Efesios 2:12 - Tz'utujil (Ja Cꞌacꞌa Chominem)

¹² Kas turkaj chewe nak ja rebanon nabey. Jun, ma ewotak ta triꞌ chi cꞌo jun Cristo. In jun chic, ma ix cachbil ta ja tinamit xin Dios, mta ekꞌaꞌ tre ja xchomarsaj jeꞌe ja Dios ruqꞌuin ja rtinamit ja bar xtzujuj wiꞌ chique chi nerilaꞌ na jun kꞌij ja tok nequilaꞌ ja totajem xin Dios. Ni majun totajem ewayben ta triꞌ, ixcꞌo chipan ja rwachꞌulew in cꞌuluto ma ewotak ta rwach ja Dios triꞌ.

Tz'utujil NT

¹² Kas terkaja pnewá' nak ebnon nabey. Nabey mul, majo'n ewutkin ta tzra' chc'ola jun Cristo. Jun chic, me ix quexbil ta rtnamet Dios, majo'n ek'a' tzra njelal je xchumsaj Dios ruq'uin rtnamet jabar xtzujuj wa' chca chnerla' na jun k'ij tak nequewla' totanem rxin Dios. Ixix nmajo'n totanem eweyben ta tzra', ixc'ola chwech ruch'lew y majo'n ewutkin ta rwech Dios tzra'.

Efesios 2:12 Iomraidhean Croise

San Lucas 1:72

Ja Dios arjaꞌ rtakonto ja Toꞌonel jariꞌ xbanbej cumplir ja rtzujun can chique ja katiꞌt kamamaꞌ ojer chi ni npokonaj wiꞌ quewach in jariꞌ xbanbej cumplir chakajaꞌ ja santilaj chominem ja xchomij ruqꞌuin ja rAbraham.

San Juan 10:16

In chakajaꞌ ecꞌo chi na juleꞌ tak ncarnelo ja ma ecꞌo ta chipan awaꞌ corral riꞌ. Jariꞌ neꞌencꞌamaꞌ na, ja cꞌa tok xtiquicꞌaxaj ja nukul ejeꞌeꞌ nqueyaꞌ caso chwe in xa jun moc xtinban chique canojelal in xa jun ajyukꞌ nyukꞌun quixin.

San Juan 15:5

Anin in rkan ja jun mocaj uva, ja cꞌa rixix ix tak rukꞌaꞌ. Xa nak ta chewe wi xa jun nuban wqꞌuin in wi anin xa jun nban ruqꞌuin jariꞌ junan ruqꞌuin ja rkꞌaꞌ uva ja buena nwachini. Queriꞌ nbij chewe como majun nak ta nixcowini neban ja wi ma jun ta neban wqꞌuin.

San Juan 4:22

Ixix ja rix aj Samaria neyaꞌ rukꞌij jun Dios pro ma chꞌobtajnak ta emwal nak rbanic. Pro ja rajoj ja rok aj Israel nkayaꞌ rukꞌij ja Dios in bien chꞌobtajnak kumal nak rbanic como ja totajem xin Dios jariꞌ chipan ja tinamit Israel nwinakar wiꞌ.

Hechos 2:39

Jariꞌ Espíritu Santo ja rtzujun can ja Dios ojer como arjaꞌ nrajoꞌ nutakto ewqꞌuin in cuqꞌuin ewalcꞌwal in cuqꞌuin chakajaꞌ canojel ja winak ja recꞌo pa natlaj tak tinamit. Ja rEspíritu Santo arjaꞌ nta̱kto cuqꞌuin canojel ja winak ja nesiqꞌuix rmal ja Dios chi nquinimaj ja rtzobal, neꞌ chique.

Hechos 28:20

Rmalcꞌariꞌ tok xintak esiqꞌuixic utzcꞌa chi nutzꞌat riꞌ kawach ewqꞌuin in noktzijon ewqꞌuin chakajaꞌ. Como ajoj ja rok aj Israel nkanimaj chi necꞌastaj na ja camnakiꞌ queriꞌ nnimaj anin in rmalariꞌ tok inbacꞌon pa cadena camic, neꞌ chique.

Hechos 3:25

Ixix ix quiy quemam can ja profeta xin Dios, ewxin ixix chakajaꞌ ja rutzil ja rtzujun can ja Dios ojer tokoriꞌ xtzujuj can ja tok cꞌo jun chominem ja xchomij cuqꞌuin ja katiꞌt kamamaꞌ ja tok quewaꞌ xbij tre ja rAbraham riꞌ: —Nojel tinamit ja recꞌo chwachꞌulew cꞌoli ja rutzil xin Dios ja nyataj na chique pro rmal ja rawiy amam ja majaꞌn talaxi tok nba̱n queriꞌ chique, neꞌe ja Dios tre.

Romanos 9:8

Triꞌ cꞌa nkatzꞌat wiꞌ chi ja riy rumam can ja rAbraham ja chaka neꞌalaxi ma ejeꞌeꞌ ta ja reꞌocnak ralcꞌwal Dios pro ja wi atalaxnak rmal ja rtzujunto ja Dios jariꞌ ni katzij wiꞌ chi at riy rumam can ja rAbraham chwach Dios.

Gálatas 4:8

Pro ja nabey tok majaꞌn tewotakij rwach ja Dios xixqꞌuejeꞌ na pa quekꞌaꞌ cachbal tak winak in rachbal tak nakun, xeꞌecoj como e dios pro ma katzij ta chi e dios.

Efesios 2:19

Queriꞌ cꞌa rbanic, ma queriꞌ chi ta ebanon ja caniꞌ ebanon nabey como ja nabey ma ix tinamit ta xin Dios in nixtacꞌa cꞌo ta ekꞌaꞌ tre chakajaꞌ. Pro ja rebanon chic camic, ewach aj tinamit chic ewiꞌ cuqꞌuin ja re xin Dios, ixcꞌo chic chipan ja familia xin Dios.

Efesios 4:18

Ja quewiꞌ canma xa kꞌekumirnak, cꞌa nat cꞌo wiꞌ chique ja cꞌaslemal xin Dios. Nat cꞌo wiꞌ como matichꞌobtaj cumal janiꞌ rnaꞌoj ja Dios pro xa rumac ja congana e cow chewiꞌ tok queriꞌ quibanon.

Colosenses 1:21

Caniꞌ chewe ixix nabey nat ixcꞌo wiꞌ tre ja Dios, ni majun egana ruqꞌuin ja nbij ja Dios pa tak ewiꞌ pa tak ewanma, xa itzelal ja xeban. Pro ja camic ixtzurnak chic ruqꞌuin ja Dios, quewaꞌ xuban ja Dios chi echomarsaxic riꞌ,

Colosenses 1:27

como ja Dios arjaꞌ rchꞌobon chic chiquewach ja rtinamit chi cꞌo chic ja Cristo pa tak ewanma ja ma ix aj Israel ta in rmalariꞌ ewotak chic chi nixeqꞌuejeꞌ na pa gloria ruqꞌuin ja Dios. Jawaꞌ ja cꞌa xinbij chewe riꞌ xa awatali nabey pro ja Dios rkꞌalasan chic chikawach camic utzcꞌa chi triꞌ nkatzꞌat wiꞌ chi janila nim ja gloria xin Dios ja nsamaji checojol ixix ja ma ix aj Israel ta.

Colosenses 1:5

Queriꞌ neban como cꞌo jun nimlaj herencia xin Dios ewayben ja cꞌolon chilaꞌ chicaj. Jawaꞌ herencia riꞌ ecꞌwaxan chic nak rbanic, tokoriꞌ xecꞌwaxaj ja tok bix chewe ja utzlaj tzij xin Jesucristo pro juleꞌ tzij ja ni majun tzꞌakoj tzij rcꞌan.

1 Tesalonicenses 4:13

Wachꞌalal, ja nkajoꞌ chewe chi newotakij nak xtiban na chique ja kachꞌalal ja necami. Queriꞌ nkajoꞌ chewe utzcꞌa ja tok cꞌoli necam chewe ma quixbison ta ja caniꞌ nqueban ja winak ja ma cotak ta chi necꞌastaj na ja camnakiꞌ.

2 Tesalonicenses 2:16

Ja katataꞌ Dios congana nokrajoꞌ in rmal ja rutzil chijutij xyukbaꞌ kacꞌuꞌx in xuyaꞌ chake chi nokquicoti nkaybej más ja rutzil. Ja ngana anin ja kajaw Jesucristo in ja katataꞌ Dios nquiyukbaꞌ ta ecꞌuꞌx in nqueyaꞌ ta ewachokꞌakꞌ chipan ja utzlaj tzij ja remajon rbixic in tre nojel ja rutzil ja remajon rbanic.

1 Timoteo 1:1

Anin in Pablo ntzꞌibajel chawe ja carta riꞌ Timoteo. Anin in apóstol rxin ja Jesucristo. Jariꞌ nsamaj yaꞌon chwe rmal ja Dios ja Toꞌonel kaxin in rmal ja kajaw Jesucristo chakajaꞌ, arjaꞌ ryukulbal kacꞌuꞌx.

Hebreos 11:34

Chewiꞌ chakajaꞌ tok mta xoc chique tok xeya̱ꞌ pa kꞌakꞌ, ma xecꞌat ta. Chewiꞌ chakajaꞌ tok xecowini quetoꞌ quiꞌ pa quekꞌaꞌ ja winak ja xcajoꞌ ta xequicamsaj tzaꞌn tak espada. Ja cꞌa tok ni majun ja quichokꞌakꞌ yataj chique quichokꞌakꞌ, cow xepeꞌi chipan ja chꞌaꞌoj in xecowini xequisalujel ja quicꞌulel ja neꞌurchꞌojin jeꞌe cuqꞌuin chipan ja quitinamit.

Hebreos 6:18

Queriꞌ cꞌa xuban ja Dios, caꞌiꞌ ja xbij can, jun, cꞌoli ja xtzujuj in jun chic, cꞌo jun juramento xuban ja ncꞌutbej chi ni nuyaꞌ wiꞌ ja xtzujuj in ni mta wiꞌ qꞌuextajic trij awaꞌ ja caꞌiꞌ riꞌ ja xbij can como ja Dios mta moda xtutzꞌak ta juleꞌ tzij. Queriꞌ xuban pro kumal ajoj ja xokanmaj chwach ja il mac in xekatoꞌoꞌ kiꞌ ruqꞌuin. Queriꞌ xuban chi ryukbaxic kacꞌuꞌx utzcꞌa chi nyukeꞌe ja kacꞌuꞌx chijutij ruqꞌuin ja rtzujun can chake ja kayben camic.

Hebreos 8:6

Pro ja Jesucristo ja kasacerdote ajoj arjaꞌ yaꞌon tre camic jun samaj xin Dios ja más chi na nim rukꞌij chwach ja quisamaj ja juleꞌ chic sacerdote como ja cꞌacꞌa chominem ja nokrcojbej chwach ja Dios jariꞌ más chi na nim rukꞌij chakajaꞌ chwach ja caniꞌ cꞌoli nabey in más chi na nim rukꞌij chakajaꞌ ja xtzujuj ja Dios ja tok xchomarsaj ja cꞌacꞌa chominem.

1 Pedro 1:21

Rmal ja Cristo chewiꞌ tok yukul chic ecꞌuꞌx ruqꞌuin ja Dios. Jariꞌ mismo Dios ja xuyaꞌ tre ja Cristo chi cꞌastaji chiquicojol ja camnakiꞌ in xuyaꞌ tre chakajaꞌ chi congana nim chic rukꞌij. Rmalcꞌariꞌ tok ruqꞌuin ja Dios yukul wiꞌ ecꞌuꞌx, rmalcꞌariꞌ chakajaꞌ tok ewotak chi ja Dios arjaꞌ nyowi ja rutzil ja rewayben.

1 Pedro 1:3

Kayaꞌaꞌ rukꞌij ja Dios, arjaꞌ Tatixel rxin ja kajaw Jesucristo, congana xpokonaj kawach, xuyaꞌ chake chi xokalax chic jutij. Ja Jesucristo arjaꞌ yataj tre rmal ja Dios chi cꞌastaj rwach chiquicojol ja camnakiꞌ chewiꞌ tok yataj chake chi xokalax chic jutij. Rmalariꞌ tok ni maticapuj wiꞌ kacꞌuꞌx chi raybexic ja rutzil xin Dios

1 Pedro 3:15

Ja neban, teyaꞌaꞌ rukꞌij ja kajaw Dios pa tak ewanma. Techꞌoboꞌ rij rwach nak rbanic nojel ja rcꞌamonto chewe ja Jesucristo ja bar yukul wiꞌ ecꞌuꞌx. Quirtariꞌ neban utzcꞌa chi nixcowini nechꞌob chiquewach chakajaꞌ ja winak xa nak ta necꞌaxan razón chewe. Pro pan utzil techꞌoboꞌ chiquewach, maxta xa teyabej ekꞌij.

1 Juan 3:3

Ja wi nokquicoti chi raybexic ja Jesucristo jariꞌ nkachꞌachꞌojirsbej ja kanma como ja Jesucristo arjaꞌ ni rcꞌan wiꞌ jun chꞌajchꞌojlaj anma.