Efesios 1:9 - Tz'utujil (Ja Cꞌacꞌa Chominem)

⁹ Arjaꞌ rkꞌalasan chic chikawach ja rchominto ojer ja xa wawan chikawach nabey. Como nijawariꞌ ja rvoluntad chewiꞌ tok xuban queriꞌ.

Tz'utujil NT

⁹ Arja' rk'alsan chic chkawech je rchumin ta ojer je xwiwan chkawech nabey. Com njawara' nrajo' ranm rmal c'ara' tak xuban cara'.

Efesios 1:9 Iomraidhean Croise

San Mateo 13:11

Ja cꞌa Jesús arjaꞌ xbij chique: —Ja rixix yatajnak chewe chi newotakij nak rbanic ja rawatal jeꞌe tre ja gobierno xin chilaꞌ chicaj pro ja chique ja juleꞌ chic winak leꞌ ejeꞌeꞌ ma yatajnak ta chique.

San Lucas 12:32

Ixix ix caniꞌ jun ti moc tak carnelo pro ma texbej ta ewiꞌ como ja retataꞌ Dios arjaꞌ rchomin chic chi nixrucoj chipan ja gobierno rxin.

San Lucas 2:14

—Ja camic janila majtajnak chic ryaꞌic rukꞌij ja Dios chilaꞌ chicaj in ja waweꞌ chwachꞌulew cꞌo chic ja quicotemal, cꞌo chic ja rutzil xin Dios cuqꞌuin ja winak, necheꞌe.

Hechos 13:48

Ja cꞌa ma e aj Israel ta tok quicꞌaxaj ja xbij ja Pablo janila xequicot rmal in congana queyaꞌ rukꞌij ja rtzobal Dios. Ecꞌo juleꞌ chique yukeꞌ quecꞌuꞌx ruqꞌuin ja Jesucristo. Queriꞌ queban canojel ja rechaꞌon rmal ja Dios chi nquewil ja utzlaj cꞌaslemal ja mta qꞌuisic trij.

Hechos 2:23

Ja Dios xuyaꞌ lugar chewe chi xecamsaj ja Jesús como xejach pa quekꞌaꞌ ja winak ja ma cotakin ta ja rtzobal Dios in ejeꞌeꞌ querip chwach cruz. Ja Dios ni rotak wiꞌ ojer chi ja Jesús nja̱ch na pa quekꞌaꞌ ja netzelan rxin como arjaꞌ ni rchominto wiꞌ ojer chi niquirwariꞌ nba̱n tre.

Hechos 4:28

Ja queban nij achominto wiꞌ ojer chi nbantaj na.

Romanos 11:25

Wachꞌalal, cꞌoli ja ma kꞌalasan ta nabey pro ja camic Dios rkꞌalasan chic in ja kas nwajoꞌ chewe chi nchꞌobtaj emwal nak rbanic. Kas ta xtichꞌobtaj emwal jawaꞌ wariꞌ utzcꞌa chi matewinakarsaj juleꞌ enaꞌoj ixix eyon in xteyaꞌ ta ekꞌij rmal. Quewaꞌ rbanic ja rkꞌalasan ja Dios riꞌ. Ja tinamit Israel masqui juleꞌ chique congana e cow masqui congana nquechꞌaꞌ ja totajem ja rcꞌamonto ja Jesucristo pro nerilaꞌ na jun kꞌij ja tok xtitotaji ja tinamit Israel pro ni chi jun. Pro cꞌa tokocꞌariꞌ xtibantaj cumplir ja wariꞌ ja tok xquetzꞌakati canojelal ja ma e aj Israel ta ja majaꞌn tiyukeꞌ quecꞌuꞌx ruqꞌuin ja Jesucristo. Pro ja tinamit Israel can ntotaj na caniꞌ tzꞌibtal can chipan ja rtzobal Dios, quewaꞌ nbij ja Dios riꞌ: —Cꞌo jun Toꞌonel ja nwinakar na chipan ja tinamit Sión, arjaꞌ nuchup nojel ja ma utz ta ja quibanonto ja tinamit Israel.

Romanos 8:28

Ja cꞌa rajoj bien kotak chi ja Dios nsamaj chipan xa nak ta nkawil jeꞌe chipan ja kacꞌaslemal, arjaꞌ nchomarsaj nojelal ja nkawil utzcꞌa chi cꞌol utzil rcꞌamonto chake. Queriꞌ nuban chake ja wi nkajoꞌ ja Dios in wi oksiqꞌuin rmal chi kawilon ja totajem ja rchomarsanto ojer.

1 Corintios 1:21

Queriꞌ xuban ja Dios, congana xucoj ja rnaꞌoj como arjaꞌ ni rchominto wiꞌ chi mta moda xtawotakij ta nak rbanic ja Dios ja xta anaꞌoj atat ayon xtacoj chi rotakixic. Rmalcꞌariꞌ tok xuyaꞌ ajoj chake chi nkayaꞌ rbixic ja Jesucristo chique ja winak in tok nkayaꞌ rbixic chique jariꞌ nertobej ja nyukeꞌ quecꞌuꞌx ruqꞌuin pro ja cꞌa winak ja matiyukeꞌ quecꞌuꞌx ruqꞌuin ejeꞌeꞌ xa pa tzꞌanem nquecoj wiꞌ.

Gálatas 1:12

como ma jun winak ta bin chwe in ma xintijox ta na tre chakajaꞌ, ja Jesucristo arjaꞌ kꞌalasan chinwach.

Gálatas 1:15

Pro ja cꞌa Dios tok xerilaꞌ ja tiempo ja rchꞌobon chwij arjaꞌ xkꞌalasaj chinwach janiꞌ rnaꞌoj ja Jesucristo ja Ralcꞌwal utzcꞌa chi anin xtinyaꞌ rbixic ja Ralcꞌwal chique ja winak ja ma e aj Israel ta. Arjaꞌ nij inrchaꞌonto wiꞌ ja tok majaꞌn quinalaxi in xa rmal ja rutzil ja xincochij tre chewiꞌ tok xinrsiqꞌuij chi nban jawaꞌ samaj riꞌ. Ja cꞌa tok kꞌalasax chinwach nak rbanic ja Ralcꞌwal Dios ni majun winak xinbe ta ruqꞌuin xincꞌwaxaj ta razón tre nak rbanic como jariꞌ kꞌalasan chic chinwach rmal ja Dios.

Efesios 1:11

In chakajaꞌ como xa jun kabanon ruqꞌuin ja Jesucristo chewiꞌ tok cꞌo jun herencia xin Dios ja yatajnak chake. Ja Dios ni rchominto wiꞌ ojer chi nuyaꞌ chake ja herencia, nijawariꞌ rchꞌobonto chakij. Xa nak ta ja nbantaj jeꞌe mta ariꞌ ja maquita nsamaji ja Dios chipan chi rbanic cumplir ja rvoluntad arjaꞌ.

Efesios 1:8

Janila jun nimlaj utzil rsipan chake in rmalariꞌ tok nokcowini nkachꞌob nojel ja nimak tak naꞌoj xin Dios in nokcowini nkachꞌob nak rjawaxic chi nkaban.

Efesios 3:11

Ja Dios ni rchominto wiꞌ ojer chi nuban jawaꞌ ja nmajon rbixic chewe riꞌ, jawaꞌ ni rchominto wiꞌ ja tok majaꞌn titzꞌucarsaj ja rwachꞌulew. Ja cꞌa tok xutakto ja kajaw Jesucristo waweꞌ chwachꞌulew tokoriꞌ xurbantaj cumplir ja rchominto ojer.

1 Timoteo 3:16

Ni katzij wiꞌ chi congana nim rukꞌij ja rkꞌalasan chikawach ja Dios tre nojel ja rcꞌamonto ja Jesucristo. Quewaꞌ ja rkꞌalasan chikawach riꞌ. Ja Dios qꞌuejeꞌ waweꞌ chwachꞌulew, xoc kach winak. Kꞌalasax rmal ja rEspíritu Santo chi ni katzij wiꞌ nojel ja xbij tok qꞌuejeꞌ waweꞌ. In tzꞌat cumal ja ángel. Yaꞌ rbixic chique ja winak pa tak nación jeꞌe. In ecꞌoli chique ja winak nojel rwachꞌulew quinimaj. In joteꞌ pa gloria chilaꞌ chicaj. Queriꞌ ja rkꞌalasan chikawach ja Dios.

2 Timoteo 1:9

Ja Dios arjaꞌ xokrutoꞌ, xokruchaꞌ chi nkaban ja nrajoꞌ chake chi nkaban pro ma rmal ta chi cꞌo ta kachꞌecbej tok xuban queriꞌ chake, xa rmal ja rchomarsanto ojer in rmal ja rutzil arjaꞌ tok xuyaꞌ chake. Jariꞌ nij ojer wiꞌ rchomarsanto ja tok majaꞌn titzꞌucarsaj ja rwachꞌulew tok xchomarsaj chi nutakto ja Cristo Jesús chi katoꞌic.