Efesios 2:6 - Tz'utujil (Ja Cꞌacꞌa Chominem)

⁶ Ja Dios xuyaꞌ chake chi nkachbilaj ja Cristo, xuyaꞌ chake chi xokcꞌastaj ruqꞌuin, xokrtzꞌubaꞌ ruqꞌuin chilaꞌ chicaj, xa jun kabanon ruqꞌuin.

Tz'utujil NT

⁶ Dios xuya' chka che nkexbilaj Cristo, xuya' chka che xokc'astaja ruq'uin y xokrtz'uba' ruq'uin tzra' jabar majo'n nkatz'et ta ruq'uin kk'awech, xjun chic kabnon ruq'uin.

Efesios 2:6 Iomraidhean Croise

San Mateo 26:29

Anin nbij chewe camic chi jawaꞌ riyaꞌl uva riꞌ ni matintij chi wiꞌ waweꞌ, cꞌa tokoriꞌ xtintij chic ja tok xterilaꞌ ja kꞌij chi nkatij chic ewqꞌuin chipan ja gobierno rxin ja nataꞌ Dios xarwariꞌ cꞌacꞌa chic nojelal triꞌ, neꞌ chique.

San Lucas 12:37

Congana quiꞌil chique ja rajsamajelaꞌ ja recꞌascꞌotnak chi raybexic ja quipatrón ja tok xturkaji. Ni katzij wiꞌ nbij chewe, ja patrón arjaꞌ nchomarslaꞌ riꞌ chanim, nertzꞌubaꞌ pa mesa in numaj quilixic.

San Juan 12:26

Ja winak ja neniman wxin rjawaxic chi triꞌ nekꞌax wiꞌ ja bar ninkꞌax wiꞌ anin in chakajaꞌ triꞌ neꞌeqꞌuejeꞌ wiꞌ ja bar incꞌo wiꞌ anin. Xa nak ta ja neniman wxin ejeꞌeꞌ nya̱ꞌ na quekꞌij rmal ja Nataꞌ.

San Juan 14:3

In como xinbij chewe chi ninbe chi nenchomarsaj ja relugar pro ninmelojpi chic jutij nixuncꞌamaꞌ kaj utzcꞌa chi nixqꞌuejeꞌ chic wqꞌuin. Queriꞌ nban utzcꞌa ja bar xquinqꞌuejeꞌ wiꞌ anin triꞌ nixqꞌuejeꞌ wiꞌ ixix chakajaꞌ.

Efesios 1:1

Anin ja rin Pablo camic ntzꞌibajel jawaꞌ carta riꞌ chewe ixix wachꞌalal ja rixcꞌo pa Efeso. Anin incojon rmal ja Dios chi inocnak apóstol rxin ja Jesucristo. Ixix ix tinamit xin Dios, cꞌoli ja yukulbal ecꞌuꞌx ruqꞌuin ja Cristo Jesús, xa jun ebanon ruqꞌuin.

Efesios 1:3

Kas ta xtiyaꞌ rukꞌij ja Dios ja Tatixel rxin ja kajaw Jesucristo. Arjaꞌ jun Dios janila xuyaꞌ rutzil chake ja tok xa jun kaban ruqꞌuin ja Cristo. Xuyaꞌ chake nojel rwach ja rutzil ja rcꞌamonto ja rEspíritu Santo, xuyaꞌ chake chipan jun cꞌacꞌa cꞌaslemal ja xin chilaꞌ chicaj.

Efesios 2:10

Queriꞌ nbij chewe como ja utzlaj cꞌaslemal ja kucꞌan camic Dios winakarsyon, ma ajoj ta como arjaꞌ xuyaꞌ jun cꞌacꞌa cꞌaslemal chake, tokoriꞌ xuyaꞌ chake ja tok xa jun kaban ruqꞌuin ja Cristo Jesús. Xuyaꞌ jun cꞌacꞌa cꞌaslemal chake utzcꞌa chi nkaban chic ja rutzil pro juleꞌ utzil ja ni rchominto wiꞌ ojer chi nkaban.

Efesios 2:13

Pro ja cꞌa camic xa jun chic ebanon ruqꞌuin ja Cristo Jesús in masqui ja nabey cꞌa cꞌa nat ixcꞌo wiꞌ tre ja Dios pro ja camic xa nakaj chic ixcꞌo wiꞌ tre pro xa rmal ja rquiqꞌuel ja Cristo tok yatajnak queriꞌ chewe.

Colosenses 1:18

Arjaꞌ nbano mandar kaxin ja rok iglesia caniꞌ nuban jun wiꞌaj nuban mandar ja cuerpo. Ruqꞌuin arjaꞌ winakarto wiꞌ ja cꞌacꞌa cꞌaslemal kucꞌan como arjaꞌ ja kas nabey cꞌastaji chijutij chiquicojol camnakiꞌ. Queriꞌ rbanic utzcꞌa chi nij arjaꞌ wiꞌ nnabeyaji utzcꞌa chi mchita jun nak chi ta nim ta rukꞌij chwach arjaꞌ.