ja rachi quewaꞌ xbij riꞌ: —Ixix ja rix aj Israel ni takaꞌan mta wiꞌ ja yukulbal ecꞌuꞌx wqꞌuin. Taqꞌue titzuri ja nsamaj checojol, cꞌayew chwe chi ncochꞌ más ja matiyukeꞌ ecꞌuꞌx wqꞌuin. Camic tecꞌamaꞌto ja ralaꞌ wqꞌuin, neꞌ chique.

Hechos 20:19

Xinban rsamaj ja kajaw Jesucristo pro ma xinyaꞌ ta nukꞌij. Congana okꞌej xinban cumal ja winak in congana pokon xintij cumal ja wach tak aj Israel como ejeꞌeꞌ ni nquicanoj wiꞌ rij nwach nak nqueban chwe.

Romanos 15:1

Ja cꞌa rajoj ja cow chic ja yukulbal kacꞌuꞌx ruqꞌuin ja Jesucristo yatal chake chi nqꞌuejeꞌe ja kapaciencia cuqꞌuin ja kachꞌalal ja ma e cow ta, ruqꞌuin ta paciencia quekatoꞌoꞌ tre ja majaꞌn tichꞌobtaj jeꞌe cumal. Ma yatal ta chake chi nkaban ja xa nak ta cꞌo kagana nkaban.

1 Corintios 13:7

Ja tok cꞌoli ja rajoben riꞌil xin Dios nsamaji pan acꞌaslemal jariꞌ ni majun nak ta ja maquita nacochꞌ in ni mta wiꞌ ja maquita yukul acꞌuꞌx ruqꞌuin ja Jesucristo in ni mta wiꞌ ja maquita awayben nojelal ja rtzujun chake ja Dios in ni mta wiꞌ chakajaꞌ ja maquita cow natpeꞌe chwach nojelal xa nak ta npi chawij.

Gálatas 6:2

Cꞌoli ja nkakajbej jeꞌe chipan ja kacꞌaslemal caniꞌ ralal jun nimlaj ijkaꞌm nkaj chakij nkanaꞌ kaj pro tetoꞌoꞌ ewiꞌ chibil tak ewiꞌ chi rchꞌijic ja rijkaꞌm. Ja wi queriꞌ neban jariꞌ nebanbej cumplir ja ley xin Cristo.

Efesios 1:4

Ja tok majaꞌn titzꞌucarsaj ja rwachꞌulew tokoriꞌ xokruchaꞌto como bien rotakpi chic chi nkaban na jun ruqꞌuin ja Jesucristo. Xokruchaꞌto utzcꞌa chi noc na chake ja mero cꞌaslemal xin Dios utzcꞌa chi ni majun nak ta nokchapbexi ja tok nokqꞌuejeꞌ chwach.

Colosenses 1:11

Dios ta xtiyoꞌ chewe chi congana ewachokꞌakꞌ, xtoc ta chewe ja nimlaj poder ja cꞌo ruqꞌuin pa gloria utzcꞌa chi ni matiqꞌuis wiꞌ ja repaciencia utzcꞌa chi nixcowini necochꞌ xa nak ta newil chipan ja recꞌaslemal pro ruqꞌuin ta quicotemal.

1 Timoteo 6:11

Pro atat Timoteo at ajsamajel rxin ja Dios, maxta queriꞌ taban atat. Ja naban quewariꞌ, nacꞌut ja rawutzil chiquewach ja winak, tayaꞌaꞌ rukꞌij ja Dios in tiyukeꞌ acꞌuꞌx ruqꞌuin ja Jesucristo, tiqꞌuejeꞌe ja rajoben riꞌil xin Dios pan acꞌaslemal, tiqꞌuejeꞌ apaciencia in maxta tayaꞌ akꞌij.

2 Timoteo 2:25

Ja tok ecꞌoli nechꞌaꞌo rxin arjaꞌ nuchꞌob chiquewach pan ekal, ma pan ayewal ta. Queriꞌ nuban como chaka jalal maxla Dios nuyaꞌ chique chi nqueqꞌuex ja quinaꞌoj in nqueyaꞌ can ja ritzelal in ncotakij ja utzlaj tzij xin Jesucristo.

Santiago 1:21

Rmalcꞌariꞌ nbij chewe, teyaꞌaꞌ can jutzꞌit nojel ja xa ntzꞌilorsaj ja rewanma. Janila ritzelal nalaxi in nqꞌuiyi pa tak kanma ja rok winak, teyaꞌaꞌ can nojelal. Nojel ecꞌuꞌx nojel ewanma teyaꞌaꞌ ewxquin chi rcꞌaxaxic ja utzlaj tzij ja ticon chic pa tak ewanma rmal ja Dios, jariꞌ utzlaj tzij janila rchokꞌakꞌ, nixrutoꞌ chipan ja rewil emac chijutij.

1 Pedro 3:15

Ja neban, teyaꞌaꞌ rukꞌij ja kajaw Dios pa tak ewanma. Techꞌoboꞌ rij rwach nak rbanic nojel ja rcꞌamonto chewe ja Jesucristo ja bar yukul wiꞌ ecꞌuꞌx. Quirtariꞌ neban utzcꞌa chi nixcowini nechꞌob chiquewach chakajaꞌ ja winak xa nak ta necꞌaxan razón chewe. Pro pan utzil techꞌoboꞌ chiquewach, maxta xa teyabej ekꞌij.

1 Pedro 3:8

Camic ja nwajoꞌ chewe ewanojelal xta jun neban, xta jun enaꞌoj xta jun ewanma. Titiꞌon chewe wi cꞌo jun kachꞌalal nak xkajbej. Tewajoꞌ ewiꞌ como ewachꞌalal ewiꞌ, tipokonaj riꞌ ewach, maxta teyaꞌ ekꞌij.