Efesios 1:4 - Tz'utujil (Ja Cꞌacꞌa Chominem)

⁴ Ja tok majaꞌn titzꞌucarsaj ja rwachꞌulew tokoriꞌ xokruchaꞌto como bien rotakpi chic chi nkaban na jun ruqꞌuin ja Jesucristo. Xokruchaꞌto utzcꞌa chi noc na chake ja mero cꞌaslemal xin Dios utzcꞌa chi ni majun nak ta nokchapbexi ja tok nokqꞌuejeꞌ chwach.

Tz'utujil NT

⁴ Tak q'uemjana twankera rwech ruch'lew okrech-on pchic com bien rutkin che nkaban na jun ruq'uin Jesucristo. Xokrucha' ta ch-utz c'ara' nok-oca ch'ajch'oj y majo'n achnak nokchapbexa tak nokoc'je'a chwech.

Efesios 1:4 Iomraidhean Croise

San Mateo 24:22

Xarwariꞌ, xa pajtali ja rtiempo. Ja cꞌa wixta maquita pajtali ja rtiempo ni ta majun winak xtutoꞌ ta riꞌ chipan. Pro cumal ja winak ja rechaꞌon rmal ja Dios chewiꞌ tok pajtali ja rtiempo.

San Mateo 24:24

Queriꞌ nbij chewe como ecꞌoli winak ja nepi na, juleꞌ xtiquecoj quiꞌ chi e Cristo in juleꞌ xtiquecoj quiꞌ chi e profeta xin Dios pro ma katzij ta ja nquibij. Ejeꞌeꞌ cꞌo nimak tak milagro xtiqueban, jutzꞌit laj nequeban engañar ja winak ja rechaꞌon rmal ja Dios pro jariꞌ mta moda xquequechꞌec ta.

San Mateo 24:31

Cꞌo cꞌa jun trompeta ncꞌaxax na congana nim rukul, jariꞌ nertakbejel ja ángel rxin chi nebe, neꞌequimoloꞌ ja winak ja rechaꞌon rmal pro nojel rwachꞌulew nebe wiꞌ chi quimolic, mta ja maquita xqueꞌekaj wiꞌ chi quimolic.

San Mateo 25:34

Ja cꞌa recꞌo pa riquikꞌaꞌ quewaꞌ xtibij chique riꞌ: —Ixix utz ixtzꞌaton rmal ja nataꞌ Dios, camic quixajoꞌ cꞌa, quixoc chipan ja gobierno xin chilaꞌ chicaj, jariꞌ ja herencia ewxin chominto ojer ja tok majaꞌn titzꞌucarsaxi ja rwachꞌulew.

San Juan 10:16

In chakajaꞌ ecꞌo chi na juleꞌ tak ncarnelo ja ma ecꞌo ta chipan awaꞌ corral riꞌ. Jariꞌ neꞌencꞌamaꞌ na, ja cꞌa tok xtiquicꞌaxaj ja nukul ejeꞌeꞌ nqueyaꞌ caso chwe in xa jun moc xtinban chique canojelal in xa jun ajyukꞌ nyukꞌun quixin.

San Juan 15:16

Ma ixix ta xixcanon wxin, ja xinban, anin xincanon ewxin chi xixoc apóstol, xinbij chewe chi nixbe nebanaꞌ ja nsamaj. Queriꞌ xinban chewe utzcꞌa chi ja samaj ja nebanaꞌ cꞌoli ja rutzil xin Dios nwachij utzcꞌa chi ja rutzil ja newachij jariꞌ mta qꞌuisic trij. Queriꞌ rbanic utzcꞌa ja Tatixel arjaꞌ nuyaꞌ na chewe xa nak ta necꞌutuj tre ja wi yukul ecꞌuꞌx wqꞌuin chi rcꞌutuxic.

San Juan 17:24

Nataꞌ, ja winak ja reꞌayaꞌon chwe cꞌo ngana chi triꞌ neꞌeqꞌuejeꞌ wiꞌ ja bar xquineqꞌuejeꞌ wiꞌ anin. Queriꞌ nwajoꞌ chique utzcꞌa chi necowini nquetzꞌat ja nimlaj gloria xin Dios wcꞌan ja caniꞌ ayaꞌon chwe. Como atat nij inawajoꞌonto wiꞌ ja tok majaꞌn titzꞌucarsaxto ja rwachꞌulew.

Hechos 13:48

Ja cꞌa ma e aj Israel ta tok quicꞌaxaj ja xbij ja Pablo janila xequicot rmal in congana queyaꞌ rukꞌij ja rtzobal Dios. Ecꞌo juleꞌ chique yukeꞌ quecꞌuꞌx ruqꞌuin ja Jesucristo. Queriꞌ queban canojel ja rechaꞌon rmal ja Dios chi nquewil ja utzlaj cꞌaslemal ja mta qꞌuisic trij.

Hechos 15:18

Queriꞌ nbij ja kajaw Dios in jariꞌ ni rkꞌalasanto wiꞌ ojer. Queriꞌ nbij ja rtzobal Dios, neꞌe ja Jacobo chique. In xbij chic chique:

Hechos 18:10

como anin incꞌol awqꞌuin in majun nak ta xtichapo ta awxin xtibano ta pokon chawe. E qꞌuiy ja raj Corinto ja nyukeꞌ na quecꞌuꞌx wqꞌuin, neꞌxi ja Pablo.

Romanos 8:33

¿La cꞌo ta cꞌa jun xticowini xterbij ta tre ja Dios ja kil kamac kabanon ja rokchaꞌon rmal ja Dios? Ni majun como arjaꞌ mismo Dios banyon chake caniꞌ mta kil kamac kabanon.

1 Corintios 1:8

Ja Dios arjaꞌ ni mta wiꞌ ja maquita xtiqꞌuejeꞌ ewqꞌuin maquita xtuyaꞌ chewe chi cow nixpeꞌi. Queriꞌ nuban chewe utzcꞌa chi majun nak ta xquixchapbexi ja tok xtipi chic jutij ja kajaw Jesucristo.

Gálatas 5:13

Queriꞌ nbij chewe wachꞌalal como ja Dios xixrsiqꞌuij chi nixqꞌuejeꞌ libre. Pro ma ruqꞌuin ta ja rix libre ja chaka ta nojel ta xteban ja cꞌol egana neban. Pro ja cꞌa neban, tetoꞌoꞌ ewiꞌ chibil tak ewiꞌ pro ruqꞌuin ta ja rajoben riꞌil xin Dios.

Gálatas 5:22

Pro ja rEspíritu Santo quewaꞌ nwachij pa tak kacꞌaslemal riꞌ, nkajoꞌ kiꞌ, cꞌoli ja quicotemal xin Dios pa tak kanma, mta chꞌaꞌoj nkaban, cꞌo kapaciencia, cꞌo jun quiꞌlaj anma kucꞌan, nkatoꞌ kiꞌ chibil tak kiꞌ, nkaban cumplir ja nkatzujuj,

Gálatas 5:6

Ja tok xa jun naban ruqꞌuin ja Cristo Jesús jariꞌ macatrutoꞌ ja natban circuncidar in macatrutoꞌ chakajaꞌ ja macatban circuncidar. Pro ja ntoꞌo awxin jariꞌ tok nyukeꞌ acꞌuꞌx ruqꞌuin ja Jesucristo, tok nsamaji ja yukulbal acꞌuꞌx chi rwinakarsaxic ja rajoben riꞌil xin Dios pan acꞌaslemal.

Efesios 2:10

Queriꞌ nbij chewe como ja utzlaj cꞌaslemal ja kucꞌan camic Dios winakarsyon, ma ajoj ta como arjaꞌ xuyaꞌ jun cꞌacꞌa cꞌaslemal chake, tokoriꞌ xuyaꞌ chake ja tok xa jun kaban ruqꞌuin ja Cristo Jesús. Xuyaꞌ jun cꞌacꞌa cꞌaslemal chake utzcꞌa chi nkaban chic ja rutzil pro juleꞌ utzil ja ni rchominto wiꞌ ojer chi nkaban.

Efesios 3:17

Ni ta xtiyukeꞌ wiꞌ ecꞌuꞌx ruqꞌuin ja Cristo in rmaltariꞌ ni ta xtiqꞌuejeꞌ wiꞌ ja Cristo pa tak ewanma. Ja wi queriꞌ neban jariꞌ nixtiqueꞌe chi utz chipan ja rajoben riꞌil xin Dios caniꞌ rbanic jun cheꞌ ja nat benak ja rcꞌamal pa tokꞌulew in caniꞌ rbanic jun jay ja bien tzꞌubul parwiꞌ ja rsimientoꞌil.

Efesios 4:2

Maxta kas ix nimak tenaꞌ kaj, xa nak ta ja newil chipan ja recꞌaslemal teyaꞌaꞌ pa rukꞌaꞌ ja Dios, tiqꞌuejeꞌe ja repaciencia in tok chaka jalal neban ofender ewiꞌ tecochꞌoꞌ pro ruqꞌuin ta ja rajoben riꞌil.

Efesios 5:2

In tewajoꞌ ewiꞌ caniꞌ xuban ja Cristo chake como arjaꞌ xokrajoꞌ, xuyaꞌ riꞌ pa camíc kumal. Ja tok cam pa kacuenta ja Cristo jariꞌ jun ofrenda, jun sacrificio chwach ja Dios in xel rucꞌuꞌx ja Dios trij.

Efesios 5:27

Queriꞌ xuban chake utzcꞌa chi congana nuban rbanic ja kanma utzcꞌa chi kas rwekon riꞌ ja kanma ja tok xkoꞌekaj chwach pro ni bien chꞌajchꞌoj in ni majun itzelal rcꞌan. Queriꞌ nuban ja Cristo chake ja rok iglesia utzcꞌa chi ajoj nkucꞌaj ja cꞌaslemal xin Dios utzcꞌa chi ni majun nak ta nokchapbexi.

Filipenses 2:15

Queriꞌ nbij chewe utzcꞌa chi ni katzij wiꞌ chi ix ralcꞌwal Dios nixtzꞌati utzcꞌa chi majun nak ta nixchapbexi in ni chꞌajchꞌoj wiꞌ ja rewanma. Quirtariꞌ neban jutzꞌit utzcꞌa chi mta ja ritzelal pa tak ecꞌaslemal ixix masqui ixcꞌo chiquicojol juleꞌ winak ja xa yojtajnak quinaꞌoj, juleꞌ winak ja congana itzel quicꞌaslemal. Pro ja rixix ix caniꞌ jun luz ja nsakirsan quebey chiquewach chipan ja kꞌekumal

Colosenses 1:22

xutakto ja Ralcꞌwal chi xoc kach winak in cam pa kacuenta. Queriꞌ xuban utzcꞌa chi congana nuban rbanic ja rewanma utzcꞌa kas rwekon riꞌ ja rewanma ja tok nixekaj chwach, mero cꞌaslemal xin Dios ewcꞌan triꞌ, ni majun falta chewe in ni majun nak ta nixchapbexi.

Colosenses 2:2

Nmajon rbanic jun lucha utzcꞌa chi bien nquexim quiꞌ chipan ja rajoben riꞌil xin Dios in rmaltariꞌ ncowir quewiꞌ canma chipan ja utzlaj tzij xin Jesucristo. Ja kas nwajoꞌ chique, kas ta nqꞌuejeꞌe ja quiseguro, kas ta nchꞌobtaj cumal nak rbanic ja rkꞌalasan chic ja katataꞌ Dios chikawach jariꞌ caniꞌ jun nimlaj mebaꞌil nuyaꞌ chake como arjaꞌ rkꞌalasan chic chikawach nak rbanic ja Cristo.

Colosenses 3:12

Rmalcꞌariꞌ nbij chewe, como ixchaꞌon rmal ja Dios, como ix rxin chic ja Dios in congana nixrajoꞌ tepokonaj quewach ja winak, tebanaꞌ ja rutzil chique, maxta teyaꞌ ekꞌij chiquewach, xa nak ta ja newil chipan ja recꞌaslemal teyaꞌaꞌ pa rukꞌaꞌ ja Dios, tiqꞌuejeꞌe ja repaciencia

1 Tesalonicenses 3:12

In nkajoꞌ chakajaꞌ chi ja kajaw Jesucristo nuyaꞌ ta chewe chi neban ja caniꞌ kabanon ajoj como ajoj nixkajoꞌ in queriꞌ ta neban ixix chakajaꞌ, ni ta newajoꞌ wiꞌ ewiꞌ in neꞌewajoꞌ ta canojelal ja winak chakajaꞌ.

1 Tesalonicenses 4:7

Como ja Dios arjaꞌ okrchaꞌon chi nkaban ja rutzil, ma itzel tak naꞌoj ta nrajoꞌ chake chi nkaban.

2 Timoteo 1:9

Ja Dios arjaꞌ xokrutoꞌ, xokruchaꞌ chi nkaban ja nrajoꞌ chake chi nkaban pro ma rmal ta chi cꞌo ta kachꞌecbej tok xuban queriꞌ chake, xa rmal ja rchomarsanto ojer in rmal ja rutzil arjaꞌ tok xuyaꞌ chake. Jariꞌ nij ojer wiꞌ rchomarsanto ja tok majaꞌn titzꞌucarsaj ja rwachꞌulew tok xchomarsaj chi nutakto ja Cristo Jesús chi katoꞌic.

2 Timoteo 2:10

In cumal ja rechaꞌon rmal ja Dios anin ncochꞌ nojel ja rpokonal utzcꞌa chi ejeꞌeꞌ nquewil ja totajem ja rcꞌamonto ja Cristo Jesús chake ja yukul kacꞌuꞌx ruqꞌuin utzcꞌa chi nyataj na chique ja gloria xin chilaꞌ chicaj pro ni chijutij.

2 Timoteo 2:19

Pro ja chake ajoj ja yukul kacꞌuꞌx ruqꞌuin ja Jesucristo, ja rbanon ja Dios chake ok caniꞌ jun jay bien tiquili ja rsimientoꞌil in mta yojtajic trij in caniꞌ tzꞌibtal chwach ja rsimientoꞌil quewariꞌ: —Ja kajaw Dios arjaꞌ rotak quewach ja winak nak chique ja katzij chi e rxin. In chakajaꞌ caniꞌ tzꞌibtali: —Canojel ja winak ja nquibij chi e xin Cristo rjawaxic chi nqueyaꞌ can ja ritzelal, neꞌe.

Santiago 2:5

Chakꞌlaj wachꞌalal, camic teyaꞌaꞌ ewxquin tre ja xtinbij chewe riꞌ ¿la ma ewotak ta cꞌa chi ja mebaꞌiꞌ waweꞌ chwachꞌulew Dios erchaꞌon chi neꞌoc e biyomaꞌ? Ja ocnak quibiyomal jariꞌ ja yukulbal quecꞌuꞌx ruqꞌuin ja Dios. Ejeꞌeꞌ cꞌo jun nimlaj herencia ja xtiyataj chique, jariꞌ herencia neqꞌuejeꞌe chijutij chipan ja gobierno xin Dios. Queriꞌ rtzujun ja Dios chique e janiꞌ neꞌajoꞌn rxin.

1 Pedro 1:2

Ixix ixchaꞌon rmal ja katataꞌ Dios, ix rxin chic como queriꞌ ja rchominto ojer, xixcoj pa rukꞌaꞌ rmal ja rEspíritu Santo. Queriꞌ ban chewe utzcꞌa chi nenimaj ja Jesucristo utzcꞌa chakajaꞌ chi nixchꞌachꞌojirsax chipan ja rewil emac rmal ja rquiqꞌuel. Xtibe ta pa nim checojol ja rutzil ja nsipaj ja Dios in xtiyaꞌ ta jun nimlaj quicotemal pa tak ewanma.

1 Pedro 1:20

Ja Dios tok majaꞌn tiwinakarsaj ja rwachꞌulew arjaꞌ rchominto chic chi nba̱n na sacrificar ja Cristo. Pro jariꞌ ma xbantaj ta chanim, cꞌa jawaꞌ xurbantaji chipan ja qꞌuisbal tiempo ja rokcꞌo wiꞌ riꞌ. Ja cꞌariꞌ xuban ja Dios pan ecuenta.

1 Pedro 2:9

Pro ja rixix ix tinamit rxin ja Dios, ixchaꞌon rmal. Arjaꞌ xixrpartiꞌij chi neban ja rsamaj. Ix sacerdote rxin ja nimlaj Rey ja cꞌo chilaꞌ chicaj. Jariꞌ samaj yatajnak chewe utzcꞌa chi neyaꞌ rbixic ja nimlaj samaj ja rbanon ja katataꞌ Dios. Kas turkaj chewe chi arjaꞌ lasan ewxin chipan ja kꞌekumal in camic ixrcojon chic pa rcuenta arjaꞌ pa jun nimlaj sakil.

2 Pedro 3:14

Rmalcꞌariꞌ nbij chewe chakꞌlaj wachꞌalal, como ajoj kayben jun cꞌacꞌa caj in cꞌacꞌa rwachꞌulew katijaꞌ cꞌa kakꞌij chi rbanic ja nrajoꞌ ja Dios chake chi nkaban utzcꞌa chi xa jun kabanon ruqꞌuin tok xkoꞌekaj chwach in chꞌajchꞌoj ja kanma in majun nak ta nokchapbexi.

1 Juan 4:16

Ajoj kotak chi ja Dios nokrajoꞌ, yukul kacꞌuꞌx ruqꞌuin ja rajoben riꞌil rcꞌan. Ja Dios ni rxin wiꞌ ni rcꞌan wiꞌ ja rajoben riꞌil. Kanojelal ja kucꞌan chic ja rajoben riꞌil xin Dios jariꞌ okcꞌo pa ranma ja Dios in queriꞌ chake ajoj chakajaꞌ cꞌoli ja Dios pa tak kanma.

Apocalipsis 13:8

In canojel ja recꞌo chwachꞌulew xexuqueꞌ chwach, queriꞌ queban canojel ja mta quebiꞌ tzꞌibtal chipan ja libro ja bar tzꞌibtal wiꞌ quebiꞌ ja yatajnak chique ja utzlaj cꞌaslemal ja mta qꞌuisic trij. Jariꞌ libro rxin ja Carnelo ja xoc jun sacrificio, ja camsaxi, in tok majaꞌn titzꞌucarsaxi ja rwachꞌulew ni chominto chi wiꞌ triꞌ chi queriꞌ nba̱n tre.

Apocalipsis 17:8

Ja ritzel chicop xatzꞌat arjaꞌ cꞌasli ja rojer pro ja camic mchita pro ncꞌaseꞌ chi na jutij. Arjaꞌ nelto chipan ja nimlaj jul ja cꞌa cꞌa nat nekaj wiꞌ xeꞌ ulew. Ja cꞌa tok elnakto chic chipan ja jul nbe chi na chipan ja nimlaj rpokonal. Ja winak ja recꞌo chwachꞌulew kas xticꞌascꞌoꞌi xtiquetzꞌat ja ritzel chicop, nqueyaꞌ na rukꞌij. Ejeꞌeꞌ riꞌ winak ja mta quebiꞌ tzꞌibtal chipan ja libro ja bar tzꞌibtal wiꞌ quebiꞌ ja yatajnak chique ja utzlaj cꞌaslemal ja mta qꞌuisic trij, jariꞌ biꞌaj tzꞌibtal chipan ja libro ja tok majaꞌn titzꞌucarsaxi ja rwachꞌulew. Ja winak ma chaka ta cꞌascꞌoꞌi xtiquetzꞌat ja chicop, rumac chi arjaꞌ cꞌasli ja rojer pro ja camic mchita pro ncꞌaseꞌ chi na jutij.