Efesios 4:12 - Tz'utujil (Ja Cꞌacꞌa Chominem)

¹² Jawaꞌ samaj xsipaj chake chi nkaban utzcꞌa chi bien ntzꞌakat chake ja rok xin Dios xa nak ta ja ncꞌatzin chake chi nokcowini nkaban ja samaj xin Dios utzcꞌa chi nokqꞌuiy rmal ja rok cuerpo rxin ja Cristo.

Tz'utujil NT

¹² Jawra samaj xsipaj chka che nkaban ch-utz c'ara' bien noketz'kata je ok rtnamet Dios y che nokocwina nkaban rsamaj, y ch-utz c'ara' chka' nokq'uiya rmal ja ok cuerpo rxin Cristo.

Efesios 4:12 Iomraidhean Croise

San Lucas 22:32

Pro anin nbanon orar pan acuenta utzcꞌa chi matiqꞌuisi chijutij ja yukulbal acꞌuꞌx wqꞌuin. Atat ja tok xcatmelojpi chic jutij pa nukꞌaꞌ tacowirsaj chic quecꞌuꞌx ja rawachꞌalal, neꞌ tre.

Hechos 1:17

Como ja Judas arjaꞌ kach apóstol, yataj tre chi xoc kachbil chipan ja samaj xin Dios ja kamajon.

Hechos 1:25

ja xtoc kach apóstol pa rcꞌaxel ja Judas. Como ja Judas arjaꞌ xuyaꞌ can ja rsamaj rmal ja ritzelal ja xuban in be chipan ja lugar ja ni yatal wiꞌ trij chi triꞌ nbe wiꞌ. Queriꞌ ja roración queban.

Hechos 11:23

Ja cꞌa Bernabé tok xekaj pan Antioquía xutzꞌat chi congana samajnak ja rutzil xin Dios pa tak canma ja winak, congana quicot rmal in quewaꞌ xbij chique riꞌ: —Cow quixpeꞌi, maxta teyaꞌ can ja yukulbal ecꞌuꞌx ruqꞌuin ja kajaw Jesucristo.

Hechos 20:24

Pro anin matinxbej wiꞌ chwach ja npi chwij, matinpokonaj nyaꞌ wiꞌ pa camíc como jariꞌ nqꞌuisbej ja nsamaj in congana ninquicot rmal. Xarwariꞌ congana ngana nqꞌuis ja samaj ja yaꞌon chi nukul rmal ja kajaw Jesús como arjaꞌ ryaꞌon chi nukul chi nyaꞌ rbixic ja utzlaj tzij xin Jesucristo ja nucꞌut chikawach nak rbanic ja rutzil ja nsipax chake rmal ja Dios.

Hechos 20:28

Rmalcꞌariꞌ ja tok nbij chewe, tebanaꞌ cuenta ewiꞌ in queꞌechajij ja kachꞌalal canojelal como yatajnak chewe rmal ja rEspíritu Santo chi neꞌechajij. Queꞌetzukuꞌ tre ja rtzobal Dios como ejeꞌeꞌ e iglesia xin Dios, e rxin chic ja kajaw Jesucristo como arjaꞌ xutix rquiqꞌuel chwach cruz jariꞌ xerlokꞌbej.

Hechos 9:31

Ja cꞌa riglesia ejeꞌeꞌ mchita pokon ban chique tanto chique ja recꞌo chipan ja departamento Judea in chique ja recꞌo chipan ja departamento Galilea in chique chakajaꞌ ja recꞌo chipan ja departamento Samaria. Xeqꞌuiy más chipan ja rtzobal Dios. Nquixbej quiꞌ chwach ja kajaw Dios. Ja rEspíritu Santo arjaꞌ toꞌo quixin in xebe más pa nim rmal.

Romanos 12:5

In queriꞌ cꞌa chake ajoj chakajaꞌ ja rok xin Jesucristo, ok qꞌuiy pro xa jun cuerpo kabanon kanojelal, ok cuerpo rxin ja Cristo, xa jun kabanon, kayuklaꞌon kiꞌ chibil tak kiꞌ.

Romanos 12:7

Ja wi Dios ryaꞌon chawe chi neꞌawilij ja kachꞌalal queꞌawilij cꞌa. Ja wi ryaꞌon chawe chi neꞌatijoj queꞌatijoj cꞌa.

Romanos 14:19

Rmalcꞌariꞌ nbij chewe, bien kachꞌoboꞌ rij rwach nak nkaban utzcꞌa chi mta sícꞌ chꞌaꞌoj chikacojol, bien kachꞌoboꞌ rij rwach nak nkatobej kiꞌ chibil tak kiꞌ utzcꞌa chi nqꞌuiy más ja yukulbal kacꞌuꞌx ruqꞌuin ja Jesucristo.

Romanos 15:14

Ja chwe anin wachꞌalal bien wotak chi nojnak ja rutzil pa tak ewanma in wotak chakajaꞌ chi bien chꞌobtajnak emwal ja tijonem xin Jesucristo in nixcowini nepaxbaj ewiꞌ.

Romanos 15:2

Pro ja nkaban, quekayaꞌaꞌ pa cuenta ja kachꞌalal, kabanaꞌ ja cꞌol utzil rcꞌamonto chique utzcꞌa chi ncowir más ja yukulbal quecꞌuꞌx ruqꞌuin ja Jesucristo.

Romanos 15:29

Ja cꞌa tok xquinekaj ewqꞌuin anin wotak chi kas nnoj na ja quicotemal pa tak kanma rumac ja utzlaj tzij xin Cristo.

1 Corintios 12:27

Ja cꞌa rixix ix cuerpo rxin ja Cristo, ix miembro chejujunal rxin ja rcuerpo.

1 Corintios 12:7

Pro cꞌoli nyataj chake rmal ja rEspíritu Santo chikajujunal chi nokcowini nkakꞌalasbej ja samaj ja nuban ja rEspíritu Santo chikacojol. Pro jariꞌ nyataj chake utzcꞌa chi nkatobej kiꞌ chibil tak kiꞌ.

1 Corintios 14:12

In queriꞌ cꞌa chewe ixix chakajaꞌ. Ja cꞌa camic, como congana newajoꞌ necochij ja nyataj jeꞌe chake rmal ja rEspíritu Santo chewiꞌ tok nbij chewe, tetijaꞌ ekꞌij chi rbanic ja cꞌo qꞌuiyem rcꞌamonpi tre ja quicꞌaslemal ja kachꞌalal ja riglesia, pro ni ta congana xqueqꞌuiy ta emwal.

1 Corintios 14:14

Quirtacꞌariꞌ nuban jutzꞌit como anin tok wi cꞌo jun oración nmajon rbanic chipan jun chic tzobal ja ma wotakin ta jariꞌ nsamaji ja respíritu wxin chi rbanic ja roración pro matisamaji ja nnaꞌoj in ja cꞌa roración ni majun nak ta rcꞌamonto chique ja necꞌaxan wxin.

1 Corintios 14:26

¿Nak cꞌa ja kas mero rubey wachꞌalal? Ja tok nemol ewiꞌ cꞌoli ja yatajnak chewe chejujunal chi nixcowini neban. Ecꞌoli ja cꞌo jun salmo nquejach, ecꞌoli ja cꞌo jun tijonem nqueyaꞌ, ecꞌoli ja cꞌo jun chic tzobal netzijon chipan, ecꞌoli ja cꞌoli kꞌalasan chiquewach rmal ja Dios chi nqueyaꞌ rbixic in ecꞌoli ja nyataj chique chi necowini nquikꞌaxaj ja tzij ja nbix chipan jun chic tzobal. Pro xarwariꞌ, xa nak ta ja neban cꞌo ta qꞌuiyem rcꞌamonto tre quicꞌaslemal ja necꞌaxan ewxin.

2 Corintios 12:19

Ja noktajini nkabij chewe maxla ja nechꞌob ixix chi jariꞌ nkatobej kiꞌ chewach pro ma queriꞌ ta. Nojel ja kamajon rbixic chewe, chwach Dios nkabij in xa jun kabanon ruqꞌuin ja Cristo chi rbixic. Chakꞌlaj wachꞌalal, nojel ja nkabij chewe utzcꞌa chi nqꞌuiy más ja yukulbal ecꞌuꞌx ruqꞌuin ja Jesucristo rmal.

2 Corintios 13:11

Camic nbij chewe wachꞌalal, quixquicoti. Techomarsaj cꞌa ja ma utz ta jeꞌe ja remajon rbanic, Dios ta xtiyukban ecꞌuꞌx, xta jun neban, maxta sícꞌ chꞌaꞌoj teban. Ja wi nenimaj ja cꞌa xinbij kaj chewe riꞌ jariꞌ nqꞌuejeꞌe ja Dios ewqꞌuin, arjaꞌ nyowi ja rajoben riꞌil pa tak kanma, arjaꞌ nyowi ja quicotemal.

2 Corintios 13:9

Como ajoj congana nokquicoti ja tok ma rjawaxic ta nkacoj chewij ja poder xin Cristo ja cꞌo pa kakꞌaꞌ in tok cꞌo poder ewqꞌuin chi rbanic ja rutzil. Congana kamajon rbanic orar pan ecuenta utzcꞌa chi nqꞌuiyi in nwachini ja rutzil xin Dios pa tak ewanma.

2 Corintios 3:8

Ja cꞌa wi congana ruchꞌaꞌ Dios rachbilajto ja jun chominem xin nabey pior cꞌa ja samaj ja ntajini nuban ja rEspíritu Santo chipan awaꞌ jun cꞌacꞌa tiempo ja rokcꞌo wiꞌ riꞌ jariꞌ más kꞌaxnak chi na ruchꞌaꞌ ja Dios nrachbilaj.

2 Corintios 4:1

Rmalcꞌariꞌ nbij chewe, jawaꞌ samaj ja kamajon rbanic riꞌ, como jun cochinem xin Dios chewiꞌ tok ni maticapuj wiꞌ kacꞌuꞌx chi rbanic.

2 Corintios 5:18

Nojel awaꞌ ja cꞌa xinbij kaj chewe riꞌ ruqꞌuin Dios penak wiꞌ in camic ja Dios arjaꞌ ryaꞌon chake chi okchomtajnak chic ruqꞌuin rmal ja Cristo in cꞌo jun samaj ryaꞌon chi kakul ajoj jariꞌ chi nkachꞌob chiquewach ja winak nak rbanic ja tok nechomtaj ruqꞌuin.

2 Corintios 6:3

Ajoj ni kabanon wiꞌ cuenta ja kacꞌaslemal chiquewach ja winak como mta kagana ja xta kumal ajoj tok matiquinimaj ja rtzobal Dios. Kabanon cuenta kiꞌ utzcꞌa chi ma itzel ta xquetzijon tre ja samaj xin Dios ja noktajini nkaban.

2 Corintios 7:1

Chakꞌlaj wachꞌalal, nojel awaꞌ ja cꞌa xinbij kaj chewe riꞌ como tzujun chic chake rmal ja Dios rmalcꞌariꞌ tok nbij chewe, kayaꞌaꞌ can xa nak ta ja ntzꞌilorsaj ja kacꞌaslemal tanto tre ja ntzꞌilorsaj ja kacuerpo in tre ja ntzꞌilorsaj ja kanma chakajaꞌ. Kaxbej kiꞌ chwach ja Dios, tiqꞌuiyi tiwachini jun chꞌajchꞌojlaj cꞌaslemal chake.

Efesios 1:23

Ajoj ja rok iglesia ok cuerpo rxin ja Cristo in ja rcꞌaslemal ja Cristo nnoji pa tak kacꞌaslemal ajoj como ok cuerpo rxin in ni majun bar ta triꞌ ja maquita cꞌo wiꞌ arjaꞌ.

Efesios 4:16

Arjaꞌ nqꞌuiyirsan kaxin ja rok cuerpo rxin, pro jun cuerpo ja bien banon rbanic, xa jun rbanon, rximon riꞌ chibil tak riꞌ in nutoꞌ riꞌ chibil tak riꞌ chakajaꞌ. Ja jujun miembro rxin ja cuerpo tok nuban ja samaj ja yatajnak tre chi nuban jariꞌ nqꞌuiyi chi utz ja cuerpo rmal, kas nrajoꞌ riꞌ chibil tak riꞌ.

Efesios 4:29

Ni ta majun itzel tak tzij nelto pan echiꞌ, ni ta buen tak tzij wiꞌ nebij, juleꞌ tzij ja cꞌo qꞌuiyem rcꞌamonto, juleꞌ tzij ja cꞌoli noc wiꞌ. Quirtariꞌ neban jutzꞌit utzcꞌa chi cꞌol utzil xin Dios rcꞌamonto chique ja necꞌaxan ewxin.

Efesios 4:4

Xa jun cuerpo rxin ja Jesucristo, xa jun Espíritu Santo, in caniꞌ tre ja gobierno xin Dios ja kayben jariꞌ xa jun chakajaꞌ, jariꞌ Dios xokrsiqꞌuij chi nokqꞌuejeꞌ chipan.

Colosenses 1:24

Ja cꞌa camic incꞌo chipan ja rpokonal chi etoꞌic pro ninquicot rmal. Como anin in rachbil ja Cristo chi rtijic ja rpokonal ja majaꞌn tikꞌax trij como cꞌa ntiꞌon na tre ja Cristo nojel ja nba̱n chake ja rok cuerpo rxin ja rok iglesia.

Colosenses 1:28

Ja cꞌa rajoj xa ni ruyon wiꞌ ja Cristo ja nkayaꞌ rbixic, nekapaxbaj ja kachꞌalal chiquijujunal in nekatijoj chiquijujunal chakajaꞌ como ja Dios arjaꞌ nuyaꞌ kanaꞌoj chi quitijoxic. Queriꞌ nkaban utzcꞌa tok nekaban presentar chwach ja Dios pro bien tzꞌakat ja quicꞌaslemal triꞌ chiquijujunal rmal ja xa jun quibanon ruqꞌuin ja Cristo Jesús.

Colosenses 4:17

In tebij tre ja kachꞌalal Arquipo: —Catcꞌascꞌoti, tabanaꞌ cumplir ja samaj ja yatajnak chawe pa rubiꞌ ja kajaw Jesucristo, quixcheꞌ tre.

1 Timoteo 1:12

Ja kajaw Cristo Jesús xuyaꞌ chwe ja wachokꞌakꞌ chi nban ja rsamaj, congana nmaltioxij tre como arjaꞌ cꞌo rconfianza wqꞌuin in xuyaꞌ chwe chi xinoc ajsamajel rxin.

2 Timoteo 4:11

Ja cꞌa camic xa ruyon Lucas ja cꞌo wqꞌuin. Tacꞌamaꞌto ja Marcos, tawachbilajto tok xcatpeti como arjaꞌ utzlaj ajsamajel in ncowini ninrutoꞌ tre ja samaj.

2 Timoteo 4:5

Pro atat tabanaꞌ cuenta awiꞌ, tachꞌoboꞌ chi utz ja naban. Tacochꞌoꞌ ja rpokonal ja npi chawij, maxta tatanbaꞌ rbixic ja utzlaj tzij xin Jesucristo, tabanaꞌ nojel ja samaj ja banon recomendar chawe rmal ja Dios.

Hebreos 13:17

Queꞌenimaj ja kachꞌalal ja recꞌayon ewxin, teyaꞌaꞌ ewiꞌ pa quekꞌaꞌ. Ejeꞌeꞌ echajyon rxin ja rewanma in emwal nequijachaꞌ na cuenta chwach ja Dios. Queꞌenimaj utzcꞌa chi nequicoti chi ewucꞌaxic, maxta quebison emwal. Ni majun rcꞌamonto chewe ja wi xa pa bis neꞌeyaꞌ wiꞌ.

Hebreos 6:1

Koqꞌuiy cꞌa wachꞌalal. Ja tok kas kanimajto ja utzlaj tijonem nabey chꞌob chikawach jeꞌe nak rbanic ja Jesucristo. Jariꞌ tijonem yaꞌ chake caniꞌ rsimientoꞌil jun jay ticon chic. Pro ma chaka ta jaꞌ tikaqꞌuis tikacꞌam rtiquic wachꞌalal, joꞌ koqꞌuiy más, ma koqꞌuejeꞌ ta chi queriꞌ. Quewaꞌ ja rsimientoꞌil, quewaꞌ ja nabey tijonem ja ticon chic riꞌ, jun, ja naqꞌuex anaꞌoj, nayaꞌ can nojel ja raniman ja ni majun rcꞌamonto in nyukeꞌ chic acꞌuꞌx ruqꞌuin ja Dios.