Efesios 4:11 - Tz'utujil (Ja Cꞌacꞌa Chominem)

¹¹ Arjaꞌ sipan chake ja samaj nkaban jeꞌe quewariꞌ, juleꞌ chake xeꞌoc apóstol, juleꞌ chic chake xeꞌoc profeta, juleꞌ chic xuyaꞌ chique chi nebe pa tak lugar chi nequiyaꞌaꞌ rbixic ja utzlaj tzij xin Jesucristo, in juleꞌ chic xuyaꞌ chique chi nequiyukꞌuj ja kachꞌalal in nequitijoj.

Tz'utujil NT

¹¹ Ja' xsipana chka jsamaj je nkaban jcawra je'a: jle' chka xe'oca apóstol, jle' chic chka xe'oca profeta, jle' chic xuya' chca che nqueba ptak lwar chnequey-a' rbixic utzlaj tzij rxin Jesucristo, y jle' chic xuya' chca che nquecyuk'uj kch'alal y nquectijoj.

Efesios 4:11 Iomraidhean Croise

San Mateo 28:20

Techꞌoboꞌ chiquewach nak nqueban chi rnimaxic nojel ja mandamiento ja nyaꞌon chewe. In bien turkaj chewe chi anin ni mta wiꞌ jun kꞌij ja maquita incꞌol ewqꞌuin in nij incꞌo wiꞌ ewqꞌuin ja tok xterilaꞌ ja qꞌuisbal kꞌij rxin ja rwachꞌulew. Amén.

Hechos 13:1

Ja chipan ja riglesia ja cꞌo pan Antioquía ecꞌo juleꞌ profeta in maestro. Quewaꞌ quebiꞌ riꞌ, Bernabé, Simón ja cꞌo chic jun rubiꞌ nbixi Niger, Lucio ja raj Cirene, Manaén ja re jun aqꞌuiyic ruqꞌuin ja Herodes ja gobernador xin Galilea, in Saulo.

Hechos 20:28

Rmalcꞌariꞌ ja tok nbij chewe, tebanaꞌ cuenta ewiꞌ in queꞌechajij ja kachꞌalal canojelal como yatajnak chewe rmal ja rEspíritu Santo chi neꞌechajij. Queꞌetzukuꞌ tre ja rtzobal Dios como ejeꞌeꞌ e iglesia xin Dios, e rxin chic ja kajaw Jesucristo como arjaꞌ xutix rquiqꞌuel chwach cruz jariꞌ xerlokꞌbej.

Hechos 21:8

Ja cꞌa chi rcab kꞌij xokelel chic triꞌ, kachbilajel ja Pablo, xokekaj chipan ja tinamit Cesarea. Triꞌ cꞌo wiꞌ ja Felipe ja revangelista, arjaꞌ jun chique ja wukuꞌ diácono. Xokbe chi rochoch ja Felipe in triꞌ xokqꞌuejeꞌ wiꞌ ruqꞌuin.

Romanos 12:7

Ja wi Dios ryaꞌon chawe chi neꞌawilij ja kachꞌalal queꞌawilij cꞌa. Ja wi ryaꞌon chawe chi neꞌatijoj queꞌatijoj cꞌa.

1 Corintios 12:4

Pro qꞌuiy rwach ja nkacochij jeꞌe tre ja rEspíritu Santo chi nokcowini nkabanbej ja samaj xin Dios pro xarwariꞌ xa jun mismo Espíritu Santo nsipan chake chi nojelal.

Efesios 2:20

Ixtiquil parwiꞌ ja rsimientoꞌil jun templo. Ja rsimientoꞌil jawaꞌ templo riꞌ jariꞌ cojon cumal ja rapóstol in cumal ja profeta in cꞌo jun abaj cojon tre ja más chi na nim rukꞌij, jariꞌ abaj ja Cristo Jesús.

Efesios 3:5

Pro jariꞌ ma xkꞌalasax ta chiquewach ja winak ja xeqꞌuejeꞌ chipan juleꞌ chic tiempo, ma xkꞌalasax ta chiquewach ejeꞌeꞌ ja caniꞌ kꞌalasan chic camic rmal ja rEspíritu Santo chiquewach ja santilaj tak apóstol in profeta.

Efesios 4:8

Caniꞌ rbin can ja Dios quewariꞌ: —Ja tok joteꞌe chilaꞌ chicaj e qꞌuiy ja winak xerucꞌamel, juleꞌ winak ja rercojon preso, in chakajaꞌ cꞌo jeꞌe ja xsipaj chique winak, queriꞌ nbij.

2 Timoteo 4:5

Pro atat tabanaꞌ cuenta awiꞌ, tachꞌoboꞌ chi utz ja naban. Tacochꞌoꞌ ja rpokonal ja npi chawij, maxta tatanbaꞌ rbixic ja utzlaj tzij xin Jesucristo, tabanaꞌ nojel ja samaj ja banon recomendar chawe rmal ja Dios.

Hebreos 5:12

Ja rixix ojer chic eniman ja Jesucristo, ja kas yatal chewij, ixix ta nariꞌ nixtijon chic quixin juleꞌ chic winak camic. Ja takaꞌan newajoꞌ ntzꞌat anin cꞌa takaꞌan newajoꞌ na jun ja nchꞌobo chewach ja rtzobal Dios ja caniꞌ tijonem nya̱ꞌ chique ja tak acꞌalaꞌ ja ma cꞌayew ta chique. Ja ntzꞌat anin ni ix junan cuqꞌuin ja tak yaquiꞌaꞌ ja cꞌa tzꞌum na nquetij ja majaꞌn tiyataj chique chi nquemaj waꞌim.

Judas 1:17

Pro ja chewe ixix chakꞌlaj wachꞌalal, maxta temestaj ja bitajnak cumal ja rapóstol rxin ja kajaw Jesucristo tre ja xtibantaj na,

Apocalipsis 18:20

Pro ja cꞌa rixix ja rixcꞌo chilaꞌ chicaj quixquicoti. Ja rix apóstol, ja rix profeta, ewanojel ja rix tinamit rxin ja Dios quixquicoti. Como ja tinamit Babilonia, Dios ryaꞌon rjil rcꞌaxel tre ja rbanon chewe, xecheꞌe.

Apocalipsis 21:14

Ja tabia ja rsutin riꞌ trij ja tinamit cꞌo cablajuj rsimientoꞌil rtzꞌulben in ja jujun rsimientoꞌil cꞌo jujun biꞌaj tzꞌibtal chwach, jariꞌ quebiꞌ ja cablajuj apóstol rxin ja Carnelo.