Efesios 2:13 - Tz'utujil (Ja Cꞌacꞌa Chominem)

¹³ Pro ja cꞌa camic xa jun chic ebanon ruqꞌuin ja Cristo Jesús in masqui ja nabey cꞌa cꞌa nat ixcꞌo wiꞌ tre ja Dios pro ja camic xa nakaj chic ixcꞌo wiꞌ tre pro xa rmal ja rquiqꞌuel ja Cristo tok yatajnak queriꞌ chewe.

Tz'utujil NT

¹³ Per camic xjun chic ebnon ruq'uin Cristo Jesús, mesque nabey q'ue c'nat ixc'o wa' tzra Dios per camic xchenkaj chic ixc'o wa' chwech, per xe rmal recq'uiel Cristo tak yatanak cara' chewa.

Efesios 2:13 Iomraidhean Croise

San Juan 10:16

In chakajaꞌ ecꞌo chi na juleꞌ tak ncarnelo ja ma ecꞌo ta chipan awaꞌ corral riꞌ. Jariꞌ neꞌencꞌamaꞌ na, ja cꞌa tok xtiquicꞌaxaj ja nukul ejeꞌeꞌ nqueyaꞌ caso chwe in xa jun moc xtinban chique canojelal in xa jun ajyukꞌ nyukꞌun quixin.

Hechos 15:14

Ja kachꞌalal Simón Pedro arjaꞌ xuchꞌob chikawach nak rbanic ja samaj ja xuban ja Dios chiquicojol ja ma e aj Israel ta ja tok majtajto ja samaj, ecꞌo juleꞌ chique xeruchaꞌ chi xeꞌoc e tinamit xin Dios.

Hechos 2:39

Jariꞌ Espíritu Santo ja rtzujun can ja Dios ojer como arjaꞌ nrajoꞌ nutakto ewqꞌuin in cuqꞌuin ewalcꞌwal in cuqꞌuin chakajaꞌ canojel ja winak ja recꞌo pa natlaj tak tinamit. Ja rEspíritu Santo arjaꞌ nta̱kto cuqꞌuin canojel ja winak ja nesiqꞌuix rmal ja Dios chi nquinimaj ja rtzobal, neꞌ chique.

Hechos 22:21

Pro ja kajaw Jesucristo quewaꞌ xbij chic chwe riꞌ: —Mejor catelel como camic natnutakel pa jun lugar nat, natbe chic cuqꞌuin ja winak ja ma e aj Israel ta, neꞌ chwe. Queriꞌ xbij ja Pablo chique ja winak ja rach tak aj Israel.

Hechos 26:18

utzcꞌa chi nasakirsaj quebey chiquewach. Camic e caniꞌ moyaꞌ, pa kꞌekumal ecꞌo wiꞌ pro neꞌacoj na pa sakil. Neꞌel na pa rukꞌaꞌ ja Satanás in neꞌoc chi na pa rukꞌaꞌ ja Dios. Queriꞌ naban chique utzcꞌa chi ncuytaji ja quil quemac utzcꞌa chi cꞌo jun herencia nyataj na chique chiquicojol ja winak ja rechꞌachꞌojirsan chic chipan ja quil quemac rmal ja yukulbal quecꞌuꞌx wqꞌuin. Queriꞌ xbij ja Jesús chwe.

Romanos 8:1

Rmalcꞌariꞌ nbij chewe, ja camic chic kanojel ja xa jun kabanon ruqꞌuin ja Cristo Jesús okwasanel chic libre chipan ja kil kamac in ma xkorutakel ta ja Dios chipan ja nimlaj rpokonal. Ajoj cꞌariꞌ ja matikayaꞌ chic rgana ja tzabuklaj cꞌaslemal kucꞌan pro ja nkayaꞌ chic rgana ja rEspíritu Santo chi arjaꞌ nsamaj pa tak kacꞌaslemal.

1 Corintios 1:30

Dios cꞌa yoyon chewe nojelal. Arjaꞌ yoyon chewe jun cꞌacꞌa cꞌaslemal pro xa rmal ja Cristo Jesús chewiꞌ tok ryaꞌon chewe. Arjaꞌ takoto rxin ja Cristo chi katoꞌic in xa rmal ja Cristo ja tok yatajnak chake ja naꞌoj xin Dios in xa rmal ja Cristo chakajaꞌ tok Dios nokrucꞌul in nuban chake caniꞌ mta kil kamac in xa rmal ja Cristo chakajaꞌ tok kꞌij kꞌij noc más chꞌajchꞌoj ja kanma in xa rmal ja Cristo chakajaꞌ tok ma ok preso chi ta pa rukꞌaꞌ ja il mac in noketotaj na chijutij.

1 Corintios 12:13

Queriꞌ nbij chewe como xa jun mismo Espíritu Santo xokbanbex bautizar kanojelal, xa jun cuerpo ban chake chi ok aj Israel chi ma ok aj Israel ta, chi ok esclavo chi ok libre, xa jun mismo Espíritu Santo ja xoc pa tak kanma chi nimlaj kanojelal.

1 Corintios 6:11

In ecꞌoli chewe ja re quitakariꞌ nabey ja caniꞌ cꞌa xinbij kaj. Pro ja camic chꞌachꞌojirsan chic ja rewanma, camic ixpartiꞌin chic chi neban ja samaj xin Dios in camic ixcꞌulun chic rmal ja Dios, arjaꞌ rbanon chic chewe caniꞌ mta ewil emac ebanon. Pro xa rmal ja xa jun ebanon ruqꞌuin ja kajaw Jesucristo chewiꞌ tok banon queriꞌ chewe in rmal chakajaꞌ ja samaji pa tak ewanma ja rEspíritu Santo ja takonto rmal ja katataꞌ Dios.

2 Corintios 5:17

Queriꞌ cꞌa rbanic, ja wi xa jun abanon ruqꞌuin ja Cristo jariꞌ at cꞌacꞌa winak chic, ja tzabuklaj tak naꞌoj awcꞌan nabey jariꞌ kꞌaxnak can chic, cꞌacꞌa chic nojelal.

Gálatas 3:28

Xa ix jun chic chi ix aj Israel chi ma ix aj Israel ta, chi ix esclavo chi ix libre, chi ix achiꞌiꞌ chi ix ixokiꞌ, xa ix jun chic ewanojelal como xa jun chic ebanon ruqꞌuin ja Cristo Jesús.

Efesios 1:1

Anin ja rin Pablo camic ntzꞌibajel jawaꞌ carta riꞌ chewe ixix wachꞌalal ja rixcꞌo pa Efeso. Anin incojon rmal ja Dios chi inocnak apóstol rxin ja Jesucristo. Ixix ix tinamit xin Dios, cꞌoli ja yukulbal ecꞌuꞌx ruqꞌuin ja Cristo Jesús, xa jun ebanon ruqꞌuin.

Efesios 1:7

Ja tok xa jun kabanon ruqꞌuin ja Jesucristo jariꞌ okwasanel chic libre pa rukꞌaꞌ ja il mac como arjaꞌ xutoj ja kil kamac tre ja rquiqꞌuel. Ja tok xa jun kabanon ruqꞌuin jariꞌ cuytajnak chic ja kil kamac. Ja Dios tok xuban queriꞌ chake jariꞌ caniꞌ jun nimlaj mebaꞌil xsipaj chake.

Efesios 2:10

Queriꞌ nbij chewe como ja utzlaj cꞌaslemal ja kucꞌan camic Dios winakarsyon, ma ajoj ta como arjaꞌ xuyaꞌ jun cꞌacꞌa cꞌaslemal chake, tokoriꞌ xuyaꞌ chake ja tok xa jun kaban ruqꞌuin ja Cristo Jesús. Xuyaꞌ jun cꞌacꞌa cꞌaslemal chake utzcꞌa chi nkaban chic ja rutzil pro juleꞌ utzil ja ni rchominto wiꞌ ojer chi nkaban.

Efesios 2:12

Kas turkaj chewe nak ja rebanon nabey. Jun, ma ewotak ta triꞌ chi cꞌo jun Cristo. In jun chic, ma ix cachbil ta ja tinamit xin Dios, mta ekꞌaꞌ tre ja xchomarsaj jeꞌe ja Dios ruqꞌuin ja rtinamit ja bar xtzujuj wiꞌ chique chi nerilaꞌ na jun kꞌij ja tok nequilaꞌ ja totajem xin Dios. Ni majun totajem ewayben ta triꞌ, ixcꞌo chipan ja rwachꞌulew in cꞌuluto ma ewotak ta rwach ja Dios triꞌ.

Efesios 2:2

Ja il mac ni chipan wiꞌ ixcꞌo wiꞌ nabey, xeban ja ritzelal ja caniꞌ nqueban ja winak ja xa ruqꞌuin rwachꞌulew yukul wiꞌ quecꞌuꞌx. Xa rvoluntad ja diablo xeban, jariꞌ diablo ja jefe quixin ja ritzel tak espíritu ja neqꞌuejeꞌ chicaj chipan ja aire. Jariꞌ itzel tak espíritu ja nesamaj pa tak canma ja winak ja maquenimani camic.

Efesios 2:6

Ja Dios xuyaꞌ chake chi nkachbilaj ja Cristo, xuyaꞌ chake chi xokcꞌastaj ruqꞌuin, xokrtzꞌubaꞌ ruqꞌuin chilaꞌ chicaj, xa jun kabanon ruqꞌuin.

Hebreos 9:18

Queriꞌ cꞌa tre chakajaꞌ ja nabey chominem ja chomarsax rmal ja Dios, cꞌa tokoriꞌ xoqui ja chominem ja tok cꞌoli quicꞌ coji.

1 Pedro 3:18

Ja Cristo arjaꞌ ban pokon tre chakajaꞌ, camsax rmal ja kil kamac, xa jutij cami, mchita ja camíc trij. Arjaꞌ ni majun ril rumac pro cam pa kacuenta ja rok ajꞌil ok ajmaquiꞌ. Ja tok queriꞌ xuban jariꞌ xjakbej kabey chikawach chi nokekaj na ruqꞌuin ja Dios. Arjaꞌ camsaxi como winak pro cꞌastaji como espíritu.

Apocalipsis 5:9

In cꞌo jun cꞌacꞌa bix nquibixaj tre ja Carnelo quewariꞌ: —Atat ni yatal wiꞌ chawe chi nacꞌam ja wuj in nawasaj ja sello rcꞌan. Queriꞌ nkabij chawe como atat xatcamsaxi in ja raquiqꞌuel jariꞌ xokalokꞌbej chi xokoc pa rcuenta ja Dios. Queriꞌ abanon chake xa nak ta tribu ja rokcꞌo wiꞌ, xa nak ta katzobal, xa nak ta katinamit, xa nak ta kanación.