Efesios 1:8 - Tz'utujil (Ja Cꞌacꞌa Chominem)

⁸ Janila jun nimlaj utzil rsipan chake in rmalariꞌ tok nokcowini nkachꞌob nojel ja nimak tak naꞌoj xin Dios in nokcowini nkachꞌob nak rjawaxic chi nkaban.

Tz'utujil NT

⁸ Ajni'la jun nimlaj utzil rsipan chka y rmal c'ara' tak nokocwina nkach'ob njelal nmak tak na'oj rxin Dios y nokocwina nkach'ob nak nc'atzina je nkaban.

Efesios 1:8 Iomraidhean Croise

San Mateo 11:19

In xinpi chic anin ja rin Alcꞌwalaxel ja xinoc alaxic cuqꞌuin ja winak, xinwaꞌ cuqꞌuin ja winak in cꞌoli vino xintij in rmalariꞌ bix chwe cumal ja winak chi xa in mun in xa in tijol vino in xa e wamigo ja molol tak impuesto e cachbil ja juleꞌ chic ajmaquiꞌ. Pro ja cꞌa ralcꞌwal Dios ejeꞌeꞌ bien chꞌobtajnak cumal chi ja Juan Bautista rnaꞌoj Dios ja nucoj in queriꞌ chwe anin rnaꞌoj Dios ncoj chakajaꞌ. Queriꞌ xbij chique ja winak.

Romanos 11:33

Janila nim ja rchominto jeꞌe ja Dios, congana ja rutzil ryaꞌon chake, congana xucoj rnaꞌoj, ni majun ja maquita rotak. Ni majun nak ta cowinnak ta rkꞌiꞌon ta nojel ja rnaꞌoj, ni majun nak ta cowinnak ta rchꞌobon ta nojel ja nuban jeꞌe.

Romanos 5:15

Pro ja totajem ja nsipaj ja Cristo jariꞌ más chi na samaji chwach ja il mac ja xuban ja rAdán. Congana samaji ja il mac ja xuban jun achi in congana e qꞌuiy ja winak ecamnak rmal. Pro más chi na samaji ja totajem ja nacochij tre ja Dios, más chi na samaji ja rutzil ja nsipaj chawe ja jun chic achi rbinaꞌan Jesucristo in congana e qꞌuiy ja winak etotajnak rmal.

1 Corintios 2:7

Pro ja nimak tak naꞌoj ja nkachꞌob chiquewach ja kachꞌalal jariꞌ naꞌoj xin Dios, juleꞌ naꞌoj ja ma kꞌalasan ta nabey, awatal chiquewach winak. Jawaꞌ nimak tak naꞌoj riꞌ ni rchꞌobonto chi wiꞌ ja Dios ja tok majaꞌn titzꞌucarsaj ja rwachꞌulew, ni rchominto chi wiꞌ chi nuyaꞌ na chake chi nkucꞌaj na jun cꞌaslemal ja congana nim rukꞌij ja caniꞌ rcꞌaslemal arjaꞌ.

Efesios 1:11

In chakajaꞌ como xa jun kabanon ruqꞌuin ja Jesucristo chewiꞌ tok cꞌo jun herencia xin Dios ja yatajnak chake. Ja Dios ni rchominto wiꞌ ojer chi nuyaꞌ chake ja herencia, nijawariꞌ rchꞌobonto chakij. Xa nak ta ja nbantaj jeꞌe mta ariꞌ ja maquita nsamaji ja Dios chipan chi rbanic cumplir ja rvoluntad arjaꞌ.

Efesios 1:7

Ja tok xa jun kabanon ruqꞌuin ja Jesucristo jariꞌ okwasanel chic libre pa rukꞌaꞌ ja il mac como arjaꞌ xutoj ja kil kamac tre ja rquiqꞌuel. Ja tok xa jun kabanon ruqꞌuin jariꞌ cuytajnak chic ja kil kamac. Ja Dios tok xuban queriꞌ chake jariꞌ caniꞌ jun nimlaj mebaꞌil xsipaj chake.

Efesios 1:9

Arjaꞌ rkꞌalasan chic chikawach ja rchominto ojer ja xa wawan chikawach nabey. Como nijawariꞌ ja rvoluntad chewiꞌ tok xuban queriꞌ.

Efesios 3:10

Queriꞌ xuban ja Dios utzcꞌa chi ja lokꞌlaj tak ángel ja recꞌo chilaꞌ chicaj ejeꞌeꞌ nkꞌalasax chic chiquewach ja nimak tak naꞌoj xin Dios ja xucoj ja Dios chi rbanic cumplir ja rchominto ojer chi nuban pro kumal ajoj ja rok iglesia tok necowini ja ángel nquechꞌob ja wariꞌ.

Colosenses 2:3

Ruqꞌuin ja Cristo nkawil wiꞌ ja naꞌoj xin Dios pro ni nojelal, ruqꞌuin arjaꞌ nkawil wiꞌ nojelal ja nrajoꞌ ja Dios chake chi nkotakij jariꞌ caniꞌ jun nimlaj mebaꞌil nkawil. Pro solo ruqꞌuin ja Cristo nkawil wiꞌ.

Judas 1:25

Xa ruyon arjaꞌ Dios, mchita jun. Ni majun nkꞌiꞌowi ja rnaꞌoj, arjaꞌ Toꞌonel kaxin. Ni ta xtiyaꞌ wiꞌ rukꞌij, ni ta xtinatax wiꞌ chi arjaꞌ nimlaj Rey, ni ta arjaꞌ wiꞌ xtibano mandar in ni ta xtinatax wiꞌ ja nimlaj poder ja cꞌo pa rukꞌaꞌ. Ni ta quirwariꞌ xtiban tre camic, chwak in chijutij. Amén.

Apocalipsis 5:12

quimajon rakic quechiꞌ in quewaꞌ nquibij riꞌ: —Ja Carnelo ja camsaxi arjaꞌ ni yatal wiꞌ tre chi nkanataj nak rbanic. Caniꞌ tre ja nimlaj poder ja cꞌo pa rukꞌaꞌ, in caniꞌ tre ja nimlaj mebaꞌil ja cꞌo ruqꞌuin, in caniꞌ tre ja rnaꞌoj janila nim, in caniꞌ tre ja nimlaj rchokꞌakꞌ. Ni yatal wiꞌ tre chi nkaban respetar in nkayaꞌ rukꞌij in nkabij utzlaj tak tzij tre. Queriꞌ nquibij ja ángel.