Efesios 2:5 - Tz'utujil (Ja Cꞌacꞌa Chominem)

⁵ Masqui okcamnak chipan ja kil kamac nabey pro ja tok xuyic ja Cristo chipan ja camíc tokoriꞌ xuyaꞌ ajoj chake chi nkachbilaj ja Cristo chipan jun cꞌacꞌa cꞌaslemal. Pro jawaꞌ wariꞌ puro cochinem xin Dios como xa rmal ja rutzil ja xecochij tre chewiꞌ tok ewilon ja totajem xin Dios camic.

Tz'utujil NT

⁵ Mesque okcamnak chpam kil kamac nabey per tak xuyic Cristo chpam cmic c'jara' xuya' chka ajoj che nkexbilaj Cristo chpam jun c'ac'laj c'aslemal. Per jawrara njun cochinem rxin Dios com xe rmal utzil jxekcochij tzra rmal c'ara' tak ewlon totanem rxin Dios camic.

Efesios 2:5 Iomraidhean Croise

San Lucas 15:24

Queriꞌ ta cꞌa nkaban como camic xurkaji ja ncꞌajol ja rojer titzaki. Ja xinchꞌob anin camnak chic pro cꞌa cꞌas na ek, neꞌe ja tatixel. Cꞌacꞌariꞌ quemaj rbanic ja nmakꞌij.

San Juan 5:21

Ja Tatixel neruyic camnakiꞌ in nuyaꞌ cꞌacꞌa cꞌaslemal chique in queriꞌ cꞌa nuban ja Ralcꞌwalaxel chakajaꞌ, arjaꞌ nuyaꞌ cꞌacꞌa cꞌaslemal chique ja winak xa nak ta chi winakil ja cꞌo rgana nuyaꞌ chique.

San Juan 6:63

Ja rEspíritu arjaꞌ nyowi ja utzlaj cꞌaslemal ja mta qꞌuisic trij, ma ja ta ja cuerpo xin jun winak nyowi. Ja tijonem xinyaꞌ chewe jariꞌ xin ewanma, jun tijonem ja nuyaꞌ chewe ja utzlaj cꞌaslemal ja mta qꞌuisic trij.

Hechos 15:11

Pro ja rajoj bien kotak chi xa rmal ja rutzil ja nsipax chake rmal ja kajaw Jesucristo xa chewiꞌ tok nkawil ja totajem xin Dios in queriꞌ chique ja kachꞌalal ja ma e kach aj Israel ta chakajaꞌ. Queriꞌ xbij ja Pedro chique.

Romanos 16:20

Ja cꞌa Dios ja nyowi ja quicotemal arjaꞌ nkajsaj na chanim ja rchokꞌakꞌ ja Satanás in nbe ja Satanás xeꞌ ewakan. Ja camic xtiqꞌuejeꞌ ta ewqꞌuin ja rutzil ja nkacochij tre ja kajaw Jesucristo. Amén.

Romanos 3:24

Pro ja Dios nokrwasajel libre, nuban chake caniꞌ mta kil kamac kabanon pro jariꞌ jun utzil nuban chake, xa nsipaj chake, mta nkalokꞌbej. Ja Cristo Jesús arjaꞌ tojowi ja kil kamac, xcꞌa rmalariꞌ ja tok nokwasaxel libre ja wi xa jun nkaban ruqꞌuin.

Romanos 4:16

Rmalcꞌariꞌ tok nbij chewe, ja herencia xin Dios rumac ja yukulbal kacꞌuꞌx ruqꞌuin ja Dios tok nyataj chake. Queriꞌ cꞌa rbanic utzcꞌa chi ja rutzil ja tzujun can rmal ja Dios xa nsipax chake, mta nkachꞌecbej. Queriꞌ cꞌa rbanic utzcꞌa chi kanojel ja rok riy rumam can ja rAbraham chwach Dios cꞌo kaseguro chi nyataj chake ja rutzil ja tzujun can rmal ja Dios pro chake kanojelal. Ma ruyon ta chake ajoj nyataj wiꞌ ja cꞌo ley xin Dios kuqꞌuin ja tzꞌibtal can rmal ja Moisés pro nyataj chique chakajaꞌ canojelal ja nyukeꞌ quecꞌuꞌx ruqꞌuin ja Dios caniꞌ xuban ja rAbraham ojer. Ja cꞌa rAbraham arjaꞌ tatixel kaxin chwach Dios chi nimlaj kanojelal ja yukul kacꞌuꞌx ruqꞌuin ja Dios.

Romanos 5:10

Ja Dios xa ok rcꞌulel ja tok peti ja Ralcꞌwal, xurcam kaj pa kacuenta in ja rcamic jariꞌ tzursan kaxin ruqꞌuin ja Dios. Ja Dios wi conforme xuban queriꞌ chake tok xa ok rcꞌulel más chi na conforme chi nokrutoꞌ camic. Como ja camic oktzurnak chic ruqꞌuin ja Dios in rmalariꞌ tok bien kotak chi ni xtiyataj na wiꞌ chake ja totajem xin Dios como cꞌastajnak chic ja Ralcꞌwal.

Romanos 5:6

Bien kꞌalaj chi congana nokrajoꞌ ja Dios como xutakto ja Cristo chi katoꞌic. Ajoj ni ma okcowinnak ta wiꞌ katoꞌon ta kiꞌ in ja tok xurwilaꞌ ja tiempo ja ni chomarsanto wiꞌ tokocꞌariꞌ peti ja Cristo, xurcam kaj pa kacuenta ja rok winak pro makanaꞌ maquita itzel ja kacꞌaslemal.

Romanos 5:8

Pro ja Dios tok cꞌa okcꞌo na chipan ja kil kamac arjaꞌ xutakto ja Cristo chi xurcam kaj pa kacuenta in triꞌ xucꞌut wiꞌ chikawach nak rbanic ja rajoben riꞌil ja cꞌo tre chi congana nokrajoꞌ.

Romanos 8:2

Ja poder rxin ja rEspíritu Santo jariꞌ inwasyonel libre. Jariꞌ Espíritu ja yoyon chake jun cꞌacꞌa cꞌaslemal kanojel ja xa jun kabanon ruqꞌuin ja Cristo Jesús in xcꞌa rmal ja poder rxin ja rEspíritu Santo chewiꞌ tok in libre chic pa rukꞌaꞌ ja il mac, in libre chic pa rukꞌaꞌ ja camíc.

2 Corintios 13:14

Ja rutzil ja nsipaj ja kajaw Jesucristo rachbil ja rajoben riꞌil xin Dios jariꞌ xtiqꞌuejeꞌ ta ewqꞌuin ewanojelal in xtiqꞌuejeꞌ ta ja rEspíritu Santo ewqꞌuin chakajaꞌ, xta jun xtuban chewe ewanojelal. Amén.

Efesios 2:1

Ja cꞌa rixix nabey ixcamnak chipan ja rewil emac pro arjaꞌ xuyaꞌ jun cꞌacꞌa cꞌaslemal chewe.

Efesios 2:8

Queriꞌ nbij chewe como xa rmal ja rutzil ja nsipaj ja Dios chake ja tok ewilon chic ja totajem xin Dios in ja yukulbal ecꞌuꞌx ruqꞌuin ja Jesucristo jariꞌ ecꞌamben jawaꞌ totajem riꞌ. Pro jawaꞌ ni majun nak ta xeban ja xechꞌecbej ta, puro cochinem xin Dios.

Efesios 5:14

Xa chewiꞌ tok quewaꞌ rbin can ja Dios riꞌ: —Atat ja ratwarnak chipan ja kꞌekumal catcꞌasoji, catyictaj chipan ja camíc in ja Cristo arjaꞌ nsakirsaj ja rawanma, neꞌe.

Colosenses 2:13

Ja cꞌa rixix ixcamnak nabey chipan ja rewil emac, ma ixbanon ta circuncidar triꞌ pro cꞌa ewcꞌan na ja ritzelal, pro ja Dios arjaꞌ xuyaꞌ jun cꞌacꞌa cꞌaslemal chewe tokoriꞌ tok xucꞌas ja Cristo chiquicojol camnakiꞌ in xucuy ja rewil emac ewanojelal.

Tito 2:11

Ja cꞌa Dios arjaꞌ rcꞌutun ja rutzil chikawach jariꞌ rcꞌamonto totajem chake kanojel ja rok winak.

Tito 3:5

In tok xuban queriꞌ tokocꞌariꞌ xokrutoꞌ kanojelal pro ma rmal ta chi cꞌoli kachꞌecbej tok xuban queriꞌ chake, xa rmal xpokonaj kawach. Ja tok xokchꞌachꞌojirsaxi rmal ja xokalax chic jutij tokoriꞌ xoktotaji in rmal ja rEspíritu Santo kawil ja cꞌacꞌa cꞌaslemal.

Apocalipsis 22:21

Wachꞌalal, kas ta xtiqꞌuejeꞌe ja rutzil rxin ja kajaw Jesucristo ewqꞌuin ewanojelal. Amén.