Efesios 2:10 - Tz'utujil (Ja Cꞌacꞌa Chominem)

¹⁰ Queriꞌ nbij chewe como ja utzlaj cꞌaslemal ja kucꞌan camic Dios winakarsyon, ma ajoj ta como arjaꞌ xuyaꞌ jun cꞌacꞌa cꞌaslemal chake, tokoriꞌ xuyaꞌ chake ja tok xa jun kaban ruqꞌuin ja Cristo Jesús. Xuyaꞌ jun cꞌacꞌa cꞌaslemal chake utzcꞌa chi nkaban chic ja rutzil pro juleꞌ utzil ja ni rchominto wiꞌ ojer chi nkaban.

Tz'utujil NT

¹⁰ Cara' quenbij chewa com ja utzlaj c'aslemal je kc'an camic Dios wankersyona, ma ajoj ta, com arja' xuya' jun c'ac'laj c'aslemal chka, rmal c'ara' xuya' chka tak xjun xkaban ruq'uin Cristo Jesús. Xuya' jun c'ac'laj c'aslemal chka ch-utz c'ara' che nkaban chic utzil per jle' utzil jne rchumin twa' ojer che nkaban.

Efesios 2:10 Iomraidhean Croise

San Mateo 5:16

In quirtacꞌariꞌ nuban ja luz ja cꞌo pa tak ewanma ixix chakajaꞌ, tisakirsaj quebey ja winak chiquewach utzcꞌa ja winak tok nquetzꞌat ja rutzil neban, ejeꞌeꞌ xtiqueyaꞌ ta rukꞌij ja Tatixel ewxin ja cꞌo chilaꞌ chicaj.

San Juan 3:21

Pro ja cꞌa wi amajon rbanic ja rutzil xin Dios jariꞌ matapokonaj natekaji ja bar cꞌo wiꞌ ja luz. Matapokonaj como cꞌol agana chi natquetzꞌat ja winak chi ja Dios ucꞌayon awxin chi rbanic nojel ja nattajini naban.

Hechos 9:31

Ja cꞌa riglesia ejeꞌeꞌ mchita pokon ban chique tanto chique ja recꞌo chipan ja departamento Judea in chique ja recꞌo chipan ja departamento Galilea in chique chakajaꞌ ja recꞌo chipan ja departamento Samaria. Xeqꞌuiy más chipan ja rtzobal Dios. Nquixbej quiꞌ chwach ja kajaw Dios. Ja rEspíritu Santo arjaꞌ toꞌo quixin in xebe más pa nim rmal.

Hechos 9:36

Cꞌo cꞌa jun kachꞌalal ixok chipan ja tinamit Jope, Tabita rubiꞌ. Ja chipan ja tzobal griego, Dorcas rubiꞌ. Ja cꞌa Dorcas arjaꞌ ni cꞌo wiꞌ ja rutzil rbanon, ni cꞌo wiꞌ nuyaꞌ chique ja winak ja cꞌo rjawaxic chique.

Romanos 8:1

Rmalcꞌariꞌ nbij chewe, ja camic chic kanojel ja xa jun kabanon ruqꞌuin ja Cristo Jesús okwasanel chic libre chipan ja kil kamac in ma xkorutakel ta ja Dios chipan ja nimlaj rpokonal. Ajoj cꞌariꞌ ja matikayaꞌ chic rgana ja tzabuklaj cꞌaslemal kucꞌan pro ja nkayaꞌ chic rgana ja rEspíritu Santo chi arjaꞌ nsamaj pa tak kacꞌaslemal.

Romanos 8:29

Arjaꞌ ni rotakinto wiꞌ okchinatak ja xtiyukeꞌ kacꞌuꞌx ruqꞌuin, ni rchominto wiꞌ ja xtuban chake chi ja kacꞌaslemal ajoj queriꞌ xteli ja caniꞌ rcꞌaslemal ja Jesucristo ja Ralcꞌwal. Queriꞌ xuban chake utzcꞌa chi noqui ja Jesucristo nabey winak in ok qꞌuiy ja nokoc rchꞌalal ja Jesucristo.

1 Corintios 3:9

Queriꞌ nbij chewe como ja Dios arjaꞌ yoyon chake nojel awaꞌ wariꞌ, arjaꞌ yoyon chake chi nkachbilaj kiꞌ chi rbanic ja rsamaj, arjaꞌ yoyon chewe chi ixocnak ix caniꞌ rtijcoꞌm in chakajaꞌ arjaꞌ yoyon chewe chi ixocnak ix caniꞌ rochoch.

2 Corintios 5:17

Queriꞌ cꞌa rbanic, ja wi xa jun abanon ruqꞌuin ja Cristo jariꞌ at cꞌacꞌa winak chic, ja tzabuklaj tak naꞌoj awcꞌan nabey jariꞌ kꞌaxnak can chic, cꞌacꞌa chic nojelal.

2 Corintios 5:5

Pro jariꞌ Dios nbanowi, arjaꞌ chomarsyon kaxin utzcꞌa chi nuyaꞌ na chake ja jun chic cuerpo ja ni mta wiꞌ camíc trij in cꞌo jun seguro ryaꞌon chake chi ni nuban wiꞌ cumplir ja wariꞌ como ja rEspíritu Santo ja rtakonto pa tak kanma jariꞌ ocnak kaseguro.

2 Corintios 9:8

Ja cꞌa Dios arjaꞌ bien ncowini nuyaꞌ chewe nojel rwach ja mebaꞌil ja neꞌetobej ja cꞌo rjawaxic chique. Más na nocꞌo rwiꞌ ja ncowini nuyaꞌ chewe utzcꞌa chi ni cꞌo wiꞌ ewqꞌuin xa nak ta ja ncꞌatzin chewe utzcꞌa chakajaꞌ chi sobre ja cꞌol ewqꞌuin ja neꞌetobej ja winak xa nak ta ncꞌatzin chique.

Gálatas 6:15

Ja tok xa jun naban ruqꞌuin ja Cristo Jesús jariꞌ macatrutoꞌ ja natban circuncidar in macatrutoꞌ chakajaꞌ ja macatban circuncidar. Pro ja ntoꞌo awxin jariꞌ jun cꞌacꞌa cꞌaslemal ja nacochij tre ja Dios.

Efesios 1:1

Anin ja rin Pablo camic ntzꞌibajel jawaꞌ carta riꞌ chewe ixix wachꞌalal ja rixcꞌo pa Efeso. Anin incojon rmal ja Dios chi inocnak apóstol rxin ja Jesucristo. Ixix ix tinamit xin Dios, cꞌoli ja yukulbal ecꞌuꞌx ruqꞌuin ja Cristo Jesús, xa jun ebanon ruqꞌuin.

Efesios 1:4

Ja tok majaꞌn titzꞌucarsaj ja rwachꞌulew tokoriꞌ xokruchaꞌto como bien rotakpi chic chi nkaban na jun ruqꞌuin ja Jesucristo. Xokruchaꞌto utzcꞌa chi noc na chake ja mero cꞌaslemal xin Dios utzcꞌa chi ni majun nak ta nokchapbexi ja tok nokqꞌuejeꞌ chwach.

Efesios 2:13

Pro ja cꞌa camic xa jun chic ebanon ruqꞌuin ja Cristo Jesús in masqui ja nabey cꞌa cꞌa nat ixcꞌo wiꞌ tre ja Dios pro ja camic xa nakaj chic ixcꞌo wiꞌ tre pro xa rmal ja rquiqꞌuel ja Cristo tok yatajnak queriꞌ chewe.

Efesios 2:15

Arjaꞌ cam chwach cruz in rmal ja rcamic tok xocꞌo rukꞌij ja ley xin Dios ja tzꞌibtal can rmal ja Moisés ja rcꞌan juleꞌ mandamiento in juleꞌ costumbre, jariꞌ xokrchomarsbej ewqꞌuin. Queriꞌ xuban chake utzcꞌa chi jun cꞌacꞌa tinamit xuban chake, ma ok caꞌiꞌ tinamit chi ta pro xa jun kabanon ruqꞌuin utzcꞌa chi kas quiꞌil chic nokqꞌuejeꞌ ewqꞌuin.

Efesios 2:2

Ja il mac ni chipan wiꞌ ixcꞌo wiꞌ nabey, xeban ja ritzelal ja caniꞌ nqueban ja winak ja xa ruqꞌuin rwachꞌulew yukul wiꞌ quecꞌuꞌx. Xa rvoluntad ja diablo xeban, jariꞌ diablo ja jefe quixin ja ritzel tak espíritu ja neqꞌuejeꞌ chicaj chipan ja aire. Jariꞌ itzel tak espíritu ja nesamaj pa tak canma ja winak ja maquenimani camic.

Efesios 2:6

Ja Dios xuyaꞌ chake chi nkachbilaj ja Cristo, xuyaꞌ chake chi xokcꞌastaj ruqꞌuin, xokrtzꞌubaꞌ ruqꞌuin chilaꞌ chicaj, xa jun kabanon ruqꞌuin.

Efesios 4:1

Rmal cꞌa nojel awaꞌ ja nmajon rbixic chewe riꞌ congana nban recomendar chewe chi newcꞌaj jun utzlaj cꞌaslemal. Anin ja rincojon preso camic rmal ja samaj rxin ja kajaw Jesucristo congana nban recomendar chewe chi newcꞌaj jun cꞌaslemal ja bien nucꞌam riꞌ ruqꞌuin ja utzlaj cꞌaslemal ja nrajoꞌ ja Dios chewe chi newcꞌaj ja tok xixrsiqꞌuij.

Efesios 4:24

Rjawaxic chi newcꞌaj ja cꞌacꞌa cꞌaslemal ja winakarsan rmal ja Dios, jun cꞌaslemal ja caniꞌ rcꞌaslemal arjaꞌ. Ja tok nawcꞌaj awaꞌ jun cꞌacꞌa cꞌaslemal riꞌ jariꞌ naban ja rutzil in nawcꞌaj jun chꞌajchꞌojlaj anma pro ni katzij wiꞌ ja naban, mta engaño rcꞌamonto.

Filipenses 1:6

Ja katataꞌ Dios arjaꞌ cꞌo jun utzlaj samaj xumajel pa tak ewanma in bien wotak chi arjaꞌ ntzꞌakatsaj na ja samaj tokoriꞌ tok xtipi chic jutij ja Jesucristo.

Filipenses 2:13

Queriꞌ nbij chewe como ja katataꞌ Dios arjaꞌ nsamaji pa tak ewanma chi rbanic ja rvoluntad, arjaꞌ nyoꞌ chewe chi npit egana ruqꞌuin ja rutzil ja najoꞌx chewe rmal chi neban in nuyaꞌ ja rewachokꞌakꞌ chakajaꞌ chi nixcowini neban cumplir ja rvoluntad.

Colosenses 1:10

Xtewcꞌaj ta jun utzlaj cꞌaslemal como ni yatal wiꞌ chakij chi queriꞌ nkaban ja tok kaniman chic ja kajaw Jesucristo. Xtewcꞌaj ta jun cꞌaslemal ja congana utz ntzꞌa̱t rmal ja Dios, jun cꞌaslemal ja nwinakarsaj nojel rwach ja rutzil. Kꞌij kꞌij ni ta xtewotakij wiꞌ más janiꞌ rnaꞌoj ja Dios.

Colosenses 3:10

in camic ewcꞌan chic jun cꞌaslemal cꞌacꞌa. Kꞌij kꞌij nba̱n más cꞌacꞌa tre ja cꞌaslemal ja rewcꞌan camic in tok nqꞌuiswani queriꞌ neli ja caniꞌ rcꞌaslemal ja Dios. Queriꞌ rbanic utzcꞌa chi newotakij janiꞌ ja kas mero rbanic ja Dios.

1 Timoteo 2:10

Ja nqueban, tiquicꞌutuꞌ ja cutzil chiquewach winak como ja nebini chi cotak rwach ja Dios nijawariꞌ yatal chique chi nquecꞌut.

1 Timoteo 5:10

In rjawaxic chi nbix chique chi e utzlaj tak ixokiꞌ in utz quiqꞌuittzixic ja cal quibanon, in quiyaꞌon quiposada ja cꞌo rjawaxic chique, in ma quipokonan ta quilixic ja kachꞌalal caniꞌ tre ja chꞌajoj cakan, in equitoꞌon ja quitijon rpokonal in congana quicꞌutun ja cutzil chiquewach ja winak.

1 Timoteo 5:25

In queriꞌ chique chakajaꞌ ja utzlaj tak winak, ecꞌoli chique ja ni kꞌalaj wiꞌ ja rutzil nqueban in ecꞌo juleꞌ chakajaꞌ ja ni majun nnabexi tok nqueban ja rutzil pro nerilaꞌ na jun kꞌij tok xquekꞌalajini.

1 Timoteo 6:18

Tabij chique chakajaꞌ chi ni tiquicꞌutuꞌ wiꞌ ja cutzil chiquewach winak. Tiquipokonaj quewach ja cꞌo rjawaxic chique, quequitoꞌoꞌ.

2 Timoteo 2:21

Ja wi cꞌo jun npartiꞌij riꞌ chi matuban ja ritzelal arjaꞌ noc jun ajsamajel ja nim rukꞌij, junan ruqꞌuin ja waꞌbal ja nimak rukꞌij. Arjaꞌ partiꞌin chi nuban ja samaj ja congana ncꞌatzin tre ja rajaw. Arjaꞌ ncowini nuban ja rutzil xa nak ta ja najoꞌx tre chi nuban.

2 Timoteo 3:17

Queriꞌ rcojic ja rtzobal Dios utzcꞌa ja rajsamajel xin Dios nojel nyataj tre utzcꞌa chi ncowini nuban ja rutzil xa nak ta ja najoꞌx tre chi nuban.

Tito 2:14

Kumal ajoj tok xujach riꞌ pa quekꞌaꞌ ja winak chi camsaxi, xokrutoꞌ chipan ja kil kamac utzcꞌa chi arjaꞌ nchꞌachꞌojirsaj ja kacꞌaslemal. Queriꞌ xuban utzcꞌa chi nokoc tinamit rxin utzcꞌa chi nel kacꞌuꞌx trij ja banoj utzil.

Tito 2:7

In atat chakajaꞌ rjawaxic chi ni nacꞌut wiꞌ jun utzlaj ejemplo chiquewach. Ja tok neꞌatijoj maxta rmal cꞌoli nawajoꞌ chewiꞌ tok neꞌatijoj in ni nayaꞌ wiꞌ rukꞌij ja tijonem ja nayaꞌ chique.

Tito 3:1

Tanataj chique ja kachꞌalal chi rjawaxic chi nqueban respetar ja gobierno in nequinimaj ja kꞌetol tak tzij. Xa nak ta ja rutzil ja nbix chique cumal tiquibanaꞌ pro nojel quecꞌuꞌx.

Tito 3:14

In chique ja kachꞌalal chakajaꞌ rjawaxic chi ncotakij chi nquecꞌut ja cutzil chiquewach ja winak in nequetoꞌ ja tok cꞌo rjawaxic chique. Ja wi queriꞌ nqueban jariꞌ cꞌoli neꞌoc wiꞌ.

Tito 3:8

Jawaꞌ ja xintzꞌibaj riꞌ ni katzij wiꞌ in congana rjawaxic tre ja quicꞌaslemal ja winak. Rmalcꞌariꞌ ja ngana anin ni ta nabij wiꞌ chique utzcꞌa chi ja kachꞌalal ni nquicanoj wiꞌ ja rutzil.

Hebreos 10:24

Kachꞌoboꞌ rij rwach nak nkaban ja xtikabanbej ta animar kiꞌ chi nkajobej más kiꞌ in nkacꞌutbej más ja rutzil.

Hebreos 13:21

Dios ta cꞌa xtiyoꞌ chewe chi nnoji nojel rwach ja rutzil pa tak ewanma utzcꞌa chi nixcowini neban ja rvoluntad, xtuyaꞌ ta chewe chi nsamaji ja Jesucristo pa tak ewanma chi rwinakarsaxic jeꞌe nak ja nel rucꞌuꞌx trij. Ni ta xtiyaꞌ wiꞌ rukꞌij camic, chwak in chijutij. Amén.

1 Pedro 2:12

Ja neban, tecꞌutuꞌ ja rewutzil chiquewach ja winak ja ma cotak ta rwach ja Dios. Ejeꞌeꞌ xa nquemol tzij chewij camic in nquibij chewe chi ix itzel tak winak pro nquetzꞌat na ja rutzil neban in rmalariꞌ ja tok nqueyaꞌ na rukꞌij ja Dios tok xturbanaꞌ jun nimlaj samaj chiquicojol.

1 Juan 1:7

Pro wi sakil cꞌayon kaxin caniꞌ tre ja Dios arjaꞌ ni pa sakil wiꞌ cꞌo wiꞌ, ja wi queriꞌ kabanon xcꞌa jun kabanon ariꞌ. Ja wi queriꞌ kabanon ja rquiqꞌuel ja Jesucristo ja Ralcꞌwal jariꞌ nchꞌachꞌojirsaj nojel ja kil kamac nkaban.

1 Juan 2:6

Ja wi cꞌo jun nbij chi arjaꞌ xa jun rbanon chic ruqꞌuin ja Jesucristo jariꞌ ni rjawaxic wiꞌ chi nrcꞌaj jun utzlaj cꞌaslemal ja caniꞌ rcꞌaslemal ja Jesucristo.