Efesios 3:6 - Tz'utujil (Ja Cꞌacꞌa Chominem)

⁶ Quewaꞌ rbanic ja kꞌalasan chic chikawach riꞌ, ja rixix ja ma ix aj Israel ta ix kachbil chic ja rok aj Israel tre ja herencia xin Dios ja nyataj na chake, xa jun cuerpo kabanon chic ewqꞌuin, ixix jun nyataj na chewe ja tzujunto ojer rmal ja Dios pro xa rmal ja xa jun ebanon ruqꞌuin ja Cristo chewiꞌ tok nyataj chewe. Jariꞌ yataj chewe ja tok xecꞌwaxaj ja utzlaj tzij xin Jesucristo.

Tz'utujil NT

⁶ Cawra rbanic jk'alsan chic chkawech, ixix jme ix aj Israel ta ix kaxbil chic ja tnamet Israel tzrij herencia rxin Dios je nyataj na chka, xjun cuerpo kabnon chic ewq'uin, ixix jun nyataj na chewa jtzujun ta ojer rmal Dios, per xe rmal xjun ebnon ruq'uin Cristo rmal c'ara' tak nyataja chewa. Jara' xyataja chewa tak xewc'axaj utzlaj tzij rxin Jesucristo.

Efesios 3:6 Iomraidhean Croise

1 Corintios 12:12

Caniꞌ rbanic ja racuerpo qꞌuiy rwach rcꞌan como cꞌo rukꞌaꞌ, cꞌo rkan, cꞌo parwach pro xa jun cuerpo rbanon. Nojel ja rcꞌan ja racuerpo masqui qꞌuiy rwach pro xa jun cuerpo rbanon. In queriꞌ cꞌa rbanic ja Cristo chakajaꞌ, masqui ok qꞌuiy ja yukul kacꞌuꞌx ruqꞌuin pro xa jun kabanon ruqꞌuin.

1 Corintios 12:27

Ja cꞌa rixix ix cuerpo rxin ja Cristo, ix miembro chejujunal rxin ja rcuerpo.

Gálatas 3:14

Queriꞌ xuban ja Jesús utzcꞌa chi ixix ja ma ix aj Israel ta nyataj na chewe ja rutzil ja tzujun can tre ja rAbraham ojer rmal ja Dios. Queriꞌ xuban utzcꞌa chi xa rmal ja yukulbal kacꞌuꞌx ruqꞌuin ja Dios chewiꞌ tok nkacochij ja rEspíritu Santo ja tzujun can ojer.

Gálatas 5:24

In kanojel ja rok xin Jesucristo kayaꞌon can ja tzabuklaj cꞌaslemal ja kucꞌan nabey rachbil nojelal ja ritzelal ja kayarij jariꞌ caniꞌ karipon chic chwach cruz.

Efesios 3:3

Ecꞌwaxan chi cꞌoli ja kꞌalasax chinwach rmal ja Dios ja ma kꞌalasan ta nabey, jariꞌ ntzꞌiban chic jalal tre.

Efesios 5:30

como ok miembro rxin ja rcuerpo, kaximon kiꞌ ruqꞌuin.

Efesios 5:7

Maxta cꞌa queꞌewachbilaj ixix.

Colosenses 2:19

Queriꞌ nqueban como ma bien ta jun quibanon ruqꞌuin ja Cristo. Ja Cristo arjaꞌ wiꞌaj kaxin kanojelal ja rok cuerpo rxin in rmal arjaꞌ tok nokqꞌuiyi. Caniꞌ rbanic jun cuerpo xa jun rbanon, rximon riꞌ chibil tak riꞌ in nnimaj ja nbix tre rmal ja wiꞌaj chi nuban utzcꞌa chi nqꞌuiyi. In queriꞌ cꞌa chake ajoj chakajaꞌ, ja tok nkanimaj ja nbix chake rmal ja Cristo chi nkaban jariꞌ nokqꞌuiy rmal pro jun qꞌuiyem ja utz ntzꞌa̱t rmal ja Dios.

1 Juan 1:3

Ja katzꞌaton in ja kacꞌaxan jariꞌ nkayaꞌ rbixic chewe utzcꞌa chi ixix jun nixquicot kuqꞌuin rmal como xa jun kabanon ruqꞌuin ja Dios ja Tatixel in chakajaꞌ xa jun kabanon ruqꞌuin ja Jesucristo ja Ralcꞌwal.

1 Juan 2:25

In quewaꞌ rtzujun can chake riꞌ, jun utzlaj cꞌaslemal ja mta qꞌuisic trij.