Efesios 4:1 - Tz'utujil (Ja Cꞌacꞌa Chominem)

¹ Rmal cꞌa nojel awaꞌ ja nmajon rbixic chewe riꞌ congana nban recomendar chewe chi newcꞌaj jun utzlaj cꞌaslemal. Anin ja rincojon preso camic rmal ja samaj rxin ja kajaw Jesucristo congana nban recomendar chewe chi newcꞌaj jun cꞌaslemal ja bien nucꞌam riꞌ ruqꞌuin ja utzlaj cꞌaslemal ja nrajoꞌ ja Dios chewe chi newcꞌaj ja tok xixrsiqꞌuij.

Tz'utujil NT

¹ Rmal c'a njelal jnemjon ta rbixic chewa, camic quenc'utuj chewa che newc'aj rc'aslemal Jesucristo com ixix ixsiq'uin che ixocnak iglesia rxin ja' Jesucristo. Anen encsan pcars camic rmal Kajaw Jesucristo y quenc'utuj chewa chneban ajni' ntajina nemjon rbixic chewa.

Efesios 4:1 Iomraidhean Croise

Hechos 9:31

Ja cꞌa riglesia ejeꞌeꞌ mchita pokon ban chique tanto chique ja recꞌo chipan ja departamento Judea in chique ja recꞌo chipan ja departamento Galilea in chique chakajaꞌ ja recꞌo chipan ja departamento Samaria. Xeqꞌuiy más chipan ja rtzobal Dios. Nquixbej quiꞌ chwach ja kajaw Dios. Ja rEspíritu Santo arjaꞌ toꞌo quixin in xebe más pa nim rmal.

Romanos 11:29

Queriꞌ nbij chewe como ja Dios mta moda xtuqꞌuex ta ja rnaꞌoj. Ja wi cꞌoli rsipan chawe nij awxin wariꞌ owi atrchaꞌon chi atocnak tinamit rxin nij at rtinamit wariꞌ chakajaꞌ.

Romanos 12:1

Wachꞌalal, camic katzꞌaton chic ewqꞌuin chi ja Dios janila rpokonan kawach, janila rbanonto pa kacuenta chi katoꞌic. Rmalcꞌariꞌ congana nban recomendar chewe chi netzujuj ja recuerpo pa rukꞌaꞌ ja Dios chi rbanic ja rvoluntad. Toqui ja recuerpo caniꞌ jun sacrificio pro jun sacrificio cꞌasli, jun sacrificio bien chꞌajchꞌoj, jun sacrificio ja utz ntzꞌa̱t rmal ja Dios. Ja wi queriꞌ neban jariꞌ ni katzij wiꞌ chi yaꞌbal rukꞌij Dios ja neban.

1 Corintios 4:16

Como anin in etataꞌ rmalcꞌariꞌ tok congana nban recomendar chewe chi necꞌam ja rejemplo ja nmajon ryaꞌic chewach.

2 Corintios 10:1

Camic nwajoꞌ nintzijon ewqꞌuin chique ja winak ja xa netajini nquilasaj ntzijoxic, quewaꞌ nquibij chwe riꞌ: —Ja Pablo tok cꞌoli chikacojol congana nuban tinoꞌy pro ja cꞌa tok mchita chikacojol cꞌa tokoriꞌ nucoj cowlaj tak tzij chakij, necheꞌe. Pro anin ja rin Pablo congana nban recomendar chewe, kas tinataj jutzꞌit emwal ja rejemplo ja xuyaꞌ can ja Cristo como arjaꞌ xuban tinoꞌy, nojel xujach pa rukꞌaꞌ ja Dios in congana rpaciencia cuqꞌuin ja winak.

2 Corintios 5:20

Ja cꞌa rajoj camic oktakonel rmal ja Cristo chi pa rubiꞌ arjaꞌ nkaban ja samaj como ja Dios arjaꞌ nucoj kachiꞌ chi rbixic chique ja winak nak ja nrajoꞌ chique chi nqueban. Pa rubiꞌ cꞌa ja Cristo congana nkaban recomendar chewe chi quixchomtaj jutzꞌit ruqꞌuin ja Dios.

2 Corintios 6:1

Ja cꞌa rajoj como xa jun kabanon ruqꞌuin ja Dios chi rbanic ja samaj xa chewiꞌ tok congana nkaban recomendar chewe, maxta tetzꞌilaꞌ ja rutzil ja nsipaj ja Dios chewe.

Gálatas 4:12

Wachꞌalal, tebanaꞌ jun utzil, tebanaꞌ ixix ja caniꞌ nbanon anin como anin inocnak in caniꞌ ewach aj tinamit ja ma ix aj Israel ta. Ja cꞌa tok xinqꞌuejeꞌ checojol ni majun itzel nak ta xeban ta chwe.

Efesios 2:10

Queriꞌ nbij chewe como ja utzlaj cꞌaslemal ja kucꞌan camic Dios winakarsyon, ma ajoj ta como arjaꞌ xuyaꞌ jun cꞌacꞌa cꞌaslemal chake, tokoriꞌ xuyaꞌ chake ja tok xa jun kaban ruqꞌuin ja Cristo Jesús. Xuyaꞌ jun cꞌacꞌa cꞌaslemal chake utzcꞌa chi nkaban chic ja rutzil pro juleꞌ utzil ja ni rchominto wiꞌ ojer chi nkaban.

Efesios 3:1

Rmalcꞌariꞌ tok anin nmajon rbanic orar pan ecuenta. Anin ja rin Pablo incojon preso camic rumac ja samaj xin Cristo Jesús ja xinban pan ecuenta ja ma ix aj Israel ta.

Efesios 4:17

Ja cꞌa xtinbij chic chewe riꞌ congana nban recomendar chewe pa rubiꞌ ja kajaw Jesucristo, maxta tewcꞌaj chic jun cꞌaslemal ja caniꞌ quicꞌaslemal ja juleꞌ chic winak ja ma e aj Israel ta como ja quinaꞌoj ejeꞌeꞌ mta noc wiꞌ.

Efesios 4:4

Xa jun cuerpo rxin ja Jesucristo, xa jun Espíritu Santo, in caniꞌ tre ja gobierno xin Dios ja kayben jariꞌ xa jun chakajaꞌ, jariꞌ Dios xokrsiqꞌuij chi nokqꞌuejeꞌ chipan.

Efesios 5:2

In tewajoꞌ ewiꞌ caniꞌ xuban ja Cristo chake como arjaꞌ xokrajoꞌ, xuyaꞌ riꞌ pa camíc kumal. Ja tok cam pa kacuenta ja Cristo jariꞌ jun ofrenda, jun sacrificio chwach ja Dios in xel rucꞌuꞌx ja Dios trij.

Filipenses 1:27

Xar nbij chewe wachꞌalal, ni ta newcꞌaj wiꞌ jun utzlaj cꞌaslemal ja caniꞌ nucꞌut chikawach ja utzlaj tzij xin Cristo. Ja wi xtitzur mwal chi ninbe ewqꞌuin owi masqui ma xtitzur ta pro xarwariꞌ nurkaj ta rbixic wqꞌuin chi xa jun ebanon. Cow ta nixpeꞌi wachꞌalal, xa jun tebanaꞌ, xta jun neban chi rbanic jun lucha utzcꞌa xtibe ta pa nim ja utzlaj tzij xin Jesucristo in xtiyukeꞌ ta quecꞌuꞌx ja winak ruqꞌuin ja Jesucristo rmal.

Filipenses 3:14

pro congana nmajon rtijic nukꞌij utzcꞌa chi nenwilaꞌ na ja bar xquinekaj wiꞌ ja bar xtiyaꞌ wiꞌ chwe ja premio como cꞌo jun premio nyataj chake ja tok xa jun kabanon ruqꞌuin ja Jesucristo jariꞌ nokban invitar rmal ja katataꞌ Dios chi nokeqꞌuejeꞌ na ruqꞌuin chilaꞌ chicaj.

Colosenses 1:10

Xtewcꞌaj ta jun utzlaj cꞌaslemal como ni yatal wiꞌ chakij chi queriꞌ nkaban ja tok kaniman chic ja kajaw Jesucristo. Xtewcꞌaj ta jun cꞌaslemal ja congana utz ntzꞌa̱t rmal ja Dios, jun cꞌaslemal ja nwinakarsaj nojel rwach ja rutzil. Kꞌij kꞌij ni ta xtewotakij wiꞌ más janiꞌ rnaꞌoj ja Dios.

Colosenses 2:6

Rmalcꞌariꞌ nbij chewe, caniꞌ xeban ja kas nabey xa jun xeban ruqꞌuin ja kajaw Jesucristo ni ta quirwariꞌ neban, ni ta jun wiꞌ neban ruqꞌuin chijutij xa nak ta neban chipan ja recꞌaslemal.

Colosenses 4:12

Ja kachꞌalal Epafras arjaꞌ ewach aj tinamit, arjaꞌ jun ajsamajel rxin ja Cristo in nutakel rutzil ewach chakajaꞌ. Arjaꞌ congana nutij rukꞌij chi rbanic orar pan ecuenta, ni nixrnataj wiꞌ pan oración. Queriꞌ nuban utzcꞌa chi cow nixpeꞌi utzcꞌa chi nixqꞌuiyi chi utz in nixwachini chipan ja rtzobal Dios utzcꞌa chi ni ta ja wiꞌ neban ja xa nak ta nrajoꞌ ja Dios chewe chi neban.

1 Tesalonicenses 2:12

In chakajaꞌ kabij chewe chi ni neban wiꞌ ja caniꞌ nrajoꞌ ja Dios chewe chi neban como ix rxin chic ja Dios, arjaꞌ ni nixrsiqꞌuij wiꞌ chi nixqꞌuejeꞌ na chipan ja gobierno xin Dios pa gloria.

2 Tesalonicenses 1:11

Rmalcꞌariꞌ tok ni nkaban wiꞌ orar pan ecuenta, ja nkajoꞌ chewe chi ja katataꞌ Dios utz nixrutzꞌat in nquicot chewij como ixrsiqꞌuin, ixcꞌo pa rukꞌaꞌ. In nkajoꞌ chakajaꞌ chi Dios nuyaꞌ chewe chi neban cumplir nojel ja rutzil ja remajon rchꞌobic in nuyaꞌ chewe chakajaꞌ chi neqꞌuis nojel ja samaj ja remajon rbanic rmal ja yukul ecꞌuꞌx ruqꞌuin ja Jesucristo.

2 Timoteo 1:9

Ja Dios arjaꞌ xokrutoꞌ, xokruchaꞌ chi nkaban ja nrajoꞌ chake chi nkaban pro ma rmal ta chi cꞌo ta kachꞌecbej tok xuban queriꞌ chake, xa rmal ja rchomarsanto ojer in rmal ja rutzil arjaꞌ tok xuyaꞌ chake. Jariꞌ nij ojer wiꞌ rchomarsanto ja tok majaꞌn titzꞌucarsaj ja rwachꞌulew tok xchomarsaj chi nutakto ja Cristo Jesús chi katoꞌic.

Tito 2:10

in chakajaꞌ ma quequilakꞌaj ta. Utz tiquibanaꞌ tre nojelal utzcꞌa ja quipatrón cꞌo quiconfianza cuqꞌuin. Ja wi queriꞌ nqueban cumal ejeꞌeꞌ canojel ja winak utz nquetzꞌat ja rtzobal Dios, arjaꞌ Toꞌonel kaxin.

Hebreos 13:21

Dios ta cꞌa xtiyoꞌ chewe chi nnoji nojel rwach ja rutzil pa tak ewanma utzcꞌa chi nixcowini neban ja rvoluntad, xtuyaꞌ ta chewe chi nsamaji ja Jesucristo pa tak ewanma chi rwinakarsaxic jeꞌe nak ja nel rucꞌuꞌx trij. Ni ta xtiyaꞌ wiꞌ rukꞌij camic, chwak in chijutij. Amén.

Hebreos 3:1

Rmalcꞌariꞌ tok nbij chewe wachꞌalal, techꞌoboꞌ jutzꞌit ja Cristo Jesús, bien techꞌoboꞌ wachꞌalal ja rix tinamit xin Dios, ja rixchaꞌon rmal ja Dios chi nixeqꞌuejeꞌ na ruqꞌuin chilaꞌ chicaj. Ja cꞌa Jesús arjaꞌ takto, xucꞌamto ja tijonem ja kaniman in camic arjaꞌ ocnak jun lokꞌlaj sacerdote ja paꞌl trij jawaꞌ tijonem riꞌ.

1 Pedro 2:11

Chakꞌlaj wachꞌalal, kas turkaj chewe chi xa ok kꞌaxel chwachꞌulew, ma waweꞌ ta ja mero katinamit. Rmalcꞌariꞌ nbij chewe, maxta teyaꞌ lugar tre ja ritzel tak yarinem chi xquixrucꞌaj ta como ja nuban ja ritzel tak yarinem xa nchꞌojin ruqꞌuin ja rewanma, nrajoꞌ nixruchꞌec.

1 Pedro 3:9

Ja tok nba̱n itzel chewe owi tok cꞌoli ja pokonlaj tak tzij nbix chewe maxta teyaꞌ rjil rcꞌaxel. Ja neban, tebanaꞌ ja rutzil. Ja Dios arjaꞌ xixrsiqꞌuij chi ix banol tak utzil. Queriꞌ xuban utzcꞌa chi newilaꞌ na ja rutzil ixix chakajaꞌ rmalcꞌariꞌ tok nbij chewe, ni tebanaꞌ wiꞌ ja rutzil.

1 Pedro 5:10

Pro xa ma nim ta ja tiempo rxin ja rpokonal cꞌacꞌariꞌ ja Dios arjaꞌ xtuyaꞌ chewe xa nak ta ja ma tzꞌakat ta chewe, arjaꞌ ncowirsaj ja rewanma in nuyaꞌ ja rewachokꞌakꞌ in nuyaꞌ chewe chi cow nixpeꞌi, majun nak ta xquixcꞌamoꞌel ta. Arjaꞌ nojel rwach ja rutzil cꞌo ruqꞌuin in rmal ja Jesucristo tok xokrsiqꞌuij chi nokeqꞌuejeꞌ na pa gloria pro jun gloria ja mta qꞌuisic trij.

2 Pedro 1:3

Ja Dios cꞌo pa rukꞌaꞌ nojelal, arjaꞌ nojel ryaꞌon chake ja ncꞌatzin chake chi nokcowini nkucꞌaj jun utzlaj cꞌaslemal ja utz ntzꞌa̱t rmal. Queriꞌ nuban ja Dios chawe ja tok nawotakij janiꞌ rnaꞌoj. Arjaꞌ xokrsiqꞌuij utzcꞌa chi nokoc rachbil chipan ja sakil utzcꞌa chakajaꞌ chi nkucꞌaj jun utzlaj anma ja caniꞌ ranma arjaꞌ.

2 Juan 1:5

Camic wachꞌalal, congana nban recomendar chawe chi ni nkajoꞌ wiꞌ kiꞌ. Pro jariꞌ jun mandamiento ma cꞌa ta winakari pro ni bitajnakto wiꞌ chake nabey chi rjawaxic chi nkajoꞌ kiꞌ.