Efesios 2:9 - Tz'utujil (Ja Cꞌacꞌa Chominem)

⁹ Ni majun winak cꞌo ta nak ta xtuban ja xtichꞌecbej ta ja totajem xin Dios. Queriꞌ rbanic utzcꞌa tok xtuwil ja totajem mta moda xtuyaꞌ kaj ta rukꞌij ruyon rmal.

Tz'utujil NT

⁹ Nmajo'n jun wnak c'o ta achnak xtuban je xtch'ecbej ta totanem rxin Dios. Cara' rbanic ch-utz c'ara' tak xtuwil totanem majo'n xtuya' kta ruk'ij ruyon rmal.

Efesios 2:9 Iomraidhean Croise

Romanos 11:6

Ja cꞌa wi siptal chake mta cꞌa moda ariꞌ xtikabij ta tre chi cꞌoli kaban ja kachꞌecbej ta. Ja wixta cꞌoli kaban ja kachꞌecbej mta cꞌa moda ariꞌ xtikabij ta tre chi siptal chake.

Romanos 3:20

Queriꞌ xtiqueban como ni majun winak ja ni ta rniman wiꞌ ja ley xin Dios, ni majun ja xtitotaji, xtiwasaxel ta libre chipan ja kꞌetoj tzij ja xtuban ja Dios xta rmal ja ley rniman. Queriꞌ nbij chewe como ja ley xin Dios jariꞌ xa nucꞌut chikawach chi ok ajꞌil ok ajmaquiꞌ.

Romanos 4:2

Ja rAbraham tok ban tre rmal Dios caniꞌ mta ril rumac wixta cꞌoli xuban ja xchꞌecbej cꞌo ta cꞌa rbase ariꞌ xuyaꞌ ta rukꞌij arjaꞌ ruyon. Pro mta rbase ja xyabej ta rukꞌij chwach ja Dios.

Romanos 9:11

Ja cꞌa Rebeca majaꞌn queꞌalaxi ja caꞌiꞌ tak ral tok quewaꞌ bix tre rmal ja Dios riꞌ: —Ja nabey winak arjaꞌ xtiban mandar rmal ja rcabal, neꞌxi. Queriꞌ bix tre masqui majaꞌn queꞌalaxi ja caꞌiꞌ tak ral, masqui mta nak ta quibanon ta triꞌ, nixtacꞌa quibanon ta ja rutzil in nixtacꞌa quibanon ta ja ritzelal chakajaꞌ. Queriꞌ cꞌa rbanic utzcꞌa chi bien nchꞌobtaj kumal chi ja Dios neruchaꞌ ja winak echinatak ja cꞌo rgana neruchaꞌ in ma rmal ta ja quibanon tok neruchaꞌ.

Romanos 9:16

Triꞌ cꞌa nkatzꞌat wiꞌ chi ja Dios ruqꞌuin arjaꞌ cꞌo wiꞌ wi npokonaj awach owi mani in ma rmal ta chi cꞌol agana chi npokonax awach rmal in ma rmal ta chakajaꞌ chi naban jun lucha chi npokonax awach rmal.

2 Timoteo 1:9

Ja Dios arjaꞌ xokrutoꞌ, xokruchaꞌ chi nkaban ja nrajoꞌ chake chi nkaban pro ma rmal ta chi cꞌo ta kachꞌecbej tok xuban queriꞌ chake, xa rmal ja rchomarsanto ojer in rmal ja rutzil arjaꞌ tok xuyaꞌ chake. Jariꞌ nij ojer wiꞌ rchomarsanto ja tok majaꞌn titzꞌucarsaj ja rwachꞌulew tok xchomarsaj chi nutakto ja Cristo Jesús chi katoꞌic.