Efesios 2:7 - Tz'utujil (Ja Cꞌacꞌa Chominem)

⁷ Queriꞌ cꞌa xuban chake utzcꞌa ja winak ja majaꞌn queqꞌuejeꞌ chipan awaꞌ tiempo ja rokcꞌo wiꞌ riꞌ ejeꞌeꞌ tok xqueqꞌuejeꞌ na chwachꞌulew jariꞌ bien nchꞌobtaj cumal ja rutzil ja xuban chake, bien nchꞌobtaj cumal chi ja Dios congana jun nimlaj utzil nsipaj chawe ja tok xa jun naban ruqꞌuin ja Cristo Jesús.

Tz'utujil NT

⁷ Cara' c'a xuban chka ch-utz c'ara' nat nkaj xtuc'ut wa' jnimlaj utzil jnimlal mibil je xsipaj chka je xjun kabnon ruq'uin Jesucristo y jawrara nnuc'ut wa' chpam je' tiemp jpenak.

Efesios 2:7 Iomraidhean Croise

Romanos 2:4

Owi maxla xa ni mta nqueban tre nojel ja rbanon pa quicuenta ja Dios como arjaꞌ janila ja rutzil ryaꞌon chique, janila rcuyun ja ryewal chiquij, janila ja rpaciencia cuqꞌuin. ¿La ma cotak ta cꞌa chi ja Dios tok nuyaꞌ ja rutzil chique ma chaka ta nuyaꞌ chique pro rumac chi nqueqꞌuex ja quinaꞌoj, rumac chi nqueyaꞌ can ja ritzelal?

Efesios 1:7

Ja tok xa jun kabanon ruqꞌuin ja Jesucristo jariꞌ okwasanel chic libre pa rukꞌaꞌ ja il mac como arjaꞌ xutoj ja kil kamac tre ja rquiqꞌuel. Ja tok xa jun kabanon ruqꞌuin jariꞌ cuytajnak chic ja kil kamac. Ja Dios tok xuban queriꞌ chake jariꞌ caniꞌ jun nimlaj mebaꞌil xsipaj chake.

Efesios 2:4

Pro ja Dios arjaꞌ congana npokonaj kawach ja rok winak, janila nokrajoꞌ in quewaꞌ xuban chake riꞌ.

Efesios 3:21

Kas ta xtiyaꞌ rukꞌij kumal ja rok iglesia ja xa jun kabanon ruqꞌuin ja Cristo Jesús. Ni ta xtiyaꞌ wiꞌ rukꞌij chwak, cabij in nojel tiempo. Amén.

Efesios 3:5

Pro jariꞌ ma xkꞌalasax ta chiquewach ja winak ja xeqꞌuejeꞌ chipan juleꞌ chic tiempo, ma xkꞌalasax ta chiquewach ejeꞌeꞌ ja caniꞌ kꞌalasan chic camic rmal ja rEspíritu Santo chiquewach ja santilaj tak apóstol in profeta.

2 Tesalonicenses 1:12

Queriꞌ nkajoꞌ utzcꞌa chi nya̱ꞌ rukꞌij ja kajaw Jesucristo rmal ja recꞌaslemal utzcꞌa chakajaꞌ chi nya̱ꞌ ekꞌij rmal ja yukul ecꞌuꞌx ruqꞌuin. Jariꞌ rcꞌamonto ja rutzil rxin ja katataꞌ Dios in rxin chakajaꞌ ja kajaw Jesucristo.

Tito 3:4

Pro ja Dios ja Toꞌonel kaxin arjaꞌ xucꞌut ja rutzil chikawach, xokrajoꞌ kanojel ja rok winak.

1 Pedro 1:12

Ja Dios arjaꞌ xkꞌalasaj chiquewach chi cꞌa pa katiempo ajoj nuryataj wiꞌ chijutij ja totajem ja yaꞌto rbixic cumal, ma pa quitiempo ta ejeꞌeꞌ. Jariꞌ totajem ecꞌwaxan chic nak rbanic como bin chic chewe cumal ja kachꞌalal ja xeyoꞌ rbixic chewe ja utzlaj tzij xin Jesucristo. Ja rEspíritu Santo ja takonto chilaꞌ chicaj arjaꞌ cꞌayon quixin chi rbixic. Jariꞌ totajem ja ángel congana nquiyarij nquechꞌob nak rbanic.