Efesios 2:1 - Tz'utujil (Ja Cꞌacꞌa Chominem)

¹ Ja cꞌa rixix nabey ixcamnak chipan ja rewil emac pro arjaꞌ xuyaꞌ jun cꞌacꞌa cꞌaslemal chewe.

Tz'utujil NT

¹ Ixix nabey ixcomnak chpam ewil emac per arja' xuya' jun c'ac'laj c'aslemal chewa.

Efesios 2:1 Iomraidhean Croise

San Mateo 8:22

In bix tre rmal ja Jesús: —Joꞌ cattreꞌ chwij, ja cꞌa re camnakiꞌ chwach Dios ejeꞌeꞌ na quemuku quixin ja necam jeꞌe chique, neꞌxi.

San Lucas 15:24

Queriꞌ ta cꞌa nkaban como camic xurkaji ja ncꞌajol ja rojer titzaki. Ja xinchꞌob anin camnak chic pro cꞌa cꞌas na ek, neꞌe ja tatixel. Cꞌacꞌariꞌ quemaj rbanic ja nmakꞌij.

San Lucas 15:32

Pro ja camic mta moda ja maquita nkaban jun nmakꞌij, mta moda ja maquita nokquicoti como camic xurkaji ja rachakꞌ leꞌ ja rojer titzaki. Ja xinchꞌob anin camnak chic pro cꞌa cꞌas na ek, neꞌe ja tatixel tre ja nabey winak. Queriꞌ ja cꞌambal tzij ja xbij ja Jesús chique ja fariseo e cachbil ja maestro.

San Juan 10:10

Ja ralakꞌom tok nbe cuqꞌuin ja tak carnelo bien rchꞌobonel chi neꞌerlakꞌajto, nercamsaj in neruyoj. Pro ja ranin inpenak cuqꞌuin nunyaꞌaꞌ jun cꞌacꞌa cꞌaslemal chique in ma ruyon tariꞌ pro nnoji chakajaꞌ jun nimlaj quicotemal chipan ja quicꞌaslemal.

San Juan 14:6

—Pro anin cꞌa ja rin bey, wqꞌuin anin niltaj wiꞌ nojelal ja ni katzij wiꞌ ja ni majun engaño rcꞌan in anin ninyowi ja utzlaj cꞌaslemal ja mta qꞌuisic trij. Mta jun nak ta xtekaj ta ruqꞌuin ja Tatixel ja maquita yukul rucꞌuꞌx wqꞌuin.

San Juan 5:21

Ja Tatixel neruyic camnakiꞌ in nuyaꞌ cꞌacꞌa cꞌaslemal chique in queriꞌ cꞌa nuban ja Ralcꞌwalaxel chakajaꞌ, arjaꞌ nuyaꞌ cꞌacꞌa cꞌaslemal chique ja winak xa nak ta chi winakil ja cꞌo rgana nuyaꞌ chique.

San Juan 5:25

Bien tecꞌwaxaj ja xtinbij chewe riꞌ, cꞌo jun tiempo nnakajinto, jariꞌ tiempo ni chwach chic okcꞌo wiꞌ riꞌ in chipan ariꞌ tiempo ja winak ja recamnak chwach ja Dios ejeꞌeꞌ nquicꞌaxaj na rukul ja Ralcꞌwal Dios. Ja necꞌaxani ja rukul ejeꞌeꞌ nyataj chique ja utzlaj cꞌaslemal.

Romanos 8:2

Ja poder rxin ja rEspíritu Santo jariꞌ inwasyonel libre. Jariꞌ Espíritu ja yoyon chake jun cꞌacꞌa cꞌaslemal kanojel ja xa jun kabanon ruqꞌuin ja Cristo Jesús in xcꞌa rmal ja poder rxin ja rEspíritu Santo chewiꞌ tok in libre chic pa rukꞌaꞌ ja il mac, in libre chic pa rukꞌaꞌ ja camíc.

1 Corintios 15:45

Caniꞌ tzꞌibtal can chipan ja rtzobal Dios quewaꞌ nbij riꞌ: —Ja tok winakarsaxi ja nabey achi rbinaꞌan Adán arjaꞌ yataj tre jun cꞌaslemal xin waweꞌ chwachꞌulew, neꞌe. Ja cꞌa tok peti ja Cristo ja qꞌuisbal Adán nokcheꞌ tre, arjaꞌ yataj tre chi ncowini nuyaꞌ cꞌaslemal pro jun cꞌacꞌa cꞌaslemal xin chilaꞌ chicaj.

2 Corintios 5:14

Queriꞌ nkaban como ja rajoben riꞌil xin Cristo jariꞌ nbano mandar kaxin. Como bien kotak chi ja Cristo cam pa kacuenta kanojelal tibij cꞌa tzij ariꞌ chi ajoj jun xokcam ruqꞌuin kanojelal.

Efesios 4:18

Ja quewiꞌ canma xa kꞌekumirnak, cꞌa nat cꞌo wiꞌ chique ja cꞌaslemal xin Dios. Nat cꞌo wiꞌ como matichꞌobtaj cumal janiꞌ rnaꞌoj ja Dios pro xa rumac ja congana e cow chewiꞌ tok queriꞌ quibanon.

Efesios 5:14

Xa chewiꞌ tok quewaꞌ rbin can ja Dios riꞌ: —Atat ja ratwarnak chipan ja kꞌekumal catcꞌasoji, catyictaj chipan ja camíc in ja Cristo arjaꞌ nsakirsaj ja rawanma, neꞌe.

Colosenses 2:13

Ja cꞌa rixix ixcamnak nabey chipan ja rewil emac, ma ixbanon ta circuncidar triꞌ pro cꞌa ewcꞌan na ja ritzelal, pro ja Dios arjaꞌ xuyaꞌ jun cꞌacꞌa cꞌaslemal chewe tokoriꞌ tok xucꞌas ja Cristo chiquicojol camnakiꞌ in xucuy ja rewil emac ewanojelal.

1 Timoteo 5:6

Pro ja malcaꞌn ja wi xa nuchꞌob ja quicotemal xin rwachꞌulew arjaꞌ camnak chwa Dios.

1 Juan 3:14

Ja wi matawajoꞌ awiꞌ jariꞌ atcamnak chwach ja Dios. Ja cꞌa rajoj nekajoꞌ ja kachꞌalal rmalcꞌariꞌ tok kotak chi ma okcamnak chi ta chwach ja Dios, kotak chi okkꞌaxnakpi chic chipan ja camíc in kawilon chic ja utzlaj cꞌaslemal ja mta qꞌuisic trij.

Apocalipsis 3:1

In xbij chic chwe: —Ja ángel ja nchajin rxin ja riglesia ja cꞌo Sardis quewaꞌ natzꞌibajel tre riꞌ: —Ja Jesucristo ja recꞌo wukuꞌ espíritu xin Dios ruqꞌuin ja recꞌo wukuꞌ chꞌumil pa rukꞌaꞌ quewaꞌ nbij tre ja riglesia riꞌ: —Anin bien wotak ja rebanon, ja nixtzꞌati ix jun iglesia ixcꞌasli pro ja chwach Dios ix jun iglesia ixcamnak.