Efesios 2:11 - Tz'utujil (Ja Cꞌacꞌa Chominem)

¹¹ Rmalcꞌariꞌ nbij chewe, kas turkaj chewe chi ja nabey ma ix tinamit ta xin Dios. Ixix ma ix aj Israel ta, ma ixbanon ta circuncidar, xa xixban despreciar cumal ja raj Israel: —Ja rixix xa ma ixbanon ta circuncidar, xecheꞌ chewe. Pro ja circuncisión ja cꞌo chique ja raj Israel jariꞌ jun circuncisión ja xa winak ebanyon.

Tz'utujil NT

¹¹ Rmal c'ara' quenbij chewa, kas terkaja pnewá' chnabey me ix rtnamet ta Dios. Ixix me ix tnamet Israel ta tzra', majo'n ixbnon ta circuncidar, ch'akin ek'ij cmal aj Israel y cawra xecbij chewa: —Ixix xmajo'n ixbnon ta circuncidar. Per jcircuncisión je nba'na chca aj Israel jara' jun circuncisión xe wnak ebanyona.

Efesios 2:11 Iomraidhean Croise

San Mateo 20:7

—Como mta nak ta nbin samaj chake, xecheꞌ tre. —Ixix chakajaꞌ jix, quixesamaj chipan ja ntijcoꞌm in wotak ja nixntojbej, ni utz wiꞌ nban chewe, neꞌ chic chique.

Romanos 11:17

Ecꞌo juleꞌ chique ja tinamit Israel ja xeya̱ꞌ can rmal ja Dios, ban chique e caniꞌ rukꞌaꞌ jun cheꞌ olivo pro juleꞌ rukꞌaꞌ ja chꞌakixto. Ja cꞌa rixix ja ma ix aj Israel ta ix caniꞌ rukꞌaꞌ jun chic cheꞌ olivo pro jun cheꞌ ja ma ticon ta, jun cheꞌ ja xa ruyon penak. Ja xuban ja Dios chewe, xixrucoj como ix cachbil ja tinamit Israel ja ma xeruyaꞌ can ta, caniꞌ xixruban ingertar ruqꞌuin jun cheꞌ olivo pro jun cheꞌ arjaꞌ ticyon in camic xa jun chic ebanon cuqꞌuin ja tinamit Israel chi rtijic ja utzlaj cꞌaslemal ja penak ruqꞌuin ja rcꞌamal jawaꞌ cheꞌ riꞌ.

Romanos 2:26

Caniꞌ tre jun achi ja ma banon ta circuncidar chakajaꞌ pro wi nuban ja rutzil ja caniꞌ nrajoꞌ ja ley xin Dios chi nkaban ¿la ma junan ta cꞌariꞌ ruqꞌuin ja caniꞌ rtinamit Dios masqui ma banon ta circuncidar?

Romanos 2:27

Ja winak ja ma banon ta circuncidar ja quicuerpo pro wi nqueban ja rutzil ja caniꞌ nrajoꞌ ja ley chake chi nkaban jariꞌ nkꞌetbex na tzij chiquij ja maquenimani. Queriꞌ xtiban chique como ejeꞌeꞌ cꞌoli ja ley cuqꞌuin ja tzꞌibtal can in ebanon circuncidar pro xa matiquinimaj ja nbij ja ley chake chi nkaban.

1 Corintios 12:2

Ixix bien ewotak chi ja nabey chaka bar ta triꞌ xixcꞌamarel wiꞌ chipan juleꞌ tijonem ja ma tijonem xin Dios ta, xa cachbal winak xa rachbal nakun jeꞌe xeyaꞌ quekꞌij. Xeyaꞌ quekꞌij pro nixtacꞌa netzijon ta jutzꞌit.

1 Corintios 6:11

In ecꞌoli chewe ja re quitakariꞌ nabey ja caniꞌ cꞌa xinbij kaj. Pro ja camic chꞌachꞌojirsan chic ja rewanma, camic ixpartiꞌin chic chi neban ja samaj xin Dios in camic ixcꞌulun chic rmal ja Dios, arjaꞌ rbanon chic chewe caniꞌ mta ewil emac ebanon. Pro xa rmal ja xa jun ebanon ruqꞌuin ja kajaw Jesucristo chewiꞌ tok banon queriꞌ chewe in rmal chakajaꞌ ja samaji pa tak ewanma ja rEspíritu Santo ja takonto rmal ja katataꞌ Dios.

Gálatas 2:15

Ajoj chꞌobtajnak chic kumal chi xa rmal ja nyukeꞌ acꞌuꞌx ruqꞌuin ja Jesucristo chewiꞌ tok Dios natrutoꞌ, natrwasajel libre in nuban chawe caniꞌ mta awil amac abanon, ma rmal ta ja ley xin Dios ja kas ta xtaban jeꞌe cumplir tok nuban queriꞌ chawe. Ajoj masqui ok aj Israel pro ruqꞌuin ja Jesucristo yukul chi wiꞌ kacꞌuꞌx utzcꞌa chi ja Dios nokrutoꞌ nokrucꞌul pro xa rmal ja yukulbal kacꞌuꞌx ruqꞌuin ja Cristo, ma rmal ta ja ley ja kas ta xtikaban jeꞌe cumplir como ni majun winak xtitotaj ta xticꞌul ta rmal ja Dios xta rmal ja ley ja kas ta xtuban jeꞌe cumplir. Queriꞌ kabanon ja ni pa kalaxic wiꞌ chi ok aj Israel. Ajoj ok aj Israel nokcheꞌe, in xa cꞌamonnak chake chi nkabij chi ma ok junan ta cuqꞌuin ja ma e aj Israel ta como ejeꞌeꞌ mta ja ley xin Dios cuqꞌuin, xa e ajꞌil xa e ajmaquiꞌ, okchenakto chique.

Gálatas 6:12

Ja winak ja cꞌo quigana nquikꞌalasaj quiꞌ chi congana nqueban cumplir ja costumbre rxin ja ley ejeꞌeꞌ riꞌ ja nebin chewe chi puersa nixban circuncidar. Ejeꞌeꞌ xa nquixbej quiꞌ xtiquetij ta rpokonal rmal ja Cristo xtiquibij ta chi solo rcamic ja Cristo chwach cruz nattoꞌowi chipan ja rawil amac.

Efesios 2:2

Ja il mac ni chipan wiꞌ ixcꞌo wiꞌ nabey, xeban ja ritzelal ja caniꞌ nqueban ja winak ja xa ruqꞌuin rwachꞌulew yukul wiꞌ quecꞌuꞌx. Xa rvoluntad ja diablo xeban, jariꞌ diablo ja jefe quixin ja ritzel tak espíritu ja neqꞌuejeꞌ chicaj chipan ja aire. Jariꞌ itzel tak espíritu ja nesamaj pa tak canma ja winak ja maquenimani camic.

Efesios 5:8

Como ja recꞌaslemal ixix ma queriꞌ chi ta ja caniꞌ nabey como ja nabey solo kꞌekumal ixcꞌayon pro ja camic luz xin Dios ixcꞌayon pro xa rmal ja xa jun ebanon ruqꞌuin ja kajaw Jesucristo chewiꞌ tok queriꞌ chic ebanon. Tebanaꞌ cꞌa ja bien nucꞌam riꞌ ruqꞌuin ja luz xin Dios como ix ralcꞌwal chic ja Dios ja sakirsyon ebey chewach.

Filipenses 3:3

Pro ajoj ja kas katzij chi okbanon circuncidar, ma ejeꞌeꞌ ta. Queriꞌ nbij chewe como ajoj nkayaꞌ lugar tre ja rEspíritu Santo chi arjaꞌ nsamaji pa tak kanma in ruqꞌuin kanma nkaban ja samaj xin Dios. Ajoj nkayaꞌ rukꞌij ja Cristo Jesús in ma kuqꞌuin ta ajoj yukul kaj wiꞌ kacꞌuꞌx kayon.

Colosenses 1:21

Caniꞌ chewe ixix nabey nat ixcꞌo wiꞌ tre ja Dios, ni majun egana ruqꞌuin ja nbij ja Dios pa tak ewiꞌ pa tak ewanma, xa itzelal ja xeban. Pro ja camic ixtzurnak chic ruqꞌuin ja Dios, quewaꞌ xuban ja Dios chi echomarsaxic riꞌ,

Colosenses 2:11

In jun chic como xa jun ebanon chic ruqꞌuin chewiꞌ tok xixba̱n circuncidar pro jun circuncisión ja ma winak ta ebanyon, jun circuncisión xin Cristo, jariꞌ tok lasaxel chewe nojelal ja ritzelal ja rewcꞌan.

Colosenses 2:13

Ja cꞌa rixix ixcamnak nabey chipan ja rewil emac, ma ixbanon ta circuncidar triꞌ pro cꞌa ewcꞌan na ja ritzelal, pro ja Dios arjaꞌ xuyaꞌ jun cꞌacꞌa cꞌaslemal chewe tokoriꞌ tok xucꞌas ja Cristo chiquicojol camnakiꞌ in xucuy ja rewil emac ewanojelal.

Colosenses 3:11

Xa ok jun kanojelal ja kucꞌan jawaꞌ cꞌacꞌa cꞌaslemal ja cꞌa xinbij kaj chewe riꞌ wi ok aj Israel owi ma ok aj Israel ta, wi okbanon circuncidar owi ma okbanon ta circuncidar, wi makocowini noktzijon pa griego, wi congana lawuloꞌ ja tinamit ja rokpenak wiꞌ, wi ok libre owi ok esclavo, pro xa ok jun kanojelal ja kucꞌan ja cꞌacꞌa cꞌaslemal como ja Cristo arjaꞌ nqꞌuejeꞌ pa tak kanma kanojelal in nuban jun chake, solo Cristo ja nim rukꞌij.