Efesios 1:3 - Tz'utujil (Ja Cꞌacꞌa Chominem)

³ Kas ta xtiyaꞌ rukꞌij ja Dios ja Tatixel rxin ja kajaw Jesucristo. Arjaꞌ jun Dios janila xuyaꞌ rutzil chake ja tok xa jun kaban ruqꞌuin ja Cristo. Xuyaꞌ chake nojel rwach ja rutzil ja rcꞌamonto ja rEspíritu Santo, xuyaꞌ chake chipan jun cꞌacꞌa cꞌaslemal ja xin chilaꞌ chicaj.

Tz'utujil NT

³ Kas xtya' ta ruk'ij Dios Ttixel rxin Kajaw Jesucristo. Arja' jun Dios ajni'la xuya' utzil chka tak xjun xkaban ruq'uin Cristo. Xuya' chka njelal rwech utzil jrec'mon ta Espíritu Santo, jle' utzil jmajo'n nkatz'et ta ruq'uin kk'awech.

Efesios 1:3 Iomraidhean Croise

San Lucas 2:28

Ja cꞌa Simeón tok xeꞌekaj ruqꞌuin xchꞌelej ja ti yaquiꞌ in xumaj ryaꞌic rukꞌij ja Dios, quewaꞌ xbij tre ja Dios riꞌ:

San Juan 14:20

Ja cꞌa tok xtipeti ja rEspíritu Santo jariꞌ bien nchꞌobtaj chic emwal chi anin xa jun kabanon ruqꞌuin ja Tatixel, bien nchꞌobtaj chic emwal triꞌ chi ixix xa jun ebanon wqꞌuin in anin chakajaꞌ xa jun nbanon ewqꞌuin.

San Juan 17:21

Camic nban pon orar pa quicuenta utzcꞌa chi xta jun xtiqueban canojelal ja winak ja nyukeꞌ quecꞌuꞌx wqꞌuin caniꞌ kabanon ajoj awqꞌuin Nataꞌ como atat xa jun abanon wqꞌuin in xa jun nbanon anin awqꞌuin chakajaꞌ. Ja kas ngana anin xta jun xtiqueban kuqꞌuin canojelal utzcꞌa ja winak ja xa ruqꞌuin rwachꞌulew yukul wiꞌ quecꞌuꞌx ejeꞌeꞌ xtiquinimaj chi atat attakyonto wxin.

San Juan 20:17

Ja cꞌa Jesús xbij tre: —Ma quinachap ta, quinasokpij como majaꞌn quinjoteꞌe ruqꞌuin ja Nataꞌ. Pro ja naban, jat cuqꞌuin ja wachꞌalal, jabij chique chi ninjoteꞌ na ruqꞌuin ja Nataꞌ. Arjaꞌ Etataꞌ ixix chakajaꞌ. Arjaꞌ Dios wxin anin in chakajaꞌ Dios ewxin ixix, neꞌ tre.

Romanos 12:5

In queriꞌ cꞌa chake ajoj chakajaꞌ ja rok xin Jesucristo, ok qꞌuiy pro xa jun cuerpo kabanon kanojelal, ok cuerpo rxin ja Cristo, xa jun kabanon, kayuklaꞌon kiꞌ chibil tak kiꞌ.

Romanos 15:6

Quirtariꞌ neban jutzꞌit utzcꞌa chi xa jun neban chi ryaꞌic rukꞌij ja Dios ja Tatixel rxin ja kajaw Jesucristo.

1 Corintios 1:30

Dios cꞌa yoyon chewe nojelal. Arjaꞌ yoyon chewe jun cꞌacꞌa cꞌaslemal pro xa rmal ja Cristo Jesús chewiꞌ tok ryaꞌon chewe. Arjaꞌ takoto rxin ja Cristo chi katoꞌic in xa rmal ja Cristo ja tok yatajnak chake ja naꞌoj xin Dios in xa rmal ja Cristo chakajaꞌ tok Dios nokrucꞌul in nuban chake caniꞌ mta kil kamac in xa rmal ja Cristo chakajaꞌ tok kꞌij kꞌij noc más chꞌajchꞌoj ja kanma in xa rmal ja Cristo chakajaꞌ tok ma ok preso chi ta pa rukꞌaꞌ ja il mac in noketotaj na chijutij.

1 Corintios 12:12

Caniꞌ rbanic ja racuerpo qꞌuiy rwach rcꞌan como cꞌo rukꞌaꞌ, cꞌo rkan, cꞌo parwach pro xa jun cuerpo rbanon. Nojel ja rcꞌan ja racuerpo masqui qꞌuiy rwach pro xa jun cuerpo rbanon. In queriꞌ cꞌa rbanic ja Cristo chakajaꞌ, masqui ok qꞌuiy ja yukul kacꞌuꞌx ruqꞌuin pro xa jun kabanon ruqꞌuin.

2 Corintios 1:3

Ni ta xtiyaꞌ wiꞌ rukꞌij ja Dios, arjaꞌ Dios in Tatixel rxin ja kajaw Jesucristo, arjaꞌ jun Tatixel ja ni rxin wiꞌ chi npokonaj kawach, arjaꞌ jun Dios ja ni rxin wiꞌ chi nyukbaꞌ kacꞌuꞌx.

2 Corintios 11:31

Ja Dios ja Tatixel rxin ja kajaw Jesucristo arjaꞌ bien rotak chi ni katzij wiꞌ ja nmajon rbixic chewe, arjaꞌ janila nim rukꞌij chijutij.

2 Corintios 5:17

Queriꞌ cꞌa rbanic, ja wi xa jun abanon ruqꞌuin ja Cristo jariꞌ at cꞌacꞌa winak chic, ja tzabuklaj tak naꞌoj awcꞌan nabey jariꞌ kꞌaxnak can chic, cꞌacꞌa chic nojelal.

2 Corintios 5:21

Quirtariꞌ neban jutzꞌit como ja Dios arjaꞌ trij ja Cristo xuyaꞌ wiꞌ ja kil kamac ja rok winak pro kumal ajoj tok xuban queriꞌ tre como ja Cristo ni majun ril rumac arjaꞌ. Queriꞌ xuban utzcꞌa tok xa jun kabanon ruqꞌuin ja Cristo jariꞌ utz chic nokrutzꞌat in nuban chic chake caniꞌ mta kil kamac kabanon.

Gálatas 3:9

Queriꞌ cꞌa rbanic, ja winak ja cꞌo yukulbal quecꞌuꞌx ruqꞌuin ja Dios ejeꞌeꞌ riꞌ ja nyataj chique ja rutzil xin Dios ja caniꞌ yataj tre ja rAbraham ojer como ja rAbraham arjaꞌ ni yukul wiꞌ rucꞌuꞌx ruqꞌuin ja Dios.

Efesios 1:10

Ni rchominto wiꞌ ja tiempo jeꞌe in tok xtitzꞌakati ja tiempo arjaꞌ nchomarsaj na nojelal ja yojtajnak jeꞌe in xa ruyon chic ja Cristo npeꞌe chic trij nojelal tanto tre ja cꞌo jeꞌe chilaꞌ chicaj in tre chakajaꞌ ja cꞌo jeꞌe chwachꞌulew.

Efesios 1:17

Nintzijon ruqꞌuin ja Dios rxin ja kajaw Jesucristo, jariꞌ Dios ja Tatixel ja ni rxin wiꞌ chi congana nim rukꞌij. Anin ncꞌutuj tre chi arjaꞌ nuyaꞌ chewe chi ja rEspíritu Santo nucoj ja naꞌoj xin Dios pa tak ewiꞌ pa tak ewanma in ncꞌutuj tre chakajaꞌ chi bien nkꞌalasaj chewach nak ja kas mero rbanic ja Dios.

Efesios 1:20

ja tok Dios xuyic ja Cristo chiquicojol camnakiꞌ in tok xjotbaꞌ chilaꞌ chicaj in triꞌ xtzꞌubaꞌ wiꞌ pa riquikꞌaꞌ.

Efesios 2:6

Ja Dios xuyaꞌ chake chi nkachbilaj ja Cristo, xuyaꞌ chake chi xokcꞌastaj ruqꞌuin, xokrtzꞌubaꞌ ruqꞌuin chilaꞌ chicaj, xa jun kabanon ruqꞌuin.

Efesios 3:10

Queriꞌ xuban ja Dios utzcꞌa chi ja lokꞌlaj tak ángel ja recꞌo chilaꞌ chicaj ejeꞌeꞌ nkꞌalasax chic chiquewach ja nimak tak naꞌoj xin Dios ja xucoj ja Dios chi rbanic cumplir ja rchominto ojer chi nuban pro kumal ajoj ja rok iglesia tok necowini ja ángel nquechꞌob ja wariꞌ.

Efesios 6:12

Queriꞌ nbij chewe como ja kas mero kacꞌulel ja kamajon chꞌaꞌoj cuqꞌuin ma ejeꞌeꞌ tariꞌ ja kach tak winak. Pro ja kas mero kacꞌulel ejeꞌeꞌ riꞌ canojelal ja ritzel tak ángel, juleꞌ itzel ángel ja nebano mandar waweꞌ chwachꞌulew pa tak quewiꞌ pa tak canma ja winak ja xa kꞌekumal ecꞌayon, juleꞌ itzel tak espíritu ja neqꞌuejeꞌ chicaj chipan ja aire.

Filipenses 2:11

Queriꞌ rbanon ja Dios utzcꞌa chi canojelal ja winak quewaꞌ xtiquibij riꞌ: —Ja Jesucristo arjaꞌ Rajaw nojelal. Queriꞌ xtiquibij na tre xa nak ta chi tzobalil netzijon wiꞌ. Ja tok queriꞌ nqueban jariꞌ noc yaꞌbal rukꞌij ja Dios ja Tatixel.

Hebreos 8:5

Pro ja samaj ja nqueban ejeꞌeꞌ xa rachbal xa cꞌutbal rxin ja majtajnak rbanic chilaꞌ chicaj, xa caniꞌ rnatuꞌ ja nqueban. Caniꞌ xuban ja Moisés tok xajalal majaꞌn tumaj rbanic ja rochoch Dios waweꞌ chwachꞌulew ja tzꞌum in tziak ocnak, quewaꞌ bix tre rmal ja Dios riꞌ: —Nojelal ja xtaban ni rjawaxic wiꞌ chi junan nel ruqꞌuin ja caniꞌ cꞌut chawach parwiꞌ ja jayuꞌ, neꞌxi. Rmalcꞌariꞌ tok kotak chi ja netajini nqueban ja sacerdote jariꞌ xa rachbal xa cꞌutbal rxin ja cꞌo jeꞌe chilaꞌ chicaj.

Hebreos 9:23

Chewiꞌ cꞌa tok rjawaxic chi noqui ja quiquiqꞌuel chicop chi rchꞌachꞌojirsbexic ja nakun jeꞌe ja xa rachbal ja cꞌo jeꞌe chilaꞌ chicaj. Pro ja tre ja mero cꞌo jeꞌe chilaꞌ chicaj ja xa ma rachbal ta rjawaxic jun sacrificio ja más chi na utz chwach ja quiquiqꞌuel chicop.

1 Pedro 1:3

Kayaꞌaꞌ rukꞌij ja Dios, arjaꞌ Tatixel rxin ja kajaw Jesucristo, congana xpokonaj kawach, xuyaꞌ chake chi xokalax chic jutij. Ja Jesucristo arjaꞌ yataj tre rmal ja Dios chi cꞌastaj rwach chiquicojol ja camnakiꞌ chewiꞌ tok yataj chake chi xokalax chic jutij. Rmalariꞌ tok ni maticapuj wiꞌ kacꞌuꞌx chi raybexic ja rutzil xin Dios