Efesios 4:13 - Tz'utujil (Ja Cꞌacꞌa Chominem)

¹³ Queriꞌ rbanic in nerilaꞌ na jun kꞌij ja tok mta ariꞌ ja maquita jun nkaban rmal ja yukulbal kacꞌuꞌx ruqꞌuin ja Ralcꞌwal Dios in rmal ja bien nkotakij na ja kas mero rnaꞌoj. Queriꞌ cꞌa xtikaban, congana xtitzꞌakat na chi utz ja kanaꞌoj, xtinoj na pa tak kanma ajoj nojelal ja nojnak pa ranma ja Cristo.

Tz'utujil NT

¹³ Cara' rbanic y nerla' na jun k'ij tak xjun xtkaban rmal yukbal kac'u'x ruq'uin Rlec'wal Dios y xjun xtkaban rmal che bien nkutkij nak kas mer rna'oj. Cara' c'a xtkaban, congan xtetz'kata kna'oj, xtnoj na ptak kanm ajoj njelal jnojnak pranm Cristo.

Efesios 4:13 Iomraidhean Croise

San Mateo 11:27

In xbij chic chique: —Ni majun nak ta ja maquita jachon pa nukꞌaꞌ rmal ja Nataꞌ. Ni majun nak ta otakyon ja kas mero rnaꞌoj ja Ralcꞌwalaxel pro ja rotakyon xa ruyon ja Dios ja Tatixel. In chakajaꞌ ni majun nak ta otakyon ja kas mero rnaꞌoj ja Tatixel pro ja rotakyon xa nuyon anin ja rin Alcꞌwalaxel, in ja renchaꞌon chi nkꞌalasaj chiquewach, ejeꞌeꞌ cotak chakajaꞌ.

San Juan 1:16

Ja Ralcꞌwalaxel janila nojnak ja rutzil xin Dios pa ranma in jariꞌ utzil ocnak chic chake ajoj in xa janiꞌ npi más npi más pa tak kanma in xa sipan chake.

San Juan 16:3

Queriꞌ xtiqueban chewe como ejeꞌeꞌ xa ma cotak ta janiꞌ rnaꞌoj ja Tatixel in nixtacꞌa cotak ta ja nnaꞌoj anin chakajaꞌ.

San Juan 17:21

Camic nban pon orar pa quicuenta utzcꞌa chi xta jun xtiqueban canojelal ja winak ja nyukeꞌ quecꞌuꞌx wqꞌuin caniꞌ kabanon ajoj awqꞌuin Nataꞌ como atat xa jun abanon wqꞌuin in xa jun nbanon anin awqꞌuin chakajaꞌ. Ja kas ngana anin xta jun xtiqueban kuqꞌuin canojelal utzcꞌa ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ xtiquinimaj chi atat attakyonto wxin.

San Juan 17:3

Ja utzlaj cꞌaslemal ja mta qꞌuisic trij quewaꞌ rbanic riꞌ, ja winak tok cotak janiꞌ ja ranaꞌoj atat ja xa ayon chi ni katzij wiꞌ chi at Dios in tok cotak janiꞌ nnaꞌoj anin ja rin Jesucristo ja rinatakonto waweꞌ chwachꞌulew jariꞌ cucꞌan ja utzlaj cꞌaslemal ja mta qꞌuisic trij.

San Juan 6:69

como ja rajoj yukul kacꞌuꞌx awqꞌuin in kotak chi atat ja rat Cristo, kotak chi at Ralcꞌwal ja cꞌaslic Dios, neꞌ tre.

Hechos 4:32

Ja kachꞌalal ejeꞌeꞌ quicꞌamon quiꞌ, xa jun quibanon canojelal. Ja quimebaꞌil xa jun quibanon tre. Mta jun chique nbij ta: —Xa nuyon wxin anin, neꞌ ta tre ja rmebaꞌil.

1 Corintios 1:10

Pro camic wachꞌalal anin congana nban recomendar chewe chi xta jun neban. Pa rubiꞌ ja kajaw Jesucristo nbij chewe ewanojelal chi xta jun neban, maxta caꞌiꞌ oxiꞌ grupo teban. Pro ja kas nwajoꞌ chewe chi xta jun nechꞌob in xta jun nel wiꞌ ja nechomij jeꞌe.

1 Corintios 14:20

Wachꞌalal, ma teban chi ta más ja caniꞌ xa junan enaꞌoj cuqꞌuin ja tak acꞌalaꞌ. Ja cꞌa tre ja banoj itzelal jariꞌ utz wi nixoqui ix caniꞌ tak yaquiꞌaꞌ pro ja tre ja renaꞌoj jariꞌ kas ta xtitzꞌakati chi utz.

1 Corintios 2:6

Cꞌo nacꞌa ja nimak tak naꞌoj ja nkachꞌob chiquewach ja kachꞌalal ja bien tiquili ja yukulbal quecꞌuꞌx ruqꞌuin ja Jesucristo pro jariꞌ ma nimak tak naꞌoj ta ja xa xin rwachꞌulew in nixtacꞌa nimak tak naꞌoj ta chakajaꞌ quixin nimak tak winak ja nebano mandar waweꞌ chwachꞌulew, juleꞌ winak ja xa nekajsax na rmal ja Dios.

2 Corintios 4:6

Queriꞌ kabanon como ja Dios arjaꞌ cꞌo jun luz rtakonto pa tak kanma ja caniꞌ xuban ojer tok xbij chi: —Tiwinakari ja luz, neꞌe, in winakari ja luz chipan ja kꞌekumal. Queriꞌ rbanon chake utzcꞌa chi nchꞌaꞌani ja luz xin Dios pa tak kanma in rmalariꞌ ja winak xticotakij na chi ruqꞌuin ja Jesucristo natzꞌat wiꞌ chi janila nim rukꞌij ja Dios.

Gálatas 4:19

Chakꞌlaj tak walcꞌwal, jutij chic inmajtajnak rmal ja rpokonal emwal ixix. Caniꞌ tre jun ixok tok majaꞌn talaxi ti ral arjaꞌ nmajtaj rmal ja rpokonal in queriꞌ cꞌa chwe anin chakajaꞌ congana ntiꞌon chwe chi raybexic nak kꞌij xtiqꞌuiyi chi utz ja Cristo pa tak ewanma.

Efesios 1:17

Nintzijon ruqꞌuin ja Dios rxin ja kajaw Jesucristo, jariꞌ Dios ja Tatixel ja ni rxin wiꞌ chi congana nim rukꞌij. Anin ncꞌutuj tre chi arjaꞌ nuyaꞌ chewe chi ja rEspíritu Santo nucoj ja naꞌoj xin Dios pa tak ewiꞌ pa tak ewanma in ncꞌutuj tre chakajaꞌ chi bien nkꞌalasaj chewach nak ja kas mero rbanic ja Dios.

Efesios 1:23

Ajoj ja rok iglesia ok cuerpo rxin ja Cristo in ja rcꞌaslemal ja Cristo nnoji pa tak kacꞌaslemal ajoj como ok cuerpo rxin in ni majun bar ta triꞌ ja maquita cꞌo wiꞌ arjaꞌ.

Efesios 2:15

Arjaꞌ cam chwach cruz in rmal ja rcamic tok xocꞌo rukꞌij ja ley xin Dios ja tzꞌibtal can rmal ja Moisés ja rcꞌan juleꞌ mandamiento in juleꞌ costumbre, jariꞌ xokrchomarsbej ewqꞌuin. Queriꞌ xuban chake utzcꞌa chi jun cꞌacꞌa tinamit xuban chake, ma ok caꞌiꞌ tinamit chi ta pro xa jun kabanon ruqꞌuin utzcꞌa chi kas quiꞌil chic nokqꞌuejeꞌ ewqꞌuin.

Efesios 4:12

Jawaꞌ samaj xsipaj chake chi nkaban utzcꞌa chi bien ntzꞌakat chake ja rok xin Dios xa nak ta ja ncꞌatzin chake chi nokcowini nkaban ja samaj xin Dios utzcꞌa chi nokqꞌuiy rmal ja rok cuerpo rxin ja Cristo.

Efesios 4:3

Bien tebanaꞌ cuenta, maxta tetzak ja yatajnak chewe rmal ja rEspíritu Santo como ja rEspíritu Santo arjaꞌ ryaꞌon chewe chi xa jun ebanon, kas ta xtiqꞌuejeꞌe ja quicotemal xin Dios checojol jariꞌ caniꞌ jun caloꞌ nixximbexi in xa jun neban rmal.

Efesios 4:5

Xa jun ja Kajaw, xa jun ja bar yukul wiꞌ kacꞌuꞌx, xa jun ja bautismo

Filipenses 3:10

Queriꞌ nwajoꞌ anin utzcꞌa chi bien nwotakij janiꞌ rnaꞌoj ja wajaw Jesucristo utzcꞌa chi bien nwotakij nak rbanic ja poder xin Dios pro jun poder ja cꞌaso rxin ja Jesucristo chiquicojol camnakiꞌ. Anin nwajoꞌ nwachbilaj ja Jesucristo chi rtijic ja rpokonal, nwajoꞌ nwachbilaj chipan ja rcamic

Filipenses 3:8

In ma ruyon tariꞌ, queriꞌ nbanon tre nojelal como jariꞌ ma vale ta chwach ja xinwotakij rwach ja wajaw Cristo Jesús. Ja tok xinwotakij rwach ja Cristo jariꞌ más na vale chwach nojelal. Rmal ja Cristo chewiꞌ tok nyaꞌon can nojelal in ja chwe anin nojel ja nyaꞌon can jariꞌ xa caniꞌ juleꞌ kꞌayis ja nel pa mes. Anin nyaꞌon can nojelal utzcꞌa chi nqꞌuejeꞌe ja Cristo pa wanma pro ni chijutij.

Colosenses 1:28

Ja cꞌa rajoj xa ni ruyon wiꞌ ja Cristo ja nkayaꞌ rbixic, nekapaxbaj ja kachꞌalal chiquijujunal in nekatijoj chiquijujunal chakajaꞌ como ja Dios arjaꞌ nuyaꞌ kanaꞌoj chi quitijoxic. Queriꞌ nkaban utzcꞌa tok nekaban presentar chwach ja Dios pro bien tzꞌakat ja quicꞌaslemal triꞌ chiquijujunal rmal ja xa jun quibanon ruqꞌuin ja Cristo Jesús.

Colosenses 2:2

Nmajon rbanic jun lucha utzcꞌa chi bien nquexim quiꞌ chipan ja rajoben riꞌil xin Dios in rmaltariꞌ ncowir quewiꞌ canma chipan ja utzlaj tzij xin Jesucristo. Ja kas nwajoꞌ chique, kas ta nqꞌuejeꞌe ja quiseguro, kas ta nchꞌobtaj cumal nak rbanic ja rkꞌalasan chic ja katataꞌ Dios chikawach jariꞌ caniꞌ jun nimlaj mebaꞌil nuyaꞌ chake como arjaꞌ rkꞌalasan chic chikawach nak rbanic ja Cristo.

Hebreos 5:14

Pro ja rijaꞌ caniꞌ chique achiꞌiꞌ in ixokiꞌ ejeꞌeꞌ xa nak chi ta nquetiꞌ, cꞌoli cotakin chic tre ja quicꞌaslemal in chꞌobtajnak chic cumal nak ja rutzil in nak ja ritzelal.

2 Pedro 1:4

Queriꞌ rbanon, cꞌoli ja rtzujun jeꞌe chake caniꞌ jun nimlaj mebaꞌil in congana nimak rukꞌij. Rmal cꞌa ja rtzujunto chake rmalariꞌ tok nokcowini nkatoꞌ kiꞌ chipan ja ritzelal xin rwachꞌulew como ja rwachꞌulew xa yojtajnak rmal ja ritzel tak yarinem ja cꞌo pa tak canma winak. Queriꞌ xuban ja Dios chake utzcꞌa chi nkaqꞌuex kanaꞌoj in ni jaꞌ chic rnaꞌoj ja Dios nkucꞌaj.

2 Pedro 3:18

Pro ja neban, ni ta xtiqꞌuiy wiꞌ más ja rutzil xin Dios pa tak ewanma, ni ta xtewotakij wiꞌ más janiꞌ rnaꞌoj ja kajaw Jesucristo ja Toꞌonel kaxin. Arjaꞌ ni ta xtiyaꞌ wiꞌ rukꞌij camic, chwak in chijutij. Amén.

1 Juan 5:20

In kotak chakajaꞌ chi ja Jesús ja Ralcꞌwal Dios peti waweꞌ chwachꞌulew in xuyaꞌ chake chi kotakij rwach ja Dios ja katzij chi Dios. In ajoj xa jun kabanon ruqꞌuin ja Dios ja katzij chi Dios in xa jun kabanon ruqꞌuin ja Jesucristo ja Ralcꞌwal, ruyon arjaꞌ ja Dios ja katzij chi Dios, ruyon arjaꞌ nyowi ja utzlaj cꞌaslemal ja mta qꞌuisic trij.