Efesios 3:2 - Tz'utujil (Ja Cꞌacꞌa Chominem)

² Turkaj chewe chi ecꞌwaxan chic chi anin yaꞌon chi nukul chi nenyaꞌaꞌ rbixic chewe nak rbanic ja rutzil xin Dios ja nsipaj ja Dios chake.

Tz'utujil NT

² Terkaja pnewá' che ewc'axan chic che y-on chnukul anen chquenya' rbixic chewa nak rbanic utzil rxin Dios je nsipaj Dios chka.

Efesios 3:2 Iomraidhean Croise

Hechos 13:2

Queban cꞌa jutij quimolon quiꞌ chi ryaꞌic rukꞌij ja Dios, quimajon rbanic ja rayuno ja tok cꞌoli bix chique rmal ja rEspíritu Santo quewariꞌ: —Anin enchaꞌon ja Bernabé in Saulo chi rbanic jun samaj. Camic queꞌepartiꞌij chi nequibanaꞌ ja samaj, queriꞌ bix chique.

Hechos 13:46

Ja cꞌa Pablo in Bernabé ejeꞌeꞌ matiquixbej quiꞌ chiquewach, quewaꞌ quibij chique riꞌ: —Ni rjawaxic wiꞌ chi chewe ixix kabij wiꞌ ja rtzobal Dios nabey pro como mta egana ruqꞌuin jariꞌ nekꞌalasbej chi ma yatal ta chewe chi newil ja utzlaj cꞌaslemal ja mta qꞌuisic trij. Rmalcꞌariꞌ ja tok nokbe chic cuqꞌuin ja winak ja ma e aj Israel ta.

Hechos 22:21

Pro ja kajaw Jesucristo quewaꞌ xbij chic chwe riꞌ: —Mejor catelel como camic natnutakel pa jun lugar nat, natbe chic cuqꞌuin ja winak ja ma e aj Israel ta, neꞌ chwe. Queriꞌ xbij ja Pablo chique ja winak ja rach tak aj Israel.

Hechos 9:15

—Jat ruqꞌuin como arjaꞌ ocnak jun ajsamajel ja nchaꞌon chi neryaꞌaꞌ nbixic anin chique ja winak ja ma e aj Israel ta e cachbil ja rey ja nebano mandar quixin in chique ja tinamit Israel chakajaꞌ.

Romanos 1:5

Rmal cꞌa arjaꞌ tok kacochin tre ja Dios ja rutzil ja nsipaj chake in rmal arjaꞌ chakajaꞌ tok yatajnak ajoj chake chi okocnak apóstol rxin. Ma chaka ta queriꞌ tok banon queriꞌ chake, rumac chi nokbe cuqꞌuin ja tinamit ja recꞌo nojel nat nakaj chwach ja rwachꞌulew chi nekayaꞌaꞌ rbixic ja Jesucristo chique utzcꞌa chi nyukeꞌ quecꞌuꞌx ruqꞌuin in nquinimaj ja rtzobal. Nojel ariꞌ nkaban, yaꞌbal rukꞌij arjaꞌ ja nkaban.

Romanos 11:13

Pro ja camic ewqꞌuin ixix nintzijon wiꞌ ja ma ix aj Israel ta. Ja Dios arjaꞌ inrtakon chi ninesamaj checojol ewanojelal ja ma ix aj Israel ta in jawaꞌ samaj riꞌ janila nim rukꞌij.

Romanos 12:3

Como ja Dios ryaꞌon chwe chi inocnak apóstol rxin ja Jesucristo chewiꞌ tok cꞌo jun paxbanem nyaꞌ chewe riꞌ chejujunal. Maxta congana ix nimak tenaꞌ kaj pro kas techꞌoboꞌ chi utz nak ja kas mero ebanic chejujunal. Bien techꞌoboꞌ chi Dios yoyon chewe ja yukulbal ecꞌuꞌx in xa chewiꞌ tok nixcowini neban ja samaj xin Dios.

1 Corintios 4:1

Ja cꞌa rajoj wachꞌalal kas ta xtichꞌobtaj emwal chi xa ok tak moso rxin ja Cristo in yaꞌon chi kakul chi nkayaꞌ rbixic ja utzlaj tzij xin Dios ja ma kꞌalasan ta nabey.

Gálatas 1:13

Como ixix ecꞌwaxan wachꞌalal janiꞌ ja ncꞌaslemal nabey ja tok xinqꞌuejeꞌ chipan ja religión ja quiniman ja wach tak aj Israel. Bien ecꞌwaxan ja xinban chique ja riglesia ja rtinamit Dios, más kꞌaxnak chi na ja rpokonal xinban chique, ja ta xinwajoꞌ xenuqꞌuis ta pro ni ta canojelal.

Efesios 1:10

Ni rchominto wiꞌ ja tiempo jeꞌe in tok xtitzꞌakati ja tiempo arjaꞌ nchomarsaj na nojelal ja yojtajnak jeꞌe in xa ruyon chic ja Cristo npeꞌe chic trij nojelal tanto tre ja cꞌo jeꞌe chilaꞌ chicaj in tre chakajaꞌ ja cꞌo jeꞌe chwachꞌulew.

Efesios 3:7

Jawaꞌ utzlaj tzij riꞌ jawaꞌ yaꞌon chi nukul chi nyaꞌ rbixic, jawaꞌ jun samaj xincochij tre ja Dios, ni majun nak ta xinchꞌecbej ta in janila samaji ja Dios pa ncꞌaslemal chi rbanic jawaꞌ samaj riꞌ.

Efesios 3:8

Chwe anin yatajnak wiꞌ jawaꞌ samaj riꞌ masqui xa ma nim ta nukꞌij nnaꞌ kaj chiquewach ja juleꞌ chic kachꞌalal ja re xin Dios, chwe anin yataj wiꞌ chi ninbe ewqꞌuin ja ma ix aj Israel ta chi nenyaꞌaꞌ rbixic chewe nojel ja nkawil ruqꞌuin ja Cristo, jariꞌ caniꞌ jun nimlaj mebaꞌil nkawil pro jun mebaꞌil ja mta qꞌuisic trij.

Efesios 3:9

Jawaꞌ samaj yatajnak chwe utzcꞌa chi anin nchꞌob chiquewach canojel ja winak nak rbanic ja rchominto ja Dios ja ma kꞌalasan ta chipan ja juleꞌ chic tiempo ja kꞌaxnak can pro xa ruyon Dios otakyon triꞌ nak rbanic pro jariꞌ jun Dios arjaꞌ winakarsyon nojelal.

Efesios 4:21

Ja cꞌa wi xeyaꞌ ewxquin tre ja Cristo tok tzijon pa tak ewanma, wi arjaꞌ ocnak Emaestro, wi ja tijonem xewotakij nucꞌam riꞌ ruqꞌuin ja tijonem ja yaꞌon can rmal ja Cristo, ja wi queriꞌ ebanon jariꞌ bien ewotak chi ja Cristo ma queriꞌ ta ja rcꞌaslemal ja caniꞌ quicꞌaslemal ja juleꞌ chic winak ja cꞌa xinbij chewe riꞌ.

Efesios 4:7

Pro ma junan ta rwach ja samaj ja kacochij tre ja Cristo chi nkaban chikajujunal pro arjaꞌ xsipaj jun samaj chake chikajujunal janiꞌ kas cꞌo rgana chi nsipaj chake.

Colosenses 1:4

Nkamaltioxij tre como xurkaj rbixic kuqꞌuin chi ja rixix ni yukul wiꞌ ecꞌuꞌx ruqꞌuin ja Cristo Jesús in congana neꞌewajoꞌ canojel ja kachꞌalal ja re tinamit xin Dios.

Colosenses 1:6

Jawaꞌ utzlaj tzij riꞌ ekajnak chic rbixic ewqꞌuin in benak nat nakaj chakajaꞌ nojel rwachꞌulew, congana utzil ntajini nwinakarsaj pa tak canma ja winak in e qꞌuiy ja netajini nquinimaj. Queriꞌ rbanon ja utzlaj tzij checojol ixix chakajaꞌ, congana utzil rwinakarsanto checojol, tokoriꞌ xumajto ja tok kas xecꞌwaxaj nabey ja utzlaj tzij tok chꞌobtaj emwal chi utz ja kas mero rubey ja rutzil ja nsipax chake rmal ja Dios.

1 Timoteo 1:11

Jawaꞌ utzlaj tijonem xa junan ruqꞌuin ja utzlaj tzij xin Jesucristo in Dios xuyaꞌ chwe ja nsamaj chi nenyaꞌaꞌ rbixic ja utzlaj tzij. Ja utzlaj tzij jaꞌ ncꞌutu chikawach nak rbanic ja Dios chi arjaꞌ congana utz in kas nim rukꞌij. Ja Dios ruqꞌuin arjaꞌ winakarnakto wiꞌ ja quicotemal.

1 Timoteo 1:4

In chakajaꞌ xinbij can chawe chi nabij chique chi ma tiqueyaꞌ ta rukꞌij juleꞌ historia in ojer tak tzij quixin ja katiꞌt kamamaꞌ, juleꞌ historia ja mta qꞌuisic trij ja xa winak ewinakarsyon. Nojel ariꞌ mta noc wiꞌ. In mta rcꞌamonto chake tre ja más na nkanimaj ja nrajoꞌ Dios chake chi nkaban in nixtacꞌa tre ta chakajaꞌ ja nqꞌuiyi ja yukulbal kacꞌuꞌx ruqꞌuin.

1 Timoteo 2:7

In rmalariꞌ tok xinchaꞌi chi xinoc apóstol rxin ja Jesucristo chi nyaꞌ rbixic. In yataj chwe chi xinbe cuqꞌuin ja ma e aj Israel ta chi quitijoxic. Jariꞌ ni katzij wiꞌ, ja Jesucristo arjaꞌ rotak chi ni katzij wiꞌ, ma npayil ta. Ja tijonem ja xinyaꞌ chique jariꞌ nak rbanic chi nyukeꞌ quecꞌuꞌx ruqꞌuin ja Jesucristo in nak rbanic ja utzlaj tzij ja rcꞌamonto.

2 Timoteo 1:11

In rmal ja utzlaj tzij xin Jesucristo chewiꞌ tok xinchaꞌi chi xinoc apóstol rxin chi nyaꞌ rbixic in yataj chwe chi xinbe cuqꞌuin ja winak ja ma e aj Israel ta in jariꞌ utzlaj tzij xentijoj tre.