Efesios 1:6 - Tz'utujil (Ja Cꞌacꞌa Chominem)

⁶ Queriꞌ xuban chake utzcꞌa chi nkatzꞌat chi janila nim rukꞌij ja rutzil ja nsipaj chake utzcꞌa chi nkayaꞌ rukꞌij rmal. Rmal cꞌa ja rutzil ja nsipaj chake tok xokrucꞌul. Como xa jun kaban ruqꞌuin ja Jesucristo ja chakꞌlaj Ralcꞌwal chewiꞌ tok xokrucꞌul.

Tz'utujil NT

⁶ Cara' xuban chka ch-utz c'ara' che nkatz'et che ajni'la nim ruk'ij utzil je nsipaj chka ch-utz c'ara' che nkaya' ruk'ij rmal. Rmal c'a utzil je nsipaj chka tak xokruc'ul. Com xjun xkaban ruq'uin Jesucristo jquilaj Rlec'wal rmal c'ara' tak xokruc'ul.

Efesios 1:6 Iomraidhean Croise

San Mateo 17:5

Cꞌa rmajon na tzij ja Pedro tok chaka jalal cꞌo juleꞌ sutzꞌ congana ruchꞌaꞌ xermujaj in cꞌo jun kulaj tzijonto chipan, quewaꞌ xbij chique riꞌ: —Jawaꞌ wariꞌ jawaꞌ chakꞌlaj Walcꞌwal, congana ninquicot trij, teyaꞌaꞌ ewxquin tre nak ja nbij arjaꞌ chewe, neꞌe.

San Mateo 20:9

Ja xeꞌurkaji pa rqꞌuisbal ja ra las cinco chi la xeꞌurkaji, ja tok xepeti jujun quetzal ja yaꞌ chique.

San Mateo 3:17

In cꞌo jun kulaj penak chilaꞌ chicaj cꞌaxaxi, quewaꞌ xbij riꞌ: —Jawaꞌ wariꞌ jawaꞌ chakꞌlaj Walcꞌwal, congana ninquicot trij, neꞌe ja kulaj xin Dios.

San Lucas 2:14

—Ja camic janila majtajnak chic ryaꞌic rukꞌij ja Dios chilaꞌ chicaj in ja waweꞌ chwachꞌulew cꞌo chic ja quicotemal, cꞌo chic ja rutzil xin Dios cuqꞌuin ja winak, necheꞌe.

San Juan 10:17

Como anin matinpokonaj nincam pa quicuenta ja tak ncarnelo chewiꞌ tok ninrajoꞌ ja Tatixel. Anin nyaꞌ wiꞌ pa camíc cumal in nincꞌastaj chi na chipan ja camíc.

San Juan 3:35

Ja Ralcꞌwalaxel janila najoꞌx rmal ja Tatixel in ni majun nak ta ja maquita jachon pa rukꞌaꞌ rmal.

Romanos 8:1

Rmalcꞌariꞌ nbij chewe, ja camic chic kanojel ja xa jun kabanon ruqꞌuin ja Cristo Jesús okwasanel chic libre chipan ja kil kamac in ma xkorutakel ta ja Dios chipan ja nimlaj rpokonal. Ajoj cꞌariꞌ ja matikayaꞌ chic rgana ja tzabuklaj cꞌaslemal kucꞌan pro ja nkayaꞌ chic rgana ja rEspíritu Santo chi arjaꞌ nsamaj pa tak kacꞌaslemal.

2 Corintios 4:15

Queriꞌ nbij chewe como nojel ja noktajini nokkꞌax chipan camic utzcꞌa chi cꞌoli rcꞌamonpi ixix chewe. Queriꞌ nkaban utzcꞌa ja rutzil ja nsipaj ja Dios jariꞌ nbe más nbe más cuqꞌuin ja winak in tok nbe más cuqꞌuin jariꞌ más chi na e qꞌuiy nemaltioxin tre ja Dios in nojel ariꞌ noqui como yaꞌbal rukꞌij ja Dios.

2 Corintios 5:21

Quirtariꞌ neban jutzꞌit como ja Dios arjaꞌ trij ja Cristo xuyaꞌ wiꞌ ja kil kamac ja rok winak pro kumal ajoj tok xuban queriꞌ tre como ja Cristo ni majun ril rumac arjaꞌ. Queriꞌ xuban utzcꞌa tok xa jun kabanon ruqꞌuin ja Cristo jariꞌ utz chic nokrutzꞌat in nuban chic chake caniꞌ mta kil kamac kabanon.

Efesios 1:12

Quewaꞌ nrajoꞌ ja Dios riꞌ, chi ajoj ja kayben ja Cristo nabey nokoc ok yaꞌbal rukꞌij ja Dios.

Efesios 1:14

Como cꞌo chic ja rEspíritu Santo pa tak kanma rmalcꞌariꞌ tok cꞌo kaseguro chi ja Dios nuyaꞌ na chake nojelal ja herencia ja rtzujun chake tokoriꞌ tok xkoꞌel libre chijutij ja rok tinamit xin Dios ja roklokꞌon rmal. Queriꞌ cꞌa rchominto ja Dios utzcꞌa chi nkayaꞌ rukꞌij rmal.

Efesios 1:18

Ja nwajoꞌ anin chewe kas ta xtijaktaji chi utz ja rewiꞌ ewanma utzcꞌa chi nixcowini nechꞌob nak rbanic nojel ja rewayben ja rtzujun chewe ja Dios in ixrsiqꞌuin chi neꞌewilaꞌ na. Kas ta xtichꞌobtaj emwal nak rbanic ja herencia xin Dios ja nyataj chake ja rok tinamit xin Dios, pro jun herencia janila nim rukꞌij, caniꞌ jun nimlaj mebaꞌil ja nyataj chake.

Efesios 2:7

Queriꞌ cꞌa xuban chake utzcꞌa ja winak ja majaꞌn queqꞌuejeꞌ chipan awaꞌ tiempo ja rokcꞌo wiꞌ riꞌ ejeꞌeꞌ tok xqueqꞌuejeꞌ na chwachꞌulew jariꞌ bien nchꞌobtaj cumal ja rutzil ja xuban chake, bien nchꞌobtaj cumal chi ja Dios congana jun nimlaj utzil nsipaj chawe ja tok xa jun naban ruqꞌuin ja Cristo Jesús.

Filipenses 1:11

Kas ta xtinoji pa tak ewanma nojel rwach ja rutzil xin Dios ja nyataj chake rmal ja Jesucristo, kas ta xtiyaꞌ rukꞌij ja Dios cumal winak emwal.

Filipenses 3:9

Anin nyaꞌon can nojelal utzcꞌa chi ni mta wiꞌ ja maquita jun kabanon ruqꞌuin ja Cristo utzcꞌa chi utz ninrutzꞌat ja Dios pro ma rmal ta ja nbanon cumplir ja tzꞌibtal chipan ja ley pro rmal ja yukulbal nucꞌuꞌx ruqꞌuin ja Jesucristo. Jariꞌ Dios nsipan chake in rmal ja yukulbal kacꞌuꞌx ruqꞌuin ja Jesucristo chewiꞌ tok nuyaꞌ chake.

Filipenses 4:19

Ja nataꞌ Dios arjaꞌ nuyaꞌ na chewe ixix chakajaꞌ xa nak ta ja ncꞌatzin chewe como más kꞌaxnak chi na ja rmebaꞌil ja nuyaꞌ chawe tok xa jun abanon ruqꞌuin ja Cristo Jesús.

Colosenses 1:13

Arjaꞌ xokrutoꞌ pa rukꞌaꞌ ja kꞌekumal in xokrucoj chic chipan ja gobierno xin Jesucristo ja chakꞌlaj Ralcꞌwal.

1 Pedro 2:5

Ix sacerdote rxin ja Dios jariꞌ samaj yatajnak chewe utzcꞌa chi cꞌoli sacrificio ja netzujuj chwach ja Dios. Ja sacrificio netzujuj chwach jariꞌ ja rewutzil ja nwinakarsax pa tak ewanma rmal ja rEspíritu Santo. Jariꞌ netzujuj chwach pa rubiꞌ ja Jesucristo in rmalariꞌ tok utz nutzꞌat ja sacrificio ja netzujuj in nucꞌam chewe.

1 Pedro 2:9

Pro ja rixix ix tinamit rxin ja Dios, ixchaꞌon rmal. Arjaꞌ xixrpartiꞌij chi neban ja rsamaj. Ix sacerdote rxin ja nimlaj Rey ja cꞌo chilaꞌ chicaj. Jariꞌ samaj yatajnak chewe utzcꞌa chi neyaꞌ rbixic ja nimlaj samaj ja rbanon ja katataꞌ Dios. Kas turkaj chewe chi arjaꞌ lasan ewxin chipan ja kꞌekumal in camic ixrcojon chic pa rcuenta arjaꞌ pa jun nimlaj sakil.

1 Pedro 4:11

Ecꞌoli chewe quicochin tre ja Dios chi necowini nqueyaꞌ mensaje, kas turkaj chique chi rtzobal Dios ja nquecoj, ma quinaꞌoj ta winak ja nquecoj. In chakajaꞌ ecꞌoli ja yatajnak chique chi necowini nequetoꞌ winak, kas turkaj chique chi ja Dios arjaꞌ yoyon chique chi necowini nequetoꞌ. Rmal ja Jesucristo chewiꞌ tok qꞌuiy rwach ja yatajnak chewe ja recochin tre ja Dios, tebanaꞌ cꞌa nojelal chi nyabex rukꞌij. Ni ta xtiyaꞌ wiꞌ rukꞌij, ni ta xtinatax wiꞌ chi pa rukꞌaꞌ cꞌo wiꞌ nojelal camic, chwak in chijutij. Amén.