Efesios 3:12 - Tz'utujil (Ja Cꞌacꞌa Chominem)

¹² Ja tok xa jun kabanon ruqꞌuin ja Jesucristo jariꞌ matikanaꞌ kiꞌ nokekaj chwach ja Dios in cꞌo kaconfianza noktzijon ruqꞌuin pro xa rmal ja yukulbal kacꞌuꞌx ruqꞌuin ja Jesucristo chewiꞌ tok nkaban queriꞌ.

Tz'utujil NT

¹² Tak xjun kabnon ruq'uin Jesucristo jara' nmajo'n nekxibej ta ki' tak nokekaja chwech Dios y c'ola kconfianza noktzijona ruq'uin, per xe rmal yukbal kac'u'x ruq'uin Jesucristo tak kabnon cara'.

Efesios 3:12 Iomraidhean Croise

San Juan 14:6

—Pro anin cꞌa ja rin bey, wqꞌuin anin niltaj wiꞌ nojelal ja ni katzij wiꞌ ja ni majun engaño rcꞌan in anin ninyowi ja utzlaj cꞌaslemal ja mta qꞌuisic trij. Mta jun nak ta xtekaj ta ruqꞌuin ja Tatixel ja maquita yukul rucꞌuꞌx wqꞌuin.

Romanos 3:22

Quewaꞌ rbanic ja utzlaj kꞌetoj tzij ja xuban ja Dios riꞌ, xa rumac ja yukulbal kacꞌuꞌx ruqꞌuin ja Jesucristo rmalariꞌ xokrutoꞌ in xokrwasajel libre in queriꞌ cꞌa xtuban chique canojelal ja winak ja xtiyukeꞌ quecꞌuꞌx ruqꞌuin como xa ok junan chi nimlaj kanojelal.

Romanos 5:2

In jun chic, como ruqꞌuin ja Jesucristo yukul wiꞌ kacꞌuꞌx rmalariꞌ tok sipan chake jawaꞌ rutzil xin Dios ja cꞌa xinbij kaj chewe riꞌ in cow okpaꞌl chipan. In kotak chakajaꞌ chi nekachbilaj na ja Dios chipan ja utzlaj cꞌaslemal ja cꞌo wiꞌ arjaꞌ in congana nokquicoti chi raybexic.

2 Corintios 3:4

Ajoj bien kotak chi kaban jun utzlaj samaj xin Dios checojol pro xa rmal ja Cristo tok xokcowini kaban ja samaj, in Dios rotak chi queriꞌ kaban.

Efesios 2:18

Queriꞌ rbanic como xa rmal ja Jesucristo tok nokrucꞌul ja katataꞌ Dios chi ok caꞌiꞌ tinamit in xa jun mismo Espíritu Santo ucꞌayon kaxin chi nokekaj chwach.

Hebreos 10:35

Rmalcꞌariꞌ nbij jutzꞌit rubiꞌ chewe, maxta teyaꞌ can ja yukulbal ecꞌuꞌx ruqꞌuin ja Jesucristo como cꞌo jun nimlaj rtojbalil ja rcꞌamonto chewe ja tok nyukeꞌ ecꞌuꞌx ruqꞌuin.

Hebreos 3:6

Ja cꞌa Cristo chakajaꞌ xuban cumplir ja samaj xin Dios, arjaꞌ cꞌayon ja tinamit xin Dios pro ma moso ta, arjaꞌ Alcꞌwalaxel. In ajoj ok tinamit xin Dios ja wi cow xkopeꞌi, ja wi ni ma xtikayaꞌ can ta wiꞌ ja yukulbal kacꞌuꞌx ruqꞌuin, ja wi ni xkoquicot wiꞌ chi raybexic ja Jesús.

1 Pedro 3:18

Ja Cristo arjaꞌ ban pokon tre chakajaꞌ, camsax rmal ja kil kamac, xa jutij cami, mchita ja camíc trij. Arjaꞌ ni majun ril rumac pro cam pa kacuenta ja rok ajꞌil ok ajmaquiꞌ. Ja tok queriꞌ xuban jariꞌ xjakbej kabey chikawach chi nokekaj na ruqꞌuin ja Dios. Arjaꞌ camsaxi como winak pro cꞌastaji como espíritu.

1 Juan 2:28

Chakꞌlaj walcꞌwal, camic nbij chic jutij chewe, ni quixqꞌuejeꞌ wiꞌ pa ranma ja Jesucristo. Ja wi queriꞌ xtikaban jariꞌ matikaxbej kiꞌ chwach ja tok xtipi chic jutij pro cꞌo kaconfianza ruqꞌuin triꞌ in chakajaꞌ matikawawaj kiꞌ chwach, ma qꞌuixbal ta nkanaꞌ chwach ja tok xtipeti.

1 Juan 3:21

Chakꞌlaj wachꞌalal, ja wi mta ntiꞌon pa tak kanma jariꞌ cꞌo kaconfianza noktzijon ruqꞌuin ja Dios