Efesios 3:21 - Tz'utujil (Ja Cꞌacꞌa Chominem)

²¹ Kas ta xtiyaꞌ rukꞌij kumal ja rok iglesia ja xa jun kabanon ruqꞌuin ja Cristo Jesús. Ni ta xtiyaꞌ wiꞌ rukꞌij chwak, cabij in nojel tiempo. Amén.

Tz'utujil NT

²¹ Kas xtya' ta ruk'ij kmal ajoj ja ok iglesia je xjun kabnon ruq'uin Cristo Jesús. Nte xtya' wa' ruk'ij camic y rxin junlic chpam je' tiemp rxin je' tiemp. Amén.

Efesios 3:21 Iomraidhean Croise

San Mateo 6:13

Atat ta xcatchajin kaxin, maxta kokaji tok nokrtakchiꞌij ja diablo, koꞌatoꞌoꞌ pa rukꞌaꞌ. Jariꞌ nkacꞌutuj chawe como pan akꞌaꞌ atat cꞌo wiꞌ nojel gobierno in pan akꞌaꞌ cꞌo wiꞌ nojel poder, noc na yaꞌbal akꞌij nojelal, in nij at quirwariꞌ camic, chwak in chijutij. Amén. Queriꞌ ta rbanic ja roración neban.

San Lucas 2:14

—Ja camic janila majtajnak chic ryaꞌic rukꞌij ja Dios chilaꞌ chicaj in ja waweꞌ chwachꞌulew cꞌo chic ja quicotemal, cꞌo chic ja rutzil xin Dios cuqꞌuin ja winak, necheꞌe.

Romanos 11:36

Queriꞌ nbij como ja Dios arjaꞌ winakarsyon nojelal, arjaꞌ paꞌl trij nojelal in chakajaꞌ noc na nojelal yaꞌbal rukꞌij. Kas ta xtiyaꞌ rukꞌij camic, chwak in chijutij. Amén.

Romanos 16:27

Rumac cꞌa ja Jesucristo chewiꞌ tok nbij chewe, kayaꞌaꞌ rukꞌij ja Dios ja ni xarwariꞌ jun chi Dios, jun Dios ja majun nak ta nkꞌiꞌo ta ja rnaꞌoj. Ni ta xtiyaꞌ wiꞌ rukꞌij camic, chwak in chijutij. Amén.

Gálatas 1:5

Kas ta xtiyaꞌ rukꞌij ja katataꞌ Dios camic, chwak in chijutij. Amén.

Efesios 1:6

Queriꞌ xuban chake utzcꞌa chi nkatzꞌat chi janila nim rukꞌij ja rutzil ja nsipaj chake utzcꞌa chi nkayaꞌ rukꞌij rmal. Rmal cꞌa ja rutzil ja nsipaj chake tok xokrucꞌul. Como xa jun kaban ruqꞌuin ja Jesucristo ja chakꞌlaj Ralcꞌwal chewiꞌ tok xokrucꞌul.

Efesios 2:7

Queriꞌ cꞌa xuban chake utzcꞌa ja winak ja majaꞌn queqꞌuejeꞌ chipan awaꞌ tiempo ja rokcꞌo wiꞌ riꞌ ejeꞌeꞌ tok xqueqꞌuejeꞌ na chwachꞌulew jariꞌ bien nchꞌobtaj cumal ja rutzil ja xuban chake, bien nchꞌobtaj cumal chi ja Dios congana jun nimlaj utzil nsipaj chawe ja tok xa jun naban ruqꞌuin ja Cristo Jesús.

Efesios 4:1

Rmal cꞌa nojel awaꞌ ja nmajon rbixic chewe riꞌ congana nban recomendar chewe chi newcꞌaj jun utzlaj cꞌaslemal. Anin ja rincojon preso camic rmal ja samaj rxin ja kajaw Jesucristo congana nban recomendar chewe chi newcꞌaj jun cꞌaslemal ja bien nucꞌam riꞌ ruqꞌuin ja utzlaj cꞌaslemal ja nrajoꞌ ja Dios chewe chi newcꞌaj ja tok xixrsiqꞌuij.

Filipenses 1:11

Kas ta xtinoji pa tak ewanma nojel rwach ja rutzil xin Dios ja nyataj chake rmal ja Jesucristo, kas ta xtiyaꞌ rukꞌij ja Dios cumal winak emwal.

Filipenses 2:11

Queriꞌ rbanon ja Dios utzcꞌa chi canojelal ja winak quewaꞌ xtiquibij riꞌ: —Ja Jesucristo arjaꞌ Rajaw nojelal. Queriꞌ xtiquibij na tre xa nak ta chi tzobalil netzijon wiꞌ. Ja tok queriꞌ nqueban jariꞌ noc yaꞌbal rukꞌij ja Dios ja Tatixel.

Filipenses 4:20

Kas ta xtiyaꞌ rukꞌij ja katataꞌ Dios camic, chwak in chijutij. Amén.

2 Timoteo 4:18

In bien wotak chi nij arjaꞌ wiꞌ nintoꞌowi pa quekꞌaꞌ xa nak ta xquetzelan wxin. Bien wotak chi nij arjaꞌ wiꞌ nbano cuenta wxin utzcꞌa chi nineqꞌuejeꞌ na chipan ja rgobierno ja xin chilaꞌ chicaj. Kas ta xtiyaꞌ rukꞌij camic, chwak in chijutij. Amén.

Hebreos 13:21

Dios ta cꞌa xtiyoꞌ chewe chi nnoji nojel rwach ja rutzil pa tak ewanma utzcꞌa chi nixcowini neban ja rvoluntad, xtuyaꞌ ta chewe chi nsamaji ja Jesucristo pa tak ewanma chi rwinakarsaxic jeꞌe nak ja nel rucꞌuꞌx trij. Ni ta xtiyaꞌ wiꞌ rukꞌij camic, chwak in chijutij. Amén.

1 Pedro 2:5

Ix sacerdote rxin ja Dios jariꞌ samaj yatajnak chewe utzcꞌa chi cꞌoli sacrificio ja netzujuj chwach ja Dios. Ja sacrificio netzujuj chwach jariꞌ ja rewutzil ja nwinakarsax pa tak ewanma rmal ja rEspíritu Santo. Jariꞌ netzujuj chwach pa rubiꞌ ja Jesucristo in rmalariꞌ tok utz nutzꞌat ja sacrificio ja netzujuj in nucꞌam chewe.

1 Pedro 5:11

Ni ta xtiyaꞌ wiꞌ rukꞌij, ni ta xtinatax wiꞌ chi pa rukꞌaꞌ cꞌo wiꞌ nojelal camic, chwak in chijutij. Amén.

2 Pedro 3:18

Pro ja neban, ni ta xtiqꞌuiy wiꞌ más ja rutzil xin Dios pa tak ewanma, ni ta xtewotakij wiꞌ más janiꞌ rnaꞌoj ja kajaw Jesucristo ja Toꞌonel kaxin. Arjaꞌ ni ta xtiyaꞌ wiꞌ rukꞌij camic, chwak in chijutij. Amén.

Judas 1:25

Xa ruyon arjaꞌ Dios, mchita jun. Ni majun nkꞌiꞌowi ja rnaꞌoj, arjaꞌ Toꞌonel kaxin. Ni ta xtiyaꞌ wiꞌ rukꞌij, ni ta xtinatax wiꞌ chi arjaꞌ nimlaj Rey, ni ta arjaꞌ wiꞌ xtibano mandar in ni ta xtinatax wiꞌ ja nimlaj poder ja cꞌo pa rukꞌaꞌ. Ni ta quirwariꞌ xtiban tre camic, chwak in chijutij. Amén.