Efesios 3:3 - Tz'utujil (Ja Cꞌacꞌa Chominem)

³ Ecꞌwaxan chi cꞌoli ja kꞌalasax chinwach rmal ja Dios ja ma kꞌalasan ta nabey, jariꞌ ntzꞌiban chic jalal tre.

Tz'utujil NT

³ Ewc'axan chic chc'ola xk'alsasa chenwech rmal Dios jmajo'n k'alsan ta nabey, jara' ntz'iban chic nic'aj.

Efesios 3:3 Iomraidhean Croise

Hechos 22:17

Cꞌacꞌariꞌ xinmelojto pa Jerusalén. Ja tok xinurkaji xinbe chipan ja nimlaj templo xin Dios, nmajon rbanic jun oración ja tok chaka jalal cꞌoli ja xintzꞌat caniꞌ pan achicꞌ.

Hechos 22:21

Pro ja kajaw Jesucristo quewaꞌ xbij chic chwe riꞌ: —Mejor catelel como camic natnutakel pa jun lugar nat, natbe chic cuqꞌuin ja winak ja ma e aj Israel ta, neꞌ chwe. Queriꞌ xbij ja Pablo chique ja winak ja rach tak aj Israel.

Hechos 23:9

Cꞌacꞌariꞌ quemaj jun nimlaj sícꞌ. Ecꞌo juleꞌ maestro quixin ja fariseo ejeꞌeꞌ xeyictaji in quewaꞌ quibij ja nquitobej ja Pablo riꞌ: —Mta ril ja rachi leꞌ. Maxla cꞌo jun espíritu owi jun ángel takonto rmal ja Dios tzijonnakto ruqꞌuin. Mejor ma kochꞌojin ta ruqꞌuin ja Dios, xecheꞌe.

Romanos 11:25

Wachꞌalal, cꞌoli ja ma kꞌalasan ta nabey pro ja camic Dios rkꞌalasan chic in ja kas nwajoꞌ chewe chi nchꞌobtaj emwal nak rbanic. Kas ta xtichꞌobtaj emwal jawaꞌ wariꞌ utzcꞌa chi matewinakarsaj juleꞌ enaꞌoj ixix eyon in xteyaꞌ ta ekꞌij rmal. Quewaꞌ rbanic ja rkꞌalasan ja Dios riꞌ. Ja tinamit Israel masqui juleꞌ chique congana e cow masqui congana nquechꞌaꞌ ja totajem ja rcꞌamonto ja Jesucristo pro nerilaꞌ na jun kꞌij ja tok xtitotaji ja tinamit Israel pro ni chi jun. Pro cꞌa tokocꞌariꞌ xtibantaj cumplir ja wariꞌ ja tok xquetzꞌakati canojelal ja ma e aj Israel ta ja majaꞌn tiyukeꞌ quecꞌuꞌx ruqꞌuin ja Jesucristo. Pro ja tinamit Israel can ntotaj na caniꞌ tzꞌibtal can chipan ja rtzobal Dios, quewaꞌ nbij ja Dios riꞌ: —Cꞌo jun Toꞌonel ja nwinakar na chipan ja tinamit Sión, arjaꞌ nuchup nojel ja ma utz ta ja quibanonto ja tinamit Israel.

Romanos 16:25

Ja camic ja kas nwajoꞌ anin chi ja Dios ni ta xtiyaꞌ wiꞌ rukꞌij pro ni ta chijutij. Ja Dios arjaꞌ bien ncowini ncowirsaj ecꞌuꞌx utzcꞌa chi cow nixpeꞌi chi rnimaxic ja Jesucristo. Queriꞌ nbij ja utzlaj tzij ja nmajon rbixic chewe, juleꞌ tzij ja nucꞌut chikawach nak rbanic ja Jesucristo. Jawaꞌ utzlaj tzij riꞌ nij awatalto wiꞌ jaruꞌ pa tiempo kas tzꞌucarnakto ja rwachꞌulew pro ja camic kꞌalasan chic chikawach.

2 Corintios 12:1

Ja tok xa nukꞌij anin nyaꞌ jariꞌ bien kꞌalaj chi majun rcꞌamonto chwe. Pro ja cꞌa camic riꞌ nintzijon chic tre ja yatajnak chwe rmal ja kajaw Jesucristo caniꞌ tre ja ntzꞌaton jeꞌe caniꞌ pan achicꞌ in caniꞌ tre ja kꞌalasan jeꞌe chinwach rmal ja Dios.

Gálatas 1:12

como ma jun winak ta bin chwe in ma xintijox ta na tre chakajaꞌ, ja Jesucristo arjaꞌ kꞌalasan chinwach.

Efesios 1:17

Nintzijon ruqꞌuin ja Dios rxin ja kajaw Jesucristo, jariꞌ Dios ja Tatixel ja ni rxin wiꞌ chi congana nim rukꞌij. Anin ncꞌutuj tre chi arjaꞌ nuyaꞌ chewe chi ja rEspíritu Santo nucoj ja naꞌoj xin Dios pa tak ewiꞌ pa tak ewanma in ncꞌutuj tre chakajaꞌ chi bien nkꞌalasaj chewach nak ja kas mero rbanic ja Dios.

Efesios 3:4

Ja cꞌa tok nesiqꞌuij ja ntzꞌiban chic, triꞌ netzꞌat wiꞌ chi anin bien kꞌalaj chic chinwach ja ma kꞌalasan ta nabey tre ja Cristo.

Efesios 3:6

Quewaꞌ rbanic ja kꞌalasan chic chikawach riꞌ, ja rixix ja ma ix aj Israel ta ix kachbil chic ja rok aj Israel tre ja herencia xin Dios ja nyataj na chake, xa jun cuerpo kabanon chic ewqꞌuin, ixix jun nyataj na chewe ja tzujunto ojer rmal ja Dios pro xa rmal ja xa jun ebanon ruqꞌuin ja Cristo chewiꞌ tok nyataj chewe. Jariꞌ yataj chewe ja tok xecꞌwaxaj ja utzlaj tzij xin Jesucristo.

Efesios 3:9

Jawaꞌ samaj yatajnak chwe utzcꞌa chi anin nchꞌob chiquewach canojel ja winak nak rbanic ja rchominto ja Dios ja ma kꞌalasan ta chipan ja juleꞌ chic tiempo ja kꞌaxnak can pro xa ruyon Dios otakyon triꞌ nak rbanic pro jariꞌ jun Dios arjaꞌ winakarsyon nojelal.

Efesios 6:19

In tebanaꞌ orar pa ncuenta anin chakajaꞌ, tecꞌutuj tre ja Dios chi arjaꞌ ninrutoꞌ chi rbixic ja utzlaj tzij xin Jesucristo, jariꞌ ja utzlaj tzij ja rawatali nabey pro kꞌalasan chic camic. Ja tok xtinyaꞌ rbixic, Dios ta xtiyoꞌ chwe ja tzij ja nbij in xtuyaꞌ ta chwe chakajaꞌ chi matinxbej wiꞌ chi rbixic.

Colosenses 2:2

Nmajon rbanic jun lucha utzcꞌa chi bien nquexim quiꞌ chipan ja rajoben riꞌil xin Dios in rmaltariꞌ ncowir quewiꞌ canma chipan ja utzlaj tzij xin Jesucristo. Ja kas nwajoꞌ chique, kas ta nqꞌuejeꞌe ja quiseguro, kas ta nchꞌobtaj cumal nak rbanic ja rkꞌalasan chic ja katataꞌ Dios chikawach jariꞌ caniꞌ jun nimlaj mebaꞌil nuyaꞌ chake como arjaꞌ rkꞌalasan chic chikawach nak rbanic ja Cristo.

Colosenses 4:3

In tebanaꞌ orar pa kacuenta ajoj chakajaꞌ, tecꞌutuj tre ja Dios chi arjaꞌ nujak jun bey chikawach utzcꞌa chi nkayaꞌ más rbixic ja rtzobal. Ajoj nkajoꞌ nkayaꞌ más rbixic ja kꞌalasan chic tre ja Cristo ja ma kꞌalasan ta nabey. Rmalariꞌ tok incꞌol anin pa cheꞌ camic.

Hebreos 13:22

Wachꞌalal, anin nban recomendar chewe, kas tiqꞌuejeꞌe ja repaciencia chi rcꞌaxaxic ja paxbanem ja ntzꞌiban chipan awaꞌ carta riꞌ como xa ma nim ta.

1 Pedro 5:12

Ja kachꞌalal Silvano cꞌo nconfianza ruqꞌuin rmalariꞌ tok nyaꞌel tre ja ti carta riꞌ chi nerjachaꞌ chewe. Ja xintzꞌibaj chipan ja carta chi ncowirsaj más ja rewanma, nucꞌut chewach ja rutzil ja nsipaj ja Dios ja katzij chi utzil, ni tiyukeꞌ wiꞌ ecꞌuꞌx ruqꞌuin.

2 Pedro 3:15

Kas bien tichꞌobtaj emwal chi ja kajaw Dios ma chaka ta cꞌoli ja rpaciencia kuqꞌuin ja rok winak, ja nrajoꞌ chake chi noktotaji kanojelal. In queriꞌ bin chewe rmal ja chakꞌlaj kachꞌalal Pablo. Jariꞌ xbij chewe ja tok xutak ja carta ewqꞌuin in Dios yoyon tre ja rnaꞌoj chi rbixic.